Search the Bible

Genesis 1; Genesis 2; Genesis 3 BSNP Edit

Genesis 1

1:1 Na prinsipio Dios a krea e shelunan i tera.

1:2 I tera tabata sin forma i bashí i tabatin skuridat riba superfisio di e abismo. I e Spiritu di Dios tabata move riba superfisio di e awanan.

1:3 E ora ei Dios a bisa: "Laga tin lus." I tabatin lus.

1:4 I Dios a mira ku e lus tabata bon, i Dios a separá e lus for di e skuridat.

1:5 I Dios a yama e lus Dia i e skuridat El a yama Nochi. I tabata atardi i tabata mainta: e promé dia.

1:6 E ora ei Dios a bisa: "Laga tin un firmamentu meimei di e awanan, i laga esei separá e awanan for di e awanan."

1:7 I Dios a traha e firmamentu, i a separá e awanan ku tabatin bou di e firmamentu for di e awanan ku tabatin ariba di e firmamentu; i asina tabata.

1:8 I Dios a yama e firmamentu Shelu. I tabata atardi i tabata mainta: e di dos dia.

1:9 E ora ei Dios a bisa: "Laga e awanan ku tin bou di e shelunan bin huntu na ún lugá i laga tera seku paresé"; i asina tabata.

1:10 I e parti seku Dios a yama Tera, i tur e awanan ku a bin huntu El a yama Lamannan. I Dios a mira ku esaki tabata bon.

1:11 E ora ei Dios a bisa: "Laga tera produsí vegetashon, mata ku ta duna simia i palu di fruta ku ta duna fruta segun su sorto, ku simia den nan, riba tera"; i asina tabata.

1:12 Anto tera a produsí vegetashon, mata ku ta duna simia segun su sorto, i palu ku ta duna fruta, ku simia den nan, segun su sorto; i Dios a mira ku esaki tabata bon.

1:13 I tabata atardi i tabata mainta: e di tres dia.

1:14 E ora ei Dios a bisa: "Laga tin lusnan na e firmamentu di e shelunan pa separá dia for di nochi, i laga nan sirbi komo señalnan i pa temporadanan di aña, i pa dianan i añanan;

1:15 i laga nan ta lusnan na e firmamentu di e shelunan pa duna lus riba tera"; i asina tabata.

1:16 I Dios a traha e dos lusnan grandi, e lus mas grandi pa goberná dia i e lus mas chikitu pa goberná nochi; El a traha e streanan tambe.

1:17 I Dios a pone nan na e firmamentu di e shelunan pa duna lus riba tera,

1:18 i pa goberná dia i nochi, i pa separá lus for di skuridat; i Dios a mira ku esaki tabata bon.

1:19 I tabata atardi i tabata mainta: e di kuater dia.

1:20 E ora ei Dios a bisa: "Laga e awanan abundá ku kantidat di ser bibu, i laga parhanan bula riba tera na e firmamentu habrí di e shelunan."

1:21 I Dios a krea e mònsternan grandi di laman i tur ser bibu ku ta move, di kualnan e awanan tabata abundá, segun nan sorto, i tur parha ku hala segun su sorto; i Dios a mira ku esaki tabata bon.

1:22 I Dios a bendishoná nan, bisando: "Sea fruktífero i multipliká, i yena e awanan den e lamannan, i laga parhanan multipliká riba tera."

1:23 I tabata atardi i tabata mainta: e di sinku dia.

1:24 E ora ei Dios a bisa: "Laga e tera produsí sernan bibu segun nan sorto: bestia di kria i bestia ku ta lastra i bestia di mondi segun nan sorto"; i asina tabata.

1:25 I Dios a traha e bestianan di mondi segun nan sorto, i e bestianan di kria segun nan sorto, i tur loke ta lastra abou na suela segun nan sorto; i Dios a mira ku esaki tabata bon.

