Search the Bible

Huesnan 13; Huesnan 14; Huesnan 15 BSNP Edit

Huesnan 13

13:1 Awor e yunan di Israel a bolbe hasi maldat den bista di SEÑOR, asina ku SEÑOR a entregá nan den man di e filisteonan pa kuarenta aña.

13:2 I tabatin un hòmber di Zora, di e famia di e danitanan, ku tabata yama Manoa; i su esposa tabata steril i no a haña yu.

13:3 Anto e Angel di SEÑOR a paresé na e muhé, i a bis'é: "Mir'aki, bo ta steril i no a haña yu, ma lo bo konsebí i duna lus na un yu hòmber.

13:4 Pesei anto, tene kuidou pa bo no bebe biña ni bibida stèrki, ni kome nada impuru.

13:5 Pasobra mira, lo bo konsebí i duna lus na un yu hòmber, i nabaha lo no pasa riba su kabes, pasobra e mucha lo ta un nazareo pa Dios for di den barika di su mama; i e lo kuminsá libra Israel for di man di e filisteonan."

13:6 E ora ei e muhé a bin i a konta su esposo, bisando: "Un Hòmber di Dios a bin serka mi i Su aparensia tabata manera aparensia di e Angel di Dios, masha temibel. I mi no a puntr'E di unda El a bin, ni E no a bisami Su nòmber.

13:7 Ma El a bisami: 'Mira, lo bo konsebí i duna lus na un yu hòmber, i pesei lo bo no bebe biña ni bibida stèrki, ni kome nada impuru, pasobra e mucha lo ta un nazareo pa Dios for di den barika di su mama te na e dia di su morto.'"

13:8 Anto Manoa a supliká SEÑOR i a bisa: "O SEÑOR, pa fabor, laga e Hòmber di Dios ku Bo a manda bin serka nos atrobe, pa E siña nos kiko nos mester hasi pa e mucha ku mester nase."

13:9 I Dios a skucha bos di Manoa; i e Angel di Dios a bolbe bin serka e muhé ora ku e tabata sintá den kunuku, ma su esposo Manoa no tabata huntu kuné.

13:10 Asina e muhé a kore bai lihé i a bisa su esposo: "Mira, e Hòmber ku a bin poko dia ei a paresé na mi."

13:11 E ora ei Manoa a lanta i a sigui su esposa, i ora ku el a yega serka e Hòmber, el a bis'E: "Ta Abo ta e Hòmber ku a papia ku e muhé?" I El a bisa: "Sí, ta Ami."

13:12 I Manoa a bisa: "Awor ora Bo palabranan wòrdu kumplí, kon e mucha su manera di biba i su vokashon mester ta?"

13:13 Asina e Angel di SEÑOR a bisa Manoa: "Laga e muhé paga atenshon na tur loke Mi a bisa.

13:14 E no mester kome nada ku ta bin di mata di wendrùif ni bebe biña ni bibida stèrki, ni kome nada impuru; lagu'é hasi tur loke Mi a ordená."

13:15 E ora ei Manoa a bisa e Angel di SEÑOR: "Pa fabor, pèrmití nos teneBo poko mas pa nos por prepará un yu di kabritu pa Bo."

13:16 I e Angel di SEÑOR a bisa Manoa: "Maske bo teneMi poko mas, lo Mi no kome bo kuminda. Ma si bo prepará un ofrenda kimá, bo mester ofresé esei na SEÑOR." Pasobra Manoa no tabata sa ku E tabata e Angel di SEÑOR.

13:17 I Manoa a bisa e Angel di SEÑOR: "Kon Bo nòmber ta, pa ora Bo palabranan wòrdu kumplí nos por dunaBo onor?"

13:18 Ma e Angel di SEÑOR a bis'é: "Pakiko bo ta puntra Mi nòmber, siendo ku esaki ta maraviyoso?"

13:19 Asina Manoa a kohe e yu di kabritu ku e ofrenda di mainshi i riba e baranka el a ofresé esaki na SEÑOR; i El a hasi maraviyanan, mientras ku Manoa i su esposa tabata para wak.

