Search the Bible

Huesnan 3; Huesnan 4; Huesnan 5 BSNP Edit

Huesnan 3

3:1 Awor esakinan ta e nashonnan ku SEÑOR a laga pa pone Israel na prueba ku nan (esta, tur esnan ku no a eksperensiá ni un di e gueranan di Kanaan;

3:2 solamente pa e generashonnan di e yunan di Israel por siña bringa, esnan ku no a eksperensiá esaki antes).

3:3 E nashonnan aki ta: e sinku prensnan di e filisteonan i tur e kananeonan, e sidonionan, i e heveonan ku tabata biba den Seru Líbano, for di Seru Baal-hermon te na Lebo-hamat.

3:4 I nan tabata einan pa pone Israel na prueba, pa haña sa si nan lo a obedesé e mandamentunan di SEÑOR, ku El a ordená nan tatanan pa medio di Moisés.

3:5 I e yunan di Israel tabata biba meimei di e kananeonan, e heteonan, e amoreonan, e ferezeonan, e heveonan i e jebuseonan;

3:6 i nan a tuma nan yu muhénan pa nan mes komo esposa, i a duna nan mes yu muhénan na nan yu hòmbernan, i a sirbi nan diosnan.

3:7 I e yunan di Israel a hasi loke tabata malu den bista di SEÑOR, i a lubidá SEÑOR nan Dios, i a sirbi e Baalnan i e imagennan di Asera.

3:8 E ora ei e rabia di SEÑOR a sende kontra Israel, asina ku El a bende nan ku Kusan-risataim, rei di Mesopotamia; i e yunan di Israel a sirbi Kusan-risataim ocho aña.

3:9 I ora ku e yunan di Israel a sklama na SEÑOR, SEÑOR a lanta un libertador pa e yunan di Israel pa libra nan, esta, Otoniel, yu hòmber di Kenas, Kalèb su ruman hòmber mas chikitu.

3:10 I e Spiritu di SEÑOR a bin riba djé, i el a huzga Israel. Ora ku el a sali bai guera, SEÑOR a entregá Kusan-risataim, rei di Mesopotamia, den su man, asina ku el a prevalesé kontra Kusan-risataim.

3:11 E ora ei e tera tabatin sosiegu pa kuarenta aña. I Otoniel, yu hòmber di Kenas, a muri.

3:12 Awor e yunan di Israel a bolbe hasi maldat den bista di SEÑOR. Pesei SEÑOR a duna Eglon, rei di Moab, forsa kontra Israel, pasobra nan a hasi maldat den bista di SEÑOR.

3:13 I el a reuní e yu hòmbernan di Amon i di Amalek serka djé; i el a bai i a derotá Israel, i nan a poderá di e stat di palma.

3:14 I e yunan di Israel a sirbi Eglon, rei di Moab, diesocho aña.

3:15 Ma ora ku e yunan di Israel a sklama na SEÑOR, SEÑOR a lanta un libertador pa nan, esta, Aod, yu hòmber di Gera e benjaminita, un hòmber robesou. I e yunan di Israel a mand'é ku tributo serka Eglon, rei di Moab.

H1121 -- Ma ora ku e yunan -> But when the sons
H3478 -- di Israel -> of Israel
H2199 -- a sklama -> cried
H6965 -- a lanta -> raised
H3467 -- un libertador -> up a deliverer
H164 -- pa nan, esta, Aod -> for them, Ehud
H1121 -- yu hòmber -> the son
H1617 -- di Gera -> of Gera
H1145 -- e benjaminita -> the Benjamite
H334 -- , un hòmber robesou -> a left-handed
H376 -- . -> man
H1121 -- I e yunan -> . And the sons
H3478 -- di Israel -> of Israel
H7971 -- a mand'é -> sent
H4503 -- ku tributo -> tribute
H5700a -- serka Eglon -> by him to Eglon
H4428 -- rei -> the king
H4124 -- di Moab -> of Moab

3:16 I Aod a traha pa su mes un spada di dos filo, i un kodo largu; i el a mar'é na su bel di pia drechi, bou di su mantel.

3:17 I el a presentá e tributo na Eglon, rei di Moab. Awor Eglon tabata un hòmber masha gordo mes.

3:18 I a sosodé ku ora el a kaba di presentá e tributo, el a bisa e hendenan ku a karga e tributo pa nan bai.

3:19 Ma e mes a bira bin bèk for di e ídolonan ku tabata na Gilgal, i a bisa: "Mi tin un mensahe sekreto pa bo, O rei." I esaki a bisa: "Silensio." I tur esnan ku tabata sirbié a sali bai lagu'é.

3:20 I Aod a bin serka djé ora ku e tabata sintá su so den su kamber ariba, un kamber fresku. I Aod a bisa: "Mi tin un mensahe di Dios pa bo." I el a lanta for di su asiento.

