Ezikiel 3

BSNP Edita

Ezikiel 3

3:1 I El a bisami: "Yu di hende, kome loke ta bo dilanti, kome e ròl aki, i bai papia ku e kas di Israel."

3:2 E ora ei mi a habri mi boka, i El a dunami e ròl aki kome.

3:3 I El a bisami: "Yu di hende, kome e ròl aki ku Mi ta dunabo i yena bo barika kuné." E ora ei mi a kom'é, i e tabata dushi manera miel den mi boka.

3:4 Despues El a bisami: "Yu di hende, bai serka e kas di Israel i papia ku nan ku Mi palabranan.

3:5 Pasobra bo no ta wòrdu mandá serka un pueblo ku ta papia un lenga straño i un idioma difisil, ma serka e kas di Israel;

3:6 no serka hopi pueblo ku ta papia un lenga straño i un idioma difisil, kende nan palabranan bo no por komprendé. Si Mi a mandabo serka eseinan, nan lo a skucha na bo.

3:7 Ma e kas di Israel lo no ta dispuesto pa skucha na bo, pasobra nan no ta dispuesto pa skucha na Mi. Pasobra henter e kas di Israel ta kabesura i sobèrbè.

3:8 Mira, Mi a hasi bo kara mes duru ku nan kara, i bo frenta mes duru ku nan frenta.

3:9 Manera djamanta, mas duru ku piedra, Mi a hasi bo frenta. No tene miedu di nan, ni desmayá den nan presensia, maske nan ta un kas rebelde."

3:10 Ademas El a bisami: "Yu di hende, risibí den bo kurason tur Mi palabranan ku lo Mi papia ku bo, i skucha bon.

3:11 I bai serka e eksiliadonan, serka e yunan di bo pueblo, i papia ku nan i bisa nan, sea ku nan skucha òf laga di skucha: 'Asina Señor DIOS ta bisa.'"

3:12 E ora ei e Spiritu a hisami, i mi a tende e zonidu di un boroto tremendo mi tras, bisando: "Bendishoná sea e gloria di SEÑOR for di Su lugá di biba."

3:13 I mi a tende e zonidu di e halanan di e sernan bibu, kualnan tabata mishi ku otro, i e zonidu di e wilnan banda di nan, e zonidu di un boroto tremendo.

3:14 Asina e Spiritu a hisami i a bai ku mi; i mi a bai amargá, den e furia di mi spiritu, i e man di SEÑOR tabata fuerte riba mi.

3:15 E ora ei mi a yega serka e eksiliadonan ku tabata biba na Tel-abib, banda di Riu Kebar. I einan, kaminda nan tabata biba, mi a keda sinta pa shete dia meimei di nan, tur babuká.

3:16 I a sosodé ku na fin di e shete dianan e palabra di SEÑOR a yega na mi, bisando:

3:17 "Yu di hende, Mi a hasibo guardia di e kas di Israel. Ki ora ku bo tende un palabra for di Mi boka, spièrta nan pa Mi.

3:18 Ora Mi bisa e malbado: 'Lo bo muri sigur', i abo no spièrt'é, ni papia pa spièrta e malbado pa laga su mal kaminda pa e biba, e malbado ei lo muri den su inikidat, ma su sanger lo Mi eksigí for di bo man.

H559 -- Ora Mi bisa -> When I say
H7563 -- e malbado -> to the wicked
H4191 -- : 'Lo bo muri sigur' -> ‘You will surely
H2094b -- ', i abo no spièrt'é -> ’ and you do not warn
H1696 -- , ni papia -> him or speak
H4191 -- sigur -> die
H2094b -- pa spièrta -> out to warn
H7563 -- e malbado -> the wicked
H7563 -- pa laga su mal -> from his wicked
H1870 -- kaminda -> way
H2421a -- pa e biba -> that he may live
H7563 -- , e malbado -> that wicked
H7563 -- ei -> man
H4191 -- lo muri -> shall die
H5771 -- den su inikidat -> in his iniquity
H1818 -- , ma su sanger -> but his blood
H1245 -- lo Mi eksigí -> I will require
H3027 -- for di bo man -> at your hand

3:19 Ma si bo spièrta e malbado i e no bira for di su maldat ni for di su mal kaminda, e lo muri den su inikidat, ma abo a libra bo mes.

3:20 "Awor, ora ku un hende hustu bira for di su hustisia i kometé inikidat, i Mi pone un opstákulo su dilanti, e lo muri. Pasobra abo no a spièrt'é, e lo muri den su piká, i su echonan di hustisia ku el a hasi lo no wòrdu rekòrdá, ma su sanger lo Mi eksigí for di bo man.

H6662 -- "Awor, ora ku un hende hustu -> Again, when a righteous
H6662 -- "Awor, ora ku un hende hustu -> man
H834 -- ku -> which
H7725 -- bira -> turns
H7725 -- for di -> away
H6664 -- su hustisia -> from his righteousness
H6213a -- i kometé -> and commits
H5766 -- inikidat -> iniquity
H5414 -- , i Mi pone -> and I place
H4383 -- un opstákulo -> an obstacle
H6440 -- su dilanti -> before
H4191 -- , e lo muri -> him, he will die
H3588 -- . Pasobra -> since
H2094b -- abo no a spièrt'é -> you have not warned
H4191 -- , e lo muri -> him, he shall die
H2403b -- den su piká -> in his sin
H6666 -- , i su echonan di hustisia -> and his righteous
H6666 -- , i su echonan di hustisia -> deeds
H6213a -- ku el a hasi -> he has done
H2142 -- lo no wòrdu rekòrdá -> shall not be remembered
H1818 -- , ma su sanger -> but his blood
H1245 -- lo Mi eksigí -> I will require
H3027 -- for di bo man -> at your hand

3:21 Ma si bo spièrta e hende hustu pa e hende hustu ei no hasi piká, i e no hasi piká, e lo biba sigur, pasobra el a wòrdu spièrtá, i abo a libra bo mes."

3:22 I ayanan e man di SEÑOR tabata riba mi, i El a bisami: "Lant'ariba, bai den sabana, i ayanan lo Mi papia ku bo."

3:23 Anto mi a lanta i a sali bai den sabana. I mira, e gloria di SEÑOR tabata pará ayanan, manera e gloria ku mi a mira banda di Riu Kebar, i mi a tira mi kurpa abou ku mi kara te na suela.

3:24 E ora ei e Spiritu a drenta den mi i a hasimi para riba mi pia. I El a papia ku mi i a bisami: "Bai sera bo mes den bo kas.

3:25 I abo, yu di hende, nan lo pasa kabuya rònt di bo i marabo ku nan, asina ku bo no por sali bai meimei di e pueblo.

3:26 Ademas, lo Mi hasi bo lenga pega na bo shel'i boka, asina ku lo bo keda mudo i no por ta e hende pa reprendé nan, pasobra nan ta un kas rebelde.

3:27 Ma ora Mi papia ku bo, lo Mi habri bo boka i lo bo bisa nan: 'Asina Señor DIOS ta bisa.' Esun ku tende, lagu'é tende, i esun ku nenga di tende, lagu'é nenga, pasobra nan ta un kas rebelde.

Ezikiel 2 Ezikiel 4