Yoel 3

BSNP Edita

Yoel 3

3:1 "Pasobra mira, den e dianan ei i den e tempu ei, ora Mi trese Juda i Jerusalèm bèk for di koutiverio,

3:2 lo Mi reuní tur e nashonnan hiba nan na e vaye di Josafat. E ora ei lo Mi drenta huisio ku nan ayanan na fabor di Mi pueblo i Mi erensia, Israel, ku nan a plama entre e nashonnan; i nan a dividí Mi tera.

3:3 Tambe nan a tira lòt riba Mi pueblo, a kambia un mucha hòmber pa un prostituta, i a bende un mucha muhé pa biña pa nan bebe.

3:4 "Awor kiko boso tin kontra Mi, O Tiro, Sidon i tur e regionnan di Filistea? Ta paga boso ta pagaMi bèk pa algu ku Mi a hasi? Si boso ta pagaMi bèk, pronto i masha lihé lo Mi debolbé riba boso mes kabes loke boso a hasi.

3:5 Pasobra boso a kohe Mi plata i Mi oro, a hiba Mi tesoronan presioso den boso tèmpelnan,

3:6 i a bende e yunan di Juda i di Jerusalèm ku e griegonan, pa hiba nan leu for di nan teritorio.

3:7 "Mira, Mi ta bai lanta nan for di e lugá kaminda boso a bende nan, i debolbé riba boso mes kabes loke boso a hasi.

3:8 Tambe lo Mi bende boso yu hòmbernan i boso yu muhénan den man di e yu hòmbernan di Juda; i nan lo bende nan ku e sabeonan, ku un nashon te leu aya," pasobra SEÑOR a papia.

3:9 Proklamá esaki meimei di e nashonnan: prepará un guera; lanta e hòmbernan poderoso! Laga tur e sòldánan hala serka, laga nan subi.

3:10 Bati boso plugnan traha spada ku nan, i bati boso skèrnan-pa-snui traha lansa ku nan; laga e debil bisa: "Mi ta un hòmber poderoso."

3:11 Pura bin, boso, nashonnan tur rònt, i reuní ayanan. Laga Bo hòmbernan poderoso baha, O SEÑOR.

3:12 Laga e nashonnan lanta i bin na e vaye di Josafat, pasobra ayanan lo Mi sinta pa huzga tur e nashonnan tur rònt.

3:13 Zwai ku sikkel, pasobra e kosecha ta hechu. Bin, trapa wendrùif, pasobra e baki-di-pèrs-wendrùif ta yen; e barínan ta basha ofer, pasobra nan maldat ta grandi.

3:14 Multitutnan, multitutnan den e vaye di desishon! Pasobra e dia di SEÑOR ta serka den e vaye di desishon.

3:15 Solo i luna ta bira skur, i e streanan ta pèrdè nan klaridat.

3:16 I SEÑOR ta brama for di Sion i ta lanta Su bos for di Jerusalèm, i e shelunan i e tera ta tembla. Ma SEÑOR ta un refugio pa Su pueblo i un fortalesa pa e yunan di Israel.

3:17 E ora ei boso lo sa ku Ami ta SEÑOR boso Dios, Kende ta biba na Sion, Mi seru santu. Asina Jerusalèm lo ta santu, i stranheronan lo no pasa mas dor di djé.

3:18 I lo sosodé ku den e dia ei e serunan lo gotia biña dushi, i e seritunan lo tin lechi ta kore na abundansia; i tur e roinan di Juda lo basha ofer ku abundansia di awa. I lo sali un fuente for di e kas di SEÑOR, pa muha e vaye di Sitim.

H3117 -- I lo sosodé ku den e dia ei -> And in that day
H2022 -- e serunan -> The mountains
H5197 -- lo gotia -> will drip
H6071 -- biña dushi -> with sweet
H6071 -- biña dushi -> wine
H1389 -- , i e seritunan -> And the hills
H1980 -- lo tin lechi ta kore na abundansia -> will flow
H2461 -- lechi ta kore na abundansia -> with milk
H650 -- tur e roinan -> the brooks
H3063 -- di Juda -> of Judah
H1980 -- lo basha ofer ku abundansia di awa -> will flow
H4325 -- ku abundansia di awa -> with water
H4599 -- . I lo sali un fuente -> And a spring
H3318 -- lo sali -> will go
H1004 -- for di e kas -> out from the house
H5158a -- e vaye -> the valley
H7851 -- di Sitim -> of Shittim
H3605 -- tur -> and all
H8248 -- pa muha -> to water

3:19 Egipto lo bira un ruina, i Edòm lo bira un mondi desolá, pa motibu di e violensia hasí na e yu hòmbernan di Juda, den kende nan tera nan a drama sanger inosente.

3:20 Ma Juda lo ta habitá pa semper, i Jerusalèm pa tur generashon.

3:21 I lo Mi venga nan sanger ku Mi no a venga; pasobra SEÑOR ta biba na Sion.

Yoel 2 Amos 1