Search the Bible

Genesis 8; Genesis 9; Genesis 10; Genesis 11 BSNP Edit

Genesis 8

8:1 Ma Dios a kòrda riba Noe i tur e bestianan di mondi i tur e bestianan di kria ku tabata huntu kuné den e arka; i Dios a hasi un bientu supla riba tera, i e awa a baha.

8:2 E fuentenan di abismo i e bentananan di shelu tambe a wòrdu será, i awaseru for di shelu a stòp;

8:3 i poko-poko e awa a kuminsá baha for di tera, i despues di shent'i sinkuenta dia e awa a sak.

8:4 I den e di shete luna, riba e di dieshete dia di e luna, e arka a keda wantá riba e serunan di Ararat.

8:5 I e awa tabata sak poko-poko te na e di dies luna; den e di dies luna, riba e promé dia di e luna, e kabesnan di e serunan a bira visibel.

8:6 Asina a sosodé ku na fin di kuarenta dia Noe a habri bentana di e arka ku el a traha;

8:7 i el a laga un raf bai, i esaki a bula bai-bin te ora ku e awa a seka riba tera.

8:8 E ora ei el a laga un palomba bai pa mira si e awa a mengua for di riba superfisio di tera;

8:9 ma e palomba no a haña lugá pa su plant'i pia sosegá ariba, pesei el a bolbe serka Noe den e arka, pasobra e awa tabata riba superfisio di henter e tera. E ora ei Noe a saka su man i a koh'é, i a hink'é den e arka serka djé.

8:10 I el a bolbe warda shete dia mas i atrobe el a laga e palomba bai for di e arka.

8:11 Anto den ora di atardi e palomba a bin serka djé, i mira, den su pik tabatin un blachi di oleifi kitá fresku asina. Asina Noe a haña sa ku e awa a mengua for di riba tera.

8:12 I el a bolbe warda shete dia mas i a laga e palomba bai, ma e no a bolbe mas serka djé.

8:13 Awor a sosodé ku den e di seis shent'i un aña, den e promé luna, riba e promé dia di e luna, e awa a seka for di riba tera. E ora ei Noe a kita tapa di e arka i a wak, i mira, e superfisio di suela a seka.

8:14 I den e di dos luna, riba e di bint'i shete dia di e luna, tera tabata seku.

8:15 E ora ei Dios a papia ku Noe, bisando:

8:16 "Sali for di e arka, abo i bo esposa i bo yu hòmbernan i esposanan di bo yu hòmbernan huntu ku bo.

8:17 Sali ku tur loke ta bibu di tur karni ku ta huntu ku bo: parha i animal i tur loke ta lastra riba tera, pa nan por rende abundantemente riba tera, i ta fruktífero i multipliká riba tera."

8:18 Asina Noe a sali, i su yu hòmbernan i su esposa i esposanan di su yu hòmbernan huntu kuné.

8:19 Tur bestia i tur bestia ku ta lastra, i tur parha, tur loke ta move riba tera, segun nan sorto, a sali for di e arka.

8:20 E ora ei Noe a traha un altar pa SEÑOR i a kohe for di tur bestia limpi i for di tur parha limpi i a ofresé ofrendanan kimá riba e altar.

8:21 I SEÑOR a sinti e holó dushi, i SEÑOR a bisa den Su kurason: "Nunka mas lo Mi no maldishoná suela pa motibu di hende, pasobra e intenshon di kurason di hende ta malu for di su hubentut; nunka mas lo Mi destruí tur loke ta bibu, manera Mi a hasi.

8:22 "Mientras ku tera ta permanesé, tempu di sembra i tempu di kosechá, i frialdat i kalor, i zomer i wenter, i dia i anochi lo no kaba."

Genesis 9

9:1 Dios a bendishoná Noe i su yu hòmbernan i a bisa nan: "Sea fruktífero i multipliká, i yena tera.

9:2 I e temor pa boso i e teror pa boso lo ta riba tur bestia di tera i riba tur parha di shelu, huntu ku tur loke ta lastra abou na suela i tur piská di laman. Den boso man nan ta entregá.

9:3 Tur loke ta move, ku ta biba, lo ta kuminda pa boso; Mi ta duna boso tur, meskos ku Mi a duna e yerba bèrdè.

9:4 "Solamente, boso no mag kome karni ku su bida, esta, su sanger.

9:5 I siguramente lo Mi eksigí boso sanger-di-bida; for di tur bestia lo Mi eksigí esaki. I for di tur hende, for di ruman di tur hende lo Mi eksigí e bida di hende.

