Isaias 55

BSNP Edita

Isaias 55

55:1 "Bin, tur esnan ku tin set, bin na e awanan; i boso ku no tin plaka, bin kumpra i kome. Bin kumpra biña i lechi sin plaka i sin preis.

H1945 -- "Bin -> Ho
H3605 -- tur -> ! Every
H3605 -- esnan -> one
H6771 -- ku tin set -> who thirsts
H1980 -- bin -> come
H4325 -- na e awanan -> to the waters
H834 -- i boso ku -> And you who
H369 -- tin -> have
H369 -- no -> no
H3701 -- plaka -> money
H1980 -- bin -> come
H7666 -- kumpra -> buy
H398 -- i kome -> and eat
H1980 -- Bin -> . Come
H7666 -- kumpra -> buy
H3196 -- biña -> wine
H2461 -- i lechi -> and milk
H3808 -- sin -> Without
H3701 -- plaka -> money
H3808 -- i sin -> and without
H4242 -- preis -> cost

55:2 Pakiko boso ta gasta plaka na loke no ta pan, i ta gasta boso suèldo na loke no ta satisfasé? SkuchaMi bon i kome loke ta bon, i laga boso alma gosa den abundansia.

55:3 Inkliná boso orea i bin serka Mi. Skucha, pa boso por biba; i lo Mi sera un aliansa etèrno ku boso, segun e miserikòrdianan fiel mustrá na David.

55:4 Mira, Mi a hasié un testigu pa e pueblonan, un lider i komandante pa e pueblonan.

55:5 Mira, lo bo yama un nashon ku bo no konosé, i un nashon ku no konosébo lo kore bin serka bo, pa motibu di SEÑOR bo Dios, Esun Santu di Israel; pasobra El a glorifikábo."

55:6 Buska SEÑOR, mientras ku E por wòrdu hañá; yam'E, mientras ku E ta serka.

55:7 Laga e malbado bandoná su kaminda, i e hende inhustu su pensamentunan; i lagu'é bolbe serka SEÑOR, i E lo tin kompashon kuné; i serka nos Dios, pasobra E lo pordoná abundantemente.

55:8 "Pasobra Mi pensamentunan no ta boso pensamentunan, ni boso kamindanan no ta Mi kamindanan," SEÑOR ta deklará.

55:9 Pasobra meskos ku e shelunan ta mas haltu ku tera, asina Mi kamindanan ta mas haltu ku boso kamindanan, i Mi pensamentunan mas haltu ku boso pensamentunan.

55:10 Pasobra manera awaseru i sneu ta kai for di shelu, i no ta bolbe ayanan sin muha tera, i ta hasi tera produsí i spreit, i ta duna simia na e sembradó i pan na esun ku ta kome,

55:11 asina Mi palabra ku ta sali for di Mi boka lo ta; e lo no bolbe bashí serka Mi, sin kumpli ku loke Mi ta deseá, i sin alkansá e propósito ku kual Mi a mand'é.

55:12 "Boso lo sali ku goso i lo wòrdu guiá den pas; e serunan i seritunan lo dal gritu di goso boso dilanti, i tur palu di kunuku lo bati man.

55:13 Na lugá di mata di sumpiña lo nase palu di siprès; i na lugá di bringamosa lo nase mirto; i esaki lo ta un rekuèrdo na SEÑOR, pa un señal etèrno ku lo no wòrdu kòrtá kitá afó."

Isaias 54 Isaias 56