Search the Bible

Genesis 4; Genesis 5; Genesis 6; Genesis 7 BSNP Edit

Genesis 4

4:1 Awor e hòmber tabatin relashon ku su esposa Eva, i Eva a sali na estado i a duna lus na Kain, i el a bisa: "Mi a haña un yu hòmber ku yudansa di SEÑOR."

4:2 Siguientemente el a duna lus na Abel, ruman hòmber di Kain. I Abel tabata un wardadó di bestia, ma Kain tabata un kunukero.

4:3 I a sosodé ku den kurso di tempu Kain a hiba un ofrenda di fruta di e tera pa SEÑOR.

4:4 Anto Abel, di su parti, tambe a hiba for di e proménan ku a nase di su kria di bestia chikitu i di nan vèt. I SEÑOR a apresiá Abel i su ofrenda,

4:5 ma Kain i su ofrenda E no a apresiá. Pesei Kain a rabia masha pisá i su kara a sera.

4:6 E ora ei SEÑOR a bisa Kain: "Pakiko bo ta rabiá? I pakiko bo kara ta será asina?

4:7 Si bo hasi bon, lo bo no wòrdu aseptá? I si bo no hasi bon, piká ta lur na porta. I su deseo ta pa bo, ma abo mester domin'é."

4:8 Anto Kain a papia ku su ruman Abel. I a sosodé ku ora nan tabata den kunuku, Kain a lanta kontra su ruman Abel i a mat'é.

4:9 E ora ei SEÑOR a bisa Kain: "Unda bo ruman Abel ta?" I el a bisa: "Mi no sa. Ta wardadó di mi ruman mi ta anto?"

4:10 I El a bisa: "Ta kiko bo a hasi? Bos di bo ruman su sanger ta sklama na Mi for di suela.

4:11 I awor bo ta maldishoná for di e tera ku a habri su boka pa risibí bo ruman su sanger for di bo man.

4:12 Ora bo kultivá e tera, e lo no dunabo su forsa mas. Lo bo ta un fugitivo i un bagamundo riba tera."

4:13 I Kain a bisa SEÑOR: "Mi kastigu ta muchu grandi pa mi soportá!

4:14 Mira, awe Bo a kore ku mi for di superfisio di tera; i lo mi ta skondí pa Bo kara; i lo mi ta un fugitivo i un bagamundo riba tera, i lo sosodé ku ken ku hañami, lo matami."

4:15 I SEÑOR a bis'é: "Pesei, ken ku mata Kain, vengansa lo wòrdu tumá riba djé shete bes." I SEÑOR a pone un marka riba Kain, pa ningun hende ku hañ'é no mat'é.

4:16 E ora ei Kain a sali for di e presensia di SEÑOR i a bai biba na tera di Nod, pariba di Edén.

4:17 I Kain tabatin relashon ku su esposa, i su esposa a sali na estado i a duna lus na Enok. I Kain a traha un stat i a yama e stat Enok, na nòmber di su yu.

4:18 Anto pa Enok a nase Irad; i Irad a engendrá Mehuyael. Mehuyael a engendrá Metusael, i Metusael a engendrá Lamek.

4:19 I Lamek a tuma dos esposa pa su mes: nòmber di esun tabata Ada, i nòmber di e otro Zila.

4:20 I Ada a duna lus na Jabal. E tabata tata di esnan ku ta biba den tènt i ku tin bestia di kria.

4:21 I nòmber di su ruman hòmber tabata Jubal. E tabata tata di tur esnan ku ta toka arpa i flùit.

4:22 Zila tambe a duna lus, esta, na Tubal-kain, trahadó di tur hèrmènt di bròns i heru. I e ruman muhé di Tubal-kain tabata Naama.

4:23 Anto Lamek a bisa su esposanan: "Ada i Zila, tende na mi bos, boso, esposanan di Lamek, pone atenshon na loke mi ta bisa; pasobra mi a mata un hòmber, pasobra el a heridámi, i un mucha hòmber, pasobra el a dal mi;

4:24 si Kain a wòrdu vengá shete bes, anto Lamek setenta bes shete."

