Search the Bible

Hebreonan 1; Hebreonan 2; Hebreonan 3; Hebreonan 4; Hebreonan 5; Hebreonan 6 BSNP Edit

Hebreonan 1

1:1 Dios, despues ku El a papia hopi tempu pasá ku e tatanan pa medio di e profetanan, na hopi okashon i na varios manera,

1:2 den e último dianan aki a papia ku nos pa medio di Su Yu, Kende El a nombra komo eredero di tur kos, pa medio di Kende tambe El a traha mundu.

1:3 I E ta e resplandor di Su gloria i e representashon eksakto di Su naturalesa, i ta sostené tur kos pa medio di e palabra di Su poder. Despues ku El a hasi purifikashon pa pikánan, El a sinta na man drechi di e Mahestat den halturanan,

G541 -- I E ta e resplandor -> And He is the radiance
G1391 -- di Su gloria -> of His glory
G5481 -- i e representashon eksakto -> and the exact
G5481 -- i e representashon eksakto -> representation
G5287 -- di Su naturalesa -> of His nature
G5342 -- , i ta sostené -> and upholds
G3956 -- tur -> all
G3956 -- kos -> things
G4487 -- pa medio di e palabra -> by the word
G1411 -- di Su poder -> of His power
G4160 -- . Despues ku El a hasi -> . When He had made
G2512 -- purifikashon -> purification
G266 -- pa pikánan -> of sins
G2523 -- , El a sinta -> He sat
G2523 -- , El a sinta -> down
G1188 -- na man drechi -> at the right
G1188 -- na man drechi -> hand
G3172 -- di e Mahestat -> of the Majesty
G5308 -- den halturanan -> on high

1:4 ya ku El a bira muchu mas superior ku e angelnan, komo ku El a eredá un nòmber mas ekselente ku nan.

1:5 Pasobra na kual di e angelnan El a yega di bisa: "Bo ta Mi Yu, awe Mi a engendráBo"? I atrobe: "Lo Mi ta un Tata p'E, i E lo ta un Yu pa Mi"?

1:6 I ora ku E trese e primogénito atrobe den mundu, E ta bisa: "I laga tur e angelnan di Dios ador'E."

1:7 I di e angelnan E ta bisa: "Kende ta hasi Su angelnan bientu, i Su sirbidónan flam di kandela."

1:8 Ma di e Yu E ta bisa: "Bo trono, O Dios, ta pa semper i semper, i e sèpter di hustisia ta e sèpter di Bo reino.

1:9 Bo a stima hustisia i a odia maldat; pesei Dios, Bo Dios, a ungiBo ku e zeta di alegria mas ku Bo kompañeronan."

1:10 Tambe: "Abo, SEÑOR, den prinsipio a pone e fundeshi di tera, i e shelunan ta e obranan di Bo mannan;

1:11 nan lo peresé, ma Abo ta keda; i nan tur lo bira bieu manera un bistí,

1:12 i manera un mantel lo Bo lora nan; manera un bistí nan lo wòrdu kambiá tambe, ma Abo ta keda meskos, i Bo añanan lo no tin fin."

1:13 Ma na kual di e angelnan El a yega di bisa: "Sinta na Mi man drechi, te ora Mi hasi Bo enemigunan un banki pa Bo pianan"?

1:14 Nan tur no ta spiritunan ku ta sirbi, mandá pa sirbi esnan ku lo eredá salbashon?

Hebreonan 2

2:1 Pa e motibu aki nos mester paga muchu mas atenshon na loke nos a tende, pa nos no apartá nos for di e kaminda.

2:2 Pasobra si e palabra papiá pa medio di angelnan a keda probá di ta firme, i tur transgreshon i desobedensia a risibí pago hustu,

2:3 kon nos lo skapa si nos neglishá un salbashon asina grandi ku na promé lugá a wòrdu papiá dor di Señor, i a wòrdu konfirmá na nos dor di esnan ku a tende,

2:4 mientras ku Dios tambe tabata duna testimonio huntu ku nan, tantu pa medio di señalnan komo pa medio di maraviyanan i pa medio di varios sorto di milagernan i pa medio di donnan di Spiritu Santu segun Su mes boluntat.