9:6 "Ken ku drama sanger di hende, pa medio di hende su sanger lo wòrdu dramá, pasobra segun e imagen di Dios el a traha hende.

9:7 Ma boso, sea fruktífero i multipliká; pobla e tera abundantemente i multipliká riba djé."

9:8 E ora ei Dios a papia ku Noe i ku su yu hòmbernan huntu kuné, bisando:

9:9 "Awor mira, Ami mes ta stablesé Mi aliansa ku boso i ku boso desendientenan despues di boso,

9:10 i ku tur ser bibu ku ta huntu ku boso: e parhanan, e bestianan di kria i tur bestia di tera ku ta huntu ku boso; di tur loke ta sali for di e arka, tur bestia di tera.

9:11 I Mi ta stablesé Mi aliansa ku boso; i nunka mas e awanan di diluvio lo no kaba ku tur karni, ni lo no tin diluvio mas pa destruí tera."

9:12 I Dios a bisa: "Esaki ta e señal di e aliansa ku Mi ta sera entre Ami i boso i tur ser bibu ku ta huntu ku boso, pa tur generashon ku ta sigui:

9:13 Mi ta pone Mi rembog den e nubianan i esaki lo ta señal di un aliansa entre Ami i tera.

9:14 I lo sosodé ku ora Mi laga un nubia pasa ofer di tera, e rembog lo por wòrdu mirá den e nubia,

9:15 i lo Mi kòrda riba Mi aliansa ku tin entre Ami i boso i tur ser bibu di tur karni; i nunka mas e awa lo no bira un diluvio pa destruí tur karni.

9:16 Ora ku e rembog ta den e nubia, lo Mi mira esaki, pa rekòrdá e aliansa etèrno entre Dios i tur ser bibu di tur karni ku tin riba tera."

9:17 I Dios a bisa Noe: "Esaki ta e señal di e aliansa ku Mi a stablesé entre Ami i tur karni ku tin riba tera."

9:18 Awor e yu hòmbernan di Noe ku a sali for di e arka tabata Sèm, Kam i Jafet; i Kam tabata tata di Kanaan.

9:19 E tresnan aki tabata e yu hòmbernan di Noe, i for di esakinan henter tera a keda poblá.

9:20 Anto Noe a bira kunukero i a planta un kunuku di wendrùif.

9:21 I el a bebe di e biña i a bira burachi, i a kita sunú den su tènt.

9:22 I Kam, tata di Kanaan, a mira sunú di su tata, i a konta esaki na su dos ruman hòmbernan pafó.

9:23 Ma Sèm i Jafet a kohe un paña i a pone esaki riba nan tur dos su skouder i a kana ku lomba i a tapa sunú di nan tata; i nan a bira nan kara, asina ku nan no tabata mira sunú di nan tata.

H8035 -- Ma Sèm -> But Shem
H3315 -- i Jafet -> and japheth
H3947 -- a kohe -> took
H8071 -- un paña -> a garment
H7760 -- i a pone -> and laid
H8147 -- esaki riba nan tur dos -> it upon both
H7926 -- su skouder -> their shoulders
H1980 -- i a kana -> and walked
H322 -- ku lomba -> backward
H3680 -- i a tapa -> and covered
H6172 -- sunú -> the nakedness
H1 -- di nan tata -> of their father
H6440 -- ; i nan kara -> and their faces
H322 -- a bira -> were turned
H322 -- nan -> away
H7200 -- , asina ku nan no tabata mira -> so that they did not see
H1 -- di nan tata -> their father’s
H6172 -- sunú -> nakedness

9:24 Ora Noe a spièrta di su buracheria, el a haña sa kiko su yu hòmber di mas chikitu a hasi kuné.

9:25 I el a bisa: "Maldishoná sea Kanaan; un sirbidó di sirbidónan lo e ta pa su rumannan."

9:26 El a bisa tambe: "Bendishoná sea SEÑOR, e Dios di Sèm; i laga Kanaan ta su sirbidó.

9:27 Ku Dios engrandesé Jafet, i lagu'é biba den e tèntnan di Sèm; i laga Kanaan ta su sirbidó."

9:28 Anto Noe a biba 350 aña despues di e diluvio.

9:29 Asina tur e dianan di Noe tabata 950 aña, i el a muri.

Genesis 10

10:1 Awor esakinan ta e generashonnan di Sèm, Kam i Jafet, e yu hòmbernan di Noe; i nan a haña yu hòmbernan despues di e diluvio.

10:2 E yu hòmbernan di Jafet tabata Gomer, Magòg, Madai, Javan, Tubal, Mesek i Tiras.

