Levitiko 21

BSNP Edita

Levitiko 21

21:1 E ora ei SEÑOR a bisa Moisés: "Papia ku e saserdotenan, yu hòmbernan di Aaron, i bisa nan: 'Ni un hende no mester kontaminá su mes pa un morto meimei di su pueblo,

21:2 ku eksepshon di su famianan di mas yegá: su mama, su tata, su yu hòmber, su yu muhé i su ruman hòmber;

21:3 tambe su ruman muhé birgen ku ta su famia yegá, pasobra e no tabatin esposo; pa esaki e mag kontaminá su mes.

21:4 Komo famia dor di matrimonio e no mester kontaminá su mes meimei di su pueblo, i asina profaná su mes.

21:5 'Nan no mester traha ningun plèki pelon riba nan kabes, ni feita e rantnan di nan barba, ni hasi ningun kòrtá na nan kurpa.

21:6 Nan mester ta santu pa nan Dios i no profaná e nòmber di nan Dios, pasobra ta nan ta presentá e ofrendanan di kandela na SEÑOR, e pan di nan Dios; pesei nan mester ta santu.

21:7 'Nan no mester tuma un muhé ku ta keda profaná dor di prostitushon, ni tuma un muhé ku ta diborsiá di su esposo; pasobra e saserdote ta santu pa su Dios.

21:8 Pesei bo mester konsagr'é, pasobra t'é ta ofresé e pan di bo Dios; e mester ta santu pa bo; pasobra Ami SEÑOR, Kende ta santifiká boso, ta santu.

21:9 'Tambe yu muhé di un saserdote, si e profaná su mes dor di prostitushon, e ta profaná su tata; e mester wòrdu kimá ku kandela.

21:10 'I e saserdote ku ta esun di mas haltu entre su rumannan, riba kende su kabes e zeta di unshon a wòrdu bashá i ku a wòrdu konsagrá pa bisti e pañanan, no mester kita kabes sunú, ni sker su pañanan;

21:11 ni e no mester aserká ningun morto, ni kontaminá su mes pa su tata òf pa su mama;

21:12 ni e no mester sali for di e santuario, ni profaná e santuario di su Dios; pasobra e konsagrashon di e zeta di unshon di su Dios ta riba djé: Ami ta SEÑOR.

21:13 'I e mester tuma un muhé birgen komo esposa.

21:14 Un biuda òf un muhé diborsiá òf un muhé ku ta keda profaná dor di prostitushon, esakinan e no mag tuma; ma mas bien e mester kasa ku un birgen di su mes pueblo,

21:15 pa e no profaná su desendensia entre su pueblo, pasobra Ami ta SEÑOR, Kende ta santifik'é.'"

21:16 E ora ei SEÑOR a papia ku Moisés, bisando:

21:17 "Papia ku Aaron, bisando: 'Ningun hòmber di bo desendensia durante di tur nan generashonnan, ku tin un defekto, no mag yega serka pa ofresé e pan di su Dios.

21:18 Pasobra ningun hòmber ku tin un defekto no mag yega serka: un hòmber siegu, òf un hòmber lam, òf un hòmber ku tin kara desfigurá òf kualke miembro di kurpa mal formá,

21:19 òf un hòmber ku tin un pia kibrá òf man kibrá,

21:20 òf un hòmber ku tin lomba di bahul, òf un enano, òf un hòmber ku tin un defekto na su wowo òf eksema òf sarna òf testíkulo plèchá.

21:21 Ningun hòmber den e desendensia di saserdote Aaron ku tin un defekto no mag yega serka pa ofresé e ofrendanan di kandela di SEÑOR; siendo ku e tin un defekto, e no mag yega serka pa ofresé e pan di su Dios.

H3808 -- Ningun -> ‘No
H376 -- hòmber -> man
H4480 -- den -> among
H2233 -- e desendensia -> the descendants
H3548 -- saserdote -> the priest
H175 -- di Aaron -> of Aaron
H834 -- ku -> who
H4140b -- tin un defekto -> has a defect
H5066 -- no mag yega -> is to come
H5066 -- serka -> near
H7126 -- pa ofresé -> to offer
H801 -- e ofrendanan -> offerings
H801 -- di kandela -> by fire
H4140b -- sendo ku e tin un defekto -> ] he has a defect
H5066 -- e no mag yega -> he shall not come
H5066 -- serka -> near
H7126 -- pa ofresé -> to offer
H3899 -- e pan -> the food
H430 -- di su Dios -> of his God

21:22 E mag kome e pan di su Dios, tantu esun di mas santu komo esun santu;

21:23 solamente e no mester bai tras di e velo ni yega serka di e altar, pasobra e tin un defekto, pa e no profaná Mi santuarionan. Pasobra Ami ta SEÑOR, Kende ta santifiká nan.'"

21:24 Asina Moisés a papia ku Aaron i ku su yu hòmbernan i ku tur e yunan di Israel.

Levitiko 20 Levitiko 22