4:25 I Adam tabatin relashon ku su esposa atrobe, i su esposa a duna lus na un yu hòmber i a dun'é e nòmber Sèt, pasobra el a bisa: "Dios a dunami un otro yu na lugá di Abel, pasobra Kain a mat'é."

H121 -- I Adam -> Adam
H3045 -- tabatin -> had
H3045 -- relashon -> relations
H802 -- ku su esposa -> with his wife
H5750 -- atrobe -> again
H3205 -- a duna lus na un yu hòmber -> and she gave
H3205 -- a duna lus na un yu hòmber -> birth
H1121 -- a duna lus na un yu hòmber -> to a son
H7121 -- i a dun'é e nòmber Sèt -> and named
H8034 -- Sèt -> H8034
H8352 -- Sèt -> him Seth
H430 -- Dios -> ]God
H7896 -- a dunami -> has appointed
H312 -- un otro -> me another
H2233 -- yu -> offspring
H8478 -- na lugá -> in place
H1893 -- di Abel -> of Abel
H7014b -- Kain -> for Cain
H2026 -- a mat'é -> killed

4:26 I pa Sèt tambe a nase un yu hòmber, i el a dun'é e nòmber Enos. E ora ei hende a kuminsá invoká e nòmber di SEÑOR.

Genesis 5

5:1 Esaki ta e buki di e generashonnan di Adam. E dia ku Dios a krea hende, El a trah'é segun semehansa di Dios.

5:2 El a krea nan hòmber i muhé, i El a bendishoná nan i a yama nan Hende dia ku nan a wòrdu kreá.

5:3 Tempu ku Adam tabatin 130 aña, el a engendrá un yu hòmber segun su mes semehansa, konforme su imagen, i a dun'é e nòmber Sèt.

5:4 Anto e dianan di Adam, despues ku el a engendrá Sèt, tabata 800 aña, i el a engendrá mas yu hòmber i yu muhé.

5:5 Asina tur e dianan ku Adam a biba tabata 930 aña, i el a muri.

5:6 I tempu ku Sèt tabatin 105 aña, el a engendrá Enos.

5:7 Anto Sèt a biba 807 aña despues ku el a engendrá Enos, i e tabatin mas yu hòmber i yu muhé.

5:8 Asina tur e dianan di Sèt tabata 912 aña, i el a muri.

5:9 I tempu ku Enos tabatin 90 aña, el a engendrá Kainán.

5:10 Anto Enos a biba 815 aña despues ku el a engendrá Kainán, i e tabatin mas yu hòmber i yu muhé.

5:11 Asina tur e dianan di Enos tabata 905 aña, i el a muri.

5:12 I tempu ku Kainán tabatin 70 aña, el a engendrá Mahalaleel.

5:13 Anto Kainán a biba 840 aña despues ku el a engendrá Mahalaleel, i e tabatin mas yu hòmber i yu muhé.

5:14 Asina tur e dianan di Kainán tabata 910 aña, i el a muri.

5:15 I tempu ku Mahalaleel tabatin 65 aña, el a engendrá Jared.

5:16 Anto Mahalaleel a biba 830 aña despues ku el a engendrá Jared, i e tabatin mas yu hòmber i yu muhé.

5:17 Asina tur e dianan di Mahalaleel tabata 895 aña, i el a muri.

5:18 I tempu ku Jared tabatin 162 aña, el a engendrá Enok.

5:19 Anto Jared a biba 800 aña despues ku el a engendrá Enok, i e tabatin mas yu hòmber i yu muhé.

5:20 Asina tur e dianan di Jared tabata 962 aña, i el a muri.

5:21 I tempu ku Enok tabatin 65 aña, el a engendrá Matusalen.

5:22 Anto Enok a kana 300 aña ku Dios despues ku el a engendrá Matusalen, i e tabatin mas yu hòmber i yu muhé.

