Ezikiel 27

BSNP Edita

Ezikiel 27

27:1 Ademas, e palabra di SEÑOR a yega na mi, bisando:

27:2 "Awor abo, yu di hende, lanta un lamentashon pa Tiro.

27:3 Bisa Tiro, situá na porta di laman, e lugá di hasi negoshi pa pueblonan di hopi tera na kosta: 'Asina Señor DIOS ta bisa: "O Tiro, bo a bisa: 'Mi ta perfekto den bunitesa.'

27:4 Bo fronteranan ta den kurason di lamannan; esnan ku a konstruíbo a perfekshoná bo bunitesa.

27:5 Nan a traha bo barkunan ku palu di pino for di Senir; nan a kohe un palu di seda di Líbano pa traha master pa bo.

27:6 Di palu di eik for di Basan nan a traha bo remanan; bo dèk di palu di pino, for di e teranan na kosta di Kitim, nan a fura ku ivor.

27:7 Bo bela tabata di Egipto, trahá di lino fini bòrdá, asina ku esaki a bira bo marka distinguí; blou i púrpura for di e teranan na kosta di Elisa tabata e lona ku a tapabo.

27:8 E habitantenan di Sidon i Arvad tabata bo remadónan; bo hòmbernan sabí, O Tiro, tabata na bordo; nan tabata bo pilotonan.

27:9 E ansianonan di Gebal i su hòmbernan sabí tabata huntu ku bo pa klafatiá bo nachinan; tur barku di laman i nan matrosnan tabata huntu ku bo pa hasi negoshi ku bo.

27:10 "Hòmbernan di Persia, Lut i Put tabata sirbi den bo ehérsito komo bo hòmbernan di guera. Nan a kologá eskudo i hèlm den bo; nan a dunabo bo splendor.

27:11 E yunan di Arvad i bo ehérsito tabata tur rònt riba bo murayanan. I e gamadeonan tabata den bo torennan. Nan a kologá nan eskudo tur rònt na bo murayanan; nan a perfekshoná bo bunitesa.

27:12 "Tarsis tabata bo kliente pa motibu di e abundansia di tur sorto di rikesa; ku plata, heru, ten i chumbu nan a paga pa bo produktonan.

27:13 "Javan, Tubal i Mesek tabata negoshá ku bo; ku bida di hende i artíkulonan di bròns nan tabata paga pa bo merkansia.

27:14 "Esnan di Bèt-togarma a kambia kabai i kabai di guera i mula pa bo produktonan.

27:15 "E yunan di Dedan tabata negoshá ku bo. Hopi tera na kosta tabata bo merkado. Nan tabata trese ivor i ébano komo pago pa bo.

27:16 "Siria tabata bo kliente pa motibu di e abundansia di bo produktonan; nan tabata paga pa bo merkansia ku esmeralda, púrpura, paña bòrdá, lino fini, koral i rubí.

27:17 "Juda i tera di Israel tabata negoshá ku bo. Ku trigo di Minit i Panag, i miel, zeta i balsem nan tabata paga pa bo merkansia.

27:18 "Damasko tabata bo kliente pa motibu di e abundansia di bo produktonan, pa motibu di e abundansia di tur sorto di rikesa, pa motibu di e biña di Helbon i lana blanku.

27:19 "Dan i Javan tabata paga pa bo merkansia for di Uzal. Tabatin heru labrá, palu di akasia i kaña dushi entre bo merkansia.

27:20 "Dedan tabata bendebo paña bunita pa siya di kabai.

27:21 "Arabia i tur e prensnan di Kedar tabata bo kliente. Nan tabata negoshá ku bo ku lamchi, karné chubatu i kabritu chubatu. Ku esakinan nan tabata negoshá ku bo.

27:22 "E komersiantenan di Saba i Rama tabata hasi negoshi ku bo. Nan tabata paga pa bo produktonan ku e mihó di tur sorto di speserei, ku tur sorto di piedra presioso i ku oro.

27:23 "Haran, Kane, Edén, e komersiantenan di Saba, Asiria i Kilmad tabata negoshá ku bo.

27:24 Nan tabata negoshá ku bo ku bistínan presioso, ku tela koló blou i bòrdá, tapeit di hopi koló, kordon bon lorá den otro; ku esakinan nan tabata negoshá ku bo.

