Search the Bible

Numbernan 14; Numbernan 15 BSNP Edit

Numbernan 14

14:1 E ora ei henter e kongregashon a halsa bos i a grita, i e pueblo a yora e anochi ei.

14:2 I tur e yunan di Israel tabata murmurá kontra Moisés i Aaron; i henter e kongregashon a bisa nan: "Mihó nos a muri na tera di Egipto! Of mihó nos a muri den e desierto aki!

H3605 -- tur -> all
H1121 -- e yunan -> the sons
H3478 -- di Israel -> of Israel
H3885b -- tabata murmurá -> grumbled
H5921 -- kontra -> against
H4872 -- Moisés -> Moses
H175 -- i Aaron -> and Aaron
H3605 -- i henter -> and the whole
H5712 -- e kongregashon -> congregation
H3863 -- a bisa nan: "Mihó -> to them “Would
H4191 -- nos a muri -> that we had died
H4714 -- na tera di Egipto -> of Egypt
H176 -- ! Of -> ! Or
H3863 -- mihó -> would
H559 -- a bisa -> said
H4191 -- nos a muri -> that we had died
H2088 -- den e -> in this
H4057b -- desierto aki -> wilderness
H776 -- na tera -> in the land

14:3 I pakiko SEÑOR ta trese nos na e tera aki pa nos muri pa medio di spada? Nos esposanan i nos yunan chikitu lo bira víktima; no ta mihó nos bolbe Egipto?"

14:4 Asina nan a bisa otro: "Laga nos nombra un lider i bolbe Egipto."

14:5 E ora ei Moisés i Aaron a tira nan kurpa abou ku nan kara te na suela den presensia di henter e asamblea di e kongregashon di e yunan di Israel.

14:6 I Josué, yu hòmber di Nun, i Kalèb, yu hòmber di Jefone, di esnan ku a bai spioná e tera, a sker nan pañanan;

14:7 i nan a papia ku henter e kongregashon di e yunan di Israel, bisando: "E tera ku nos a pasa den pa spioná ta un tera súmamente bon.

14:8 Si SEÑOR ta kontentu ku nos, e ora ei E lo hiba nos na e tera aki i duna nos é--un tera ku tin lechi i miel na abundansia.

14:9 Solamente, no rebeldiá kontra SEÑOR, i no tene miedu di e pueblo di e tera, pasobra nan ta nos pan. Nan protekshon a wòrdu kitá for di nan, i SEÑOR ta ku nos; no tene miedu di nan."

14:10 Ma henter e kongregashon a bisa pa piedra nan ku piedra. E ora ei e gloria di SEÑOR a paresé den e tènt di reunion na tur e yunan di Israel.

14:11 I SEÑOR a bisa Moisés: "Kuantu tempu mas e pueblo aki lo despresiáMi? I kuantu tempu mas nan lo no kere den Mi, apesar di tur e señalnan ku Mi a hasi meimei di nan?

14:12 Lo Mi dal nan ku pèst i deseredá nan, i lo Mi hasi abo un nashon mas grandi i mas poderoso ku nan."

14:13 Ma Moisés a bisa SEÑOR: "E ora ei e egipsionan lo tende di esaki, pasobra ta pa medio di Bo poder Bo a trese e pueblo aki for di meimei di nan,

14:14 i nan lo konta esaki na e habitantenan di e tera aki. Nan a tende ku Abo, O SEÑOR, ta meimei di e pueblo aki, pasobra Abo, O SEÑOR, a wòrdu mirá kara-kara, mientras ku Bo nubia ta para ofer di nan; i Abo ta bai nan dilanti, di dia den un pilar di nubia i anochi den un pilar di kandela.

H559 -- i nan lo konta -> and they will tell
H3427 -- na e habitantenan -> ] to the inhabitants
H2088 -- di e -> of this
H776 -- tera -> land
H8085 -- . Nan a tende -> . They have heard
H7130 -- , ta meimei -> are in the midst
H2088 -- di e -> of this
H5971a -- pueblo -> people
H7200 -- , a wòrdu mirá -> are seen
H5869 -- kara -> eye
H5869 -- kara -> to eye
H6051 -- , mientras ku Bo nubia -> while Your cloud
H5975 -- ta para -> stands
H5921 -- ofer -> over
H1980 -- di nan; i Abo ta bai -> them; and You go
H6440 -- dilanti -> before
H5982 -- nan, di dia den un pilar -> them in a pillar
H6051 -- di nubia -> of cloud
H3119 -- di dia -> by day
H5982 -- i anochi den un pilar -> and in a pillar
H784 -- di kandela -> of fire
H3915 -- anochi -> by night

14:15 Awor si Bo mata e pueblo aki komo si fuera ta ún hòmber so, e ora ei e nashonnan ku a tende di Bo fama lo bisa:

14:16 'Ta pasobra SEÑOR no por a hiba e pueblo aki den e tera ku El a primintí nan bou di huramentu, pesei El a mata nan den desierto.'

