1 Kronikonan 9

BSNP Edita

1 Kronikonan 9

9:1 Asina henter Israel tabata registrá segun genealogia; i mira, nan ta pará skirbí den e Buki di Reinan di Israel. Poblashon di Jerusalèm i Juda a wòrdu hibá den eksilio na Babilonia pa motibu di nan infieldat.

9:2 Awor e promé habitantenan ku a stablesé nan mes den nan propiedatnan den nan statnan tabata Israel, e saserdotenan, e levitanan i e sirbidónan di tèmpel.

9:3 I algun di e yu hòmbernan di Juda, di e yu hòmbernan di Benjamin, i di e yu hòmbernan di Efrain i Manasés tabata biba na Jerusalèm:

9:4 Utai, yu hòmber di Amiud, yu hòmber di Omri, yu hòmber di Imri, yu hòmber di Bani, for di e yu hòmbernan di Fares, yu hòmber di Juda.

9:5 I for di e silonitanan: Asaias, e primogénito, i su yu hòmbernan.

9:6 I for di e yu hòmbernan di Zera: Jeuel i nan rumannan, 690.

9:7 I for di e yu hòmbernan di Benjamin: Sallu, yu hòmber di Mesulam, yu hòmber di Hodavias, yu hòmber di Hasenúa,

9:8 i Ibneias, yu hòmber di Jeroham, i Ela, yu hòmber di Uzi, yu hòmber di Mikri, i Mesulam, yu hòmber di Sefatias, yu hòmber di Reuel, yu hòmber di Ibnias;

9:9 i nan rumannan segun nan generashonnan, 956. Tur esakinan tabata kabesnan di e kasnan di nan tatanan, segun e kasnan di nan tatanan.

9:10 I for di e saserdotenan: Jedaias, Joiarib, Jakin,

9:11 i Azarias, yu hòmber di Hilkias, yu hòmber di Mesulam, yu hòmber di Sadok, yu hòmber di Meraiot, yu hòmber di Ahitob, ofisial prinsipal di e kas di Dios;

9:12 i Adaia, yu hòmber di Jeroham, yu hòmber di Pasur, yu hòmber di Malkias, i Maasai, yu hòmber di Adiel, yu hòmber di Jazera, yu hòmber di Mesulam, yu hòmber di Mesilemit, yu hòmber di Imer;

H5718 -- i Adaia -> and Adaiah
H1121 -- yu hòmber -> the son
H3395 -- di Jeroham -> of Jeroham
H1121 -- , yu hòmber -> the son
H6583 -- di Pasur -> of Pashhur
H1121 -- , yu hòmber -> the son
H4441 -- di Malkias -> of Malchijah
H4640 -- , i Maasai -> and Maasai
H1121 -- yu hòmber -> the son
H5717 -- di Adiel -> of Adiel
H1121 -- , yu hòmber -> the son
H3170 -- di Jazera -> of Jahzerah
H1121 -- , yu hòmber -> the son
H4918 -- di Mesulam -> of Meshullam
H1121 -- , yu hòmber -> the son
H4919 -- di Mesilemit -> of Meshillemith
H1121 -- , yu hòmber -> the son
H564 -- di Imer -> of Immer

9:13 i nan rumannan, kabesnan di e kasnan di nan tatanan, 1.760 hòmber masha kapas pa e trabou di sirbishi di e kas di Dios.

9:14 I di e levitanan: Semaias, yu hòmber di Hasub, yu hòmber di Azrikam, yu hòmber di Hasabias, di e yu hòmbernan di Merari;

9:15 i Bakbakar, Heres, Galal i Matanias, yu hòmber di Mikaia, yu hòmber di Zikri, yu hòmber di Asaf,

9:16 i Obadias, yu hòmber di Semaias, yu hòmber di Galal, yu hòmber di Jedutun, i Berekias yu hòmber di Asa, yu hòmber di Elkana, kende tabata biba den e pueblitonan di e netofatitanan.

9:17 Awor e wardadónan-di-porta: Salum, Akub, Talmon i Ahiman i nan rumannan (Salum e lider,

9:18 kende te awor ta stashoná na e porta di rei, parti pariba). Esakinan tabata e wardadónan-di-porta na e kampamentu di e yu hòmbernan di Leví.

9:19 Salum, yu hòmber di Koré, yu hòmber di Ebiasaf, yu hòmber di Koré i su rumannan, di e kas di su tata, e koreitanan, tabata enkargá ku e trabou di sirbishi, wardadónan di e drèmpelnan di e tènt; i nan tatanan tabata enkargá ku e kampamentu di SEÑOR, wardadónan di e entrada.

