Isaias 53

BSNP Edita

Isaias 53

53:1 Ken a kere nos mensahe? I na ken e brasa di SEÑOR a wòrdu revelá?

53:2 Pasobra El a krese Su dilanti manera un spreit delikado, i manera un rais for di tera seku; E no tabatin ni forma ni mahestat, pa nos lo a wak na djE, ni bunitesa, pa nos lo a dese'E.

53:3 El a wòrdu despresiá i bandoná pa hende, un hòmber di tristesa, ku konosé sufrimentu; i manera un persona ku hende ta skonde kara p'é, El a wòrdu despresiá, i nos no tabatin apresio p'E.

53:4 Siguramente E mes a karga nos enfermedatnan, i El a karga nos tristesa; tòg nos mes a konsider'E gòlpiá, sutá pa Dios, i afligí.

53:5 Ma El a wòrdu traspasá pa nos transgreshonnan, El a wòrdu gòlpiá pa nos inikidatnan; e kastigu ku a trese pas pa nos tabata riba djE, i pa medio di Su heridanan nos ta kurá.

53:6 Nos tur a kana dwal manera karné, kada un a kohe su mes kaminda; ma SEÑOR a hasi e inikidat di nos tur baha riba djE.

53:7 E tabata oprimí i E tabata afligí, tòg E no a habri Su boka; manera un lamchi ku ta wòrdu hibá pa mata, i manera un karné ta ketu dilanti di su peladónan, asina E no a habri Su boka.

53:8 Pa medio di opreshon i huisio nan a bai kunE. I pa loke ta Su generashon: ta ken a konsiderá ku El a wòrdu kòrta kitá for di e tera di e bibunan, pa e transgreshon di mi pueblo ku tabata meresé e gòlpi?

53:9 Nan a disponé ku Su graf lo ta huntu ku e malbadonan, i E tabata huntu ku e rikunan den Su morto, ounke ku E no a kometé violensia nunka, ni mentira no a wòrdu hañá den Su boka.

53:10 Ma tabata e boluntat di SEÑOR pa herid'E; El a hasiE sufri. Si E entregá Su mes komo un ofrenda pa kulpa, E lo mira Su desendientenan, E lo tin bida largu; i e boluntat di SEÑOR lo prosperá den Su man.

53:11 Komo resultado di e angustia di Su alma, E lo mira esaki i lo keda satisfecho; dor di Su konosementu Esun Hustu, Mi Sirbidó, lo hustifiká hopi hende, pasobra E lo karga nan inikidatnan.

53:12 Pesei lo Mi dun'E un porshon huntu ku e poderosonan, i E lo parti e botín ku e fuertenan; pasobra El a drama Su bida te na morto, i a wòrdu kontá huntu ku e transgresornan; i E mes a karga e piká di hopi hende, i a intersedé pa e transgresornan.

H3651 -- Pesei -> Therefore
H2505a -- lo Mi dun'E -> I will allot
H2505a -- un porshon -> Him a portion
H7227a -- huntu ku e poderosonan -> with the great
H2505a -- , i E lo parti -> And He will divide
H7998 -- e botín -> the booty
H6099 -- ku e fuertenan -> with the strong
H8478 -- ; pasobra -> Because
H6168 -- El a drama -> He poured
H5315 -- Su bida -> out Himself
H4194 -- te na morto -> to death
H4487 -- , i a wòrdu kontá -> And was numbered
H6586 -- huntu ku e transgresornan -> with the transgressors
H1931 -- ; i E mes -> Yet He Himself
H5375 -- a karga -> bore
H2399 -- e piká -> the sin
H7227a -- di hopi hende -> of many
H6293 -- , i a intersedé -> And interceded
H6586 -- pa e transgresornan -> for the transgressors

Isaias 52 Isaias 54