Search the Bible

Levitiko 11; Levitiko 12; Levitiko 13 BSNP Edit

Levitiko 11

11:1 SEÑOR a bolbe papia ku Moisés i Aaron, bisando nan:

11:2 "Papia ku e yunan di Israel, bisando: 'Esakinan ta e bestianan ku boso mag kome for di tur e bestianan ku tin riba tera.

11:3 Tur loke tin huf dividí entre e bestianan, esta, huf kompletamente gespleit, i ku ta kou kuminda dos biaha, eseinan boso mag kome.

11:4 'Sinembargo, di esakinan boso no mag kome entre esnan ku ta kou kuminda dos biaha òf entre esnan ku tin huf dividí: kamel, pasobra ounke ku e ta kou kuminda dos biaha, e no tin huf dividí; e ta impuru pa boso.

11:5 Konènchi di baranka tambe, pasobra ounke ku e ta kou kuminda dos biaha, e no tin huf dividí; e ta impuru pa boso;

11:6 has tambe, pasobra ounke ku e ta kou kuminda dos biaha, e no tin huf dividí; e ta impuru pa boso;

11:7 i porko, pasobra ounke ku e tin huf dividí, esta, huf kompletamente gespleit, e no ta kou kuminda dos biaha; e ta impuru pa boso.

11:8 Boso no mester kome di nan karni ni mishi ku nan kadaver; nan ta impuru pa boso.

11:9 'Esakinan boso mag kome di tur loke tin den awa: tur loke tin hala i skama, esnan den awa, den laman òf den riu, boso mag kome.

11:10 Ma tur loke tin den laman i den riu ku no tin hala ni skama entre tur loke ta move den awa i entre tur bestia bibu ku tin den awa, eseinan ta kosnan abominabel pa boso.

H3605 -- Ma tur loke -> ‘But whatever
H3605 -- tur -> all
H3605 -- tur -> all
H3220 -- tin den laman -> is in the seas
H5158a -- i den riu -> and in the rivers
H369 -- ku no tin -> that does not have
H5579 -- hala -> fins
H7193 -- ni skama -> and scales
H4480 -- entre -> among
H8318 -- tur loke ta move -> the teeming
H8318 -- move -> life
H4325 -- den awa -> of the water
H4480 -- i entre -> and among
H2416a -- tur bestia bibu -> the living
H5315 -- bestia bibu -> creatures
H4325 -- ku tin den awa -> that are in the water
H8263 -- eseinan ta kosnan abominabel -> they are detestable
H8263 -- abominabel -> things

11:11 Nan mester ta abominabel pa boso; boso no mag kome di nan karni, i nan kadaver boso mester aboresé.

11:12 Tur loke tin den awa, ku no tin hala ni skama, ta abominabel pa boso.

11:13 'Ademas, esakinan boso mester aboresé entre e parhanan; nan ta abominabel, no mag kome nan: águila, falki-kibradó-di-wesu i falki pretu,

11:14 warawara i tur sorto di falki,

11:15 tur sorto di raf,

11:16 abestrus, shoko, meuchi i tur sorto di kinikini,

11:17 shoko chikitu, samuro i shoko grandi,

11:18 shoko blanku, pelikan i falki ku ta kome bestia morto,

11:19 oyevar i tur sorto di garabèt, i bubi i raton di anochi.

11:20 'Tur insekto ku tin hala, ku ta kana riba kuater pia, mester ta abominabel pa boso.

11:21 Sinembargo, esakinan boso mag kome entre tur insekto di hala ku ta kana riba kuater pia: esnan ku, ademas di pia, tin pal'i pia pa bula riba suela kuné.

11:22 Esakinan boso mag kome: tur sorto di tirakochi grandi, tur sorto di tirakochi migratorio, tur sorto di kriki i tur sorto di tirakochi chikitu.

11:23 Ma tur otro insekto ku tin hala, ku tin kuater pia, mester ta abominabel pa boso.

11:24 'Ademas, dor di esakinan boso lo bira impuru; ken ku mishi ku nan kadaver ta bira impuru te ora nochi sera,

11:25 i ken ku kohe un di nan kadavernan mester laba su pañanan i keda impuru te ora nochi sera.