1:26 E ora ei Dios a bisa: "Laga Nos traha hende segun Nos imagen, konforme Nos semehansa; i laga nan goberná riba e piskánan di laman i riba e parhanan di shelu i riba e bestianan di kria i riba henter e tera, i riba tur bestia ku ta lastra riba tera."

1:27 I Dios a krea hende segun Su mes imagen; segun e imagen di Dios El a krea hende; hòmber i muhé El a krea nan.

1:28 Anto Dios a bendishoná nan, i Dios a bisa nan: "Sea fruktífero i multipliká, i yena e tera i hasi esaki someté na bo; i goberná riba e piskánan di laman i riba e parhanan di shelu, i riba tur ser bibu ku ta move riba tera."

1:29 Anto Dios a bisa: "Mira, Mi a duna boso tur mata ku ta duna simia riba superfisio di henter tera i tur palu ku tin fruta ku ta duna simia; esei lo ta kuminda pa boso.

1:30 I pa tur bestia di mondi, tur parha di shelu i tur loke ta lastra riba tera, ku tin bida, Mi a duna tur mata bèrdè pa kuminda"; i asina tabata.

1:31 I Dios a mira tur loke El a traha, i ata, tur kos tabata masha bon. I tabata atardi i tabata mainta: e di seis dia.

Genesis 2

2:1 Asina e shelunan i tera a keda kla, i tur nan ehérsitonan.

2:2 I riba e di shete dia Dios a kaba Su trabou ku El a hasi, i riba e di shete dia El a sosegá di tur Su trabou ku El a hasi.

2:3 E ora ei Dios a bendishoná e di shete dia i a santifik'é, pasobra riba e dia ei El a sosegá di tur Su trabou ku Dios a krea i a traha.

2:4 Esaki ta e historia di e shelunan i tera tempu ku nan a wòrdu kreá, den e dia ku SEÑOR Dios a traha tera i shelu.

2:5 Awor no tabatin ningun mata di kunuku riba tera ainda, ni no a nase ningun yerba di kunuku ainda, pasobra SEÑOR Dios no a manda awaseru riba tera, i no tabatin hende pa kultivá tera.

2:6 Ma un damp tabata subi for di tera i tabata muha henter superfisio di tera.

2:7 E ora ei SEÑOR Dios a forma hende di e stòf di tera i a supla e rosea di bida den su nanishi; i hende a bira un ser bibu.

2:8 I SEÑOR Dios a planta un hòfi parti pariba, na Edén; i ayanan El a pone e hòmber ku El a forma.

2:9 I for di suela SEÑOR Dios a hasi nase tur palu ku ta agradabel pa bista i bon pa kuminda; tambe e palu di bida meimei di e hòfi, i e palu di konosementu di bon i malu.

H127 -- I for di suela -> Out of the ground
H3068 -- SEÑOR -> H3068
H430 -- Dios -> God
H6779 -- a hasi nase -> caused to grow
H3605 -- tur -> every
H6086 -- palu -> tree
H2530 -- ku ta agradabel -> that is pleasing
H4758 -- pa bista -> to the sight
H2896a -- i bon -> and good
H3978 -- pa kuminda -> for food
H6086 -- palu -> the tree
H2425b -- di bida -> of life
H8432 -- meimei -> also in the midst
H1588 -- di e hòfi -> of the garden
H6086 -- palu -> and the tree
H1847 -- di konosementu -> of the knowledge
H2896b -- di bon -> of good
H7451b -- i malu -> and evil

2:10 Awor un riu tabata sali for di Edén pa muha e hòfi, i for di einan el a parti i a bira kuater riu.

2:11 Nòmber di e promé ta Pison; esaki ta kore rònt di henter tera di Havila, kaminda tin oro.

2:12 I e oro di e tera ei ta bon; aya tin bedelio i piedra di òneks.

2:13 Nòmber di e di dos riu ta Gihon; esaki ta kore rònt di henter tera di Kus.

