Mikeas 3

BSNP Edita

Mikeas 3

3:1 I Mi a bisa: "Tende awor, kabesantenan di Jakòb i gobernantenan di e kas di Israel. Boso no mester konosé hustisia?

3:2 Boso ku ta odia bondat i ta stima maldat, ku ta ranka e kueru di Mi pueblo kita for di nan kurpa i e karni for di nan wesunan,

3:3 i ku ta kome e karni di Mi pueblo, ku ta ranka nan kueru kita for di nan kurpa, ku ta kibra nan wesunan, i ku ta kap nan na pida-pida manera karni pa bai wea, i manera karni den wea."

3:4 E ora ei nan lo sklama na SEÑOR, ma E lo no kontestá nan. Alkontrario, E lo skonde Su kara pa nan e tempu ei, pasobra nan echonan tabata malu.

3:5 Asina SEÑOR ta bisa tokante di e profetanan ku ta hasi Mi pueblo dwal; ora nan tin algu pa morde ku nan djente, nan ta grita: "Pas," ma kontra esun ku no ta pone nada den nan boka, nan ta deklará guera santu.

H3541 -- Asina -> Thus
H559 -- SEÑOR ta bisa -> says
H5921 -- tokante di -> concerning
H5030 -- e profetanan -> the prophets
H8582 -- ku ta hasi -> who lead
H5971a -- Mi pueblo -> my people
H8582 -- dwal; -> astray
H5391a -- ora nan tin algu pa morde -> ] to bite
H8127 -- ku nan djente, -> with their teeth
H7121 -- nan ta grita: -> They cry
H7965 -- "Pas," -> Peace
H5921 -- ma kontra -> But against
H834 -- esun ku -> him who
H5414 -- no ta pone -> puts
H3808 -- nada -> nothing
H6310 -- den nan boka, -> in their mouths
H6942 -- nan ta deklará -> They declare
H6942 -- guera santu. -> holy
H4421 -- guera santu. -> war

3:6 Pesei lo ta nochi pa boso--sin vishon, i skuridat pa boso--sin adivinashon. Solo lo drenta ofer di e profetanan, i dia lo bira skur ofer di nan.

3:7 E miradónan lo keda na bèrguensa, i e adivinadónan lo keda brongosá. Di bèrdat, nan tur lo tapa nan boka, pasobra no ta bin kontesta for di Dios.

3:8 Ma alkontrario, ami ta yen di poder-- ku e Spiritu di SEÑOR-- i ku hustisia i kurashi pa hasi Jakòb konosé su echo di rebeldia, i Israel su piká.

3:9 Awor tende esaki, kabesantenan di e kas di Jakòb i gobernantenan di e kas di Israel, kendenan ta aboresé hustisia i ta trose tur kos ku ta stret,

3:10 kendenan ta konstruí Sion ku dramamentu di sanger i Jerusalèm ku inhustisia violento.

3:11 Su lidernan ta pronunsiá huisio pa plaka pasá bou di mesa, su saserdotenan ta instruí pa un preis, i su profetanan ta adiviná pa plaka. Tòg nan ta stèns riba SEÑOR, bisando: "SEÑOR no ta meimei di nos? Kalamidat lo no bin riba nos."

3:12 Pesei, pa kousa di boso, Sion lo wòrdu geplug manera un kunuku, Jerusalèm lo bira un monton di ruina, i e seru di e tèmpel lo bira lugánan haltu di mondi-será.

Mikeas 2 Mikeas 4