Isaias 8

BSNP Edita

Isaias 8

8:1 E ora ei SEÑOR a bisami: "Kohe un tabla grandi pa bo mes i skirbi riba djé ku lèter ku tur hende por lesa: Maher-salal-hasbaz.

8:2 I lo Mi tuma pa Mi mes testigunan fiel pa testimonio, saserdote Urias i Zakarias, yu hòmber di Jeberekias."

8:3 E ora ei mi a bai serka e profeta muhé, i el a konsebí i a duna lus na un yu hòmber. Anto SEÑOR a bisami: "Yam'é Maher-salal-hasbaz,

8:4 pasobra promé ku e mucha por bisa 'Mi tata' òf 'Mi mama,' e rikesa di Damasko i e botín di Samaria lo wòrdu hibá dilanti di rei di Asiria."

8:5 Atrobe SEÑOR a papia ku mi, bisando:

8:6 "Komo ku e hendenan aki a nenga e awanan di Siloé ku ta kore suave asina, i ta gosa den Rezin i den e yu hòmber di Remalias,

8:7 pesei awor, mira, Señor ta bai trese riba nan e awanan poderoso i abundante di Riu Eufrates, esta, rei di Asiria i tur su gloria; i esei lo subi pasa ofer di tur su kanalnan i pasa ofer di tur su oriyanan.

H3651 -- pesei awor, -> Now therefore
H2009 -- mira, -> behold
H136 -- Señor -> the Lord
H5927 -- ta bai trese -> is about to bring
H6099 -- riba nan e awanan poderoso -> on them the strong
H4325 -- awanan -> waters
H7227a -- i abundante -> and abundant
H5921 -- riba -> over
H5104 -- di Riu Eufrates, -> of the Euphrates
H4428 -- esta, rei -> ] the king
H804b -- di Asiria -> of Assyria
H3519b -- i tur su gloria; -> his glory
H5927 -- i esei lo subi -> And it will rise
H5921 -- pasa ofer -> up over
H650 -- di tur su kanalnan -> its channels
H1980 -- i pasa -> and go
H1415 -- ofer di tur su oriyanan. -> its banks
H3605 -- i tur -> and all
H3605 -- tur -> all
H3605 -- tur -> all

8:8 Anto e lo penetrá drenta Juda; e lo pasa ofer i sigui bai; e lo yega te na garganta, i su halanan habrí lo yena e hanchura di bo tera, O Emanuel.

8:9 "Sea kibrá, O pueblonan, i sea destrosá; i skucha, tur lugá di mundu ku ta keda leu. Faha boso mes i sea destrosá; faha boso mes i sea destrosá.

8:10 Traha un plan, ma e lo wòrdu strobá; papia un palabra, ma esaki lo no tuma lugá, pasobra Dios ta ku nos."

8:11 Pasobra asina SEÑOR a papia ku mi ku gran poder i a instruími pa no kana den e kaminda di e pueblo aki, bisando:

8:12 "No bisa: 'Esaki ta un kòmplòt', tokante di tur loke e pueblo aki ta yama kòmplòt; i no teme loke nan ta teme, ni tene miedu di djé.

8:13 Ta e SEÑOR di ehérsitonan boso mester konsiderá komo santu; E ta Esun ku boso mester teme, i E ta Esun di Kende boso mester tin miedu.

8:14 E ora ei E lo bira un santuario; ma pa tur dos e kasnan di Israel E lo bira un piedra pa trompeká riba djé i un baranka ku ta hasi nan kai, i un laso i un trampa pa e habitantenan di Jerusalèm.

8:15 Hopi di nan lo trompeká riba nan; nan lo kai i wòrdu kibrá; nan lo wòrdu kohí den trampa i wòrdu kapturá."

8:16 Mara e testimonio, seya e lei entre mi disipelnan.

8:17 I lo mi spera riba SEÑOR, Kende ta skonde Su kara pa e kas di Jakòb; i lo mi busk'E.

8:18 Mira, ami i e yunan ku SEÑOR a dunami ta pa señalnan i maraviyanan den Israel di parti di e SEÑOR di ehérsitonan, Kende ta biba riba Seru Sion.

8:19 I ora nan bisabo: "Konsultá ku e montadónan i e spiritistanan, kendenan ta papia ketu-ketu i ta murmurá"--no ta ku su Dios un pueblo mester konsultá? E mester konsultá ku e mortonan pa e bibunan?

8:20 Bai na e lei i na e testimonio! Si nan no ta papia konforme e palabra aki, ta pasobra nan no tin lus den nan.

8:21 I nan lo pasa dor di e tera ku angustia i hamber. I lo sosodé ku ora nan tin hamber, nan lo ta furioso; i mirando ariba, nan lo maldishoná nan rei i nan Dios.

8:22 Anto nan lo mira na tera, i ata, ansha i skuridat, e tiniebla di angustia; i nan lo wòrdu pushá den skuridat.

Isaias 7 Isaias 9