2:14 Nòmber di e di tres riu ta Tigris; esaki ta kore pariba di Asiria. I e di kuater riu ta Eufrates.

2:15 E ora ei SEÑOR Dios a kohe e hòmber i a pon'é den e hòfi di Edén pa kultiv'é i kuid'é.

2:16 I SEÑOR Dios a ordená e hòmber, bisando: "Di tur palu di e hòfi bo mag kome libremente,

2:17 ma di e palu di konosementu di bon i malu lo bo no kome, pasobra e dia ku bo kome di djé, lo bo muri sigur."

2:18 E ora ei SEÑOR Dios a bisa: "No ta bon pa e hòmber ta so; lo Mi traha un yudadó p'é ku ta pas kuné."

2:19 I for di tera SEÑOR Dios a forma tur bestia di sabana i tur parha di shelu, i a hiba nan pa e hòmber, pa mira kon e lo a yama nan; anto manera e hòmber a yama kada ser bibu, asina su nòmber tabata.

H127 -- di tera -> Out of the ground
H3068 -- SEÑOR -> H3068
H430 -- Dios -> God
H3335 -- a forma -> formed
H3605 -- tur -> every
H2421b -- bestia -> beast
H7704 -- di sabana -> of the field
H3605 -- i tur -> and every
H5775 -- parha -> bird
H8064 -- di shelu -> of the sky
H935 -- a hiba nan pa -> and brought
H120 -- e hòmber -> ] to the man
H7200 -- pa mira -> to see
H4100 -- kon -> what
H7121 -- e lo a yama -> he would call
H3605 -- nan; anto manera -> them; and whatever
H120 -- e hòmber -> the man
H7121 -- a yama -> called
H2416a -- kada ser -> a living
H5315 -- bibu -> creature
H8034 -- asina su nòmber tabata -> that was its name

2:20 I e hòmber a duna nòmber na tur bestia di kria i parha di shelu, i tur bestia di sabana, ma pa Adam no a wòrdu hañá un yudadó ku tabata pas kuné.

2:21 Asina SEÑOR Dios a hasi e hòmber pega un soño profundo, i el a drumi; e ora ei El a tuma un di su repchinan i a sera e karni na e lugá ei.

2:22 I SEÑOR Dios a traha un muhé ku e repchi ku El a tuma for di e hòmber i a hib'é pa e hòmber.

2:23 I e hòmber a bisa: "Esaki ta awor wesu di mi wesunan, i karni di mi karni; e lo wòrdu yamá Muhé, pasobra el a wòrdu tumá for di Hòmber."

2:24 Pesei un hòmber lo bandoná su tata i su mama i lo uni ku su esposa. I nan lo bira ún karni.

2:25 I e hòmber i su esposa tur dos tabata sunú i no tabatin bèrguensa.

Genesis 3

3:1 Awor e kolebra tabata mas astuto ku tur otro bestia di sabana ku SEÑOR Dios a traha. I el a bisa e muhé: "Di bèrdat Dios a bisa: 'Bo no mag kome di ningun palu di e hòfi'?"

H5175 -- Awor e kolebra -> Now the serpent
H4480 -- tabata mas -> was more
H6175 -- astuto -> crafty
H4480 -- ku -> than
H3605 -- tur otro -> any
H2421b -- bestia -> beast
H7704 -- di sabana -> of the field
H834 -- ku -> which
H3068 -- SEÑOR -> H3068
H430 -- Dios -> God
H6213a -- a traha -> had made
H559 -- I el a bisa -> . And he said
H802 -- e muhé -> to the woman
H637 -- Di bèrdat -> Indeed
H430 -- Dios -> has God
H559 -- a bisa -> said
H398 -- Bo no mag kome -> ‘You shall not eat
H3605 -- ningun -> from any
H6086 -- palu -> tree
H1588 -- di e hòfi -> of the garden

3:2 I e muhé a bisa e kolebra: "Di fruta di e palunan di e hòfi nos por kome,

3:3 ma di fruta di e palu ku ta keda meimei di e hòfi, Dios a bisa: 'Boso no mester kome di djé ni mishi kuné, pa boso no muri.'"