3:21 I Aod a saka su man robes, a kohe e spada for di bel di su pia drechi, i a hink'é den su barika.

3:22 E kabu tambe a drenta tras di e filo, i e vèt a tapa e filo, pasobra e no a saka e spada for di su barika; i su sushi tabata sali afó.

3:23 E ora ei Aod a sali bai den e koredor, i su tras el a grèndel e portanan di e kamber ariba.

3:24 Ora ku el a sali bai, e sirbidónan di Eglon a bin wak; i mira, e portanan di e kamber ariba tabata na grèndel; i nan a bisa: "Ta su nesesidat e lo ta hasi den e kamber paden di e kas."

3:25 I nan a warda te nan a kuminsá ansha; ma mira, e no a habri e portanan di e kamber ariba. Pesei nan a kohe e yabi i a habri nan; i ata, nan shon tabata tirá abou morto.

3:26 Awor Aod a hui mientras nan tabata tarda, i el a pasa e ídolonan i a hui bai Seirat.

3:27 I a sosodé ku ora el a yega, el a supla tròmpèt den e serunan di Efrain; i e yunan di Israel a baha for di e serunan huntu kuné, i e tabata bai nan dilanti.

3:28 I el a bisa nan: "Pèrsiguí nan, pasobra SEÑOR a entregá boso enemigunan, e moabitanan, den boso man." Asina nan a baha bai su tras i a okupá e lugánan kaminda por a krusa Jordan enfrente di Moab, i no a pèrmití ningun hende krusa.

3:29 I e tempu ei nan a mata komo dies mil moabita, tur, hòmbernan robusto i balente, i ningun no a skapa.

3:30 Asina Moab a wòrdu sometí e dia ei bou di man di Israel. I e tera tabatin sosiegu pa ochenta aña.

3:31 I despues di djé a bin Samgar, yu hòmber di Anat, kende a mata seis shen filisteo ku un palu pa suta baka; i e tambe a salba Israel.

Huesnan 4

4:1 Anto e yunan di Israel a bolbe hasi maldat den bista di SEÑOR, despues di e morto di Aod.

4:2 I SEÑOR a bende nan ku Jabin, rei di Kanaan, kende tabata reina na Hazor; i e komandante di su ehérsito tabata Sísara, kende tabata biba na Haroset-goím.

4:3 I e yunan di Israel a sklama na SEÑOR, pasobra e tabatin nuebe shen garoshi di heru, i el a oprimí e yunan di Israel severamente pa binti aña.

4:4 Awor Débora, un profeta, esposa di Lapidot, tabata huzga Israel e tempu ei.

4:5 I e tabatin kustumber di sinta bou di e palma di Débora entre Rama i Bèt-èl den e serunan di Efrain; i e yunan di Israel tabata bin serka djé pa huisio.

4:6 Awor el a manda yama Barak, yu hòmber di Abinoam di Kedes-nèftalí, i a bis'é: "Mira, SEÑOR, e Dios di Israel, a duna òrdu: 'Marcha bai Seru Tabor, i hiba huntu ku bo dies mil hòmber di e yu hòmbernan di Nèftalí i di e yu hòmbernan di Zabulon.

4:7 I lo Mi hasi Sísara, komandante di e ehérsito di Jabin, bin serka bo na Riu Kison ku su garoshinan i su trupanan, i lo Mi entregu'é den bo man.'"

4:8 E ora ei Barak a bis'é: "Si bo bai ku mi, mi ta bai, ma si bo no bai ku mi, mi no ta bai."

4:9 I el a bisa: "Siguramente mi ta bai ku bo; sinembargo, e onor di e biahe ku bo ta bai hasi lo no ta pa bo, pasobra SEÑOR lo bende Sísara ku un muhé." E ora ei Débora a lanta i a bai Kedes ku Barak.

4:10 I Barak a manda yama Zabulon i Nèftalí pa bin Kedes, i dies mil hòmber a bai kuné; Débora tambe a bai kuné.

4:11 Awor Heber e keneo a separá su mes di e keneonan, di e yu hòmbernan di Hobab, suegro di Moisés, i a lanta su tènt te na e palu di eik na Zaanaim, ku ta keda serka di Kedes.

4:12 Anto nan a konta Sísara ku Barak, yu hòmber di Abinoam, a subi bai Seru Tabor.

4:13 I Sísara a reuní tur su garoshinan, nuebe shen garoshi di heru, i tur e hendenan ku tabata huntu kuné, for di Haroset-goím te na Riu Kison.

4:14 I Débora a bisa Barak: "Lanta! Pasobra esaki ta e dia ku SEÑOR a entregá Sísara den bo man; mira, SEÑOR a bai bo dilanti." Asina Barak a baha for di Seru Tabor ku dies mil hòmber su tras.

