Search the Bible

Levitiko 26; Levitiko 27 BSNP Edit

Levitiko 26

26:1 'No traha ídolo pa boso mes, ni lanta un imagen ni un pilar sagrado pa boso mes, i no pone un piedra grabá den boso tera pa bùig p'é; pasobra Ami ta SEÑOR boso Dios.

26:2 'Warda Mi sabatnan i duna reverensia na Mi santuario; Ami ta SEÑOR.

26:3 'Si boso kana den Mi statutonan i warda Mi mandamentunan pa kumpli ku nan,

26:4 e ora ei lo Mi duna boso awaseru na su tempu, asina ku e tera lo duna su kosecha i e palunan di kunuku lo karga nan fruta.

26:5 Di bèrdat, boso tempu di bati mainshi lo dura pa boso te na e tempu di rekohé wendrùif, i e tempu di rekohé wendrùif lo dura te na e tempu di sembra. Asina boso lo kome barika yen i biba trankil den boso tera.

H1786 -- Di bèrdat, boso tempu di bati mainshi -> ‘Indeed, your threshing
H5381 -- lo dura -> will last
H5381 -- pa boso te na -> for you until
H1210 -- e tempu di rekohé wendrùif -> grape
H1210 -- rekohé wendrùif -> gathering
H1210 -- , i e tempu di rekohé wendrùif -> and grape
H1210 -- rekohé wendrùif -> gathering
H5381 -- lo dura -> will last
H5381 -- te na -> until
H2232 -- e tempu di sembra -> sowing
H2233 -- sembra -> time
H398 -- . Asina boso lo kome -> . You will thus eat
H3899 -- barika -> your food
H7648 -- yen -> to the full
H3427 -- i biba -> and live
H983 -- trankil -> securely
H776 -- den boso tera -> in your land

26:6 'Tambe lo Mi duna pas den e tera, asina ku boso por kai drumi sin ku ningun hende ta hasi boso tembla. Tambe lo Mi eliminá for di e tera tur mal bestia, i ningun spada lo no pasa dor di boso tera.

26:7 Ma boso lo kore ku boso enemigunan, i nan lo muri boso dilanti pa medio di spada;

26:8 sinku di boso lo kore ku shen, i shen di boso lo kore ku dies mil, i boso enemigunan lo muri boso dilanti pa medio di spada.

26:9 'Asina lo Mi bolbe serka boso i hasi boso fruktífero i multipliká boso, i lo Mi konfirmá Mi aliansa ku boso.

26:10 I boso lo kome e provishon bieu i deshasí di e bieu pa motibu di e nobo.

26:11 Ademas, lo Mi pone Mi lugá di biba meimei di boso, i Mi alma lo no aboresé boso.

26:12 Tambe lo Mi kana meimei di boso i lo ta boso Dios, i boso lo ta Mi pueblo.

26:13 Ami ta SEÑOR boso Dios, Kende a saka boso for di tera di Egipto pa boso no ta nan esklabu, i Mi a kibra e baranan di boso yugo i a hasi boso kana règt.

26:14 'Ma si boso no obedeséMi i no kumpli ku tur e mandamentunan aki,

26:15 ma na lugá di esei boso rechasá Mi statutonan, i si boso alma aboresé Mi ordenansanan, asina ku boso no ta kumpli ku tur Mi mandamentunan, i asina ta kibra Mi aliansa,

26:16 Ami, na Mi turno, lo hasi esaki ku boso: lo Mi manda riba boso un teror repentino, tuberkulosis i keintura ku lo kaba ku boso wowo i kousa pena na kurason; tambe boso lo sembra boso simia en bano, pasobra boso enemigunan lo kom'é.

H637 -- Ami, na Mi turno -> I, in turn
H6213a -- , lo hasi -> will do
H6485 -- esaki ku boso: lo Mi manda -> to you: I will appoint
H2088 -- Esaki -> this
H928 -- riba boso un teror -> you a sudden
H5921 -- riba -> over
H928 -- repentino -> terror
H7829 -- , tuberkulosis -> consumption
H6920 -- i keintura -> and fever
H3615 -- ku lo kaba -> that will waste
H3615 -- ku -> away
H5869 -- boso wowo -> the eyes
H5315 -- i kousa pena na kurason -> and cause the soul
H1727 -- ; tambe boso lo sembra -> to pine
H1727 -- boso simia -> away
H2232 -- en bano -> also, you will sow
H2233 -- , pasobra boso enemigunan -> your seed
H7385b -- lo kom'é -> uselessly

26:17 I lo Mi pone Mi kara kontra boso, asina ku boso lo wòrdu derotá dilanti di boso enemigunan; i esnan ku ta odia boso lo goberná riba boso, i boso lo hui sin ku ningun hende ta pèrsiguí boso.