3:4 I e kolebra a bisa e muhé: "Siguramente boso lo no muri!

3:5 Pasobra Dios sa ku e dia ku boso kome di djé, boso wowo lo habri i boso lo ta manera Dios, konosiendo bon i malu."

3:6 Ora ku e muhé a mira ku e palu tabata bon pa kuminda, i ku e tabata un delisia pa bista, i ku e palu tabata deseabel pa hasi hende bira sabí, el a kohe di su fruta i a kome; i el a duna su esposo tambe ku tabata huntu kuné, i el a kome.

H802 -- Ora ku e muhé -> When the woman
H7200 -- a mira -> saw
H6086 -- ku e palu -> that the tree
H2896a -- tabata bon -> was good
H3978 -- pa kuminda -> for food
H8378 -- i ku e tabata un delisia -> and that it was a delight
H5869 -- pa bista -> to the eyes
H6086 -- i ku e palu -> and that the tree
H2530 -- tabata deseabel -> was desirable
H7919a -- pa hasi hende bira sabí -> ] wise
H3947 -- el a kohe -> she took
H6529 -- di su fruta -> from its fruit
H398 -- i a kome -> and ate
H5414 -- i el a duna -> and she gave
H1571 -- su esposo tambe -> also
H376 -- su esposo -> to her husband
H398 -- ku tabata huntu kuné, i el a kome -> with her, and he ate

3:7 E ora ei wowo di nan tur dos a habri, i nan tabata sa ku nan tabata sunú; anto nan a kose blachi di figo pega na otro i a traha lantera pa nan mes.

3:8 I nan tabata tende e zonidu di SEÑOR Dios, kanando den e hòfi den aire fresku di dia, i e hòmber i su esposa a skonde pa e presensia di SEÑOR Dios meimei di e palunan di e hòfi.

3:9 E ora ei SEÑOR Dios a yama e hòmber i a bis'é: "Unda bo ta?"

3:10 I e hòmber a bisa: "Mi a tende e zonidu di Bo den e hòfi i mi tabatin miedu, pasobra mi tabata sunú; pesei mi a bai skonde."

3:11 I El a bisa: "Ta ken a bisabo ku bo tabata sunú? Bo a kome di e palu ku Mi a ordenábo pa no kome di djé?"

3:12 I e hòmber a bisa: "E muhé ku Bo a duna pa ta huntu ku mi, ta el a dunami for di e palu, i mi a kome."

3:13 E ora ei SEÑOR Dios a bisa e muhé: "Ta kiko e kos aki ta ku bo a hasi?" I e muhé a bisa: "E kolebra a gañami i mi a kome."

3:14 I SEÑOR Dios a bisa e kolebra: "Pasobra bo a hasi e kos aki, "maldishoná bo ta mas ku tur bestia di kria, i mas ku tur bestia di sabana; riba bo barika lo bo lastra, i stòf lo bo kome tur e dianan di bo bida;

H3068 -- I SEÑOR -> The LORD
H430 -- Dios -> God
H559 -- a bisa -> said
H5175 -- e kolebra -> to the serpent
H3588 -- Pasobra -> Because
H6213a -- bo a hasi -> you have done
H2088 -- e kos aki -> this
H779 -- maldishoná -> Cursed
H4480 -- bo ta mas -> are you more
H4480 -- ku -> than
H3605 -- tur -> all
H929 -- bestia -> cattle
H4480 -- i mas -> And more
H4480 -- ku -> than
H3605 -- tur -> every
H2421b -- bestia -> beast
H7704 -- di sabana -> of the field
H1512 -- riba bo barika -> On your belly
H1980 -- lo bo lastra -> you will go
H6083 -- i stòf -> And dust
H398 -- lo bo kome -> you will eat
H3605 -- tur -> All
H3117 -- e dianan -> the days
H2425b -- di bo bida -> of your life

3:15 i lo Mi pone enemistat entre abo i e muhé, i entre bo simia i su simia; e lo heridá bo kabes, i abo lo heridá Su hilchi di pia."