2:5 Pasobra no ta na angelnan El a someté e mundu ku ta bin, di kual nos ta papiando.

2:6 Ma un hende a testifiká un kaminda, bisando: "Kiko hende ta, ku Bo ta kòrda riba djé? Of yu di hende, ku Bo ta hasi kaso di djé?

2:7 Pa un poko tempu Bo a hasié menos ku e angelnan; Bo a koron'é ku gloria i onor, i Bo a pon'é riba e obranan di Bo mannan;

2:8 tur kos Bo a someté bou di su pianan." Pasobra dor di someté tur kos na djé, E no a laga nada ku no ta keda sometí na djé. Ma awor nos no ta mira tur kos sometí na djé ainda.

2:9 Ma nos ta mira Esun ku pa un poko tempu a wòrdu hasí menos ku e angelnan, esta Jesus, pa motibu di e sufrimentu di morto koroná ku gloria i onor, ku pa medio di e grasia di Dios E por eksperensiá morto pa tur hende.

G991 -- Ma nos ta mira -> But we do see
G1642 -- Esun ku pa un poko tempu a wòrdu hasí -> Him who was made
G1642 -- menos -> lower
G3844 -- ku -> than
G32a -- e angelnan -> the angels
G2424 -- , esta Jesus -> ], Jesus
G1223 -- , pa motibu -> because
G3804 -- di e sufrimentu -> of the suffering
G2288 -- di morto -> of death
G4737 -- koroná -> crowned
G1391 -- ku gloria -> with glory
G5092 -- i onor -> and honor
G3704 -- , ku -> so
G5485 -- pa medio di e grasia -> that by the grace
G2316 -- di Dios -> of God
G1089 -- E por eksperensiá -> He might taste
G2288 -- morto -> death
G3956 -- pa tur hende -> for everyone

2:10 Pasobra tabata kumbiní Esun, pa Kende tur kos ta eksistí i pa medio di Kende tur kos ta eksistí, dor di trese hopi yu na gloria, pa perfekshoná e outor di nan salbashon pa medio di sufrimentunan.

2:11 Pasobra tantu Esun ku ta santifiká komo esnan ku ta wòrdu santifiká, tur ta bin di ún Tata, pa kual motibu E no tin bèrguensa di yama nan ruman,

2:12 bisando: "Lo Mi proklamá Bo nòmber na Mi rumannan, meimei di e kongregashon lo Mi kanta Bo alabansa."

2:13 I atrobe: "Lo Mi pone Mi konfiansa den djE." I atrobe: "Mira, Ami i e yunan ku Dios a dunaMi."

2:14 Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel,

G3767 -- Asina anto, -> Therefore
G1893 -- komo ku -> since
G3813 -- e yunan -> the children
G2841 -- ta kompartí -> share
G4561 -- den karni -> in flesh
G129 -- i sanger, -> and blood
G846 -- E mes -> He Himself
G3898 -- tambe -> likewise
G2532 -- a -> also
G3348 -- tuma parti -> partook
G846 -- na e mesun manera, -> of the same
G1223 -- asina ku pa medio di -> that through
G2288 -- morto -> death
G2673 -- E por a destruí -> He might render
G2673 -- destruí -> powerless
G2192 -- esun ku tabatin -> him who had
G2904 -- poder -> the power
G2288 -- riba morto, -> of death
G1228 -- esta, diabel, -> that is, the devil

2:15 i por a libra esnan ku pa miedu di morto tabata sometí na sklabitut henter nan bida.

2:16 Pasobra siguramente no ta na angelnan E ta duna yudansa, ma E ta duna yudansa na e desendientenan di Abraham.