26:18 'Si tambe despues di e kosnan aki boso no obedeséMi, e ora ei lo Mi kastigá boso shete biaha mas tantu pa boso pikánan.

26:19 I tambe lo Mi kibra e orguyo di boso poder; tambe lo Mi hasi boso shelu manera heru i boso tera manera bròns.

26:20 I boso forsa lo wòrdu gastá en bano, pasobra boso tera lo no duna su kosecha i e palunan di e tera lo no duna nan fruta.

26:21 'Si e ora ei boso aktua ku enemistat kontra Mi i no ta dispuesto pa obedeséMi, lo Mi oumentá e plaga shete biaha riba boso segun boso pikánan.

26:22 I lo Mi lòs meimei di boso e bestianan di mondi, ku lo hòrta boso yunan kita for di boso i destruí boso bakanan i redusí boso kantidat di hende, asina ku boso kamindanan lo keda bandoná.

26:23 'I si pa medio di e kosnan aki ainda boso no bolbe serka Mi, ma ta aktua ku enemistat kontra Mi,

26:24 e ora ei lo Mi aktua ku enemistat kontra boso; i Ami, sí Ami, lo kastigá boso shete biaha pa boso pikánan.

26:25 Tambe lo Mi trese un spada riba boso pa venga e kibramentu di e aliansa; i ora boso reuní den boso statnan lo Mi manda pèst meimei di boso, asina ku boso lo wòrdu entregá den man di enemigu.

26:26 Ora Mi kita boso provishon di pan, dies muhé lo hòrna boso pan den un solo fòrnu, i nan lo debolbé boso pan den kantidatnan ku a wòrdu midí, asina ku boso lo kome sin keda satisfecho.

26:27 'Si apesar di esaki tòg boso no obedeséMi, ma ta aktua ku enemistat kontra Mi,

26:28 e ora ei lo Mi aktua ku enemistat yen di furia kontra boso; i Ami, sí Ami, lo kastigá boso shete biaha pa boso pikánan.

26:29 Ademas, boso lo kome e karni di boso yu hòmbernan, i e karni di boso yu muhénan boso lo kome.

26:30 E ora ei lo Mi destruí boso lugánan haltu, i basha boso altarnan di sensia abou, i montoná boso restunan riba e restunan di boso ídolonan, pasobra Mi alma lo aboresé boso.

26:31 Tambe lo Mi hasi boso statnan bira ruina i hasi boso santuarionan desolá; i lo Mi no hole boso holónan dushi mas.

26:32 I lo Mi hasi e tera keda desolá, asina ku boso enemigunan ku ta bin keda biba den djé lo keda tur babuká di mira esaki.

26:33 Ma boso lo Mi plama entre e nashonnan i lo Mi saka spada tras di boso, i boso tera lo keda desolá i boso statnan lo keda ruiná.

26:34 E ora ei e tera lo gosa su sabatnan tur e dianan di e desolashon, mientras ku boso ta den e tera di boso enemigunan; e ora ei e tera lo sosegá i gosa su sabatnan.

26:35 Tur e dianan di su desolashon e tera lo haña e sosiegu ku e no a haña riba boso sabatnan, tempu ku boso tabata biba den djé.

26:36 'Pa loke ta esnan di boso ku a keda, lo Mi pone debilidat tambe den nan kurason na e teranan di nan enemigunan. I zonidu di un blachi ku bientu ta supla bai kuné lo kore ku nan, i asta ora ningun hende no ta pèrsiguí, nan lo hui manera ta hui pa spada, i nan lo muri.

26:37 Pesei nan lo trompeká un riba otro manera ta pa spada nan ta kore, ounke no tin ningun hende ta pèrsiguí nan; i boso lo no tin forsa pa para dilanti di boso enemigunan.

26:38 Ma boso lo peresé meimei di e nashonnan, i e tera di boso enemigunan lo kaba ku boso.