10:3 I e yu hòmbernan di Gomer tabata Askenaz, Rifat i Togarma.

10:4 I e yu hòmbernan di Javan tabata Elisa, Tarsis, Kitim i Dodanim.

10:5 For di esakinan e teranan di kosta di e nashonnan a wòrdu partí den nan paisnan, kada un segun su idioma, segun nan famianan, den nan nashonnan.

10:6 I e yu hòmbernan di Kam tabata Kus, Mizraim, Put i Kanaan.

10:7 I e yu hòmbernan di Kus tabata Seba, Havila, Sabta, Raama i Sabteka; i e yu hòmbernan di Raama tabata Seba i Dedan.

10:8 Anto Kus a engendrá Nimròd; el a bira un hòmber poderoso riba tera.

10:9 E tabata un yagdó poderoso dilanti di SEÑOR; pesei ta wòrdu bisá: "Un yagdó poderoso dilanti di SEÑOR manera Nimròd."

10:10 I e kuminsamentu di su reino tabata Babel, Erek, Akad i Kalne, na tera di Sinar.

10:11 For di e tera ei el a bai Asiria i a konstruí Nínive, Rehobot, Kala,

10:12 i Resen entre Nínive i Kala; esei ta e stat grandi.

10:13 I Mizraim a engendrá Ludim, Anamim, Lehabim, Naftuhim,

10:14 Patrusim, Kasluhim (for di kende e filisteonan a sali) i Kaftorim.

10:15 I Kanaan a engendrá Sidon, su primogénito, i Hèt,

10:16 i e jebuseo, e amoreo, e gergeseo,

10:17 e heveo, e arakeo, e sineo,

10:18 e arvadeo, e zemareo i e hamateo; i despues e famianan di e kananeo a plama bai.

10:19 I e teritorio di e kananeonan tabata for di Sidon, ora bo ta bai den direkshon di Gerar, te na Gaza; ora bo ta bai den direkshon di Sodoma, Gomora, Adma i Zeboim, te na Lasa.

10:20 Esakinan ta e yu hòmbernan di Kam, segun nan famianan, segun nan idiomanan, den nan paisnan, den nan nashonnan.

10:21 I tambe Sèm, tata di tur e yunan di Heber, i ruman hòmber mayó di Jafet, a haña yu.

10:22 E yu hòmbernan di Sèm tabata Elam, Asur, Arfaksad, Lud i Aram,

10:23 i e yu hòmbernan di Aram tabata Uz, Hul, Geter i Mas.

10:24 I Arfaksad a engendrá Sala, i Sala a engendrá Heber.

10:25 I Heber a haña dos yu hòmber; nòmber di esun tabata Peleg, pasobra den su dianan e tera a keda dividí; nòmber di su ruman hòmber tabata Joktan.

10:26 I Joktan a engendrá Almodad, Selef, Hazar-mavet, Jera,

10:27 Hadoram, Uzal, Dikla,

10:28 Obal, Abimael, Seba,

10:29 Ofir, Havila i Jobab; tur esakinan tabata yu hòmbernan di Joktan.

10:30 Awor nan lugá di biba tabata for di Mesa ora bo ta bai den direkshon di Sefar, e serunan di oriente.

10:31 Esakinan ta e yu hòmbernan di Sèm, segun nan famianan, segun nan idiomanan, den nan paisnan, den nan nashonnan.

10:32 Esakinan ta e famianan di e yu hòmbernan di Noe, segun nan desendensia, den nan nashonnan; i for di esakinan e nashonnan a wòrdu partí riba tera despues di diluvio.

Genesis 11

11:1 Awor henter tera tabatin e mesun idioma i e mesun palabranan.

11:2 I a sosodé ku ora nan tabata biaha bai pariba, nan a haña un sabana na tera di Sinar i a keda biba ayanan.

11:3 I un a bisa otro: "Ban, laga nos traha klenku hinka nan den fòrnu pa nan seka bon." I nan tabata uza klenku na lugá di piedra, i nan tabata uza breu na lugá di klei.

11:4 I nan a bisa: "Ban, laga nos traha un stat pa nos mes i un toren ku su tòp ta yega te den shelu, i laga nos traha un nòmber pa nos mes, pa nos no wòrdu plamá riba superfisio di henter tera."

11:5 Anto SEÑOR a baha pa mira e stat i e toren ku e yunan di hende a traha.