11:26 'Enkuanto tur e bestianan ku tin huf dividí, ma ku no tin huf kompletamente gespleit òf ku no ta kou kuminda dos biaha, nan ta impuru pa boso. Ken ku mishi ku nan ta bira impuru.

11:27 Tambe tur loke ta kana riba plant'i pia entre tur e bestianan ku ta kana riba kuater pia, ta impuru pa boso. Ken ku mishi ku nan kadaver ta bira impuru te ora nochi sera,

11:28 i esun ku kohe nan kadaver mester laba su pañanan i keda impuru te ora nochi sera; nan ta impuru pa boso.

11:29 'Awor pa boso esakinan ta impuru entre tur loke ta kriul, ku ta kriul den otro riba tera: mòl, raton i tur sorto di lagadishi grandi,

11:30 pegapega, kaiman, lagadishi, kolebra di santu i kameleon.

11:31 Esakinan ta impuru pa boso entre tur loke ta kriul riba tera. Ken ku mishi ku nan ora nan ta morto ta bira impuru te ora nochi sera.

11:32 Tambe tur loke ku un di nan por a kai ariba despues ku el a muri ta bira impuru, sea kualke artíkulo di palu, òf paña di bisti, òf kueru òf saku--kualke artíkulo--e mester wòrdu poní den awa i keda impuru te ora nochi sera; e ora ei e lo ta limpi.

H3605 -- Tambe tur loke -> ‘Also anything
H834 -- ku -> on which
H5307 -- un di nan por a kai -> one of them may fall
H4194 -- despues ku el a muri -> when they are dead
H2930 -- ta bira -> becomes
H2930 -- impuru -> unclean
H4480 -- , sea -> including
H3605 -- kualke -> any
H6086 -- di palu -> wooden
H3627 -- artíkulo -> article
H176 -- , òf -> or
H899b -- paña di bisti -> clothing
H176 -- , òf -> or
H5785 -- kueru -> a skin
H176 -- òf -> or
H8242 -- saku -> a sack
H3605 -- --kualke -> any
H3627 -- artíkulo -> article
H834 -- --e -> of which
H4399 -- mester -> use
H6213a -- wòrdu -> is made
H935 -- poní -> it shall be put
H4325 -- den awa -> in the water
H2930 -- i keda impuru -> and be unclean
H5704 -- te ora -> until
H6153 -- nochi sera -> evening
H2891 -- ; e ora ei e lo ta -> then it becomes
H2891 -- limpi -> clean

11:33 I tur wea di klei den kual un di nan por a kai, kiko ku tin den djé ta bira impuru, i boso mester kibra e wea.

11:34 Tur kuminda ku boso mag kome, riba kual awa kai, lo bira impuru; i tur líkido ku boso mag bebe for di tal wea lo bira impuru.

11:35 Tambe tur kos ku parti di nan kadaver por a kai ariba ta bira impuru; un fòrnu òf un fogon mester wòrdu kibrá na pida-pida; nan ta impuru i mester keda impuru pa boso.

11:36 Sinembargo, un fuente òf un rembak ku ta yen di awa lo ta puru, ma esun ku mishi ku nan kadaver lo keda impuru.

11:37 I si un parti di nan kadaver kai riba algun simia pa sembra ku mester wòrdu sembrá, esaki sí ta limpi.

11:38 Ma si awa a wòrdu poní riba e simia, i un parti di nan kadaver kai riba e simia, e ta impuru pa boso.

11:39 'Tambe, si un di e bestianan, ku boso tin pa kome, muri, esun ku mishi ku su kadaver ta bira impuru te ora nochi sera.

11:40 Tambe esun ku kome un pida di su kadaver mester laba su pañanan i keda impuru te ora nochi sera. I esun ku kohe su kadaver mester laba su pañanan i keda impuru te ora nochi sera.

11:41 'Awor tur loke ta kriul, ku ta kriul den otro riba tera, ta abominabel; no mag kome nan.