H7967 -- Salum -> Shallum
H1121 -- yu hòmber -> the son
H6981 -- di Koré -> of Kore
H1121 -- , yu hòmber -> the son
H43 -- di Ebiasaf -> of Ebiasaph
H1121 -- , yu hòmber -> the son
H7141 -- di Koré -> of Korah
H251 -- i su rumannan -> and his relatives
H1 -- , di e kas di su tata -> of his father’s
H1004 -- , di e kas di su tata -> house
H7145 -- , e koreitanan -> the Korahites
H5921 -- tabata enkargá ku -> ] over
H4399 -- e trabou -> the work
H5656 -- di sirbishi -> of the service
H8104 -- , wardadónan -> keepers
H5592b -- di e drèmpelnan -> of the thresholds
H168 -- di e tènt -> of the tent
H1 -- ; i nan tatanan -> and their fathers
H5921 -- tabata enkargá ku -> had been over
H4264 -- e kampamentu -> the camp
H8104 -- , wardadónan -> keepers
H3996 -- di e entrada -> of the entrance

9:20 I Finees, yu hòmber di Eleazar, antes tabata gobernante riba nan, i SEÑOR tabata kuné.

9:21 Zakarias, yu hòmber di Meselemias, tabata wardadó-di-porta na e entrada di e tènt di reunion.

9:22 Tur esakinan, kendenan a wòrdu skohí pa ta wardadó-di-porta na e drèmpelnan, tabata 212. Esakinan tabata registrá segun genealogia, den nan pueblitonan, kendenan David i Samuel, e miradó, a nombra den nan puesto di konfiansa.

9:23 Asina nan i nan yu hòmbernan tabatin enkargo di e portanan di e kas di SEÑOR, esta, e kas di e tènt, komo guardianan.

9:24 E wardadónan-di-porta tabata na e kuater bandanan: pariba, pabou, panòrt i pasùit.

9:25 I di bes en kuando nan rumannan den nan pueblitonan mester a bin keda serka nan pa shete dia,

9:26 pasobra e kuater wardadónan-di-porta prinsipal ku tabata levita, tabatin un puesto di konfiansa, i tabatin enkargo di e kambernan i di e lugánan-di-warda-tesoro den e kas di Dios.

9:27 I nan tabata pasa nochi rònt di e kas di Dios, pasobra e warda tabata na nan enkargo; i nan tabata enkargá pa habrié tur mainta.

9:28 Awor algun di nan tabatin enkargo di e artíkulonan-di-uzo di sirbishi, pasobra nan tabata konta nan ora nan hiba nan paden i ora nan trese nan pafó.

9:29 Tambe algun di nan tabatin responsabilidat pa e ophetonan en general i pa tur e artíkulonan-di-uzo di e santuario i pa e hariña fini, e biña, e zeta, e sensia i e spesereinan.

9:30 I algun di e yu hòmbernan di e saserdotenan tabata meskla e spesereinan.

9:31 I Matitias, un di e levitanan, kende tabata e primogénito di Salum e koreita, tabatin responsabilidat pa e kosnan ku tabata wòrdu hasá den panchi.

9:32 I algun di nan rumannan di e yu hòmbernan di e koatitanan tabatin enkargo di e pan di proposishon pa prepar'é tur dia di sabat.

9:33 Awor esakinan ta e kantadónan, kabesnan di e kasnan di e tatanan di e levitanan, kendenan tabata biba den e kambernan di e tèmpel, liber di otro sirbishi; pasobra di dia i anochi nan tabata okupá ku nan trabou.

9:34 Esakinan tabata kabesnan di e kasnan di e tatanan di e levitanan, segun nan generashonnan, hòmbernan lider, ku tabata biba na Jerusalèm.

9:35 I Jehiel, tata di Gabaon, tabata biba na Gabaon, i nòmber di su esposa tabata Maaka,

9:36 i su yu hòmber primogénito tabata Abdon, despues Zur, Kis, Baal, Ner, Nadab,

9:37 Gedor, Ahio, Zakarias i Miklot.

9:38 I Miklot a engendrá Simeam. I nan tambe tabata biba serka nan rumannan na Jerusalèm, enfrente di nan otro rumannan.

9:39 I Ner a engendrá Kis, i Kis a engendrá Saul, i Saul a engendrá Jonatan, Malkisúa, Abinadab i Es-baal.

9:40 I e yu hòmber di Jonatan tabata Merib-baal; i Merib-baal a engendrá Mikaia.

9:41 I e yu hòmbernan di Mikaia tabata Piton, Melek, Tarea i Akaz.

9:42 I Akaz a engendrá Jara, i Jara a engendrá Alemet, Azmavet i Zimri; i Zimri a engendrá Mosa,

9:43 i Mosa a engendrá Bina i su yu hòmber Refaias; Refaias su yu hòmber, Elasa; Elasa su yu hòmber, Azel.

9:44 I Azel tabatin seis yu hòmber, kende nan nòmber ta: Azrikam, Bokru, Ismael, Searias, Obadias i Hanan. Esakinan tabata e yu hòmbernan di Azel.

1 Kronikonan 8 1 Kronikonan 10