Search the Bible

Numbernan 8; Numbernan 9; Numbernan 10 BSNP Edit

Numbernan 8

8:1 E ora ei SEÑOR a papia ku Moisés, bisando:

8:2 "Papia ku Aaron i bis'é: 'Ora bo ta areglá e lampinan, e shete lampinan mester lusa e espasio dilanti di e kandelá.'"

8:3 I asina Aaron a hasi; el a areglá e lampinan na e parti dilanti di e kandelá, meskos ku SEÑOR a ordená Moisés.

8:4 Awor esaki tabata e kalidat di trabou ku e kandelá tabata trahá di djé: obra di oro batí-ku-martiu; for di su pia te na su flornan e tabata obra batí-ku-martiu; konforme e patronchi ku SEÑOR a mustra Moisés, asina el a traha e kandelá.

8:5 SEÑOR a bolbe papia ku Moisés, bisando:

8:6 "Tuma e levitanan for di entre e yunan di Israel i purifiká nan.

8:7 I asina bo mester hasi ku nan pa purifiká nan: sprèngu awa di purifikashon riba nan, i laga nan pasa nabaha na henter nan kurpa, i laba nan pañanan, i nan lo ta purifiká.

8:8 E ora ei laga nan kohe un bishé machu huntu ku su ofrenda di mainshi, esta, hariña fini mesklá ku zeta; i kohe un otro bishé machu komo un ofrenda pa piká.

8:9 Asina bo mester presentá e levitanan dilanti di e tènt di reunion i reuní henter e kongregashon di e yunan di Israel,

8:10 i presentá e levitanan dilanti di SEÑOR; i e yunan di Israel mester pone nan mannan riba e levitanan.

8:11 E ora ei Aaron mester presentá e levitanan dilanti di SEÑOR komo un ofrenda di zoyamentu di e yunan di Israel, pa nan por a hasi e sirbishi di SEÑOR.

8:12 "Awor e levitanan mester pone nan mannan riba kabes di e bishénan machu, i ofresé esun komo un ofrenda pa piká i e otro komo un ofrenda kimá na SEÑOR, pa hasi ekspiashon pa e levitanan.

8:13 I bo mester pone e levitanan dilanti di Aaron i dilanti di su yu hòmbernan, pa presentá nan komo un ofrenda di zoyamentu na SEÑOR.

8:14 Asina bo mester separá e levitanan for di entre e yunan di Israel, i e levitanan lo ta di Mi.

8:15 "Anto despues di esei e levitanan mag bai paden pa sirbi den e tènt di reunion. Ma abo mester purifiká nan i presentá nan komo un ofrenda di zoyamentu,

8:16 pasobra nan ta henteramente duná na Mi for di entre e yunan di Israel. Mi a kohe nan pa Mi mes na lugá di tur promé yu ku nase for di matris, e primogénitonan di tur e yunan di Israel.

8:17 Pasobra tur primogénito entre e yunan di Israel ta di Mi, tantu entre hende komo entre bestia; riba e dia ku Mi a mata tur e primogénitonan den tera di Egipto, Mi a santifiká nan pa Mi mes.

8:18 Ma Mi a tuma e levitanan na lugá di tur primogénito entre e yunan di Israel.

8:19 I Mi a duna Aaron ku su yu hòmbernan e levitanan komo un regalo for di entre e yunan di Israel, pa hasi e sirbishi di e yunan di Israel na e tènt di reunion, i pa hasi ekspiashon pa e yunan di Israel, pa no tin plaga meimei di e yunan di Israel ora nan yega serka di e santuario."

