Isaias 43

BSNP Edita

Isaias 43

43:1 Ma awor, asina SEÑOR, bo Kreador, ta bisa, O Jakòb, i Esun ku a formabo, O Israel: "No tene miedu, pasobra Ami a redimíbo; Mi a yamabo na bo nòmber; bo ta di Mi!

43:2 Ora bo ta pasa dor di e awanan lo Mi ta ku bo, i dor di e riunan, nan lo no lastrabo bai ku bo. Ora bo ta kana dor di kandela, esaki lo no flamabo, ni e flam lo no kimabo.

43:3 Pasobra Ami ta SEÑOR bo Dios, Esun Santu di Israel, bo Salbador; Mi a duna Egipto komo pago pa bo, i den bo lugá, Etiopia i Seba.

43:4 Pasobra bo ta presioso den Mi bista, pasobra bo ta onrá, i Mi ta stimabo, lo Mi duna otro hende den bo lugá, i otro pueblonan en kambio di bo bida.

43:5 No tene miedu, pasobra Mi ta ku bo; lo Mi trese bo yunan for di pariba, i rekohébo for di pabou.

43:6 Lo Mi bisa nòrt: 'Entregá nan!' i sùit: 'No tene nan.' Trese Mi yu hòmbernan for di leu, i Mi yu muhénan for di e finnan di tera,

43:7 kada un ku ta wòrdu yamá na Mi nòmber, i ku Mi a krea pa Mi gloria, ku Mi a forma i ku Mi a traha."

43:8 Trese e hendenan ku ta siegu, maske nan tin wowo, i esnan ku ta sordo, maske nan tin orea.

43:9 Laga tur e nashonnan reuní i laga e pueblonan bin huntu. Kual di nan por konta esaki i proklamá nos e kosnan di antes? Laga nan trese nan testigunan pa nan wòrdu hustifiká, òf laga nan tende i bisa: "Ta bèrdat."

H3605 -- tur -> all
H1471 -- e nashonnan -> the nations
H6908 -- reuní -> have gathered
H3164a -- huntu -> together
H3816 -- i laga e pueblonan -> So that the peoples
H622 -- bin huntu -> may be assembled
H4310 -- . Kual -> . Who
H5046 -- di nan por konta -> among them can declare
H384 -- esaki -> this
H8085 -- i proklamá -> And proclaim
H7223 -- nos e kosnan di antes -> to us the former
H7223 -- antes -> things
H5414 -- ? Laga nan trese -> ? Let them present
H5707 -- nan testigunan -> their witnesses
H6663 -- pa nan wòrdu hustifiká -> that they may be justified
H8085 -- , òf laga nan tende -> Or let them hear
H559 -- i bisa -> and say
H571 -- : "Ta bèrdat -> It is true

43:10 "Boso ta Mi testigunan," SEÑOR ta deklará, "I Mi sirbidó ku Mi a skohe, pa boso konoséMi i kereMi i komprendé ku ta Ami t'E. Promé ku Mi ningun Dios no a wòrdu formá, i lo no tin ningun despues di Mi.

43:11 Ami, sí, Ami mes, ta SEÑOR, i no tin otro salbador fuera di Mi.

43:12 Ta Ami a deklará, a salba i a proklamá, i no tabatin ningun dios straño meimei di boso; pesei boso ta Mi testigunan," SEÑOR ta deklará, "I Ami ta Dios.

43:13 For di etèrnidat ta Ami t'E, i no tin ningun hende ku por libra for di Mi man; Ami ta obra i ken por kambia esei?"

43:14 Asina SEÑOR boso Redentor, Esun Santu di Israel, ta bisa: "Pa bo kousa Mi a manda un hende Babilonia, i lo Mi hasi tur e kaldeonan baha komo fugitivo bai den e barkunan, den kualnan nan tabata gloria.

43:15 Ami ta SEÑOR, Esun Santu di boso, e Kreador di Israel, boso Rei."

43:16 Asina SEÑOR ta bisa, Kende ta traha un kaminda dor di laman, i un bereha dor di awanan poderoso,

43:17 Kende ta hasi garoshi i kabai sali, ehérsito i hòmber poderoso (nan lo kai drumi huntu pa no lanta mas; nan a wòrdu suplá, pagá manera mecha):

43:18 "No rekòrdá e kosnan di antes, ni keda pensa riba kosnan ku a pasa kaba.

43:19 Mira, Mi ta bai hasi algu nobo, awor esaki ta bai sali na kla; boso no ta ripará esei? Lo Mi traha un karetera den tera seku, riunan den desierto.

43:20 E bestianan di mondi lo glorifikáMi, e chakálnan i abestrusnan; pasobra Mi a duna awa den tera seku, i riunan den desierto, pa duna di bebe na Mi pueblo skohí.

43:21 E pueblo ku Mi a forma pa Mi mes lo deklará Mi alabansa.

43:22 "Tòg bo no a sklama na Mi, O Jakòb, ma bo a kansa di Mi, O Israel.

43:23 Bo no a trese e karnénan di bo ofrendanan kimá pa Mi, ni bo no a onraMi ku bo sakrifisionan. Mi no a kargabo ku ofrendanan, ni a kansabo ku sensia.

43:24 Bo no a kumpra kaña dushi ku plaka pa Mi, ni bo no a yenaMi ku e vèt di bo sakrifisionan; mas bien ta abo a kargaMi ku bo pikánan, bo a kansaMi ku bo inikidatnan.

43:25 "Ami, sí, Ami, ta Esun ku ta kita bo transgreshonnan pa Mi mes kousa; i lo Mi no kòrda bo pikánan.

43:26 HasiMi kòrda; laga nos diskutí nos kaso huntu; deklará bo kaso, pa bo por proba ku bo ta korekto.

43:27 Bo promé tata a peka, i bo siñadónan a transgresá kontra Mi.

43:28 Pesei lo Mi hasi e prensnan di e santuario impuru; i lo Mi entregá Jakòb na maldishon, i Israel na reproche.

Isaias 42 Isaias 44