4:15 I ku filo di spada SEÑOR a konfundí Sísara i tur su garoshinan i henter su ehérsito dilanti di Barak, i Sísara a baha for di su garoshi i a hui bai na pia.

4:16 Ma Barak a pèrsiguí e garoshinan i e ehérsito te na Haroset-goím, i henter e ehérsito di Sísara a muri pa medio di filo di spada; no a keda ni ún.

4:17 Awor Sísara a hui na pia bai na e tènt di Jael, esposa di Heber e keneo, pasobra tabatin pas entre Jabin, rei di Hazor, i e kas di Heber e keneo.

4:18 I Jael a sali pa kontra ku Sísara i a bis'é: "Bin, mi shon, drenta bin serka mi! No tene miedu." I el a drenta bai serka djé den e tènt i Jael a tap'é ku un dekel.

4:19 I el a bis'é: "Pa fabor, dunami un tiki awa pa bebe, pasobra mi tin set." Asina el a habri un saku di kueru ku tabatin lechi aden, i a dun'é bebe; despues el a tap'é.

4:20 I Sísara a bis'é: "Para den porta di e tènt, i si kualkier hende bin informá serka bo i bisa: 'Tin hende aki?' bo mester bisa: 'Nò.'"

4:21 Ma Jael, Heber su esposa, a kohe un staka di tènt i a kohe un martiu den su man, i a bai ketu-ketu serka djé i a klaba e staka den su sintí; i esaki a pasa dor èn dor bai den suela, pasobra e tabata morto na soño i masha kansá. Asina el a muri.

4:22 I mira, ora Barak tabata pèrsiguí Sísara, Jael a sali kontr'é i a bis'é: "Bin, i lo mi mustrabo e hòmber ku bo ta buska." I el a drenta bai paden kuné, i mira, Sísara tabata drumí morto ku e staka di tènt den su sintí.

4:23 Asina e dia ei Dios a hasi Jabin, rei di Kanaan, someté su mes dilanti di e yunan di Israel.

4:24 I man di e yunan di Israel tabata primi mas i mas pisá riba Jabin, rei di Kanaan, te ora nan a destruí Jabin, rei di Kanaan.

Huesnan 5

5:1 Anto e dia ei Débora i Barak, yu hòmber di Abinoam, a kanta, bisando:

5:2 "Pasobra e lidernan a guia den Israel, pasobra e pueblo a ofresé su mes boluntariamente, bendishoná SEÑOR!

5:3 "Tende, O reinan; skucha, O gobernantenan! Ami--pa SEÑOR mi kier kanta, lo mi kanta alabansa na SEÑOR, e Dios di Israel.

5:4 "SEÑOR, ora Bo tabata sali for di Seir, ora Bo tabata marcha for di e sabana di Edòm, tera tabata tembla, e shelunan tambe tabata gotia, i e nubianan tabata gotia awa.

5:5 E serunan tabata tembla den e presensia di SEÑOR, e Sinaí aki, den e presensia di SEÑOR, e Dios di Israel.

5:6 "Den e dianan di Samgar, yu hòmber di Anat, den e dianan di Jael, e kamindanan grandi a keda bandoná, i biaheronan tabata pasa pa kamindanan yen di lorada.

5:7 Bida di e kunukeronan a kaba, el a kaba na Israel, te ora ami, Débora, a lanta, te ora ami a lanta, un mama den Israel.

5:8 Diosnan nobo a wòrdu skohí; e ora ei tabatin guera na porta. Ni un eskudo ni lansa no a wòrdu mirá den kuarenta mil na Israel.

5:9 Mi kurason ta ku e komandantenan di Israel, e boluntarionan meimei di e pueblo; bendishoná SEÑOR!

5:10 "Boso ku ta kore riba buriku blanku, boso ku ta sinta riba tapeit kostoso, i boso ku ta biaha riba kaminda, kanta!

5:11 Riba zonidu di esnan ku ta separá tounan na e lugánan di bebe awa, aya nan lo bolbe konta e echonan hustu di SEÑOR, e echonan hustu pa Su kunukeronan na Israel. E ora ei e pueblo di SEÑOR a baha bai na e portanan di stat.

H6963 -- Riba zonidu -> At the sound
H2686b -- di esnan ku ta separá -> of those who divide
H996 -- na -> ] among
H4857 -- e lugánan di bebe -> the watering
H4857 -- awa -> places
H8033 -- , aya -> There
H8567 -- nan lo bolbe konta -> they shall recount
H6666 -- e echonan hustu -> the righteous
H6666 -- di SEÑOR -> deeds
H6666 -- , e echonan hustu -> The righteous
H6666 -- pa Su kunukeronan -> deeds
H6520 -- na Israel -> for His peasantry
H3478 -- . E ora ei e pueblo -> in Israel
H227 -- E ora -> . then
H5971a -- di SEÑOR -> the people
H3381 -- a baha -> went
H3381 -- bai -> down
H8179 -- na e portanan di stat -> to the gates

5:12 Spièrta, spièrta, Débora! Spièrta, spièrta, kanta un kantika! Lanta, Barak, i bai ku bo katibunan, O yu hòmber di Abinoam.

