Isaias 14

BSNP Edita

Isaias 14

14:1 Pasobra SEÑOR lo tene kompashon di Jakòb, i lo skohe Israel atrobe i stablesé nan den nan mes tera. E ora ei stranheronan lo djòin nan i uni nan mes ku e kas di Jakòb.

14:2 I e pueblonan lo bai ku nan i hiba nan na nan lugá, i e kas di Israel lo tuma nan komo un erensia den e tera di SEÑOR komo sirbidó hòmber i muhé. I nan lo kapturá esnan ku antes a kapturá nan, i lo goberná riba esnan ku a oprimí nan.

H5971a -- I e pueblonan -> The peoples
H3947 -- lo bai -> will take
H935 -- ku nan i hiba -> them along and bring
H4725 -- nan na nan lugá -> them to their place
H1004 -- , i e kas -> and the house
H3478 -- di Israel -> of Israel
H5157 -- lo tuma -> will possess
H5157 -- nan komo un erensia -> them as an inheritance
H127 -- den e tera -> in the land
H5650 -- komo sirbidó -> as male
H5650 -- hòmber -> servants
H8198 -- i muhé -> and female
H5650 -- sirbidó -> servants
H1961 -- I nan lo kapturá -> and they will take
H7617 -- esnan ku antes a kapturá -> their captors
H7617 -- nan -> captive
H7287a -- i lo goberná -> and will rule
H5065 -- riba esnan ku a oprimí nan -> over their oppressors

14:3 I lo sosodé den e dia ku SEÑOR dunabo sosiegu di bo doló, konfushon i trabou duru, ku kualnan bo a wòrdu sklabisá,

14:4 ku lo bo entoná e proverbio aki kontra rei di Babilonia, i bisa: "Mira kon e opresor a stòp i kon furia a stòp!

14:5 SEÑOR a kibra garoti di e malbadonan, sèpter di e gobernantenan,

14:6 kendenan den furia tabata gòlpia e pueblonan sin fin, kendenan den rabia a pone e nashonnan someté ku persekushon sin miserikòrdia.

14:7 Henter e tera ta na pas i ta ketu; nan ta dal gritunan di alegria.

14:8 Asta e palunan di siprès i e palunan di seda di Líbano ta regosihá pa bo motibu, bisando: 'Desde ku bo a wòrdu tumbá, ningun kapdó di palu no ta bin kontra nos.'

14:9 "Seol aya bou ta eksitá pa bo motibu, pa kontra ku bo ora bo bin; pa bo e ta spièrta spiritu di e mortonan, tur e lidernan di mundu; e ta hasi tur e reinan di e nashonnan lanta for di nan trono.

14:10 Nan tur lo rospondé i bisabo: 'Abo tambe a bira debil manera nos, bo a bira meskos ku nos.

14:11 Bo luho i e muzik di bo arpanan a wòrdu tirá den Seol; bichi ta bo kama i bichi ta bo klechi pa tapa kuné.'

14:12 "Mira kon bo a kai for di shelu, O strea di mardugá, yu hòmber di mainta! Bo a wòrdu tirá riba e tera, abo ku a debilitá e nashonnan!

14:13 Ma bo a bisa den bo kurason: 'Lo mi subi na shelu; lo mi hasi mi trono mas haltu ku e streanan di Dios, i lo mi sinta riba e seru di asamblea, na e partinan mas retirá di nòrt.

14:14 Lo mi subi mas haltu ku e halturanan di e nubianan; lo mi hasi mi mes meskos ku e Haltísimo.'

14:15 Sinembargo, lo bo wòrdu tirá abou den Seol, te na e partinan mas retirá di e abismo.

14:16 "Esnan ku mirabo lo fiha bista riba bo; nan lo keda wak bo, bisando: 'Ta esaki ta e hòmber ku a hasi tera tembla, ku a sakudí reinonan,

14:17 ku a hasi mundu manera un desierto i ku a destruí su statnan, ku no a pèrmití su prezonan bai kas?'

14:18 "Tur e reinan di e nashonnan ta drumí yen di onor, kada un den su mes tumba.

14:19 Ma abo a wòrdu bentá for di bo tumba, manera un rama rechasá, tapá ku e mortonan ku ta traspasá ku spada, ku ta baha bai na e piedranan di e abismo, manera un kadaver ku a wòrdu trapá.

14:20 Lo bo no wòrdu uní ku nan den graf, pasobra bo a ruiná bo tera, bo a mata bo pueblo. "Ku e yunan di e hasidónan di maldat no wòrdu menshoná nunka mas.

14:21 Prepará un lugá di matansa pa su yu hòmbernan, pa motibu di e inikidat di nan tatanan; pa nan no lanta i poderá di e tera i yena e superfisio di mundu ku statnan.

14:22 I lo Mi lanta kontra nan," e SEÑOR di ehérsitonan ta deklará, "i lo Mi kòrta nòmber i sobrebibiente, yu i desendensia kita for di Babilonia," SEÑOR ta deklará.

14:23 "I lo Mi hasié bira propiedat di porko di spiña, i hasié bira plasnan di awa, i lo Mi barié ku e basora di destrukshon," e SEÑOR di ehérsitonan ta deklará.

14:24 E SEÑOR di ehérsitonan a hura, bisando: "Siguramente, manera Mi a pensa, asina a sosodé, i manera Mi a plania, asina lo pasa.

14:25 Mi ta bai kibra Asiria den Mi tera, i trap'é riba Mi serunan. E ora ei su yugo lo wòrdu kitá for di nan, i su karga kitá for di nan skouder.

14:26 "Esaki ta e plan trahá kontra henter tera, i esaki ta e man ku ta ekstendí kontra tur e nashonnan.

14:27 Pasobra e SEÑOR di ehérsitonan a plania, i ken por anulá esaki? I pa loke ta Su man ekstendí, ken por hal'é bèk?"

14:28 Den e aña ku rei Akaz a muri, e profesia aki a bin:

14:29 "No regosihá, abo, henter tera di Filistea, pa motibu ku e bara ku a dal bo ta kibrá; pasobra for di rais di kolebra lo sali un víbora, i su fruta lo ta un kolebra ku ta bula.

14:30 I e primogénito di e pobernan lo kome, i esnan den nesesidat lo kai drumi trankil di nan. Lo Mi destruí boso rais ku hamber, i esaki lo mata boso sobrebibientenan.

14:31 "Lamentá, O porta; yora, O stat; dirti bai, O Filistea, boso tur; pasobra huma ta bin for di nòrt, i no tin ni un hende ta ked'atras den su filanan.

14:32 Kiko anto hende lo kontestá e mensaheronan di e nashon? Ku SEÑOR a funda Sion, i ku e afligínan di Su pueblo lo buska refugio den djé."

Isaias 13 Isaias 15