H5414 -- I Mi a duna -> I have given
H3881 -- Aaron ku su yu hòmbernan e levitanan -> the Levites
H175 -- Aaron ku su yu hòmbernan e levitanan -> to Aaron
H1121 -- Aaron ku su yu hòmbernan e levitanan -> and to his sons
H5414 -- komo un regalo -> as a gift
H8432 -- for di entre -> from among
H1121 -- e yunan -> the sons
H3478 -- di Israel -> of Israel
H5647 -- pa hasi -> to perform
H5656 -- e sirbishi -> the service
H1121 -- di e yunan -> of the sons
H3478 -- di Israel -> of Israel
H168 -- na e tènt -> at the tent
H4150 -- di reunion -> of meeting
H3722a -- i pa hasi -> and to make
H3722a -- ekspiashon -> atonement
H5921 -- pa -> on behalf
H1121 -- e yunan -> of the sons
H3478 -- di Israel -> of Israel
H3808 -- pa no tin -> so that there will be no
H5063 -- plaga -> plague
H1121 -- meimei di e yunan -> among the sons
H3478 -- di Israel -> of Israel
H5066 -- ora nan yega -> by their coming
H5066 -- serka -> near
H6944 -- di e santuario -> to the sanctuary.

8:20 Asina Moisés i Aaron i henter e kongregashon di e yunan di Israel a hasi ku e levitanan; konforme tur loke SEÑOR a ordená Moisés tokante di e levitanan, asina e yunan di Israel a hasi ku nan.

8:21 E levitanan tambe a purifiká nan mes di piká i a laba nan pañanan; i Aaron a presentá nan komo un ofrenda di zoyamentu dilanti di SEÑOR. Tambe Aaron a hasi ekspiashon pa nan pa purifiká nan.

8:22 I despues di esei e levitanan a bai paden pa hasi nan sirbishi den e tènt di reunion dilanti di Aaron i dilanti di su yu hòmbernan; meskos ku SEÑOR a ordená Moisés tokante di e levitanan, asina nan a hasi ku nan.

H310 -- I despues -> Then after
H3881 -- di esei e levitanan -> that the Levites
H935 -- a bai -> went
H5647 -- paden pa hasi -> in to perform
H5656 -- nan sirbishi -> their service
H168 -- den e tènt -> in the tent
H4150 -- di reunion -> of meeting
H6440 -- dilanti -> before
H175 -- Aaron -> Aaron
H6440 -- i dilanti -> and before
H1121 -- su yu hòmbernan -> his sons
H3512c -- ; meskos -> just
H6680 -- a ordená -> had commanded
H4872 -- Moisés -> Moses
H5921 -- tokante -> concerning
H3881 -- di e levitanan -> the Levites
H3651 -- , asina -> so
H6213a -- nan a hasi -> they did

8:23 Awor SEÑOR a papia ku Moisés, bisando:

8:24 "Esaki ta loke ta konta pa e levitanan: for di bint'i sinku aña p'ariba nan mester drenta pa hasi sirbishi den e trabou di e tènt di reunion.

8:25 Ma na edat di sinkuenta aña nan mester retirá for di sirbishi den e trabou i no traha mas.

8:26 Sinembargo, nan mag asistí nan rumannan den e tènt di reunion, pa kumpli ku kualke obligashon, ma nan mes no mag hasi ningun trabou. Asina bo mester trata ku e levitanan tokante di nan obligashonnan."

Numbernan 9

9:1 Asina SEÑOR a papia ku Moisés den e desierto di Sinaí, den e promé luna di e di dos aña despues ku nan a sali for di tera di Egipto, bisando:

9:2 "Awor laga e yunan di Israel selebrá Pasku na su tempu stipulá.

9:3 Riba e di dieskuater dia di e luna aki, ora solo a baha, promé ku bira skur, boso mester selebr'é na su tempu stipulá. Selebr'é konforme tur su statutonan i konforme tur su ordenansanan."

9:4 Asina Moisés a bisa e yunan di Israel pa selebrá Pasku.

9:5 I nan a selebrá Pasku den e promé luna, riba e di dieskuater dia di e luna, ora solo a baha, promé ku bira skur, den e desierto di Sinaí; konforme tur loke SEÑOR a ordená Moisés, asina e yunan di Israel ta hasi.

9:6 Ma tabatin algun hòmber ku tabata impuru pa motibu di un morto, asina ku nan no por a selebrá Pasku riba e dia ei; asina nan a bin dilanti di Moisés i Aaron riba e dia ei.

