Job 4

BSNP Edita

4:1 E ora ei Elifaz e temanita a kontestá:

4:2 "Si un hende riska papia un palabra ku bo, lo bo keda desanimá? Ma ken por keda sin papia?

4:3 Mira, bo a spièrta hopi hende, i bo a fortalesé mannan debil.

4:4 Bo palabranan a yuda esnan ku ta trompeká pa nan keda para, i bo a fortalesé rudianan debil.

4:5 Ma awor esaki a pasa ku bo i bo ta keda desanimá; e ta afektábo i bo ta keda desmayá.

4:6 No ta bo temor pa Dios ta bo konfiansa, i e integridat di bo kamindanan bo speransa?

4:7 "Pensabo bon awor: ken a yega di peresé, siendo inosente? Of unda e hustunan a wòrdu destruí?

4:8 Konforme loke mi a mira: esnan ku plug inikidat i esnan ku sembra problema, ta kosechá esei.

4:9 Dor di e rosea di Dios nan ta peresé, i dor di e suplamentu di Su rabia nan ta yega na un fin.

4:10 E gruñamentu di leon i e gritu di leon feros, i e djentenan di leon chikitu ta wòrdu kibrá.

4:11 Leon bieu ta peresé pa falta di proi, i e yunan di leon muhé ta wòrdu plamá.

4:12 "Awor na sekreto un palabra a wòrdu tresí pa mi, i mi orea a kapta algu di djé.

4:13 Durante di pensamentunan intrankil for di vishonnan di anochi, ora ku soño profundo ta baha riba hende,

4:14 spantu i temblamentu a bin riba mi i a hasi tur mi wesunan sakudí.

4:15 E ora ei un spiritu a pasa dilanti di mi kara; kabei di mi kueru a reis.

4:16 El a keda para, ma mi no por a diserní su aparensia; un figura tabata dilanti di mi wowo; tabatin silensio, e ora ei mi a tende un bos:

4:17 'Humanidat por ta hustu dilanti di Dios? Un hende por ta puru dilanti di Esun ku a trah'é?

4:18 E no ta pone konfiansa ni sikiera den Su sirbidónan, i E ta kulpa Su angelnan di eror.

4:19 Kuantu mas esnan ku ta biba den kasnan di klei, kende nan fundeshi ta den stòf, kendenan ta keda plèchá manera mòt!

4:20 Entre mainta i atardi nan ta wòrdu kibrá na pida-pida; nan ta peresé pa semper, sin ku ningun hende ta ripará.

4:21 Kabuya di nan tènt no ta wòrdu ranká? Nan ta muri, ma sin sabiduria.'

Job 3 Job 5