11:42 Tur loke ta lastra riba barika i tur loke ta kana riba kuater pia, tur loke tin hopi pia entre tur loke ta kriul, ku ta kriul den otro riba tera, boso no mag kome nan, pasobra nan ta abominabel.

11:43 No hasi boso mes abominabel ku nada ku ta kriul, ku ta kriul den otro. No hasi boso mes impuru ku nan, asina ku boso ta bira impuru.

11:44 Pasobra Ami ta SEÑOR boso Dios. Konsagrá boso mes anto i sea santu, pasobra Ami ta santu. I no hasi boso mes impuru ku ningun di e kosnan ku ta kriul, ku ta kriul den otro riba tera.

11:45 Pasobra Ami ta SEÑOR, Kende a saka boso for di tera di Egipto, pa ta boso Dios; pesei, sea santu, pasobra Ami ta santu.'"

11:46 Esaki ta e lei tokante di bestia, parha i tur ser bibu ku ta move den e awanan, i tur loke ta kriul den otro riba tera,

11:47 pa hasi distinshon entre esnan impuru i esnan limpi, i entre bestia ku boso mag kome i bestia ku boso no mag kome.

Levitiko 12

12:1 I SEÑOR a papia ku Moisés, bisando:

12:2 "Papia ku e yunan di Israel, bisando: 'Ora ku un muhé konsebí i duna lus na un yu hòmber, e lo keda impuru pa shete dia; manera den e dianan di su menstruashon e lo keda impuru.

12:3 I riba e di ocho dia e karni di prepusio di e yu hòmber mester wòrdu sirkumsidá.

12:4 E ora ei e muhé mester keda den e sanger di su purifikashon trint'i tres dia largu; e no mag mishi ku nada konsagrá ni drenta den e santuario, te ora ku e dianan di su purifikashon keda kumplí.

12:5 Ma si e duna lus na un yu muhé, e lo keda impuru pa dos siman, manera den su menstruashon; i e mester keda den e sanger di su purifikashon pa sesent'i seis dia.

12:6 'I ora e dianan di su purifikashon keda kumplí, pa un yu hòmber òf pa un yu muhé, e mester hiba un lamchi di un aña komo un ofrenda kimá, i un pichon òf un tòrteldùif komo un ofrenda pa piká pa e saserdote na entrada di e tènt di reunion.

H3117 -- 'I ora e dianan -> ‘When the days
H2892a -- di su purifikashon -> of her purification
H4390 -- keda kumplí -> are completed
H1121 -- pa un yu hòmber -> for a son
H176 -- òf -> or
H1323 -- pa un yu muhé -> for a daughter
H935 -- e mester hiba -> she shall bring
H8141 -- un lamchi di un aña -> a one year
H3532 -- lamchi -> lamb
H1121 -- un aña -> old
H5930a -- komo un ofrenda kimá -> for a burnt
H5930a -- un ofrenda kimá -> offering
H1121 -- i un -> and a young
H3123 -- pichon -> pigeon
H176 -- òf -> or
H2403b -- komo un ofrenda pa piká -> for a sin
H8449 -- un tòrteldùif -> a turtledove
H2403b -- un ofrenda pa piká -> offering
H3548 -- pa e saserdote -> to the priest
H6607 -- na entrada -> at the doorway
H168 -- di e tènt -> of the tent
H4150 -- di reunion -> of meeting

12:7 E ora ei e saserdote mester ofresé esaki dilanti di SEÑOR i hasi ekspiashon pa e muhé, i e lo keda limpi di su derama di sanger. 'Esaki ta e lei pa esun ku ta duna lus, sea na yu hòmber òf na yu muhé.

12:8 Ma si e no por duna un lamchi, e ora ei e mester tuma dos tòrteldùif òf dos pichon, esun komo un ofrenda kimá i e otro komo un ofrenda pa piká; i e saserdote mester hasi ekspiashon p'é, i e lo keda limpi.'"