26:39 Asina esnan di boso ku keda lo kaba na nada pa motibu di nan inikidat na e teranan di boso enemigunan; i tambe pa motibu di e inikidatnan di nan tatanan nan lo kaba na nada huntu ku nan.

26:40 'Si nan konfesá nan inikidat i e inikidat di nan tatanan den nan infieldat ku nan a kometé kontra Mi, i tambe den nan aktonan di enemistat kontra Mi

26:41 (loke a hasi ku Ami a aktua ku enemistat kontra nan, pa hiba nan na e tera di nan enemigunan); anto si nan kurason insirkumsidá wòrdu umiyá, asina ku nan ta paga pa nan inikidat,

26:42 e ora ei lo Mi kòrda riba Mi aliansa ku Jakòb, i tambe lo Mi kòrda riba Mi aliansa ku Isaak, i Mi aliansa ku Abraham, i lo Mi kòrda riba e tera.

26:43 Pasobra e tera lo wòrdu bandoná pa nan motibu i lo gosa su sabatnan, mientras ku e ta keda desolá sin nan. Mientras tantu nan lo paga pa nan inikidat, pasobra nan a rechasá Mi ordenansanan i nan alma a aboresé Mi statutonan.

26:44 Tòg, apesar di esaki, ora nan ta na e tera di nan enemigunan, lo Mi no rechasá nan, ni lo Mi no aboresé nan di tal manera ku Mi lo a destruí nan dor di kibra Mi aliansa ku nan; pasobra Ami ta SEÑOR nan Dios.

26:45 Ma pa nan kousa lo Mi kòrda riba e aliansa ku nan antepasadonan, kendenan Mi a saka for di tera di Egipto den bista di e nashonnan, pa Ami por ta nan Dios. Ami ta SEÑOR.'"

26:46 Esakinan ta e statutonan, ordenansanan i leinan ku SEÑOR a stablesé entre Su mes i e yunan di Israel pa medio di Moisés na Seru Sinaí.

Levitiko 27

27:1 Atrobe SEÑOR a papia ku Moisés, bisando:

27:2 "Papia ku e yunan di Israel i bisa nan: 'Ora ku un hende hasi un promesa difisil, e mester wòrdu balorá segun bo baluashon di personanan ku ta pertenesé na SEÑOR.

27:3 Si bo baluashon ta pa hende hòmber for di binti aña te sesenta aña di edat, e ora ei bo baluashon mester ta sinkuenta siklo di plata, segun e siklo di e santuario.

27:4 I si ta un hende muhé, e ora ei bo baluashon mester ta trinta siklo.

27:5 I si ta un hende di sinku aña te binti aña di edat, e ora ei bo baluashon pa hende hòmber mester ta binti siklo, i pa hende muhé dies siklo.

27:6 Ma si nan ta di un luna te ku sinku aña di edat, e ora ei bo baluashon mester ta sinku siklo di plata pa hende hòmber, i pa hende muhé bo baluashon mester ta tres siklo di plata.

27:7 I si nan ta di sesenta aña p'ariba, si ta un hende hòmber, e ora ei bo baluashon mester ta diesinku siklo, i pa hende muhé dies siklo.

27:8 Ma si e ta mas pober ku bo baluashon, e ora ei nan mester pon'é dilanti di e saserdote, i e saserdote mester balor'é; segun e medionan di esun ku a hasi promesa e saserdote mester balor'é.

27:9 'Awor si ta un bestia di e sorto ku hende por presentá komo ofrenda na SEÑOR, e ora ei tur bestia asina ku hende duna SEÑOR lo ta santu.

27:10 E no mester remplas'é ni kambi'é, ni bon pa malu, ni malu pa bon; òf si e kambia un bestia pa un otro bestia, e ora ei tantu esaki komo su supstituto lo bira santu.

27:11 Ma si ta un bestia impuru di e sorto ku hende no ta presentá komo ofrenda na SEÑOR, e ora ei e mester pone e bestia dilanti di e saserdote.

27:12 I e saserdote mester balorá esaki komo bon òf malu; manera abo, e saserdote, balor'é, asina e lo ta.

27:13 Ma si un dia e kier redimié, e ora ei e mester añadí un di sinku parti na bo baluashon.

27:14 'Awor ora un hende konsagrá su kas komo santu na SEÑOR, e saserdote mester balorá esaki komo bon òf malu; manera e saserdote balor'é, asina e lo keda.

