H8451

Uso den versíkulo

• Proverbionan 7:2 BSNP
  Warda mi mandamentunan i biba, i mi siñansa manera bo pret'i wowo.
• Proverbionan 13:14 BSNP
  Siñansa di e hende sabí ta un fuente di bida, pa evitá e trampanan di morto.
• Proverbionan 28:4 BSNP
  Esnan ku bandoná lei ta elogiá e malbadonan, ma esnan ku warda lei ta resistí nan.
• Proverbionan 28:7 BSNP
  Esun ku warda lei ta un yu prudente, ma esun ku ta kompañero di hende golos ta pone su tata na bèrguensa.
• Proverbionan 28:9 BSNP
  Esun ku hasi su mes sordo pa no skucha lei, asta su orashon ta un abominashon.
• Proverbionan 29:18 BSNP
  Kaminda no tin vishon e pueblo ta laga tur frena bai, ma felis ta esun ku ta warda lei.
• Proverbionan 31:26 BSNP
  E ta habri su boka ku sabiduria, i siñansa kariñoso ta riba su lenga.
• Isaias 1:10 BSNP
  Tende e palabra di SEÑOR, boso, gobernantenan di Sodoma; skucha e instrukshon di nos Dios, boso, pueblo di Gomora.
• Isaias 2:3 BSNP
  I hopi pueblo lo bin bisa: "Ban, laga nos subi bai na e seru di SEÑOR, na e kas di e Dios di Jakòb, pa E siña nos tokante di Su kamindanan, i pa nos kana den Su berehanan." Pasobra e lei lo sali for di Sion, i e palabra di SEÑOR for di Jerusalèm.
• Isaias 5:24 BSNP
  Pesei, manera lenga di kandela ta traga yerba seku, i flam ta kaba ku palu di mainshi seku, asina nan rais lo bira manera kos putrí i nan flor lo bula bai manera stòf; pasobra nan a rechasá e lei di e SEÑOR di ehérsitonan, i a despresiá e palabra di Esun Santu di Israel.
• Isaias 8:16 BSNP
  Mara e testimonio, seya e lei entre mi disipelnan.
• Isaias 8:20 BSNP
  Bai na e lei i na e testimonio! Si nan no ta papia konforme e palabra aki, ta pasobra nan no tin lus den nan.
• Isaias 24:5 BSNP
  Tera tambe ta wòrdu kontaminá dor di su habitantenan, pasobra nan a transgresá leinan, a violá statutonan, a kibra e aliansa etèrno.
• Isaias 30:9 BSNP
  Pasobra esaki ta un pueblo rebelde, yunan mentiroso, yunan ku ta nenga di skucha e instrukshon di SEÑOR;
• Isaias 42:4 BSNP
  E lo no faya ni keda deskurashá, te ora ku El a stablesé hustisia riba tera; i e teranan na kosta lo spera riba Su lei."
• Isaias 42:21 BSNP
  SEÑOR tabata kontentu pa motibu di Su hustisia, pa hasi e lei grandi i glorioso.
• Isaias 42:24 BSNP
  Ken a entregá Jakòb pa bira botín, i Israel den man di sakeadónan? No ta kontra SEÑOR nos a peka, den Kende Su kaminda nan no kier a kana, i Kende Su lei nan no a obedesé?
• Isaias 51:4 BSNP
  "Paga atenshon na Mi, O Mi pueblo, i tendeMi, O Mi nashon; pasobra un lei lo sali for di Mi, i lo Mi pone Mi huisio komo un lus pa e pueblonan.
• Isaias 51:7 BSNP
  "SkuchaMi, boso ku konosé hustisia, un pueblo ku tin Mi lei den su kurason; no tene miedu di reproche di hende, ni desmayá pa kousa di nan insultonan.
• Yeremias 2:8 BSNP
  E saserdotenan no a puntra: 'Unda SEÑOR ta?' I esnan ku tabatin e lei den nan poder no tabata konoséMi; e gobernantenan tambe a transgresá kontra Mi, i e profetanan a profetisá den e nòmber di Baal, i a sigui tras di kosnan ku no ta di probecho.