H518 -- Ma si -> ‘But if
H3808 -- e no por -> she cannot
H4672 -- duna -> afford
H7716 -- un lamchi -> a lamb
H3947 -- e ora ei e mester tuma -> then she shall take
H8449 -- tòrteldùif -> turtledoves
H176 -- òf -> or
H1121 -- dos -> young
H3123 -- pichon -> pigeons
H259 -- esun -> the one
H5930a -- komo un ofrenda kimá -> for a burnt
H5930a -- un ofrenda kimá -> offering
H259 -- i e otro -> and the other
H8147 -- dos -> two
H8147 -- dos -> two
H2403b -- komo un ofrenda pa piká -> for a sin
H2403b -- un ofrenda pa piká -> offering
H3548 -- i e saserdote -> and the priest
H3722a -- mester hasi -> shall make
H3722a -- ekspiashon -> atonement
H2891 -- p'é, i e lo keda limpi.'" -> for her, and she will be clean

Levitiko 13

13:1 E ora ei SEÑOR a papia ku Moisés i ku Aaron, bisando:

13:2 "Ora ku un hòmber tin un hinchá, un sarna òf un plèki koló kla na e kueru di su kurpa, i esaki bira un infekshon di lepra na e kueru di su kurpa, e ora ei e mester wòrdu hibá serka saserdote Aaron, òf serka un di su yu hòmbernan, e saserdotenan.

13:3 I e saserdote mester wak e marka na e kueru di su kurpa, i si e kabei den e infekshon a bira blanku i e infekshon ta parse di ta mas profundo ku e kueru di su kurpa, ta un infekshon di lepra; ora ku e saserdote a kaba di wak é, e mester deklar'é impuru.

13:4 Ma si e plèki koló kla ta blanku na e kueru di su kurpa, i no ta parse di ta mas profundo ku e kueru, i e kabei riba djé no a bira blanku, e ora ei pa shete dia e saserdote mester isolá esun ku tin e infekshon.

13:5 I e saserdote mester wak é riba e di shete dia, i si e mira ku e infekshon no a kambia, i e infekshon no a plama riba su kueru, e ora ei e saserdote mester isol'é pa shete dia mas.

13:6 I e saserdote mester bolbe wak é riba e di shete dia; i si e infekshon a bira mas skur i e marka no a plama riba su kueru, e ora ei e saserdote mester deklar'é limpi; ta solamente un sarna. I e hòmber mester laba su pañanan i keda limpi.

13:7 Ma si e sarna sigui plama riba su kueru, despues ku el a mustra su mes na e saserdote pa su purifikashon, e mester bolbe presentá dilanti di e saserdote.

13:8 I e saserdote mester wak é, i si e sarna a plama riba su kueru, e ora ei e saserdote mester deklar'é impuru; ta lepra.

13:9 "Ora tin infekshon di lepra na un hende su kurpa, e mester wòrdu hibá serka e saserdote.

13:10 E ora ei e saserdote mester wak é, i si tin un hinchá blanku na su kueru, i esaki a hasi e kabei bira blanku, i tin karni bibu ta krese den e hinchá,

13:11 ta un lepra krónika riba e kueru di su kurpa, i e saserdote mester deklar'é impuru; e no mester isol'é, pasobra e ta impuru.

13:12 "I si e lepra sali tur kaminda riba su kueru, i e lepra kubri henter e kueru di esun ku tin e infekshon for di su kabes te na su pia, asina leu ku e saserdote por mira,

13:13 e ora ei e saserdote mester wak é, i si e lepra a tapa henter su kurpa, e mester deklará esun ku tin e infekshon, limpi; e infekshon a bira tur blanku i e ta limpi.

13:14 Ma ki ora ku karni bibu paresé na su kurpa, e lo ta impuru.

13:15 I e saserdote mester wak e karni bibu, i e mester deklar'é impuru; e karni bibu ta impuru; ta lepra.

13:16 Of si e karni bibu bolbe kambia i bira blanku, e ora ei e mester bin serka e saserdote,

13:17 i e saserdote mester wak é, i si e infekshon a bira blanku, e ora ei e saserdote mester deklará esun ku tin e infekshon, limpi; e ta limpi.