H7402 -- Nan tabata negoshá -> They traded
H4360 -- ku bo ku bistínan presioso -> with you in choice
H4360 -- bistínan presioso -> garments
H1545 -- , ku tela koló blou -> in clothes
H8504 -- koló blou -> of blue
H7553 -- i bòrdá -> and embroidered
H7553 -- , tapeit di hopi koló, kordon bon lorá den otro; ku esakinan nan tabata negoshá ku bo. -> work
H1595 -- , tapeit di hopi koló, kordon bon lorá den otro; ku esakinan nan tabata negoshá ku bo. -> and in carpets
H1264 -- , tapeit di hopi koló, kordon bon lorá den otro; ku esakinan nan tabata negoshá ku bo. -> of many
H1264 -- , tapeit di hopi koló, kordon bon lorá den otro; ku esakinan nan tabata negoshá ku bo. -> colors
H723b -- , tapeit di hopi koló, kordon bon lorá den otro; ku esakinan nan tabata negoshá ku bo. -> ] tightly
H2280 -- , tapeit di hopi koló, kordon bon lorá den otro; ku esakinan nan tabata negoshá ku bo. -> wound
H2256a -- , tapeit di hopi koló, kordon bon lorá den otro; ku esakinan nan tabata negoshá ku bo. -> cords
H4819 -- , tapeit di hopi koló, kordon bon lorá den otro; ku esakinan nan tabata negoshá ku bo. -> ] among your merchandise

27:25 "E barkunan di Tarsis tabata karga bo merkansia. I bo tabata yen i masha glorioso den kurason di e lamannan.

27:26 Bo remadónan a hibabo den awanan grandi; bientu di pariba a kibrabo den kurason di e lamannan.

27:27 Bo rikesa, bo produktonan, bo merkansia, bo matrosnan i bo pilotonan, bo klafatiadónan, bo komersiantenan, i tur bo hòmbernan di guera ku ta den bo, i henter bo tripulashon, lo senk den kurason di e lamannan, riba e dia di bo kaída.

H1952 -- Bo rikesa -> Your wealth
H5801 -- , bo produktonan -> your wares
H4627 -- , bo merkansia -> your merchandise
H4419 -- , bo matrosnan -> Your sailors
H2259 -- i bo pilotonan -> and your pilots
H2388 -- , bo klafatiadónan -> Your repairers
H919 -- , bo klafatiadónan -> of seams
H6148 -- , bo komersiantenan -> your dealers
H4627 -- , bo komersiantenan -> in merchandise
H376 -- , i tur bo hòmbernan -> your men
H3605 -- i tur -> and all
H4421 -- di guera -> of war
H834 -- ku -> who
H3605 -- ta den bo, i henter -> are in you, With all
H6951 -- bo tripulashon -> your company
H8432 -- , lo senk -> that is in your midst
H5307 -- , lo senk -> Will fall
H3820 -- den kurason -> into the heart
H3220 -- di e lamannan -> of the seas
H3117 -- , riba e dia -> On the day
H4658 -- di bo kaída. -> of your overthrow

27:28 Na zonidu di e sklamashon di bo pilotonan e sabananan lo sakudí.

27:29 I tur esnan ku tabata hala rema, e matrosnan i tur e pilotonan di laman lo bandoná nan barku; nan lo baha na tera.

27:30 I nan lo halsa nan bos i yorabo, nan lo yora amárgamente. Nan lo basha stòf riba nan kabes, nan lo lora abou den shinishi.

27:31 Tambe nan lo feita nan kabes pa bo motibu i faha nan mes ku paña di saku; nan lo yorabo ku angustia di nan alma-- ku lamentashon amargo.

27:32 I den nan klamor nan lo kuminsá un lamentashon pa bo i lamentá ofer di bo: 'Ken ta manera Tiro, manera esun ku ta ketu meimei di laman?

27:33 Tempu ku bo produktonan a wòrdu mandá via laman, bo tabata satisfasé hopi pueblo; ku e abundansia di bo rikesa i ku bo merkansia bo tabata hasi e reinan di tera bira riku.

27:34 Awor ku bo ta kibrá dor di e lamannan den e profundidatnan di e awanan, bo merkansia i henter bo tripulashon a senk huntu ku bo.

27:35 Tur habitante di e teranan na kosta ta keda tur babuká pa bo motibu, i nan reinan ta morto spantá; nan kara ta tur trosí di miedu.

27:36 E komersiantenan entre e pueblonan ta flùit bo; bo a bira un horor, i lo bo no t'ei mas.'"'"

Ezikiel 26 Ezikiel 28