2:17 Pesei E mester a wòrdu hasí igual ku Su rumannan den tur kos, pa E por a bira un sumosaserdote miserikòrdioso i fiel den kosnan ku tin di hasi ku Dios, pa hasi ekspiashon pa e pikánan di e pueblo.

G3606 -- Pesei -> Therefore
G3784 -- E mester -> He had
G3666 -- a wòrdu hasí -> to be made
G3666 -- igual -> like
G80 -- ku Su rumannan -> His brethren
G3956 -- den tur -> in all
G3956 -- kos, -> things
G2443 -- pa -> so
G1096 -- E por a bira -> that He might become
G1655 -- un sumosaserdote miserikòrdioso -> a merciful
G749 -- sumosaserdote -> high
G749 -- sumosaserdote -> priest
G4103 -- i fiel -> and faithful
G4314 -- den kosnan ku tin di hasi -> in things pertaining
G2316 -- ku Dios, -> to God
G2433 -- pa hasi -> to make
G2433 -- ekspiashon -> propitiation
G266 -- pa e pikánan -> for the sins
G2992 -- di e pueblo. -> of the people

2:18 Pasobra komo ku E mes a wòrdu tentá den loke El a sufri, E por bin na yudansa di esnan ku ta wòrdu tentá.

Hebreonan 3

3:1 Pesei, rumannan santu, partisipantenan den un yamada selestial, fiha boso pensamentunan riba Jesus, e Apòstel i Sumosaserdote di nos konfeshon.

3:2 E tabata fiel na Esun ku a nombr'E, meskos ku Moisés tambe tabata fiel den henter Su kas.

3:3 Pasobra El a wòrdu konsiderá digno di mas gloria ku Moisés, meskos ku esun ku ta traha e kas tin mas onor ku e kas.

3:4 Pasobra tur kas ta wòrdu trahá dor di un hende, ma Esun ku a traha tur kos ta Dios.

3:5 Awor Moisés tabata fiel den henter Su kas manera un sirbidó, komo un testimonio di e kosnan ei ku lo a wòrdu papiá despues;

3:6 ma Cristo tabata fiel manera un Yu riba Su mes kas, Kende Su kas nos ta, si nos tene firme na e konfiansa i na e gloria di e speransa te na fin.

3:7 Pesei, meskos ku Spiritu Santu ta bisa: "Awe, si boso tende Su bos,

3:8 no hasi boso kurason duru, manera tempu ku nan a probokáMi, manera den e dia di prueba den desierto,

3:9 kaminda boso tatanan a poneMi na prueba dor di probokáMi, i a mira Mi obranan durante di kuarenta aña.

3:10 Pesei mi tabata rabiá ku e generashon aki, i a bisa: 'Semper nan ta desviá den nan kurason; i nan no tabata konosé Mi kamindanan';

3:11 manera Mi a hura den Mi furia, 'Nan lo no drenta den Mi sosiegu.'"

3:12 Tene kuidou, rumannan, pa no tin den ningun di boso un kurason malbado i inkrédulo, dor di alehá for di e Dios bibu.

3:13 Ma enkurashá otro dia tras dia, tanten ku por papia di "Awe" ainda, pa ningun di boso no wòrdu enduresí dor di e engaño di piká.

3:14 Pasobra nos a bira partisipante di Cristo, si nos tene firme na e prinsipio di nos siguransa te na fin,

3:15 mientras ku ta wòrdu bisá: "Awe, si boso tende Su bos, no hasi boso kurason duru, manera tempu ku nan a probokáMi."

3:16 Pasobra ta ken a probok'E ora nan a tende? Di bèrdat, no tabata tur esnan ku a sali for di Egipto, guiá pa Moisés?

3:17 I ta ku ken E tabata rabiá kuarenta aña largu? No tabata ku esnan ku a peka, kende nan kurpanan a kai den desierto?

3:18 I ta na ken El a hura ku nan lo no a drenta den Su sosiegu, sino na esnan ku tabata desobedesido?

3:19 I asina nos ta mira ku nan no por a drenta pa motibu di inkredulidat.