13:18 "I ora tin un blufein riba kueru di e kurpa, i esaki a kura,

13:19 i na lugá di e blufein tin un hinchá blanku òf un plèki blanku-kòrá ku ta lombra, e ora ei mester mustra esaki na e saserdote;

13:20 i e saserdote mester wak esaki, i si e parse di ta mas profundo ku e kueru, i e kabei riba djé a bira blanku, e ora ei e saserdote mester deklar'é impuru; ta infekshon di lepra ku a sali den e blufein.

13:21 Ma si e saserdote wak esaki, i no tin kabei blanku den djé i e no ta mas profundo ku e kueru i a kuminsá kita, e ora ei e saserdote mester isol'é pa shete dia;

13:22 i si e sigui plama riba su kueru, e ora ei e saserdote mester deklar'é impuru; ta un infekshon.

13:23 Ma si e plèki koló kla keda meskos i no plama, ta solamente sikatrís di e yaga; i e saserdote mester deklar'é limpi.

13:24 "Of si den e kueru e kurpa haña un kimá di kandela, i e karni bibu di e kimá bira un plèki blanku-kòrá ku ta lombra, òf blanku,

13:25 e ora ei e saserdote mester wak esaki. I si e kabei den e plèki koló kla a bira blanku i ta parse di ta mas profundo ku e kueru, ta lepra; esaki a sali den e kimá. Pesei e saserdote mester deklar'é impuru; ta un infekshon di lepra.

13:26 Ma si e saserdote wak esaki, i di bèrdat no tin kabei blanku den e plèki koló kla, i e no ta mas profundo ku e kueru, ma ta dòf, e ora ei e saserdote mester isol'é pa shete dia;

13:27 i e saserdote mester wak é riba e di shete dia. Si e plèki koló kla plama tur kaminda den e kueru, e ora ei e saserdote mester deklar'é impuru; ta un infekshon di lepra.

13:28 Ma si e plèki koló kla keda na mesun lugá i no a plama den e kueru, ma ta dòf, ta un hinchá kousá dor di e kimá; i e saserdote mester deklar'é limpi, pasobra ta solamente sikatrís di e kimá.

13:29 "Awor si un hòmber òf un muhé tin un infekshon riba kabes òf den barba,

13:30 e ora ei e saserdote mester wak e infekshon, i si esaki parse di ta mas profundo ku e kueru i tin un tiki kabei hel aden, e ora ei e saserdote mester deklar'é impuru; ta un infekshon riba kabes, ta lepra di kabes òf di barba.

13:31 Ma si e saserdote wak e infekshon di iritashon, i di bèrdat e ta parse di no ta mas profundo ku e kueru, i no tin kabei pretu den djé, e ora ei pa shete dia e saserdote mester isolá e persona ku tin e infekshon di iritashon.

13:32 I riba e di shete dia e saserdote mester wak e infekshon, i si e iritashon no a plama, i kabei hel no a krese den djé, i e iritashon no ta parse di ta mas profundo ku e kueru,

13:33 e ora ei e mester feita su mes sin feita e iritashon; i e saserdote mester isolá e persona ku tin e iritashon shete dia mas.

13:34 E ora ei riba e di shete dia e saserdote mester wak e iritashon, i si e iritashon no a plama den e kueru, i no ta parse di ta mas profundo ku e kueru, e saserdote mester deklar'é limpi; i e mester laba su pañanan i keda limpi.

13:35 Ma si e iritashon sigui plama den e kueru despues di su purifikashon,

13:36 e ora ei e saserdote mester wak é, i si e iritashon a plama den e kueru, e saserdote no tin mester di buska kabei hel; e ta impuru.

13:37 Sinembargo, si e ta haña ku e iritashon a keda, i kabei pretu a krese den djé, e ora ei e iritashon a kura, e ta limpi; i e saserdote mester deklar'é limpi.

13:38 "I ora ku un hòmber òf un muhé tin plèki koló kla na e kueru di su kurpa, esta, plèki blanku,

13:39 e ora ei e saserdote mester wak nan, i si e plèkinan koló kla na e kueru di nan kurpa ta un blanku dòf, ta eksema ku a sali den e kueru; e ta limpi.