13:20 Pasobra a sosodé ku ora ku e flam a subi bai laira for di e altar, e Angel di SEÑOR a subi bai den e flam di e altar. Ora Manoa i su esposa a mira esaki, nan a tira nan kurpa abou ku nan kara te na suela.

13:21 Awor e Angel di SEÑOR no a paresé mas na Manoa ni na su esposa. E ora ei Manoa a bin komprendé ku E tabata e Angel di SEÑOR.

13:22 Pesei Manoa a bisa su esposa: "Nos lo muri sigur, pasobra nos a mira Dios."

13:23 Ma su esposa a bis'é: "Si SEÑOR kier a mata nos, E lo no a aseptá un ofrenda kimá i un ofrenda di mainshi for di nos man, ni E lo no a mustra nos tur e kosnan aki, ni E lo no a laga nos tende kosnan asina awor aki."

13:24 Asina e muhé a duna lus na un yu hòmber i a yam'é Samson; i e mucha a bira grandi i SEÑOR a bendishon'é.

13:25 I e Spiritu di SEÑOR a kuminsá mov'é na Mahaneh-dan, entre Zora i Estaol.

Huesnan 14

14:1 Awor Samson a baha bai Timna i a mira un muhé na Timna, un di e yu muhénan di e filisteonan.

14:2 Anto el a bin bèk i a konta su tata i su mama: "Mi a mira un muhé na Timna, un di e yu muhénan di e filisteonan; pesei awor, busk'é pa mi komo esposa."

14:3 E ora ei su tata i su mama a bis'é: "Ta ningun muhé no tin entre e yu muhénan di bo famianan, òf entre henter nos pueblo, ku bo ta bai buska un esposa serka e filisteonan insirkumsidá?" Ma Samson a bisa su tata: "Busk'é pa mi, pasobra t'é mi ta gusta."

14:4 Ma su tata i mama no tabata sa ku esaki tabata di SEÑOR, pasobra E tabata buska un oportunidat kontra e filisteonan. Awor e tempu ei e filisteonan tabata goberná Israel.

14:5 Anto Samson a baha bai Timna ku su tata i mama i a yega te na e kunukunan di wendrùif di Timna; i mira, un leon chikitu a bin kontra djé ta gruña.

14:6 I e Spiritu di SEÑOR a bin riba djé ku poder, asina ku el a sker e leon manera hende ta sker un yu di kabritu, ounke ku e no tabatin nada den su man; ma e no a konta su tata ni su mama kiko el a hasi.

14:7 Anto el a baha bai papia ku e muhé; i Samson a gust'é.

14:8 Ora ku el a bai bèk despues pa tum'é, el a kita for di kaminda pa wak e kadaver di e leon; i mira, tabatin un neishi di abeha i miel den kurpa di e leon.

14:9 Asina el a raspa e miel tum'é den su man i a sigui bai, mientras ku e tabata kome. Ora ku el a yega serka su tata i mama, el a duna nan un tiki, i nan a kome; ma e no a bisa nan ku el a raspa e miel sak'é for di den kurpa di e leon.

14:10 Despues su tata a bai serka e muhé; i Samson a pone un fiesta ayanan, pasobra e yònkumannan tabatin kustumber di hasi esaki.

14:11 I a sosodé ku ora nan a mir'é, nan a trese trinta kompañero pa keda serka djé.

14:12 Anto Samson a bisa nan: "Awor lagami duna boso un charada; si di bèrdat boso saka e charada denter di e shete dianan di fiesta, i haña sa kiko e ta, e ora ei lo mi duna boso trinta paña-djabou di lino i trinta sèt di paña-pa-kambia.

14:13 Ma si boso no por bisami, e ora ei boso mester dunami trinta paña-djabou di lino i trinta sèt di paña-pa-kambia." I nan a bis'é: "Tira bo charada pa nos tende."

14:14 Asina el a bisa nan: "For di e komedó a sali algu pa kome, i for di esun fuerte a sali algu dushi." Ma nan no por a saka e charada den tres dia.

14:15 E ora ei a sosodé ku riba e di kuater dia nan a bisa Samson su esposa: "Papia dushi-dushi ku bo esposo, lòk é pa e bisa nos e charada, pa nos no kima abo i e kas di bo tata ku kandela. Ta pa hasi nos bira pober bo a invitá nos, sí òf nò?"

