Isaias 6

BSNP Edita

Isaias 6

6:1 Den e aña ku rei Uzias a muri mi a mira Señor sintá riba un trono, haltu i elevá, i e kola di Su mantel tabata yena e tèmpel.

6:2 Serafinnan tabata pará ariba di djE. Kada un tabatin seis hala; ku dos e tabata tapa su kara, ku dos e tabata tapa su pianan i ku dos e tabata bula.

6:3 I un tabata yama bisa otro: "Santu, Santu, Santu, ta e SEÑOR di ehérsitonan, henter tera ta yen di Su gloria."

6:4 I e fundeshinan di e drèmpelnan a tembla na zonidu di e bos di esun ku tabata yama, mientras ku e tèmpel tabata yena ku huma.

6:5 E ora ei mi a bisa: "Ai di mi, pasobra mi ta ruiná! Pasobra mi ta un hòmber di lep impuru, i mi ta biba meimei di un pueblo di lep impuru; pasobra mi wowo a mira e Rei, e SEÑOR di ehérsitonan."

6:6 E ora ei un di e serafinnan a bula bin serka mi, ku un karbon sendí den su man ku el a kohe ku pins for di e altar.

6:7 I kuné el a mishi ku mi boka i a bisa: "Mira, esaki a mishi ku bo lepnan; i bo inikidat ta kitá, i bo piká ta pordoná."

6:8 Despues mi a tende e bos di Señor ta puntra: "Ken lo Mi manda i ken lo bai pa Nos?" E ora ei mi a kontestá: "At'ami aki! Manda ami!"

6:9 I El a bisa: "Bai, i bisa e pueblo aki: 'Sigui skucha, ma no komprendé; sigui mira, ma no ripará.'

6:10 Hasi kurason di e pueblo aki insensitivo, hasi nan orea sordo i nan wowo skur, pa nan no mira ku nan wowo, tende ku nan orea, komprendé ku nan kurason, i repentí i wòrdu kurá."

H8080 -- Hasi -> Render
H3820 -- kurason -> the hearts
H2088 -- di e pueblo -> of this
H5971a -- aki -> people
H8080 -- insensitivo -> insensitive
H241 -- , hasi nan orea -> Their ears
H3513 -- sordo -> dull
H5869 -- i nan wowo -> And their eyes
H8173a -- skur -> dim
H6435 -- , pa nan no mira -> Otherwise
H7200 -- ku nan wowo -> they might see
H5869 -- , tende -> with their eyes
H8085 -- ku nan orea -> Hear
H241 -- , komprendé -> with their ears
H995 -- ku nan kurason -> Understand
H3824 -- , i repentí -> with their hearts
H7725 -- i wòrdu kurá -> And return
H7495 -- ." -> and be healed

6:11 E ora ei mi a bisa: "Pa kuantu tempu mas, Señor?" i El a kontestá: "Te ora statnan keda ruiná i sin habitante, kasnan keda sin hende, i e tera keda kompletamente desolá;

6:12 i te ora SEÑOR manda hende na lugánan leu, i e lugánan bandoná bira hopi den e tera.

6:13 Tòg lo keda un désimo parti den djé, i esaki lo wòrdu kimá atrobe, manera un palu di roble òf un palu di eik, di kual e tronkon ta keda despues ku el a wòrdu gekap. E simia santu ta su tronkon."

Isaias 5 Isaias 7