Genesis 39

BSNP Edita

Genesis 39

39:1 Awor nan a hiba Jose Egipto, i Potifar, un ofisial egipsio di Farao, kapitan di guardia, a kumpr'é serka e ismaelitanan, kendenan a hib'é ayanan.

39:2 I SEÑOR tabata ku Jose, asina ku el a bira un hòmber eksitoso. I e tabata biba den kas di su shon, e egipsio.

39:3 Awor su shon a mira ku SEÑOR tabata kuné i kon SEÑOR tabata laga tur loke ku e tabata hasi prosperá den su man.

39:4 Asina Jose a haña grasia den su bista i a bira su sirbidó personal; i el a hasié mayordomo di su kas, i tur loke ku e tabatin el a pone na su enkargo.

39:5 I a sosodé ku for di tempu ku el a hasié mayordomo di su kas i di tur loke ku e tabatin, SEÑOR a bendishoná kas di e egipsio pa motibu di Jose; asina e bendishon di SEÑOR tabata riba tur loke ku e tabatin, na kas i den kunuku.

H1961 -- I a sosodé -> It came
H227 -- ku for di tempu -> about that from the time
H6485 -- el a hasié -> he made
H6485 -- mayordomo -> him overseer
H1004 -- di su kas -> in his house
H5921 -- i di -> and over
H3426 -- loke ku e tabatin -> that he owned
H4713 -- di e egipsio -> the Egyptian’s
H1004 -- kas -> house
H1558 -- pa motibu -> on account
H3130 -- di Jose -> of Joseph
H1293 -- bendishon -> blessing
H3605 -- tabata riba tur -> was upon all
H3605 -- tur -> all
H3426 -- loke ku e tabatin -> that he owned
H1004 -- , na kas -> in the house
H7704 -- i den kunuku -> and in the field
H1288 -- a bendishoná -> blessed

39:6 Pesei el a laga tur loke ku e tabatin na enkargo di Jose, i ku Jose einan e no tabata preokup'é ku nada sino ku e pan ku e tabata kome so. I Jose tabatin bon tipo i bon aparensia.

39:7 I a sosodé ku despues di e kosnan aki e esposa di su shon tabata wak Jose ku deseo i el a bisa: "Drumi ku mi."

39:8 Ma Jose a nenga i a bisa esposa di su shon: "Mira, ku mi akinan mi shon no ta preokup'é ku nada den kas, i el a pone tur loke ku e tin na mi enkargo.

39:9 No tin ningun hende mas haltu den e kas aki ku ami, i e no a nengami nada sino abo so, pasobra abo ta su esposa. Kon anto mi por hasi e maldat grandi aki i peka kontra Dios?"

H369 -- No tin -> There
H369 -- No tin -> is no
H1419 -- ningun hende mas haltu -> one greater
H2088 -- den e -> in this
H1004 -- kas -> house
H2820 -- aki ku ami, i e no a nengami -> I, and he has withheld
H4480 -- ku -> than
H3808 -- nada -> nothing
H3588 -- sino -> from me except
H834 -- abo so, pasobra -> you, because
H802 -- abo ta su esposa -> you are his wife
H349 -- . Kon -> . How
H6213a -- anto mi por hasi -> then could I do
H2088 -- aki -> this
H1419 -- grandi -> great
H7463a -- maldat -> evil
H2398 -- i peka -> and sin
H430 -- kontra Dios -> against God

39:10 I a sosodé ku ounke ku e tabata papia ku Jose dia tras dia, Jose no tabata skuch'é pa drumi kuné, ni pa ta serka djé.

39:11 Awor a sosodé ku un dia Jose a bai den kas pa hasi su trabou, i ningun di e hòmbernan di e kas no tabat'ei.

39:12 I e muhé a kohe Jose tene na su paña, bisando: "Drumi ku mi!" I Jose a laga su paña den man di e muhé i a hui, i a sali bai pafó.

39:13 I ora ku e muhé a mira ku Jose a laga su paña den su man i a hui bai pafó,

39:14 el a yama e hòmbernan di su kas i a bisa nan: "Mira, el a trese un hebreo pa nos, pa hasi bofon di nos; e hebreo a drenta pa drumi ku mi i mi a grita.

39:15 I a sosodé ku ora el a tendemi dal un gritu, el a laga su paña band'i mi i a hui, i a sali bai pafó."

39:16 Asina el a laga Jose su paña band'i djé te ora Jose su shon a bin kas.

39:17 E ora ei e muhé a bis'é e palabranan aki: "E esklabu hebreo, ku bo a trese pa nos, a bin serka mi pa hasi bofon di mi;

39:18 i a sosodé ku ora mi a dal un gritu, el a laga su paña band'i mi i a hui bai pafó."

39:19 Ora Jose su shon a tende e palabranan di su esposa, kende a bis'é: "Esaki ta loke bo esklabu a hasi ku mi," su rabia a lanta.

39:20 Pesei Jose su shon a koh'é ser'é den prizon, e lugá kaminda e prezonan di rei tabata wòrdu será; i e tabata ayanan den prizon.

39:21 Ma SEÑOR tabata ku Jose i a mustr'é miserikòrdia, i a dun'é grasia den bista di e hefe di prizon.

39:22 I e hefe di prizon a pone tur e prezonan ku tabata den prizon bou di enkargo di Jose, asina ku e tabata responsabel pa tur loke tabata pasa ayanan.

39:23 E hefe di prizon no tabata atendé ku nada ku tabata bou di enkargo di Jose, pasobra SEÑOR tabata kuné; i kiko ku e tabata hasi, SEÑOR tabata hasi prosperá.

Genesis 38 Genesis 40