14:16 I Samson su esposa a yora su dilanti i a bisa: "Ta odia so bo ta odiami, i bo no ta stimami; bo a duna e yunan di mi pueblo un charada i bo no a kontami kiko e ta." I el a bis'é: "Mira, mi no a konta ni mi tata ni mi mama, anto mi mester konta abo?"

14:17 Ma Samson su esposa a yora shete dia su dilanti, mientras ku nan fiesta tabata dura. I a sosodé ku riba e di shete dia Samson a kont'é, pasobra el a pone asina tantu preshon riba djé. E ora ei el a konta e yu hòmbernan di su pueblo e charada.

14:18 Asina e hòmbernan di e stat a bisa Samson riba e di shete dia, promé ku solo a baha: "Kiko ta mas dushi ku miel? I kiko tin mas forsa ku un leon?" I el a bisa nan: "Si boso no a plug ku mi bishé, boso lo no a haña sa mi charada."

14:19 E ora ei e Spiritu di SEÑOR a bin riba djé ku poder, i el a baha bai Askalon, i a mata trinta di nan hòmbernan i a kohe nan botín, i a duna e sètnan di paña-pa-kambia na esnan ku a saka e charada. I su rabia a sende, i el a bai kas di su tata.

14:20 Ma Samson su esposa a wòrdu duná na su kompañero ku tabata su amigu.

Huesnan 15

15:1 Ma despues di poko tempu, den tempu di kosecha di trigo, a sosodé ku Samson a bai bishitá su esposa ku un yu di kabritu, i a bisa: "Lo mi bai serka mi esposa den su kamber." Ma tata di su esposa no a lagu'é drenta.

15:2 I su tata a bisa: "Mi a kere ku bèrdaderamente bo tabata odi'é masha hopi mes, pesei mi a dun'é na bo kompañero. Su ruman muhé mas chikitu no ta mas bunita kuné? Pa fabor, tum'é na su lugá."

15:3 E ora ei Samson a bisa nan: "E biaha aki lo mi ta sin kulpa dilanti di e filisteonan, ora mi hasi nan daño."

15:4 I Samson a bai i a kohe tres shen zoro; i el a kohe flambeu i a mara e zoronan na nan rabu, dos-dos huntu, i a pone un flambeu meimei di dos rabu.

15:5 Ora ku el a pega e flambeunan na kandela, el a lòs e zoronan den e kunuku di trigo di e filisteonan, i asina a kima tantu e bohínan komo e trigo ku tabata den kunuku, huntu ku e kunukunan di wendrùif i e hòfinan di oleifi.

15:6 E ora ei e filisteonan a bisa: "Ta ken a hasi esaki?" I nan a bisa: "Ta Samson, yerno di e timnateo, pasobra el a kohe su esposa dun'é na su kompañero." Asina e filisteonan a bin i a kima tantu é komo su tata ku kandela.

H6430 -- E ora ei e filisteonan -> Then the Philistines
H4310 -- a bisa: "Ta ken -> Who
H559 -- a bisa -> said
H559 -- a hasi esaki?" I nan a bisa -> ?" And they said
H6213a -- a hasi -> did
H2088 -- Esaki -> this
H8123 -- : "Ta Samson -> Samson
H2860a -- , yerno -> the son-in-law
H8554 -- di e timnateo -> of the Timnite
H3947 -- , pasobra el a kohe -> he took
H802 -- su esposa -> his wife
H3588 -- pasobra -> because
H5414 -- dun'é -> and gave
H4828 -- na su kompañero -> her to his companion
H6430 -- ." Asina e filisteonan -> .” So the Philistines
H5927 -- a bin -> came
H8313 -- i a kima -> up and burned
H1 -- tantu é komo su tata -> her and her father
H784 -- ku kandela -> with fire

15:7 I Samson a bisa nan: "Komo ku boso ta hasi asina, siguramente lo mi tuma vengansa riba boso, ma despues di esei lo mi stòp."

15:8 I el a mata nan sin miserikòrdia den un gran matansa; i el a bai biba den e spleit di e baranka di Etam.

15:9 Anto e filisteonan a bai i a kampa na Juda, i a plama tur kaminda na Lehí.