5:13 "E ora ei e sobrebibientenan a baha bin serka e nobelnan; e pueblo di SEÑOR a baha bin serka mi manera guereronan.

5:14 For di Efrain esnan ku nan rais ta den Amalek a baha bin, siguiendo abo, Benjamin, ku bo pueblonan; for di Makir komandantenan a baha bin, i for di Zabulon esnan ku ta na mando.

5:15 I e prensnan di Isakar tabata ku Débora; manera Isakar, asina Barak tabata tambe; su tras nan a kore bai den e vaye; den e famianan di Ruben tabatin gran resolushonnan di kurason.

5:16 Pakiko bo a keda sinta meimei di e kuránan di karné, pa tende e tokamentu di flùit pa e tounan? Den e famianan di Ruben tabatin gran saminamentu di kurason.

5:17 Galaad a keda na e otro banda di Jordan; i pakiko Dan a keda den barkunan? Aser a keda sinta kantu di laman, i a keda banda di su wafnan.

5:18 Zabulon tabata un pueblo ku tabata riska su bida te na morto, i Nèftalí tambe, riba e lugánan haltu di kunuku.

5:19 "E reinan a bin, i nan a bringa; e ora ei e reinan di Kanaan a bringa na Taanak, banda di e awanan di Meguido; nan no a kohe ni un pida plata komo botín.

5:20 For di shelu e streanan tabata bringa, for di nan kurso nan tabata bringa kontra Sísara.

5:21 Riu Kison a lastra nan bai kuné, e riu antiguo, Riu Kison. O mi alma, sigui marcha ku forsa.

5:22 E ora ei e hufnan di kabai a resoná masha duru mes, di e galòp, e galòp di su kabainan balente.

5:23 'Maldishoná Meros,' e Angel di SEÑOR tabata bisa, 'Maldishoná su habitantenan kompletamente; pasobra nan no a bin na yudansa di SEÑOR, na yudansa di SEÑOR kontra e guereronan.'

5:24 "Esun di mas bendishoná di e muhénan ta Jael, esposa di Heber e keneo; esun di mas bendishoná di e muhénan ku ta biba den tènt.

5:25 Sísara a pidi awa i el a dun'é lechi; den un kòmchi kostoso el a trese lechi kuahá p'é.

5:26 El a rèk su man kohe e staka di tènt, i su man drechi pa kohe e martiu di trahadó. E ora ei el a dal Sísara, el a kibra su kabes; el a plècha i bora su sintí.

5:27 Na su pianan el a sak, el a kai, el a keda ei bou; na su pianan el a sak, el a kai; kaminda el a sak, einan el a muri.

5:28 "Na bentana mama di Sísara tabata wak i lamentá, dor di e yalusínan e tabata wak: 'Di kon su garoshi ta tarda pa bin? Di kon e zonidu di huf di kabai di su garoshinan ta tarda?'

5:29 Su prensèsnan di mas sabí tabata kontest'é, sí, e tabata kontestá su mes:

5:30 'Ta haña nan no ta haña, ta parti nan no ta parti e botín? Un mucha muhé, dos mucha muhé pa kada guerero; pa Sísara un botín di paña di diferente koló, un botín di paña bòrdá, di diferente koló, paña di koló, bòrdá na tur dos banda, pa garganta di e sakeadó?'

H4672 -- 'Ta haña nan no ta haña -> ‘Are they not finding
H2505a -- , ta parti nan no ta parti -> are they not dividing
H7998 -- e botín -> the spoil
H7358 -- ? Un mucha muhé -> ? A maiden
H7358 -- , dos mucha muhé -> two maidens
H7218 -- pa kada -> for every
H1397 -- guerero -> warrior
H5516 -- ; pa Sísara -> To Sisera
H7998 -- un botín -> a spoil
H6648 -- di paña di diferente koló -> of dyed
H6648 -- paña -> work
H7998 -- , un botín -> A spoil
H6648 -- di paña bòrdá -> of dyed
H6648 -- paña -> work
H7553 -- bòrdá -> embroidered
H6648 -- , di diferente koló -> Dyed
H6648 -- paña -> work
H7553 -- , bòrdá na tur dos banda -> of double embroidery
H6677 -- pa garganta -> on the neck
H7998 -- di e sakeadó -> of the spoiler

5:31 "Asina, laga tur Bo enemigunan peresé, O SEÑOR; ma laga esnan ku ta stim'E ta manera solo ku ta sali den tur su forsa." I e tera tabatin sosiegu pa kuarenta aña.