Predikador 5

BSNP Edita

Predikador 5

5:1 Warda bo pasonan ora bo ta bai na e kas di Dios, i hala serka pa skucha enbes di ofresé e sakrifisio di bobonan, pasobra nan no sa ku ta malu nan ta hasi.

5:2 No sea purá pa papia ni laga bo kurason ta lihé pa menshoná un asunto den e presensia di Dios. Pasobra Dios ta den shelu, i abo ta riba tera; pesei, laga bo palabranan ta poko.

5:3 Pasobra soño ta bin dor di hopi esfuerso, i e bos di un bobo dor di hopi palabra.

5:4 Ora bo hasi un promesa na Dios, no tarda pa kumpli kuné, pasobra E no ta hiba gustu den hende bobo. Kumpli ku loke bo ta primintí!

5:5 Ta mihó bo no primintí, ku primintí i keda sin kumpli.

5:6 No laga bo boka hasibo peka, i no bisa den presensia di e mensahero di Dios ku esei tabata un eror. Pakiko Dios mester ta rabiá pa motibu di bo bos i destruí e obra di bo mannan?

5:7 Pasobra den kantidat di soño i den kantidat di palabra tin banidat. Pesei, teme Dios.

5:8 Si bo mira opreshon di pobernan i pèrvèrshon di hustisia i rektitut den un provinsia, no laga loke bo mira strañabo; pasobra un ofisial ta vigilá otro ofisial, i tin ofisialnan mas haltu riba nan.

5:9 Ademas, un rei ku ta kultivá kunuku ta un bentaha pa e tera.

5:10 Esun ku ta stima plaka lo no keda satisfecho ku plaka, ni esun ku ta stima abundansia, ku su entrada. Esaki tambe ta banidat.

5:11 Ora kosnan bon ta oumentá, esnan ku ta konsumí nan tambe ta oumentá. Pesei, ki otro bentaha nan doñonan tin, ku solamente wak?

5:12 Soño di e hòmber trahadó ta dushi, sea ku e ta kome poko òf hopi. Ma barika-yen di e hòmber riku no ta lagu'é drumi.

5:13 Tin un maldat penoso ku mi a mira bou di solo: rikesa ku ta wòrdu montoná dor di su doño pa su mes daño.

5:14 Ora ku e rikesa ei bai pèrdí dor di un mal invershon, i e doño engendrá un yu hòmber, e ora ei no tin nada pa sostené e yu.

5:15 Manera el a sali sunú for di barika di su mama, asina e lo bolbe meskos ku el a sali. E lo no hiba nada di e fruta di su trabou ku e por karga den su man.

5:16 I esaki tambe ta un gran tragedia: eksaktamente manera un hende a nase, asina e ta muri. Pesei, ki probecho tin pa esun ku ta traha mata kurpa pa bientu?

5:17 Henter su bida e tambe ta kome den skuridat ku gran tristesa, malesa i rabia.

5:18 Esaki ta loke mi a mira ku ta bon i konveniente: pa kome, pa bebe i pa un hende gosa su mes den tur su trabou ku el a traha duru p'é bou di solo durante di e poko añanan di bida ku Dios a dun'é; pasobra esaki ta su rekompensa.

H2009 -- Esaki -> Here
H834 -- ta loke -> is what
H7200 -- mi a mira -> I have seen
H2896a -- ku ta bon -> to be good
H3303 -- i konveniente -> and fitting
H398 -- : pa kome -> to eat
H834 -- ku -> which
H8354 -- , pa bebe -> to drink
H7200 -- i pa un hende gosa -> and enjoy
H3605 -- un hende gosa su mes den tur -> oneself in all
H5999 -- su trabou -> one’s labor
H7945 -- ku -> in which
H5998 -- el a traha duru -> he toils
H8478 -- bou -> under
H8121 -- di solo -> the sun
H4557 -- di e poko -> ] the few
H3117 -- añanan -> years
H2425b -- di bida -> of his life
H5414 -- a dun'é -> has given
H1931 -- ; pasobra esaki -> him; for this
H2506 -- ta su rekompensa -> is his reward
H430 -- Dios -> god

5:19 Ademas, tur hende ku Dios a duna rikesa i propiedat, El a duna tambe poder pa kome for di nan, pa risibí su rekompensa i pa gosa den su trabou; esaki ta e regalo di Dios.

5:20 Pasobra e lo no rekòrdá e añanan di su bida mashá, pasobra Dios ta ten'é okupá ku e alegria di su kurason.

Predikador 4 Predikador 6