15:10 I e hòmbernan di Juda a bisa: "Pakiko boso a bin kontra nos?" I nan a bisa: "Nos a bin pa mara Samson, pa hasi kuné manera el a hasi ku nos."

15:11 E ora ei tres mil hòmber di Juda a baha bai na e spleit di e baranka di Etam i a bisa Samson: "Bo no sa ku ta e filisteonan ta goberná riba nos? Ta kiko esaki ta anto ku bo a hasi ku nos?" I el a bisa nan: "Manera nan a hasi ku mi, asina mi a hasi ku nan."

H7969 -- E ora ei tres mil -> Then 3,000
H376 -- hòmber -> men
H3063 -- di Juda -> of Judah
H3381 -- a baha -> went
H3381 -- baha -> down
H5585 -- bai na e spleit -> to the cleft
H5553 -- di e baranka -> of the rock
H5862 -- di Etam -> of Etam
H559 -- i a bisa -> and said
H8123 -- Samson -> to Samson
H3045 -- : "Bo no sa -> Do you not know
H6430 -- ku ta e filisteonan -> that the Philistines
H4910 -- ta goberná -> are rulers
H4100 -- riba nos? Ta -> over us? What
H2088 -- kiko esaki ta anto -> then is this
H6213a -- ku bo a hasi -> that you have done
H559 -- ku nos?" I el a bisa -> to us?” And he said
H6213a -- nan: "Manera nan a hasi -> to themAs they did
H3651 -- ku mi, asina -> to me, so
H6213a -- mi a hasi -> I have done

15:12 I nan a bis'é: "Nos a bin pa marabo, pa nos entregábo den man di e filisteonan." I Samson a bisa nan: "Hurami ku boso lo no matami."

15:13 Asina nan a bis'é: "Nò, nos lo marabo i entregábo den nan man sí; ma sigur-sigur nos lo no matabo." E ora ei nan a mar'é ku dos kabuya nobo i a sak'é for di e baranka.

15:14 Ora ku el a yega Lehí, e filisteonan a bin kontr'é na gritamentu. I e Spiritu di SEÑOR a bin riba djé ku poder, asina ku e kabuyanan ku tabatin na su brasanan a bira manera lino kimá ku kandela, i su kabuyanan a kai for di su mannan.

H935 -- Ora ku el a yega -> When he came
H3896 -- Lehí -> to Lehi
H6430 -- , e filisteonan -> the Philistines
H7321 -- a bin kontr'é na gritamentu -> shouted
H7122 -- a bin kontr'é na gritamentu -> as they met
H7307 -- a bin kontr'é na gritamentu. I e Spiritu -> him. And the Spirit
H6743a -- di SEÑOR a bin -> came
H6743a -- riba djé ku poder -> upon him mightily
H5688 -- , asina ku e kabuyanan -> so that the ropes
H2220 -- ku tabatin na su brasanan -> that were on his arms
H6593 -- a bira manera lino -> were as flax
H1197a -- kimá ku kandela -> that is burned
H784 -- kimá ku kandela -> with fire
H612 -- , i su kabuyanan -> and his bonds
H4549 -- a kai -> dropped
H3027 -- for di su mannan -> from his hands

15:15 I el a haña un kakumbein di buriku, ku no a seka ainda, i el a rèk su man koh'é i a mata mil hòmber kuné.

15:16 E ora ei Samson a bisa: "Ku kakumbein di un buriku, monton riba monton, ku kakumbein di un buriku mi a mata mil hòmber."

15:17 I a sosodé ku ora el a kaba di papia, el a tira e kakumbein afó; i el a yama e lugá ei Ramat-lehí.

15:18 Anto el a haña hopi set, i el a sklama na SEÑOR i a bisa: "Bo a duna e gran liberashon aki pa medio di man di Bo sirbidó, i awor mi mester muri di set i kai den man di hendenan insirkumsidá?"

15:19 Ma Dios a spleit e spelònk ku ta keda na Lehí, asina ku a sali awa for di djé. Ora ku el a bebe, su forsa a bolbe i el a rebibá. Pesei el a yam'é En-hakore, ku ta keda na Lehí te dia djawe.

15:20 Asina el a huzga Israel binti aña den e dianan di e filisteonan.