9:7 I e hòmbernan ei a bisa Moisés: "Ounke nos ta impuru pa motibu di un morto, pakiko nos ta wòrdu strobá di presentá e ofrenda di SEÑOR na su tempu stipulá meimei di e yunan di Israel?"

9:8 I Moisés a bisa nan: "Wardami, i lo mi tende kiko SEÑOR lo ordená tokante di boso."

9:9 E ora ei SEÑOR a papia ku Moisés, bisando:

9:10 "Papia ku e yunan di Israel, bisando: 'Ora un di boso òf di boso generashonnan bira impuru pa motibu di un morto, òf ta riba un biahe largu, e mag selebrá Pasku na SEÑOR tòg.

9:11 Den e di dos luna riba e di dieskuater dia, ora solo a baha, promé ku bira skur, nan mester selebrá esaki; nan mester kom'é ku pan sin zürdeg i yerba marga.

9:12 Nan no mester laga nada di djé keda te su manisé, ni kibra ni un wesu di djé; konforme henter e statuto di Pasku nan mester selebr'é.

9:13 Ma e hòmber ku ta limpi i ku no ta di biahe, i sinembargo ta keda sin selebrá Pasku, e persona ei mester wòrdu kòrtá kitá for di su pueblo, pasobra e no a presentá e ofrenda di SEÑOR na su tempu stipulá. E hòmber ei mester karga su piká.

9:14 'I si un stranhero keda biba pa un tempu meimei di boso i ta selebrá Pasku na SEÑOR, konforme e statuto di Pasku i konforme su ordenansa, asina e mester hasi; boso mester tin ún statuto, tantu pa e stranhero komo pa e yu di tera.'"

9:15 Awor riba e dia ku e tabernakel a wòrdu lantá e nubia a tapa e tabernakel, e tènt di testimonio, i anochi esaki tabata manera e aparensia di kandela ofer di e tabernakel, te su manisé.

9:16 Asina tabata kontinuamente; den dia e nubia tabata tap'é i anochi e aparensia di kandela.

9:17 I ki ora ku e nubia a wòrdu lantá for di riba e tènt, despues di esei, e yunan di Israel tabata sali bai; i na e lugá kaminda e nubia tabata keda para, einan e yunan di Israel tabata kampa.

9:18 Riba e òrdu di SEÑOR e yunan di Israel tabata sali bai, i riba e òrdu di SEÑOR nan tabata kampa; tanten ku e nubia tabata keda para ofer di e tabernakel nan tabata keda kampa.

9:19 Tambe ora ku e nubia tabata keda pa hopi dia ofer di e tabernakel, e yunan di Israel tabata warda e ordenansa di SEÑOR i no tabata sali bai.

9:20 Si algun biaha e nubia tabata keda poko dia ofer di e tabernakel, konforme e òrdu di SEÑOR, nan tabata keda kampa. E ora ei konforme e òrdu di SEÑOR nan tabata sali bai.

9:21 Si algun biaha e nubia tabata keda for di anochi te mainta, ora ku e nubia a wòrdu lantá mainta, nan tabata sigui nan biahe; òf si e nubia tabata keda di dia i anochi, ki ora ku e nubia a wòrdu lantá, nan tabata sali bai.

9:22 Sea ku tabata dos dia òf un luna òf un aña ku e nubia tabata keda ofer di e tabernakel, mientras ku e tabata keda riba djé e yunan di Israel tabata keda kampa i no tabata sali bai; ma ora ku e wòrdu lantá, nan tabata sali bai.

9:23 Konforme e òrdu di SEÑOR nan tabata kampa i konforme e òrdu di SEÑOR nan tabata sali bai; nan tabata kumpli ku e òrdu di SEÑOR konforme e òrdu di SEÑOR pa medio di Moisés.

Numbernan 10

10:1 SEÑOR a sigui papia ku Moisés, bisando:

10:2 "Traha pa bo mes dos tròmpèt di plata. Traha nan di obra batí-ku-martiu, i uza nan pa yama e kongregashon pa bin huntu i pa hasi e kampamentunan sali bai.