14:17 "Ma awor, Mi ta pidiBo, laga e poder di Señor ta grandi, meskos ku Bo a deklará:

14:18 'SEÑOR no ta rabia lihé i ta abundá den miserikòrdia, i ta pordoná inikidat i transgreshon; ma di ningun manera E lo no laga e kulpabel sali liber, ma ta bishitá e inikidat di e tatanan riba e yunan te na e di tres i e di kuater generashon.'

14:19 Mi ta pidiBo, pordoná e inikidat di e pueblo aki konforme e grandesa di Bo miserikòrdia, meskos ku Bo a pordoná e pueblo aki for di Egipto te awor."

14:20 I SEÑOR a bisa: "Mi a pordoná nan konforme bo palabra;

14:21 ma di bèrdat, manera Mi ta biba, henter e tera lo wòrdu yená ku e gloria di SEÑOR.

14:22 Siguramente tur e hòmbernan aki ku a mira Mi gloria i Mi señalnan, ku Mi a hasi den Egipto i den desierto, i ku sinembargo a poneMi na prueba e dies biahanan aki i no a skucha Mi bos,

14:23 di ningun manera lo mira e tera ku Mi a hura na nan tatanan, ni ningun di esnan ku a despresiáMi lo no mira esaki.

14:24 Ma Mi sirbidó Kalèb, pa motibu ku e tin un spiritu diferente i a siguiMi kompletamente, lo Mi hiba na e tera ku el a drenta, i su desendientenan lo poderá di djé.

14:25 Awor e amalekitanan i e kananeonan ta biba den e vayenan; bira bai bèk mañan i sali bai na e desierto pa e kaminda di Laman Kòrá."

14:26 I SEÑOR a papia ku Moisés i Aaron, bisando:

14:27 "Te ki dia Mi tin ku soportá e kongregashon malbado aki ku ta murmurá kontra Mi? Mi a tende e murmurashonnan ku e yunan di Israel ta murmurá kontra Mi.

14:28 Bisa nan: 'Manera Mi ta biba,' SEÑOR ta bisa, 'meskos ku boso a papia pa Mi tende, asina lo Mi hasi ku boso sigur-sigur;

14:29 boso kadavernan lo kai den e desierto aki, tur boso hòmbernan kontá, konforme boso kantidat kompleto for di binti aña p'ariba, kendenan a murmurá kontra Mi.

14:30 Siguramente boso lo no bin den e tera kaminda Mi a hura di stablesé boso, ku eksepshon di Kalèb, yu hòmber di Jefone, i Josué, yu hòmber di Nun.

14:31 Sinembargo, boso yunan, di kendenan boso a bisa ku nan lo bira víktima--eseinan lo Mi hiba na e tera, i nan lo konosé e tera ku boso a rechasá.

14:32 Ma pa loke ta boso, boso kadavernan lo kai den e desierto aki.

14:33 I boso yu hòmbernan lo ta wardadó di karné den desierto pa kuarenta aña, i nan lo sufri pa motibu di boso infieldat te ora boso kadavernan kaba na nada den desierto.

14:34 Konforme e kantidat di dia ku boso a spioná e tera, esta, kuarenta dia, boso lo karga boso inikidat kuarenta aña, un aña pa kada dia, i boso lo konosé Mi oposishon.

14:35 Ami, SEÑOR, a papia; siguramente esaki ta loke Mi ta bai hasi ku henter e kongregashon malbado aki ku a reuní kontra Mi. Den e desierto aki nan lo wòrdu destruí, i aya nan lo muri.'"

14:36 Pa loke ta e hòmbernan ku Moisés a manda pa spioná e tera i ku a bolbe i ku a hasi henter e kongregashon murmurá kontra djé dor di trese un mal reportahe tokante di e tera,

14:37 e hòmbernan ei, ku a trese e mal reportahe di e tera, a muri dor di un plaga, dilanti di SEÑOR.

14:38 Ma di e hendenan ei ku a bai spioná e tera ta Josué, yu hòmber di Nun, i Kalèb, yu hòmber di Jefone, so a keda na bida.