27:15 Ma si esun ku konsagr'é kier redimí su kas, e mester añadí un di sinku parti di e preis di bo baluashon, pa asina esaki por ta di djé.

27:16 'Si un hende konsagrá parti di e kunukunan di su mes propiedat na SEÑOR, bo baluashon mester ta konforme e kantidat di simia nesesario pa e kunuku: un homer di simia di puspas, balorá na sinkuenta siklo di plata.

27:17 Si e konsagrá su kunuku for di e aña di hubileo, konforme bo baluashon e mester keda.

27:18 Ma si e konsagrá su kunuku despues di e hubileo, e saserdote mester kalkulá e preis p'é konforme e añanan ku falta pa e aña di hubileo; i esaki lo wòrdu rebahá for di bo baluashon.

27:19 I si un dia esun ku konsagrá e kunuku kier redimí esaki, e mester añadí un di sinku parti di e preis di bo baluashon, asina ku e kunuku lo bira di djé.

27:20 Ma si e no kier redimí e kunuku, ma a bende e kunuku ku otro hende, esaki no por wòrdu redimí mas;

27:21 i ora ku e wòrdu debolbí den e aña di hubileo, e kunuku lo bira santu pa SEÑOR, manera un kunuku apartá; e lo bira propiedat di e saserdote.

27:22 'I si e konsagrá na SEÑOR un kunuku ku el a kumpra, ku no ta parti di e kunuku di su mes propiedat,

27:23 e saserdote mester kalkulá p'é e suma di bo baluashon te na e aña di hubileo; i e dia ei e mester duna bo baluashon komo santu na SEÑOR.

27:24 Den e aña di hubileo e kunuku lo bolbe na esun serka ken el a kumpr'é, na esun ku tabatin e tera komo propiedat.

27:25 Ademas, tur bo baluashon mester ta segun e siklo di e santuario. E siklo lo ta binti gera.

27:26 'Sinembargo, un primogénito di e bestianan, ku komo primogénito ta pertenesé na SEÑOR, ningun hende no mag konsagrá esaki; sea buey òf karné, ta di SEÑOR e ta.

27:27 Ma si ta di bestia impuru e ta, e doño mag redimí esaki konforme bo baluashon, i añadí un di sinku parti di esei na djé; i si e no wòrdu redimí, e mester wòrdu bendí konforme bo baluashon.

27:28 'Sinembargo, nada ku un hende apartá pa SEÑOR for di tur loke ku e tin, di hende òf di bestia, òf di e kunukunan di su mes propiedat, no mag wòrdu bendí ni redimí. Tur kos dediká asina ta masha santu mes pa SEÑOR.

H389 -- 'Sinembargo -> ‘Nevertheless
H3605 -- , nada -> anything
H834 -- ku -> which
H376 -- ku un hende -> a man
H2763a -- apartá -> sets
H2763a -- apartá -> apart
H3605 -- pa SEÑOR for di tur -> out of all
H120 -- loke ku e tin, di hende -> that he has, of man
H929 -- òf di bestia -> or animal
H7704 -- , òf di e kunukunan -> or of the fields
H272 -- di su mes propiedat -> of his own property
H4376 -- , no mag wòrdu bendí -> shall not be sold
H1350 -- ni redimí -> or redeemed
H3605 -- . Tur kos -> . Anything
H2764a -- dediká -> devoted
H2763a -- asina -> to destruction
H6944 -- ta masha -> is most
H6944 -- santu -> holy

27:29 'Ningun hende ku a wòrdu poní bou di maldishon no mag wòrdu reskatá; e mester wòrdu matá sigur.

27:30 'Asina henter e diesmo di e tera, di e simia di e tera òf di e fruta di palu, ta di SEÑOR; esaki ta santu pa SEÑOR.

27:31 Pesei, si un hòmber kier redimí parti di su diesmo, e mester añadí na djé un di sinku parti di djé.

27:32 I pa kada dies parti di e kria di baka òf di e kria di bestia chikitu, tur loke pasa bou di bara, esun di dies lo ta santu pa SEÑOR.

27:33 E no mester investigá si esaki ta bon òf malu, ni kambia esaki; òf si e kambi'é, e ora ei tantu é komo su supstituto lo ta santu. E no mag wòrdu redimí.'"

27:34 Esakinan ta e mandamentunan ku SEÑOR a ordená Moisés pa e yunan di Israel na Seru Sinaí.