10:3 I ora supla tur dos, henter e kongregashon mester reuní serka bo na entrada di e tènt di reunion.

10:4 Ma si supla ún so, e ora ei e lidernan, kabesantenan di e divishonnan di Israel mester reuní bo dilanti.

10:5 Ma ora boso zona alarma, e kampamentunan ku ta lantá na e banda pariba mester sali bai.

10:6 I ora boso zona alarma pa di dos biaha, e kampamentunan ku ta lantá na e banda pasùit mester sali bai; mester zona alarma pa nan sali bai.

10:7 Sinembargo, ora ta reuní e kongregashon, boso mester supla tròmpèt sin zona alarma.

10:8 "Ademas, e yu hòmbernan di Aaron, kendenan ta saserdote, mester supla e tròmpètnan; i esaki mester ta pa boso un statuto perpetuo durante di tur boso generashonnan.

10:9 I ora boso ta bai guera den boso tera kontra e atversario ku ta ataká boso, e ora ei boso mester laga alarma zona ku e tròmpètnan, pa boso wòrdu rekòrdá dilanti di SEÑOR boso Dios, i wòrdu salbá for di boso enemigunan.

10:10 Tambe riba dia di boso alegria, i na boso fiestanan stipulá, i riba e promé dianan di boso lunanan, boso mester supla e tròmpètnan riba boso ofrendanan kimá i riba e sakrifisionan di boso ofrendanan di pas; i nan lo keda komo un rekòrdatorio di boso dilanti di boso Dios. Ami ta SEÑOR boso Dios."

H3117 -- Tambe riba dia -> Also in the day
H5921 -- riba -> over
H8057 -- di boso alegria -> of your gladness
H4150 -- , i na boso fiestanan stipulá -> and in your appointed
H4150 -- , i na boso fiestanan stipulá -> feasts
H7218 -- , i riba e promé dianan -> and on the first
H2320 -- di boso lunanan -> ] of your months
H8628 -- , boso mester supla -> you shall blow
H2689 -- e tròmpètnan -> the trumpets
H5930a -- riba boso ofrendanan kimá -> your burnt
H5930a -- riba boso ofrendanan kimá -> offerings
H5921 -- i riba -> and over
H2077 -- e sakrifisionan -> the sacrifices
H8002 -- di boso ofrendanan di pas -> of your peace
H8002 -- di boso ofrendanan di pas -> offerings
H2146 -- ; i nan lo keda komo un rekòrdatorio -> and they shall be as a reminder
H6440 -- di boso dilanti -> of you before
H430 -- boso Dios -> your God
H430 -- boso Dios -> your God

10:11 Awor a sosodé den e di dos aña, den e di dos luna, riba e di binti dia di e luna, ku e nubia a wòrdu lantá for di riba e tabernakel di testimonio;

10:12 i e yunan di Israel a biaha bai for di e desierto di Sinaí. Anto e nubia a keda para den e desierto di Paran.

10:13 Asina nan a sali bai pa di promé biaha konforme e òrdu di SEÑOR pa medio di Moisés.

10:14 I e emblema di e kampamentu di e yu hòmbernan di Juda, segun nan ehérsitonan, a sali bai promé, ku Nason, yu hòmber di Aminadab, na kabes di e ehérsito,

10:15 i Natanael, yu hòmber di Zuar, na kabes di e ehérsito di e tribu di e yu hòmbernan di Isakar;

10:16 i Eliab, yu hòmber di Helon, na kabes di e ehérsito di e tribu di e yu hòmbernan di Zabulon.

10:17 E ora ei e tabernakel a wòrdu desarmá; i e yu hòmbernan di Gerson i e yu hòmbernan di Merari, kendenan tabata karga e tabernakel, a sali bai.

10:18 Kaba e emblema di e kampamentu di Ruben, segun nan ehérsitonan, a sali bai, ku Elisur, yu hòmber di Sedeur, na kabes di e ehérsito,

10:19 i Selumiel, yu hòmber di Zurisadai, na kabes di e ehérsito di e tribu di e yu hòmbernan di Simeon,

10:20 i Eliasaf, yu hòmber di Deuel, na kabes di e ehérsito di e tribu di e yu hòmbernan di Gad.