14:39 I ora Moisés a kaba di papia e palabranan aki ku tur e yunan di Israel, e pueblo a lamentá masha tantu mes.

14:40 Sinembargo, nan a lanta mainta tempran i a subi bai na kabes di e seru, bisando: "Ata nos aki; di bèrdat, nos a peka, ma nos lo subi bai na e lugá ku SEÑOR a primintí."

14:41 Ma Moisés a bisa: "Pakiko anto boso ta transgresá e mandamentu di SEÑOR? (Siendo ku esaki lo no logra!)

14:42 No subi bai, pa boso enemigunan no derotá boso, pasobra SEÑOR no ta meimei di boso.

14:43 Pasobra e amalekitanan i e kananeonan lo ta ayanan boso dilanti i boso lo muri pa medio di spada, komo ku boso a bira bai i a stòp di sigui SEÑOR. I SEÑOR lo no ta ku boso."

14:44 Ma nan a riska subi bai na kabes di e seru; ni e arka di aliansa di SEÑOR ni Moisés no a bandoná e kampamentu.

14:45 E ora ei e amalekitanan i e kananeonan, ku tabata biba den e serunan ei, a baha bin i a derotá nan i a pèrsiguí nan te na Horma.

Numbernan 15

15:1 Awor SEÑOR a papia ku Moisés, bisando:

15:2 "Papia ku e yunan di Israel i bisa nan: 'Ora boso drenta e tera ku Mi ta bai duna boso pa boso biba aden,

15:3 e ora ei hasi un ofrenda di kandela na SEÑOR, sea un ofrenda kimá òf un sakrifisio pa kumpli ku un promesa spesial, òf komo un ofrenda boluntario, òf na boso tempunan stipulá, pa prepará un holó dushi na SEÑOR for di e kria di baka òf for di e tou di bestia chikitu.

15:4 E ora ei esun ku presentá su ofrenda mester presentá na SEÑOR un ofrenda di mainshi di un désimo parti di un efa di hariña fini, mesklá ku un di kuater parti di un hin di zeta,

15:5 i bo mester prepará biña pa e ofrenda di bibida, un di kuater parti di un hin, huntu ku e ofrenda kimá òf pa e sakrifisio, pa kada lamchi.

15:6 'Of pa un karné chubatu bo mester prepará komo un ofrenda di mainshi dos désimo parti di un efa di hariña fini mesklá ku un di tres parti di un hin di zeta;

15:7 i pa e ofrenda di bibida bo mester ofresé un di tres parti di un hin di biña komo un holó dushi na SEÑOR.

15:8 'I ora bo prepará un bishé machu komo un ofrenda kimá òf un sakrifisio, pa kumpli ku un promesa spesial, òf komo ofrendanan di pas na SEÑOR,

15:9 e ora ei bo mester ofresé huntu ku e bishé machu un ofrenda di mainshi di tres désimo parti di un efa di hariña fini mesklá ku mitar hin di zeta;

15:10 komo ofrenda di bibida bo mester ofresé mitar hin di biña komo un ofrenda di kandela, komo un holó dushi na SEÑOR.

15:11 Asina mester hasi pa kada buey òf pa kada karné chubatu òf pa kada un di e lamchinan machu òf di e kabritunan.

15:12 Konforme e kantidat ku boso ta prepará, asina boso lo hasi pa kada un, konforme nan kantidat.

15:13 'Tur yu di tera mester hasi e kosnan aki na e manera aki, ora ta presentá un ofrenda di kandela, komo un holó dushi na SEÑOR.

15:14 I si un stranhero keda biba pa un tempu serka boso, òf ken ku por ta meimei di boso durante di tur boso generashonnan, i e ta deseá di hasi un ofrenda di kandela komo un holó dushi na SEÑOR, e ora ei e mester hasi meskos ku boso ta hasi.

15:15 Pa loke ta e asamblea, mester tin ún statuto pa boso i pa e stranhero ku ta keda biba pa un tempu serka boso, un statuto perpetuo durante di tur boso generashonnan; manera boso ta, asina e stranhero tambe mester ta dilanti di SEÑOR.

15:16 Mester tin ún lei i ún ordenansa pa boso i pa e stranhero ku ta keda biba pa un tempu serka boso.'"

15:17 E ora ei SEÑOR a papia ku Moisés, bisando:

15:18 "Papia ku e yunan di Israel i bisa nan: 'Ora boso drenta e tera kaminda Mi ta hiba boso,

15:19 e ora ei lo t'asina, ku ora boso kome di e kuminda di e tera, boso mester ofresé un ofrenda di halsamentu na SEÑOR.