5:23 Asina tur e dianan di Enok tabata 365 aña.

5:24 I Enok a kana ku Dios, i e no tabat'ei mas, pasobra Dios a tum'é.

5:25 I tempu ku Matusalen tabatin 187 aña, el a engendrá Lamek.

5:26 Anto Matusalen a biba 782 aña despues ku el a engendrá Lamek, i e tabatin mas yu hòmber i yu muhé.

5:27 Asina tur e dianan di Matusalen tabata 969 aña, i el a muri.

5:28 I tempu ku Lamek tabatin 182 aña, el a engendrá un yu hòmber.

5:29 Anto el a dun'é e nòmber Noe, bisando: "Esun aki lo konsolá nos den nos labor i den e trabou duru di nos mannan, pa motibu di e tera ku SEÑOR a maldishoná."

5:30 Anto Lamek a biba 595 aña despues ku el a engendrá Noe, i e tabatin mas yu hòmber i yu muhé.

5:31 Asina tur e dianan di Lamek tabata 777 aña, i el a muri.

5:32 I Noe tabatin 500 aña, i Noe a engendrá Sèm, Kam i Jafet.

Genesis 6

6:1 Awor a sosodé ku ora hende a kuminsá multipliká riba superfisio di tera i a haña yu muhénan,

6:2 e yu hòmbernan di Dios a mira ku e yu muhénan di hende tabata bunita; i nan a tuma esposanan pa nan mes, esun ku nan tabata kier a skohe.

6:3 E ora ei SEÑOR a bisa: "Mi Spiritu lo no lucha ku hende pa semper, pasobra di bèrdat ta karni e ta; sinembargo, su dianan lo ta shent'i binti aña."

6:4 Tabatin gigante riba tera den e dianan ei, i tambe despues, tempu ku e yu hòmbernan di Dios a uni ku e yu muhénan di hende, i esakinan a haña yu pa nan. Eseinan tabata hòmbernan poderoso i balente di tempunan aya, hòmbernan di fama.

H5303 -- Tabatin gigante -> The Nephilim
H776 -- riba tera -> were on the earth
H1992a -- den e dianan -> in those
H3117 -- dianan -> days
H1571 -- i -> and also
H310 -- despues -> afterward
H834 -- tempu ku -> when
H1121 -- e yu hòmbernan -> the sons
H430 -- di Dios -> of God
H935 -- a uni -> came
H1323 -- ku e yu muhénan -> in to the daughters
H120 -- di hende -> of men
H3205 -- i esakinan a haña -> and they bore
H1992a -- yu pa nan -> ] to them. Those
H1368 -- hòmbernan poderoso -> were the mighty
H1368 -- hòmbernan -> men
H834 -- i -> who
H5769 -- balente di tempunan aya -> ] of old
H376 -- hòmbernan -> men
H8034 -- di fama -> of renown

6:5 E ora ei SEÑOR a mira ku maldat di hende tabata grandi riba tera, i ku tur intenshon di e pensamentunan di su kurason tabata kontinuamente maldat so.

6:6 I a duel SEÑOR ku El a traha hende riba tera i E tabata tristu den Su kurason.

6:7 I SEÑOR a bisa: "Lo Mi destruí hende ku Mi a krea for di riba superfisio di tera, tantu hende komo bestia i tur loke ta lastra i parhanan di shelu, pasobra ta duel Mi ku Mi a traha nan."

6:8 Ma Noe a haña grasia den bista di SEÑOR.

6:9 Esakinan ta e generashonnan di Noe. Noe tabata un hòmber hustu, perfekto den su generashonnan: Noe tabata kana ku Dios.

6:10 I Noe a engendrá tres yu hòmber: Sèm, Kam i Jafet.

6:11 Awor tera tabata korumpí den bista di Dios i tera tabata yen di violensia.

6:12 Anto Dios a tira un bista riba tera, i mira, e tabata korupto, pasobra tur karni a korumpí nan kaminda riba tera.

