Isaias 27

BSNP Edita

Isaias 27

27:1 Den e dia ei SEÑOR, ku Su spada furioso, grandi i poderoso, lo kastigá Leviatan, e kolebra ku ta move lihé, si, Leviatan, e kolebra ku ta trose; i E lo mata e dragon ku ta biba den laman.

27:2 Den e dia ei: "Un kunuku di wendrùif, kanta di djé!

27:3 Ami, SEÑOR, ta su wardadó; Ami ta muh'é tur ora bai. Pa ningun hende no hasi daño na djé, Mi ta ward'é di dia i anochi.

27:4 Mi no ta rabiá. Si un hende a dunaMi kadushi i sumpiña den bataya, lo Mi a trapa riba nan, lo Mi a kima nan kompletamente.

27:5 Of lagu'é konfia riba Mi protekshon, lagu'é hasi pas ku Mi, lagu'é hasi pas ku Mi."

27:6 Den e dianan ku ta bin Jakòb lo saka rais, Israel lo floria i spreit, i yena henter mundu ku fruta.

27:7 Akaso El a bati Israel manera El a bati esnan ku a bati nan? Of nan a wòrdu matá konforme e matansa di esnan ku El a mata?

27:8 Bo a lucha ku nan dor di deportá nan, dor di kore ku nan. Ku Su bientu fuerte El a ekspulsá nan riba e dia di bientu di pariba.

27:9 Pesei pa medio di esaki Jakòb su inikidat lo ta pordoná; i esaki lo ta e preis kompleto pa e pordon di su piká: ora ku e hasi tur e piedranan di altar manera piedra di kalki garná, ora ku e imagennan di Asera i e altarnan di sensia lo no keda para.

H3651 -- Pesei -> Therefore
H384 -- pa medio di esaki -> through this
H3290 -- Jakòb su -> Jacob’s
H5771 -- inikidat -> iniquity
H3722a -- lo ta pordoná -> will be forgiven
H2088 -- i esaki -> And this
H3605 -- lo ta e preis kompleto -> will be the full
H6529 -- preis -> price
H5493 -- pa e pordon -> of the pardoning
H2403b -- di su piká -> of his sin
H7760 -- ora ku e hasi -> When he makes
H4196 -- tur e piedranan di altar -> the altar
H5310a -- manera piedra di kalki garná -> like pulverized
H842 -- ora ku e imagennan di Asera -> ] Asherim
H2553 -- i e altarnan di sensia -> and incense
H6965 -- lo no keda para -> will not stand
H3605 -- tur -> all

27:10 Pasobra e stat fortifiká ta keda isolá, un pueblito ku ta bandoná i lagá manera desierto; ayanan bishé lo kome yerba i ayanan e lo kai drumi i kome te kaba ku su ramanan.

27:11 Ora su takinan seka, nan ta wòrdu kitá afó; muhénan ta bin sende kandela ku nan. Pasobra nan no ta un pueblo ku disernimentu, pesei Esun ku a traha nan lo no tene miserikòrdia di nan, i nan Kreador lo no tene kompashon ku nan.

27:12 Ma lo sosodé den e dia ei ku SEÑOR lo kuminsá ku Su batimentu di mainshi for di e korida di Riu Eufrates te na e roi di Egipto; i boso lo wòrdu reuní un pa un, O yunan di Israel.

27:13 Tambe lo sosodé den e dia ei ku un gran tròmpèt lo wòrdu toká; i esnan ku tabata peresé den tera di Asiria i ku tabata plamá den tera di Egipto lo bin i adorá SEÑOR riba e seru santu na Jerusalèm.

Isaias 26 Isaias 28