3:16 E muhé El a bisa: "Lo Mi multipliká masha hopi mes bo doló na ora di parto; ku doló lo bo haña yu; tòg bo deseo lo ta pa bo esposo, i e lo manda riba bo."

3:17 E ora ei El a bisa Adam: "Pasobra bo a skucha na bos di bo esposa i a kome for di e palu di kual Mi a ordenábo, bisando: 'Lo bo no kome di djé', "Maldishoná e tera ta pa bo motibu; ku trabou duru lo bo kome di djé tur e dianan di bo bida.

H121 -- E ora ei El a bisa Adam -> Then to Adam
H559 -- a bisa -> He said
H3588 -- Pasobra -> Because
H8085 -- bo a skucha -> you have listened
H6963 -- na bos -> to the voice
H802 -- di bo esposa -> of your wife
H398 -- i a kome -> and have eaten
H6086 -- for di e palu -> from the tree
H834 -- di kual -> about which
H6680 -- Mi a ordenábo -> I commanded
H559 -- bisando -> you, saying
H398 -- Lo bo no kome -> ‘You shall not eat
H779 -- di djé -> from it’; Cursed
H127 -- Maldishoná e tera ta -> is the ground
H5668 -- pa bo motibu -> because
H6093 -- ku trabou duru -> of you; In toil
H398 -- lo bo kome -> you will eat
H3605 -- di djé -> of it All
H3117 -- tur e dianan -> the days
H2425b -- di bo bida -> of your life

3:18 Mata di sumpiña i bringamosa lo e produsí pa bo, i lo bo kome yerba di sabana.

3:19 Ku sodó di bo frenta lo bo kome pan, te ora bo bolbe na tera, pasobra for di djé bo a wòrdu tumá; pasobra stòf bo ta, i na stòf lo bo bolbe."

3:20 I e hòmber a duna su esposa e nòmber Eva, pasobra ta e tabata mama di tur ser bibu.

3:21 I SEÑOR Dios a traha bistí di kueru pa Adam i su esposa, i a bisti nan.

3:22 E ora ei SEÑOR Dios a bisa: "Mira, e hòmber a bira manera un di Nos, konosiendo bon i malu. I awor, pa e no saka su man kohe for di e palu di bida tambe, i kome i biba pa semper"--

H3068 -- E ora ei SEÑOR -> Then the LORD
H430 -- Dios -> God
H559 -- a bisa -> said
H2005 -- Mira -> Behold
H120 -- e hòmber -> the man
H1961 -- a bira -> has become
H259 -- manera un -> like one
H3045 -- di Nos -> of Us, knowing
H2896b -- bon -> good
H7451b -- i malu -> and evil
H6258 -- I awor -> and now
H6435 -- pa e no saka -> he might
H7971 -- su man -> stretch
H3027 -- kohe -> out his hand
H3947 -- for di e palu -> and take
H1571 -- di bida -> also
H6086 -- tambe -> from the tree
H2425b -- i kome -> of life
H398 -- i biba -> and eat
H2421a -- pa semper -> and live

3:23 pesei SEÑOR Dios a mand'é bai for di e hòfi di Edén, pa kultivá e tera for di kual el a wòrdu tumá.

3:24 Asina El a saka e hòmber afó; anto parti pariba di hòfi di Edén El a stashoná e kerubinnan i un spada tur na flam di kandela ku tabata bira den tur direkshon, pa warda e kaminda ku ta bai na e palu di bida.