6:13 E ora ei Dios a bisa Noe: "E fin di tur karni a bin Mi dilanti, pasobra tera ta yen di violensia pa nan motibu; i mira, Mi ta bai destruí nan huntu ku tera.

6:14 Traha pa bo mes un arka di palu di gofer; traha kamber den e arka i klafati'é di paden i pafó ku breu.

6:15 I asin'aki bo mester trah'é: e largura di e arka mester ta 300 kodo, su hanchura 50 kodo i su haltura 30 kodo.

6:16 Traha un bentana na e arka i akabá esei te na un kodo for di ariba; i pone e porta di e arka na su banda; trah'é ku un piso abou, i un di dos i un di tres piso.

6:17 I mira, Ami, sí, Ami ta bai trese un diluvio di awa riba tera, pa destruí tur karni, ku tin e rosea di bida, for di bou di shelu; tur loke tin riba tera lo peresé.

6:18 Ma lo Mi stablesé Mi aliansa ku bo; i lo bo bai den e arka--abo ku bo yu hòmbernan i bo esposa, i esposanan di bo yu hòmbernan huntu ku bo.

6:19 I di tur loke ta bibu di tur karni bo mester hiba dos di kada sorto den e arka, pa tene nan na bida huntu ku bo; nan mester ta machu i muhé.

6:20 Di e parhanan segun nan sorto, di e animalnan segun nan sorto i di tur loke ta lastra abou na suela segun nan sorto, dos di kada sorto lo bin serka bo pa asina tene nan na bida.

6:21 I abo, hiba ku bo algu di tur sorto di kuminda ku ta di kome, i warda esaki pa bo mes; i esei lo sirbi komo alimento pa bo i pa nan."

6:22 Asina Noe a hasi; konforme tur loke Dios a orden'é, el a hasi.

Genesis 7

7:1 Despues SEÑOR a bisa Noe: "Bai den e arka, abo i tur hende di bo kas, pasobra ta abo so Mi a mira ku ta hustu Mi dilanti den e tempu aki.

7:2 Di tur bestia limpi bo mester hiba shete par, machu i muhé; i di e bestianan ku no ta limpi, dos, un machu i un muhé;

7:3 di e parhanan di shelu tambe shete par, machu i muhé, pa tene nan sorto na bida riba superfisio di henter tera.

7:4 Pasobra aki shete dia mas lo Mi manda awaseru riba tera pa kuarenta dia i kuarenta nochi; i lo Mi destruí for di superfisio di tera tur ser bibu ku Mi a traha."

7:5 I Noe a hasi konforme tur loke SEÑOR a orden'é.

7:6 Awor Noe tabatin 600 aña tempu ku e diluvio di awa a bin riba tera.

7:7 E ora ei Noe, ku su yu hòmbernan, su esposa i esposanan di su yu hòmbernan, a bai den e arka pa motibu di e awa di e diluvio.

7:8 Di bestia limpi i bestia ku no ta limpi i di parha i tur loke ta lastra abou na suela,

7:9 a bai dos-dos serka Noe den e arka, machu i muhé, manera Dios a ordená Noe.

7:10 I a sosodé ku despues di e shete dianan e awa di e diluvio a subi tera.

7:11 Den e di seis shen aña di bida di Noe, den e di dos luna, riba e di dieshete dia di e luna, riba e dia ei tur e fuentenan di e gran abismo a rementá, i e bentananan di shelu a wòrdu habrí.

H8337a -- Den e di seis -> In the six
H3967 -- shen -> hundredth
H8141 -- aña -> year
H5146 -- di bida di Noe -> of Noah’s
H2425b -- di bida -> life
H8145 -- den e di dos -> in the second
H2320 -- luna -> month
H7651 -- riba e di dieshete -> on the seventeenth
H6240 -- dia -> H6240
H3117 -- dia -> day
H2320 -- di e luna -> of the month
H2088 -- riba e dia ei -> on the same
H3117 -- dia -> day
H3605 -- tur -> all
H4599 -- e fuentenan -> the fountains
H7227a -- di e gran -> of the great
H8415 -- abismo -> deep
H1234 -- a rementá -> burst
H1234 -- a rementá -> open
H699 -- i e bentananan -> and the floodgates
H8064 -- di shelu -> of the sky
H6605a -- a wòrdu habrí -> were opened

7:12 I awaseru a kai riba tera kuarenta dia i kuarenta nochi.

