Hoseas 6

BSNP Edita

Hoseas 6

6:1 "Ban, laga nos bolbe na SEÑOR. Pasobra El a sker nos, ma E lo kura nos; El a heridá nos, ma E lo mara nos ku verbant.

6:2 E lo rebibá nos despues di dos dia; E lo lanta nos riba e di tres dia, pa nos por biba Su dilanti.

6:3 Asina, laga nos konosé, laga nos pèrseverá pa konosé SEÑOR. Mes sigur ku dia ta habri, E lo paresé; i E lo bin serka nos manera awaseru, manera e awaseru di primavera ku ta muha tera."

6:4 "Kiko lo Mi hasi ku bo, O Efrain? Kiko lo Mi hasi ku bo, O Juda? Pasobra bo lealtat ta manera un nubia di mainta, i manera serena ku ta disparsé tempran.

6:5 Pesei Mi a kap nan na pida-pida pa medio di e profetanan; Mi a mata nan pa medio di e palabranan di Mi boka, i e huisionan riba boso ta manera lus ku ta sali.

6:6 Pasobra Mi tin delisia den lealtat mas ku den sakrifisio, i den e konosementu di Dios, mas ku den ofrendanan kimá.

6:7 Ma manera Adam nan a transgresá e aliansa; ayanan nan a trata ku traishon kontra Mi.

6:8 Galaad ta un stat di hasidónan di maldat, manchá ku lastronan di sanger.

6:9 I manera bandidonan ta skonde warda un hende, asina un grupo di saserdote ta mata riba e kaminda pa Sikem; siguramente nan a kometé krimen.

6:10 Den e kas di Israel Mi a mira un kos horibel: Efrain su prostitushon ta ayanan; Israel a profaná su mes.

6:11 "Tambe, O Juda, tin un kosecha prepará pa bo, ora Mi trese esnan di Mi pueblo ku ta den koutiverio, bèk.

Hoseas 5 Hoseas 7