Hebreonan 4

4:1 Pesei, laga nos tin temor, pa, mientras ku ta keda un promesa ainda pa drenta den Su sosiegu, no parse ku un di boso a keda sin alkansá esaki.

4:2 Pasobra di bèrdat bon nobo a wòrdu prediká na nos, meskos ku na nan tambe; ma e palabra ku nan a tende no tabata di probecho pa nan, pasobra e no a wòrdu kombiná ku fe den esnan ku a tende.

4:3 Pasobra nos ku a kere ta drenta den e sosiegu ei, meskos ku El a bisa: "Manera Mi a hura den Mi furia: 'Nan lo no drenta den Mi sosiegu,'" ounke Su trabounan a keda kla desde fundashon di mundu.

4:4 Pasobra asin'aki El a bisa un kaminda tokante di e di shete dia: "I Dios a sosegá riba e di shete dia di tur Su trabounan";

4:5 i atrobe den e parti aki: "Nan lo no drenta den Mi sosiegu."

4:6 Pesei, komo ku ta keda pa algun drenta e sosiegu ei, i esnan na kendenan antes bon nobo a wòrdu prediká no a drenta pa motibu di desobedensia,

4:7 atrobe E ta fiha un sierto dia, "Awe", bisando pa medio di David despues di tantu tempu, meskos ku a wòrdu bisá antes: "Awe, si boso tende Su bos, no hasi boso kurason duru."

4:8 Pasobra si Josué a duna nan sosiegu, E lo no a papia di un otro dia despues di esei.

4:9 Pesei anto, ta keda un sosiegu di Sabat pa e pueblo di Dios.

4:10 Pasobra esun ku a drenta den Su sosiegu, e mes tambe a sosegá di su trabounan, manera Dios a sosegá di esnan di djE.

4:11 Pesei, laga nos ta diligente pa drenta den e sosiegu ei, pa ningun hende no kai dor di sigui e mesun ehèmpel di desobedensia.

4:12 Pasobra e palabra di Dios ta bibu i aktivo i mas skèrpi ku kualkier spada di dos filo, i ta penetrá te na e divishon di alma i spiritu, i di skarnir i tuti, i ta kapas pa huzga e pensamentunan i intenshonnan di kurason.

G3056 -- Pasobra e palabra -> For the word
G2316 -- di Dios -> of God
G2198 -- ta bibu -> is living
G1756 -- i aktivo -> and active
G5114 -- i mas skèrpi -> and sharper
G5228 -- ku -> than
G3956 -- kualkier -> any
G3162 -- spada -> sword
G1366 -- di dos filo, -> two-edged
G1338 -- i ta penetrá -> and piercing
G891 -- te na -> as far
G3311 -- e divishon -> as the division
G5590 -- di alma -> of soul
G4151 -- i spiritu, -> and spirit
G5037 -- i di -> of both
G719 -- skarnir -> joints
G3452 -- i tuti, -> and marrow
G2924 -- i ta kapas -> and able
G2924 -- pa huzga -> to judge
G1761 -- e pensamentunan -> the thoughts
G1771 -- i intenshonnan -> and intentions
G2588 -- di kurason. -> of the heart

4:13 I no tin ningun kriatura skondí pa Su bista, ma tur kos ta habrí i bisto dilanti di wowo di Esun ku nos tin di aber kunE.

4:14 Komo ku nos tin anto un gran Sumosaserdote, Kende a pasa dor di e shelunan, Jesus e Yu di Dios, laga nos tene firme na nos konfeshon.

4:15 Pasobra nos no tin un Sumosaserdote ku no por kompadesé di nos debilidatnan, sino Un ku a wòrdu tentá den tur kos meskos ku nos, ma tòg sin piká.

4:16 Pesei, laga nos aserká e trono di grasia ku konfiansa, pa nos risibí miserikòrdia i haña grasia pa yuda den tempu di nesesidat.