15:20 For di e mansa, trahá di boso promé hariña, boso mester ofresé un pan buskuchi komo un ofrenda di halsamentu; manera e ofrenda di halsamentu for di e plenchi-di-bati-mainshi, asina lo bo ofres'é.

15:21 For di e mansa trahá di boso promé hariña boso mester duna SEÑOR un ofrenda di halsamentu durante di tur boso generashonnan.

15:22 'Ma ora boso faya no intenshonalmente i no ta warda tur e mandamentunan aki ku SEÑOR a papia ku Moisés--

15:23 tur loke SEÑOR a ordená boso pa medio di Moisés, for di dia ku SEÑOR a duna e mandamentunan i djei padilanti, durante di tur boso generashonnan--

15:24 e ora ei lo t'asina ku, si esaki wòrdu hasí no intenshonalmente, sin konosementu di e kongregashon, e ora ei henter e kongregashon mester ofresé un bishé machu komo un ofrenda kimá, komo un holó dushi na SEÑOR, huntu ku su ofrenda di mainshi i su ofrenda di bibida, konforme e ordenansa, i un kabritu chubatu komo ofrenda pa piká.

15:25 E ora ei e saserdote mester hasi ekspiashon pa henter e kongregashon di e yunan di Israel, i nan lo wòrdu pordoná; pasobra tabata un eror i nan a trese nan ofrenda, un ofrenda di kandela na SEÑOR, i nan ofrenda pa piká dilanti di SEÑOR, pa nan eror.

15:26 Asina henter e kongregashon di e yunan di Israel lo wòrdu pordoná, huntu ku e stranhero ku ta keda biba pa un tempu meimei di nan, pasobra esaki a sosodé ku henter e pueblo pa motibu di eror.

15:27 'Tambe si un persona peka no intenshonalmente, e ora ei e mester ofresé un kabritu muhé di un aña komo un ofrenda pa piká.

15:28 I e saserdote mester hasi ekspiashon dilanti di SEÑOR pa e persona ku ta desviá ora ku e peka no intenshonalmente, hasiendo ekspiashon pa e persona, pa e wòrdu pordoná.

15:29 Boso mester tin ún lei pa esun ku hasi kualke kos no intenshonalmente, pa e yu di tera meimei di e yunan di Israel i pa e stranhero ku ta keda biba pa un tempu meimei di nan.

15:30 'Ma e persona ku hasi kualke kos pa malu, sea ku e ta yu di tera òf un stranhero, ta blasfemá SEÑOR; i e persona ei mester wòrdu kòrtá kitá for di meimei di su pueblo.

15:31 Komo ku el a despresiá e palabra di SEÑOR i a kibra Su mandamentu, e persona ei mester wòrdu kòrtá kitá kompletamente; su kulpa lo keda riba djé.'"

15:32 Awor mientras ku e yunan di Israel tabata den desierto, nan a haña un hòmber ta piki palu riba dia di sabat.

15:33 I esnan ku a hañ'é ta piki palu a hib'é pa Moisés i Aaron i pa henter e kongregashon;

15:34 i nan a ser'é, pasobra ainda no a disidí kiko mester hasi kuné.

15:35 E ora ei SEÑOR a bisa Moisés: "E hòmber mester wòrdu matá sigur; henter e kongregashon mester piedr'é ku piedra pafó di e kampamentu."

15:36 Pesei henter e kongregashon a hib'é pafó di e kampamentu i a piedr'é ku piedra te ora ku el a muri, meskos ku SEÑOR a ordená Moisés.

15:37 Tambe SEÑOR a papia ku Moisés, bisando:

15:38 "Papia ku e yunan di Israel i bisa nan ku nan mester traha fraña pa nan mes na e puntanan di nan pañanan durante di tur nan generashonnan, i ku nan mester pone un kordon blou na fraña di kada punta.

15:39 I esaki lo ta un fraña pa boso wak i rekòrdá tur e mandamentunan di SEÑOR, pa hasi nan i no prostituí boso mes dor di sigui tras di e pashonnan di boso mes kurason i di boso mes wowo,

15:40 pa boso kòrda pa hasi tur Mi mandamentunan, i sea santu pa boso Dios.

15:41 Ami ta SEÑOR boso Dios, Kende a saka boso for di tera di Egipto pa ta boso Dios; Ami ta SEÑOR boso Dios."