Amos 3

BSNP Edita

Amos 3

3:1 Skucha e palabra aki ku SEÑOR a papia kontra boso, yunan di Israel, kontra henter e famia ku El a saka for di tera di Egipto:

3:2 "Ta boso so Mi a skohe for di entre tur e famianan di tera; pesei lo Mi kastigá boso pa tur boso inikidatnan."

3:3 Dos hende ta kana huntu, sin ku nan a bai di akuèrdo ku otro?

3:4 Leon ta gruña den mondi-será si e no tin proi? Leon chikitu ta gruña for di su kueba, sin ku el a kohe algu?

3:5 Parha ta kai den trampa riba suela si no tin as den esaki? Trampa ta bula for di suela, sin ku el a kohe algu?

3:6 Si tròmpèt wòrdu suplá den un stat, e hendenan no ta tembla? Si sosodé kalamidat den un stat, no ta SEÑOR a hasi esaki?

3:7 Siguramente, SEÑOR Dios no ta hasi nada, sin ku E revelá Su konseho sekreto na Su sirbidónan, e profetanan.

3:8 Leon a gruña! Ken lo no tin temor? Señor DIOS a papia! Ken por laga di profetisá?

3:9 Proklamá den e sitadelnan di Asdod i den e sitadelnan di tera di Egipto, i bisa: "Reuní boso mes riba e serunan di Samaria i mira e desòrdu grandi ku tin den djé i e opreshon meimei di su pueblo.

3:10 "Ma nan no sa kon pa hasi loke ta bon," SEÑOR ta deklará, "esakinan ku ta warda violensia i destrukshon den nan sitadelnan."

3:11 Pesei, asina Señor DIOS ta bisa: "Un enemigu, sí, ún ku ta rondoná e tera lo ranka boso fortalesa bash'abou, i boso sitadelnan lo wòrdu geplùnder."

3:12 Asina SEÑOR ta bisa: "Meskos ku un wardadó di karné ta salba un par di pia òf pida di un orea for di boka di leon, asina e yunan di Israel, ku ta biba na Samaria, lo wòrdu salbá-- ku un rant di kama i un klechi pa tapa sofá!

H3541 -- Asina -> Thus
H559 -- ta bisa -> says
H3512c -- : "Meskos -> Just
H7462a -- ku un wardadó di karné -> as the shepherd
H5337 -- ta salba -> snatches
H738 -- for di boka di leon -> from the lion’s
H6310 -- boka -> mouth
H8147 -- un par -> a couple
H3767 -- di pia -> of legs
H176 -- òf -> or
H915 -- pida -> a piece
H241 -- di un orea -> of an ear
H3651 -- , asina -> So
H1121 -- e yunan -> will the sons
H3478 -- di Israel -> of Israel
H3427 -- , ku ta biba -> dwelling
H8111 -- na Samaria -> in Samaria
H5337 -- lo wòrdu salbá -> be snatched
H5337 -- -- -> away
H6285 -- ku un rant -> ] corner
H4296 -- di kama -> of a bed
H1833 -- i un klechi -> ] cover
H6210 -- pa tapa sofá -> of a couch

3:13 "Tende i testifiká kontra e kas di Jakòb," Señor DIOS, e Dios di ehérsitonan, ta deklará.

3:14 "Pasobra riba e dia ku Mi kastigá Israel pa su transgreshonnan, lo Mi kastigá e altarnan di Bèt-èl tambe; e kachunan di altar lo wòrdu kòrtá kitá afó, i nan lo kai abou na suela.

3:15 Tambe lo Mi basha e kas di wenter abou huntu ku e kas di zomer; e kasnan di ivor tambe lo peresé, i e kasnan grandi lo yega na nan fin," SEÑOR ta deklará.

Amos 2 Amos 4