Mikeas 1

BSNP Edita

Mikeas 1

1:1 E palabra di SEÑOR, ku a yega na Mikeas di Moreset den e dianan di Jotam, Akaz i Ezekias, reinan di Juda, ku el a mira tokante di Samaria i Jerusalèm.

1:2 Tende, O pueblonan, boso tur; skucha, O tera i tur loke ku e ta kontené, i laga Señor DIOS ta testigu kontra boso, Señor for di Su tèmpel santu.

1:3 Pasobra mira, SEÑOR ta sali for di Su lugá. E lo baha bin i trapa riba e lugánan haltu di tera.

1:4 E serunan lo dirti bou di djE, i e vayenan lo wòrdu gespleit, manera was dilanti di kandela, manera awa bashá for di un lugá steil.

1:5 Tur esaki ta pa motibu di e rebeldia di Jakòb i pa motibu di e pikánan di e kas di Israel. Kiko ta e rebeldia di Jakòb? No ta Samaria? Kiko ta e lugá haltu di Juda? No ta Jerusalèm?

1:6 Pasobra lo Mi hasi Samaria un monton di ruina den kunuku habrí, lugánan pa planta kunuku di wendrùif. Lo Mi basha su piedranan abou den e vaye i hasi su fundeshinan keda bisto.

1:7 Tur su ídolonan lo wòrdu kibrá na pida-pida, tur su ganashi lo wòrdu kimá ku kandela, i tur su imagennan lo Mi hasi bira desolá. Pasobra el a kolektá nan dor di ganashi di prostitushon, i na ganashi di prostitushon nan lo bolbe.

H3605 -- tur -> all
H6456 -- su ídolonan -> of her idols
H3807 -- lo wòrdu kibrá na pida-pida -> will be smashed
H3605 -- , tur -> All
H868 -- su ganashi -> of her earnings
H8313 -- lo wòrdu kimá -> will be burned
H784 -- ku kandela -> with fire
H6091 -- su imagennan -> of her images
H7760 -- lo Mi hasi -> I will make
H8077 -- bira desolá -> desolate
H6908 -- . Pasobra el a kolektá -> For she collected
H2181 -- nan dor di ganashi di prostitushon -> ] from a harlot’s
H868 -- ganashi -> earnings
H868 -- , i na ganashi -> And to the earnings
H2181 -- di prostitushon -> of a harlot
H7725 -- nan lo bolbe -> they will return
H3605 -- i tur -> and all

1:8 Pa motibu di esaki mi mester lamentá i yora, mi mester kana pia abou i sunú; mi mester lamentá manera chakál i grita yora manera abestrus.

1:9 Pasobra su herida ta inkurabel, pasobra esaki a yega na Juda; el a yega na porta di mi pueblo, te na Jerusalèm.

1:10 No konta esaki na Gad, no yora mes. Lora bo mes den stòf na Bèt-le-afra.

1:11 Sigui bo kaminda, habitante di Safir, den desnudes bèrgonsoso. E habitante di Zaanan no ta skapa. E lamentashon di Bèt-esel: "E lo kita su sosten for di bo."

1:12 Pasobra e habitante di Marot ta bira debil, sperando alivio, pasobra kalamidat a baha bin for di SEÑOR na e porta di Jerusalèm.

1:13 Gancha e kabainan na e garoshi, O habitante di Lakis-- e tabata e kuminsamentu di piká pa e yu muhé di Sion-- pasobra den boso a wòrdu hañá e echonan di rebeldia di Israel.

1:14 Pesei boso lo duna regalo di despedida na Moreset-gat; e kasnan di Akzib lo bira un engaño pa e reinan di Israel.

1:15 Ademas, lo Mi trese e konkistadó kontra bo, O habitante di Maresa. E gloria di Israel lo drenta Adulam.

1:16 Hasi bo mes pelon, i kòrta bo kabei kita tur afó, pa motibu di e yunan den kendenan bo tin delisia; pela bo kabes mes pelon ku águila, pasobra nan lo bai for di bo den eksilio.

Yonas 4 Mikeas 2