Search the Bible

Salmo 8; Salmo 9; Salmo 10 BSNP Edit

Salmonan 8

8:1 O SEÑOR, nos Señor, ki mahestuoso Bo nòmber ta riba henter mundu, Abo ku a pone Bo splendor mas ariba di e shelunan!

8:2 For di boka di chikitunan i di yunan na pechu Bo a stablesé fortalesa pa motibu di Bo atversarionan, pa silensiá e enemigu i e hende vengativo.

8:3 Ora mi kontemplá Bo shelunan, e obra di Bo dedenan, e luna i e streanan ku Abo a stablesé,

8:4 ta kiko hende ta, ku Bo ta kòrda di djé? I e yu di hende, ku Bo ta hasi kaso di djé?

8:5 Sinembargo, Bo a hasié un poko menos ku e angelnan, i ta koron'é ku gloria i mahestat!

8:6 Bo ta lagu'é tin dominio riba e obranan di Bo mannan; Bo a pone tur kos bou di su pia,

8:7 tur karné i baka, i tambe e bestianan di mondi,

8:8 e parhanan di shelu i e piskánan di laman, tur loke ta pasa den e berehanan di laman.

8:9 O SEÑOR, nos Señor, ki mahestuoso Bo nòmber ta riba henter mundu!Un salmo di David.

Salmonan 9

9:1 Lo mi alabáBo, O SEÑOR, ku henter mi kurason; lo mi konta di tur Bo maraviyanan.

9:2 Lo mi ta kontentu i regosihá den Bo; lo mi kanta alabansa na Bo nòmber, O Haltísimo.

9:3 Ora mi enemigunan hal'atras, nan ta trompeká i peresé Bo dilanti.

9:4 Pasobra Bo a mantené mi kaso i mi derecho; Bo ta sinta riba trono i ta huzga ku hustisia.

9:5 Bo a reprendé e nashonnan, Bo a destruí e malbadonan; Bo a kita nan nòmber pa semper i semper.

9:6 E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé.

H340 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> The enemy
H8552 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> has come
H8552 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> to an end
H5331 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> in perpetual
H2723 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> ruins
H5428 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> And You have uprooted
H5892b -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> the cities
H1992a -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> The very
H2143 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> memory
H6 -- E enemigu a yega na un fin den ruina perpetuo, i Bo a destruí e statnan; asta e rekuèrdo di nan a peresé. -> of them has perished

9:7 Ma SEÑOR ta permanesé pa semper; El a stablesé Su trono pa huisio,

9:8 i E lo huzga mundu ku hustisia; ku rektitut E lo ehekutá huisio pa e pueblonan.

9:9 Tambe SEÑOR lo ta un refugio pa e oprimínan, un refugio den tempunan di angustia.

9:10 I esnan ku konosé Bo nòmber lo pone nan konfiansa den Bo, pasobra Abo, O SEÑOR, no a bandoná esnan ku ta buskaBo.

9:11 Kanta alabansa na SEÑOR, Kende ta biba na Sion; deklará Su echonan meimei di e pueblonan.

9:12 Pasobra Esun ku ta eksigí sanger ta kòrda riba nan; E no ta lubidá e sklamashon di esnan afligí.

9:13 Tene miserikòrdia di mi, O SEÑOR; mira mi aflikshon ku mi ta sufri na man di esnan ku ta odiami, Abo ku ta lantami for di e portanan di morto,

9:14 pa mi por konta di tur Bo alabansanan, asina ku den e portanan di e yu muhé di Sion mi por regosihá den Bo salbashon.

9:15 E nashonnan a senk den e buraku ku nan mes a koba; den e reda ku nan a skonde, nan mes pia a keda pegá.

9:16 SEÑOR a hasi Su mes konosí; El a ehekutá huisio. Den e obra di su mes mannan e malbado ta wòrdu atrapá.

9:17 E malbadonan lo bolbe na Seol, sí, tur e nashonnan ku ta lubidá Dios.

9:18 Pasobra esun den nesesidat lo no keda lubidá pa semper; tampoko e speransa di esnan afligí lo no peresé pa semper.

9:19 Lanta, O SEÑOR, no laga hende triunfá; laga e nashonnan wòrdu huzgá den Bo presensia.

9:20 Hinka miedu den nan, O SEÑOR; laga e nashonnan sa ku ta simplemente hende nan ta.

Salmonan 10

10:1 Pakiko Bo ta para leu asina, O SEÑOR? Pakiko Bo ta skonde Bo mes den tempunan di angustia?

10:2 Ku arogansia e malbado ta pèrsiguí e pober; laga nan wòrdu atrapá den e kòmplòtnan ku nan mes a inventá.

10:3 Pasobra e malbado ta gaba di e deseo di su kurason; e ta bendishoná e hende golos i ta despresiá SEÑOR.

10:4 E malbado, ku su kara yen di orguyo, no ta buska Dios. Tur su pensamentunan ta: "No tin Dios."

10:5 Su kamindanan ta prosperá tur ora bai; Bo huisionan ta masha haltu, leu for di su bista; tur su atversarionan e ta despresiá.

10:6 E ta bisa den su mes: "Lo mi no wòrdu moví, pasobra nunka lo mi no hañami den atversidat."

10:7 Su boka ta yen di maldishon, engaño i opreshon; bou di su lenga tin pèrvèrsidat i maldat.

10:8 E ta skonde lur den e pueblitonan; den skondí e ta mata e inosente; e ta skonde lur e pober.

10:9 E ta lur na skondí manera un leon den su kueba; e ta lur na skondí pa kohe e pober; e ta kohe e pober dor di hal'é den su reda.

10:10 E ta krak su víktimanan, i nan ta kai abou; nan ta kai den su garanan fuerte.

10:11 E ta bisa den su mes: "Dios a lubidá; El a skonde Su kara; E lo no mira esaki nunka."

10:12 Lanta, O SEÑOR; O Dios, lanta Bo man. No lubidá esnan ku ta afligí.

10:13 Pakiko e malbado ta rechasá Dios? El a bisa den su mes: "Lo Bo no eksigí kuenta di esaki."

10:14 Bo a mira esaki, pasobra Bo a nota difikultat i tristesa, pa tum'é den Bo man. E pober ta enkomendá su mes na Bo; Abo ta Esun ku ta yuda e wérfano.

10:15 Kibra brasa di e malbado i di e hasidó di maldat, rondia su maldatnan te ora Bo no haña ni ún mas.

10:16 SEÑOR ta Rei pa semper i semper; nashonnan a peresé for di Su tera.

10:17 O SEÑOR, Bo a tende e deseo di e umildenan; Abo lo fortifiká nan kurason, Abo lo inkliná Bo orea

10:18 pa hasi hustisia na e wérfano i na esun oprimí, pa hende mortal no kousa teror mas.