11:6 I SEÑOR a bisa: "Mira, nan ta ún pueblo, i nan tur tin e mesun idioma. I esaki nan a kuminsá hasi i awor nada ku nan proponé pa hasi lo no ta imposibel pa nan.

11:7 Ban, laga Nos baha bai ayanan i konfundí nan idioma pa nan no komprendé otro su idioma."

11:8 Asina SEÑOR a plama nan for di einan riba superfisio di henter tera; i nan a stòp di traha e stat.

11:9 Pesei su nòmber tabata Babel, pasobra einan SEÑOR a konfundí e idioma di henter tera; i for di einan SEÑOR a plama nan riba superfisio di henter tera.

11:10 Esakinan ta e generashonnan di Sèm. Sèm tabatin 100 aña i el a engendrá Arfaksad dos aña despues di diluvio;

11:11 i Sèm a biba 500 aña despues ku el a engendrá Arfaksad, i e tabatin mas yu hòmber i yu muhé.

11:12 I tempu ku Arfaksad tabatin 35 aña, el a engendrá Sala;

11:13 i Arfaksad a biba 403 aña despues ku el a engendrá Sala, i e tabatin mas yu hòmber i yu muhé.

11:14 I tempu ku Sala tabatin 30 aña, el a engendrá Heber;

11:15 i Sala a biba 403 aña despues ku el a engendrá Heber, i e tabatin mas yu hòmber i yu muhé.

11:16 I tempu ku Heber tabatin 34 aña, el a engendrá Peleg;

11:17 i Heber a biba 430 aña despues ku el a engendrá Peleg, i e tabatin mas yu hòmber i yu muhé.

11:18 I tempu ku Peleg tabatin 30 aña, el a engendrá Reu;

11:19 i Peleg a biba 209 aña despues ku el a engendrá Reu, i e tabatin mas yu hòmber i yu muhé.

11:20 I tempu ku Reu tabatin 32 aña, el a engendrá Serug;

11:21 i Reu a biba 207 aña despues ku el a engendrá Serug, i e tabatin mas yu hòmber i yu muhé.

11:22 I tempu ku Serug tabatin 30 aña, el a engendrá Nakor;

11:23 i Serug a biba 200 aña despues ku el a engendrá Nakor, i e tabatin mas yu hòmber i yu muhé.

11:24 I tempu ku Nakor tabatin 29 aña, el a engendrá Taré;

11:25 i Nakor a biba 119 aña despues ku el a engendrá Taré, i e tabatin mas yu hòmber i yu muhé.

11:26 I tempu ku Taré tabatin 70 aña, el a engendrá Abram, Nakor i Haran.

11:27 Awor esakinan ta e generashonnan di Taré. Taré a engendrá Abram, Nakor i Haran; i Haran a engendrá Lòt.

11:28 Anto Haran a muri durante di bida di su tata Taré na e tera di su nasementu, na Ur di e kaldeonan.

11:29 I Abram i Nakor a tuma esposanan pa nan mes. Nòmber di esposa di Abram tabata Sarai; i nòmber di esposa di Nakor tabata Milka, yu muhé di Haran, tata di Milka i Iska.

11:30 I Sarai tabata steril; e no tabatin yu.

11:31 I Taré a tuma su yu hòmber Abram i su nietu Lòt, yu hòmber di Haran, i su suegra Sarai, esposa di su yu Abram, i nan a sali bai huntu for di Ur di e kaldeonan pa bai na tera di Kanaan; i nan a yega Haran i a keda biba ayanan.

H8646 -- Taré -> Terah
H3947 -- tuma -> took
H1121 -- su yu hòmber -> his son
H87 -- Abram -> Abram
H3876 -- i su nietu Lòt -> and Lot
H1121 -- yu hòmber -> the son
H2039 -- di Haran -> of Haran
H1121 -- i su suegra Sarai -> his grandson
H8297 -- Sarai -> and Sarai
H3618 -- esposa -> his daughter-in-law
H802 -- esposa -> wife
H1121 -- di su yu -> his son
H87 -- Abram -> Abram’s
H3318 -- i nan a sali bai -> and they went
H854 -- huntu -> out together
H218a -- for di Ur -> from Ur
H3778 -- di e kaldeonan -> of the Chaldeans
H1980 -- pa bai na -> in order to enter
H776 -- tera -> the land
H3667a -- di Kanaan -> of Canaan
H935 -- i nan a yega -> and they went
H5704 -- Haran -> as far
H2771a -- Haran -> as Haran
H3427 -- i a keda biba -> and settled
H8033 -- ayanan -> there

11:32 I e dianan di Taré tabata 205 aña, i Taré a muri na Haran.