Hebreonan 5

5:1 Pasobra tur sumosaserdote skohí for di den hende ta wòrdu nombrá pa benefisio di hende den kosnan ku ta pertenesé na Dios, pa ofresé tantu regalo komo sakrifisio pa piká;

5:2 e por tin pasenshi ku esnan ignorante i esnan ku ta den eror, komo ku e mes tambe ta rondoná di debilidat;

5:3 i pa motibu di esaki e ta obligá di ofresé sakrifisionan pa pikánan, tantu pa e pueblo, komo pa su mes tambe.

5:4 I ningun hende no ta tuma e onor pa su mes, ma ta risibí esaki ora ku e wòrdu yamá dor di Dios, manera Aaron a wòrdu yamá.

5:5 Asina Cristo tampoko no a glorifiká Su mes pa bira Sumosaserdote, ma Esun ku a bis'E: "Abo ta Mi Yu, awe Mi a engendráBo";

5:6 manera E ta bisa tambe na un otro lugá den Skritura: "Bo ta Saserdote pa semper segun e òrdu di Melkisedek."

5:7 Tempu ku E tabata den karni, E tabata ofresé orashon i súplika ku gran sklamashon i lágrima na Esun ku ta kapas pa salb'E for di morto, i El a wòrdu tendí pa motibu di Su piedat.

5:8 Ounke ku E tabata Yu, El a siña obedensia dor di e kosnan ku El a sufri.

5:9 I despues di a wòrdu hasí perfekto, El a bira pa tur esnan ku ta obedes'E, e outor di salbashon etèrno,

5:10 siendo yamá pa Dios komo Sumosaserdote segun e òrdu di Melkisedek.

5:11 Tokante di djE nos tin hopi di bisa, i ta difisil pa splika, komo ku boso a bira floho pa tende.

5:12 Pasobra ounke pa e tempu aki ya boso mester tabata maestronan kaba, boso tin mester di un hende pa siña boso e prinsipionan elemental di e palabra di Dios tur di nobo, i boso mester di lechi i no kuminda sólido.

G2532 -- Pasobra ounke -> For though
G3588 -- pa e -> by this
G5550 -- tempu -> time
G3784 -- mester -> you ought
G1320 -- tabata maestronan -> to be teachers
G2192 -- boso tin -> you have
G5532 -- mester -> need
G3825 -- di -> again
G5100 -- un hende -> for someone
G1321 -- pa siña -> to teach
G4747 -- boso e prinsipionan -> you the elementary
G4747 -- prinsipionan -> principles
G3051 -- di e palabra -> of the oracles
G2316 -- di Dios -> of God
G1096 -- i boso mester -> and you have come
G5532 -- di -> to need
G1051 -- lechi -> milk
G4731 -- i no kuminda -> and not solid
G5160 -- sólido -> food

5:13 Pasobra tur ku ta biba di lechi so ta sin eksperensia den asunto di hustisia, pasobra ta un bebi e ta.

5:14 Ma kuminda sólido ta pa hende madurá, kendenan, pa motibu di práktika, tin nan mente entrená pa diserní loke ta bon i loke ta malu.

Hebreonan 6

6:1 Pesei, lagando e siñansa elemental tokante di e Cristo, laga nos sigui dilanti pa yega na madures, i no pone atrobe un fundeshi di repentimentu di obranan morto i di fe pa ku Dios,

6:2 di doktrina di boutismonan i di ponementu di man, di resurekshon di e mortonan i di huisio etèrno.

6:3 I esaki nos lo hasi, si Dios pèrmití.

6:4 Pasobra den kaso di esnan ku un tempu a wòrdu iluminá i ku a purba e don selestial, i ku a bira partisipantenan di Spiritu Santu,

6:5 i ku a purba e bon palabra di Dios i e podernan di e siglo ku ta bin,

6:6 i despues a kai, ta imposibel pa trese nan bèk na repentimentu, komo ku nan ta bolbe krusifiká e Yu di Dios pa nan mes i ta pon'E na bèrguensa públiko.

