Yozue 15
15:1
Awor e lòt pa e tribu di e yu hòmbernan di Juda, segun nan famianan, a yega te na e frontera di Edòm, bai sùit na e desierto di Zin, ku ta keda na e parti di mas pasùit.
15:2
I nan frontera pasùit tabata for di e punta mas abou di Laman Salu, for di e bahía ku ta bira bai sùit.
15:3
E ora ei e tabata pasa bai sùit te na e subida di Akrabim, sigui pa Zin. Despues e tabata subi pasa pasùit di Kades-barnea, sigui pa Hezron, i tabata subi bai Adar, i bira bai Karka.
15:4
I e tabata sigui pa Asmon, i pasa bai te na e roi di Egipto; i e frontera tabata kaba na laman. Esaki lo ta boso frontera pasùit.
15:5
I e frontera pariba tabata Laman Salu, te na boka di Jordan. I e frontera panòrt tabata for di e bahía di laman, na boka di Jordan.
15:6
E ora ei e frontera tabata subi bai Bèt-hogla, sigui parti panòrt di Bèt-arabá, i e frontera tabata subi bai na e piedra di Bohan, yu hòmber di Ruben.
15:7
I e frontera tabata subi bai Debir for di e vaye di Akor, i bira bai nòrt den direkshon di Gilgal ku ta keda enfrente di e subida di Adumin, ku ta keda parti pasùit di e vaye; i e frontera tabata sigui bai na e awanan di En-semes i e tabata kaba na En-rogel.
15:8
E ora ei e frontera tabata pasa den e vaye di Bèn-hinom bai na e bahada di e jebuseo parti pasùit (esta, Jerusalèm); i e frontera tabata subi bai na kabes di e seru ku ta keda dilanti di e vaye di Hinom bai pabou, ku ta keda na final di e vaye di Refaim den direkshon nòrt.
15:9
I for di kabes di e seru e frontera tabata lora bai na e fuente di e awanan di Neftoa, i pasa bai te na e statnan di Seru Efron. Anto e frontera tabata lora bai Baala (esta, Kiriat-jearim).
15:10
I e frontera tabata bira bai for di Baala bai pabou na Seru Seir i tabata sigui bai na e bahada di Seru Jearim parti panòrt (esta, Kesalon), i e tabata baha bai Bèt-semes, i sigui dor di Timna.
15:11
I e frontera tabata pasa banda di Ekron bai nòrt. Anto e frontera tabata lora bai Sikron, i tabata sigui pa Seru Baala, i pasa bai Jabneel, i e frontera tabata kaba na laman.
15:12
I e frontera di pabou tabata keda na Laman Grandi i su kosta. Esaki ta e frontera rònt di e yu hòmbernan di Juda segun nan famianan.
15:13
Awor el a duna Kalèb, yu hòmber di Jefone, un parti meimei di e yu hòmbernan di Juda, konforme e òrdu di SEÑOR na Josué, esta, Kiriat-arba; Arba tabata tata di Anak (esta, Hebròn).
15:14
I Kalèb a kore ku e tres yu hòmbernan di Anak for di ayanan: Sesai, Ahiman i Talmai, e yu hòmbernan di Anak.
15:15
Despues el a subi bai for di ayanan kontra e habitantenan di Debir; awor antes nòmber di Debir tabata Kiriat-sefer.
15:16
I Kalèb a bisa: "Esun ku ataká Kiriat-sefer i kaptur'é, esei lo mi duna mi yu muhé Aksa komo esposa."
15:17
I Otoniel, yu hòmber di Kenaz, ruman di Kalèb, a kaptur'é; asina el a dun'é su yu muhé Aksa komo esposa.
15:18
I a sosodé ku ora Aksa a bin serka djé, el a konvens'é pa pidi su tata un kunuku. Asina Aksa a baha for di su buriku, i Kalèb a bis'é: "Kiko bo kier?"
15:19
E ora ei Aksa a bisa: "Dunami un bendishon; unabes ku bo a dunami tera di Negèv, dunami tambe fuentenan di awa." Asina el a dun'é e fuentenan ariba i e fuentenan abou.
15:20
Esaki ta e erensia di e tribu di e yu hòmbernan di Juda segun nan famianan.
15:21
Awor e statnan di e tribu di e yu hòmbernan di Juda, kualnan ta keda na e parti mas alehá den direkshon di e frontera di Edòm den sùit, tabata: Kabseel, Edar i Jagur,
15:22
Kina, Dimona, Adada,
15:23
Kedes, Hazor, Itnan,
15:24
Zif, Telem, Bealot,
15:25
Hazor-hadata, Keriot-hezron (esta, Hazor)
15:26
Amam, Sema, Molada,
15:27
Hazar-gada, Hesmon, Bèt-pelet,
15:28
Hazar-sual, Beerseba, Bizotia,
15:29
Baala, Iim, Esem,
15:30
Eltolad, Kesil, Horma,
15:31
Siklag, Madmana, Sansana,
15:32
Lebaot, Silhim, Ain i Rimon; na tur, bint'i nuebe stat ku nan pueblitonan.
15:33
Den e sabananan: Estaol, Zora, Asena,
15:34
Zanoa, En-ganim, Tapúa, Enam,
15:35
Jarmut, Adulam, Soko, Azeka,
15:36
Saaraim, Aditaim, Gedera i Gederotaim; dieskuater stat ku nan pueblitonan.
15:37
Zenan, Hadasa, Migdal-gad,
15:38
Dilean, Mizpa, Jokteel,
15:39
Lakis, Bozkat, Eglon,
15:40
Kabon, Lahmas, Kitlis,
15:41
Gederot, Bèt-dagon, Naama i Makeda; dieseis stat ku nan pueblitonan.
15:42
Libna, Eter, Asan,
15:43
Jifta, Asena, Nezib,
15:44
Keila, Akzib i Maresa; nuebe stat ku nan pueblitonan.
15:45
Ekron, ku su statnan i ku su pueblitonan;
15:46
for di Ekron te na laman, tur loke tabata banda di Asdod, ku nan pueblitonan.
15:47
Asdod, su statnan i su pueblitonan; Gaza, su statnan i su pueblitonan; te na roi di Egipto i Laman Grandi, ku su kosta.
15:48
I den e serunan: Samir, Jatir, Soko,
15:49
Dana, Kiriat-sana (esta, Debir),
15:50
Anab, Estemoa, Anim,
15:51
Gosen, Holon i Gilo; diesun stat ku nan pueblitonan.
15:52
Arab, Duma, Esan,
15:53
Janum, Bèt-tapúa, Afeka,
15:54
Humta, Kiriat-arba (esta, Hebròn), i Sior; nuebe stat ku nan pueblitonan.
15:55
Maon, Karmel, Zif, Juta,
15:56
Jezreel, Jokdeam, Zanoa,
15:57
Kain, Gabaa, i Timna; dies stat ku nan pueblitonan.
15:58
Halhul, Bèt-sur, Gedor,
15:59
Maarat, Bèt-anot, i Eltekon; seis stat ku nan pueblitonan.
15:60
Kiriat-baal (esta, Kiriat-jearim) i Raba; dos stat ku nan pueblitonan.
15:61
Den desierto: Bèt-arabá, Midin, Sekaka,
15:62
Nibsan, e Stat di Salu i En-gadi; seis stat ku nan pueblitonan.
15:63
Awor pa loke ta e jebuseonan, e habitantenan di Jerusalèm, e yu hòmbernan di Juda no por a kore ku nan; asina e jebuseonan ta biba huntu ku e yu hòmbernan di Juda na Jerusalèm te dia djawe.