13:40 "Awor si un hòmber su kabei riba su kabes kai, e ta pelon; e ta limpi.

13:41 I si su kabes bira pelon dilanti i na banda, e ta pelon na su frenta; e ta limpi.

13:42 Ma si riba e kabes pelon òf e frenta pelon ta sali un infekshon blanku-kòrá, ta lepra ku ta sali riba su kabes pelon òf na su frenta pelon.

13:43 E ora ei e saserdote mester wak é; i si e hinchá di e infekshon ta blanku-kòrá riba su kabes pelon òf na su frenta pelon, manera aparensia di lepra riba kueru di e kurpa,

13:44 e ta un hòmber leproso; e ta impuru. Siguramente e saserdote mester deklar'é impuru; su infekshon ta riba su kabes.

13:45 "Pa loke ta e leproso ku tin e infekshon, e mester bisti paña kibrá, i su kabes mester ta sunú, i e mester tapa su mustashi i grita: 'Impuru! Impuru!'

13:46 Tanten ku e tin e infekshon e lo keda impuru; e ta impuru. E mester biba su so; su lugá di biba mester ta pafó di e kampamentu.

13:47 "Ora ku un paña tin un marka di lepra den djé, sea ku ta un paña di lana òf un paña di lino,

13:48 sea den loke ta gebrei òf loke ta gewef, di lino òf di lana, sea den kueru òf den kualke artíkulo trahá di kueru,

13:49 si e marka ta manera bèrdè asina òf manera kòrá asina den e paña òf den e kueru, òf den loke ta gebrei òf den loke ta gewef, òf den kualke artíkulo di kueru, ta un marka di lepra i e mester wòrdu mustrá na e saserdote.

13:50 E ora ei pa shete dia e saserdote mester wak e marka i isolá e artíkulo ku tin e marka aden.

13:51 I e mester wak e marka riba e di shete dia, i si e marka a plama den e paña, sea den loke ta gebrei òf den loke ta gewef, òf den e kueru, loke sea e propósito pa kual e kueru ta wòrdu uzá, e marka ta un lepra maligno; e ta impuru.

13:52 Pesei e mester kima e paña, sea loke ta gebrei òf loke ta gewef, den lana òf den lino, òf kualke artíkulo di kueru ku tin e marka aden, pasobra ta un lepra maligno; e mester wòrdu kimá den kandela.

13:53 "Ma si e saserdote wak esaki, i di bèrdat e marka no a plama den e paña, ni den loke ta gebrei òf den loke ta gewef, òf den kualke artíkulo di kueru,

13:54 e ora ei e saserdote mester ordená nan pa laba e kos ku tin e marka aden, i e mester isolá esaki shete dia mas.

13:55 Despues ku e artíkulo ku tin e marka aden wòrdu labá, e saserdote mester wak esaki atrobe, i si e marka no a kambia di aparensia, ounke ku e marka no a plama, e ta impuru; bo mester kim'é den kandela; e ta sigui kome bai, sea ku e daño ta pafó òf paden.

13:56 E ora ei, si e saserdote wak esaki, i si e marka a bira dòf despues di a wòrdu labá, anto e mester sker esaki kit'é for di e paña òf for di e kueru, sea for di loke ta gebrei òf for di loke ta gewef;

13:57 i si e marka paresé atrobe den e paña, sea den loke ta gebrei òf den loke ta gewef, òf den kualke artíkulo di kueru, ta un lepra ku ta plama; e artíkulo ku tin e marka aden mester wòrdu kimá den kandela.

13:58 I e paña, sea loke ta gebrei òf loke ta gewef, òf kualke artíkulo di kueru, for di kual e marka a kita ora ku bo a lab'é, esaki mester wòrdu labá pa di dos biaha i lo keda limpi."

13:59 Esaki ta e lei pa marka di lepra den un paña di lana òf di lino, sea den loke ta gebrei òf den loke ta gewef, òf den kualke artíkulo di kueru, pa deklar'é limpi òf impuru.