7:13 Riba e mesun dia ei Noe i Sèm, Kam i Jafet, e yu hòmbernan di Noe, i esposa di Noe i e tres esposanan di su yu hòmbernan huntu ku nan, a bai den e arka--

7:14 eseinan i tur bestia di mondi segun nan sorto, i tur bestia di kria segun nan sorto, i tur loke ta lastra riba tera segun su sorto, i tur parha segun su sorto, tur sorto di parha.

H3605 -- eseinan i tur -> they and every
H2421b -- bestia -> beast
H4327 -- di mondi segun nan sorto -> after its kind
H3605 -- i tur -> and all
H929 -- bestia -> the cattle
H4327 -- di kria segun nan sorto -> after their kind
H3605 -- i tur -> and every
H7431 -- loke ta lastra -> creeping
H7431 -- loke ta lastra -> thing
H7430 -- loke ta lastra -> that creeps
H776 -- riba tera -> on the earth
H4327 -- segun su sorto -> after its kind
H3605 -- i tur -> and every
H5775 -- parha -> bird
H4327 -- segun su sorto -> after its kind
H3605 -- tur -> all
H3671 -- sorto -> sorts
H6833 -- di parha -> of birds

7:15 Asina nan a bai den e arka serka Noe, dos-dos di tur karni den kual tabatin e rosea di bida.

7:16 I esnan ku a drenta, machu i muhé di tur karni, a drenta manera Dios a orden'é; i SEÑOR a sera e porta su tras.

7:17 I e diluvio tabata kuarenta dia largu riba tera; i awa a subi i a lanta e arka, asina ku el a keda mas haltu ku e tera.

7:18 I e awa tabata oumentá i tabata subi hopi riba tera; anto e arka tabata drif riba superfisio di e awa.

7:19 I e awa tabata oumentá mas i mas riba tera, asina ku tur e serunan haltu tur kaminda bou di e shelunan a keda tapá.

7:20 E awa a oumentá subi diesinku kodo mas haltu i e serunan a keda tapá.

7:21 I tur karni ku tabata move riba tera a muri: parha, bestia di kria, bestia di mondi i tur bestia ku ta kriul den otro riba tera, i tur hende;

7:22 tur loke tabata riba tera seku, tur ku tabatin rosea di e spiritu di bida den nan nanishi a muri.

7:23 Asina El a destruí tur loke tabata eksistí i ku tabata riba superfisio di tera, tantu hende komo bestia i loke ta lastra abou, i parha di shelu, i nan a wòrdu destruí for di riba tera; i Noe so a keda, ku esnan ku tabata huntu kuné den e arka.

H4229a -- Asina El a destruí -> Thus He blotted
H3605 -- tur loke -> out every
H3351 -- tabata eksistí -> living
H3351 -- loke -> thing
H6440 -- riba superfisio -> that was upon the face
H127 -- di tera -> of the land
H120 -- hende -> from man
H929 -- bestia -> to animals
H7431 -- loke ta lastra -> to creeping
H7431 -- abou -> things
H5775 -- i parha di shelu -> and to birds
H8064 -- di shelu -> of the sky
H4229a -- i nan a wòrdu destruí -> and they were blotted
H776 -- for di riba tera -> out from the earth
H389 -- i Noe so a keda -> and only
H5146 -- Noe -> Noah
H7604 -- a keda -> was left
H8392 -- ku esnan ku tabata huntu kuné den e arka -> together with those that were with him in the ark

7:24 I shent'i sinkuenta dia largu e awa a prevalesé riba tera.