10:21 E ora ei e koatitanan a sali bai, kargando e artíkulonan santu; i e tabernakel a wòrdu lantá promé ku nan yegada.

10:22 Kaba e emblema di e kampamentu di e yu hòmbernan di Efrain, segun nan ehérsitonan, a sali bai, ku Elisama, yu hòmber di Amiud, na kabes di e ehérsito,

10:23 i Gamaliel, yu hòmber di Pedasur, na kabes di e ehérsito di e tribu di e yu hòmbernan di Manasés;

10:24 i Abidan, yu hòmber di Gideoni, na kabes di e ehérsito di e tribu di e yu hòmbernan di Benjamin.

10:25 E ora ei e emblema di e kampamentu di e yu hòmbernan di Dan, segun nan ehérsitonan, kualnan tabata forma e warda di mas patras pa tur e kampamentunan, a sali bai, ku Ahiezer, yu hòmber di Amisadai, na kabes di e ehérsito,

10:26 i Pagiel, yu hòmber di Okran, na kabes di e ehérsito di e tribu di e yu hòmbernan di Aser;

10:27 i Ahira, yu hòmber di Enan, na kabes di e ehérsito di e tribu di e yu hòmbernan di Nèftalí.

10:28 Esaki tabata e òrdu di marcha di e yunan di Israel segun nan ehérsitonan, ora nan tabata sali bai.

10:29 E ora ei Moisés a bisa Hobab, yu hòmber di Reuel e madianita, Moisés su suegro: "Nos ta sali bai na e lugá di kual SEÑOR a bisa: 'Ami lo duna boso esaki'; ban ku nos i nos lo tratabo bon, pasobra SEÑOR a primintí loke ta bon tokante di Israel."

H4872 -- E ora ei Moisés -> Then Moses
H2246 -- a bisa Hobab -> to Hobab
H559 -- a bisa -> said
H559 -- a bisa -> said
H1121 -- , yu hòmber -> the son
H7467 -- di Reuel -> of Reuel
H4084 -- e madianita -> the Midianite
H4872 -- , Moisés su -> Moses’
H2860b -- suegro -> father-in-law
H5265 -- : "Nos ta sali -> We are setting
H4725 -- bai na e lugá -> out to the place
H834 -- di kual -> of which
H5414 -- SEÑOR a bisa: 'Ami lo duna -> ‘I will give
H1980 -- boso esaki'; ban -> it to you’; come
H3190 -- ku nos i nos lo tratabo -> with us and we will do
H3190 -- bon -> you good
H1696 -- , pasobra SEÑOR a primintí -> has promised
H5921 -- tokante di -> concerning
H3478 -- Israel -> Israel
H2896a -- bon -> good

10:30 Ma el a bisa Moisés: "Mi no ta bin, ma mas bien mi ta bai na mi mes tera, serka famianan."

10:31 E ora ei Moisés a bisa: "Pa fabor, no bandoná nos, komo ku abo sa unda nos tin di kampa den desierto, i abo lo ta manera wowo pa nos.

10:32 I lo ta asina, ku si bo bai ku nos, e ora ei tur bon ku SEÑOR hasi pa nos, nos lo hasi pa bo."

10:33 Asina nan a sali bai for di e seru di SEÑOR pa un biahe di tres dia, mientras ku e arka di aliansa di SEÑOR tabata bai nan dilanti durante di e biahe di tres dia, pa buska un lugá di sosiegu pa nan.

10:34 I e nubia di SEÑOR tabata ofer di nan den dia, ora nan tabata sali bai for di e kampamentu.

10:35 E ora ei a sosodé ku ora e arka a sali bai, Moisés a bisa: "Lanta, O SEÑOR! I laga Bo enemigunan keda plamá; i laga esnan ku ta odiaBo hui for di Bo presensia."

10:36 I ora ku e arka a keda para, el a bisa: "Bolbe, O SEÑOR, serka e miles i miles di Israel."