6:7 Pasobra suela ku ta bebe e awaseru ku ta kai ku frekuensia riba djé, i ta produsí vegetashon ku ta útil pa esnan pa kendenan benefisio e ta wòrdu kultivá tambe, ta risibí un bendishon di Dios;

G1093 -- Pasobra suela -> For ground
G4095 -- ku ta bebe -> that drinks
G5205 -- e awaseru -> the rain
G4178 -- ku ta kai ku frekuensia -> which often
G2064 -- ku ta kai ku frekuensia -> falls
G5088 -- riba djé, i ta produsí -> on it and brings
G5088 -- riba djé, i ta produsí -> forth
G1008 -- vegetashon -> vegetation
G2111 -- ku ta útil -> useful
G1565 -- pa esnan -> to those
G3739 -- pa kendenan -> for whose
G1223 -- pa kendenan -> sake
G2532 -- benefisio e ta wòrdu kultivá tambe, -> it is also
G1090 -- benefisio e ta wòrdu kultivá tambe, -> tilled
G3335 -- ta risibí -> receives
G2129 -- un bendishon -> a blessing
G2316 -- di Dios; -> from God

6:8 ma si e ta produsí sumpiña i bringamosa e no bal nada i ta serka di wòrdu maldishoná i su fin ta pa wòrdu kimá.

6:9 Ma stimánan, maske nos ta papia na e manera aki, nos ta konvensí di kosnan mihó tokante di boso, i kosnan ku ta pertenesé na salbashon.

6:10 Pasobra Dios no ta inhustu pa lubidá boso trabou i e amor ku boso a mustra pa Su nòmber, dor ku boso a sirbi i ainda ta sirbi e santunan.

6:11 I nos ta deseá ku kada un di boso lo mustra e mesun diligensia pa asina realisá e siguransa kompleto di speransa te na fin,

6:12 pa boso no flakia, ma pa boso ta imitadónan di esnan ku pa medio di fe i pasenshi ta eredá e promesanan.

6:13 Pasobra tempu ku Dios a hasi e promesa na Abraham, komo ku E no por a hura dilanti di ningun mas grandi kunE, El a hura pa Su mes,

6:14 bisando: "Siguramente lo Mi bendishonábo i siguramente lo Mi multiplikábo."

6:15 I asina, despues di a spera ku pasenshi, el a optené e promesa.

6:16 Pasobra hende ta hura pa un mas grandi ku nan mes, i pa nan un huramentu duná komo konfirmashon ta pone un fin na tur diskushon.

6:17 Na mesun manera Dios, deseando mas ainda pa mustra na e erederonan di e promesa Su propósito inkambiabel, a konfirmá esaki pa medio di un huramentu,

6:18 pa dor di dos kos inkambiabel, den kualnan ta imposibel pa Dios gaña, nos por tin fuerte enkurashamentu, nos ku a hui pa buska refugio dor di gara e speransa ku ta poní nos dilanti.

G2443 -- pa -> so
G1417 -- dor di dos -> that by two
G276 -- inkambiabel -> unchangeable
G4229 -- kos -> things
G3739 -- den kualnan -> in which
G102 -- ta imposibel -> it is impossible
G2316 -- pa Dios -> for God
G5574 -- gaña -> to lie
G2703 -- , nos por tin fuerte enkurashamentu, nos ku a hui -> we who have taken
G2192 -- tin -> would have
G2478 -- fuerte -> strong
G3874 -- enkurashamentu -> encouragement
G2703 -- refugio -> refuge
G2902 -- pa buska refugio dor di gara -> to take
G2902 -- gara -> hold
G1680 -- e speransa -> of the hope
G4295 -- ku ta poní -> set
G4295 -- dilanti -> before

6:19 E speransa aki nos tin komo un anker di e alma, un speransa sigur i firme, un ku ta drenta tras di e velo,

6:20 kaminda Jesus, Kende a bai nos dilanti, a drenta pa nos. El a bira Sumosaserdote pa semper, segun e òrdu di Melkisedek.