Search the Bible

Eksodo 25; Eksodo 26; Eksodo 27 BSNP Edit

Eksodo 25

25:1 E ora ei SEÑOR a papia ku Moisés, bisando:

25:2 "Bisa e yunan di Israel pa tuma un ofrenda pa Mi; for di kada hòmber ku ta duna for di e boluntat di su kurason boso mester tuma Mi ofrenda.

25:3 I esaki ta e ofrenda ku boso mester tuma for di nan: oro, plata i bròns,

25:4 hilu blou, púrpura i skarlata, lino fini, lana di kabritu,

25:5 kueru di karné chubatu tiñá kòrá, kueru di dòlfein, palu di akasia,

25:6 zeta pa e lus, spesereinan pa e zeta di unshon i pa e sensia aromátiko,

25:7 piedra di òneks i piedra pa montura, pa e efòd i pa e pechero.

25:8 "I laga nan traha un santuario pa Mi, pa Mi keda biba meimei di nan.

25:9 Konforme tur loke Mi ta bai mustrabo, manera e diseño di e tabernakel i e diseño di tur su artíkulonan-di-uzo, asina boso mester trah'é.

25:10 "I nan mester traha un arka di palu di akasia, dos kodo i mei largu, un kodo i mei hanchu i un kodo i mei haltu.

25:11 I bo mester fur'é ku oro puru; paden i pafó bo mester fur'é i traha un leishi di oro rònt di djé.

25:12 I bo mester basha kuater renchi di oro p'é i pega nan na su kuater pianan, i mester tin dos renchi na esun banda di djé i dos renchi na e otro banda di djé.

25:13 I bo mester traha bara di palu di akasia i fura nan ku oro.

25:14 I bo mester pasa e baranan den e renchinan na e bandanan di e arka, pa karga e arka kuné.

25:15 E baranan mester keda den e renchinan di e arka; no mester saka nan for di djé.

25:16 I bo mester pone den e arka e testimonio ku lo Mi dunabo.

25:17 "I bo mester traha un propisiatorio di oro puru, dos kodo i mei largu i un kodo i mei hanchu.

25:18 I bo mester traha dos kerubin di oro; traha nan di oro batí-ku-martiu, na e dos puntanan di e propisiatorio.

25:19 I bo mester traha un kerubin na esun punta i un kerubin na e otro punta; traha e kerubinnan di un solo pida ku e propisiatorio na su dos puntanan.

25:20 I e kerubinnan mester tin nan halanan habrí mandá ariba, asina kubriendo e propisiatorio ku nan halanan. E kerubinnan mester ta kara pa otro, mirando den direkshon di e propisiatorio.

25:21 I bo mester pone e propisiatorio riba e arka, i pone e testimonio ku lo Mi dunabo den e arka.

25:22 I einan lo Mi reuní ku bo, i for di ariba di e propisiatorio, for di meimei di e dos kerubinnan ku tin riba e arka di testimonio, lo Mi papia ku bo tokante di tur loke Mi lo dunabo komo mandamentu pa e yunan di Israel.

H8033 -- I einan -> There
H3259 -- lo Mi reuní -> I will meet
H5921 -- ku bo, i for di ariba -> with you; and from above
H834 -- ku -> which
H3727 -- e propisiatorio -> the mercy
H3727 -- e propisiatorio -> seat
H996 -- , for di meimei -> from between
H3742 -- kerubinnan -> cherubim
H727 -- tin riba e arka -> are upon the ark
H5715 -- di testimonio -> of the testimony
H1696 -- , lo Mi papia -> I will speak
H3605 -- ku bo tokante di tur -> to you about all
H6680 -- loke Mi lo dunabo -> that I will give
H6680 -- duna bo komo mandamentu -> you in commandment
H8147 -- dos -> the two
H1121 -- pa e yunan -> for the sons
H3478 -- di Israel -> of Israel

25:23 "I bo mester traha un mesa di palu di akasia, dos kodo largu, un kodo hanchu i un kodo i mei haltu.

25:24 I bo mester fur'é ku oro puru i traha un leishi di oro tur rònt di djé.

25:25 I bo mester traha un rant p'é di hanchura di un man; i traha un leishi di oro pa e rant rònt di djé.

25:26 I bo mester traha kuater renchi di oro p'é i pone renchi na e kuater skinanan ku tin na e kuater pianan.

25:27 E renchinan mester ta pegá ku e rant komo kosnan pa tene e baranan pa karga e mesa kuné.

25:28 I bo mester traha e baranan di palu di akasia i fura nan ku oro, pa por karga e mesa kuné.

25:29 I bo mester traha su tayónan, su kucharanan, su kanikanan i su kòmchinan, pa basha e ofrendanan di bibida kuné; traha nan di oro puru.

25:30 I bo mester pone e pan di e Presensia riba e mesa Mi dilanti kontinuamente.

25:31 "Anto bo mester traha un kandelá di oro puru. E kandelá, su base i su pia mester wòrdu trahá di oro batí-ku-martiu. Su kèlkinan, su kònòpinan di flor i su flornan mester ta di un solo pida kuné.

25:32 E mester tin seis brasa ta sali for di su bandanan; tres brasa di e kandelá for di esun banda i tres brasa di e kandelá for di e otro banda.

25:33 Tres kèlki mester wòrdu trahá den forma di flor di amandel na esun brasa, ku un kònòpi di flor i un flor, i tres kèlki trahá den forma di flor di amandel na e otro brasa, ku un kònòpi di flor i un flor--asina pa seis brasa ku ta sali for di e kandelá;

H7969 -- Tres -> Three
H1375 -- kèlki -> cups
H8246 -- mester wòrdu trahá -> ] shaped
H8246 -- den forma di flor di amandel -> like
H8246 -- den forma di flor di amandel -> almond
H259 -- na esun -> ] in the one
H7070 -- brasa -> branch
H3730 -- ku un kònòpi di flor -> a bulb
H6525 -- i un flor -> and a flower
H7969 -- i tres -> and three
H1375 -- kèlki -> cups
H8246 -- trahá -> shaped
H8246 -- den forma di flor di amandel -> like
H8246 -- den forma di flor di amandel -> almond
H259 -- na e otro -> ] in the other
H7070 -- brasa -> branch
H3730 -- ku un kònòpi di flor -> a bulb
H6525 -- i un flor -> and a flower
H8337a -- asina pa seis -> so for six
H7070 -- brasa -> branches
H3318 -- ku ta sali -> going
H4501 -- for di e kandelá -> out from the lampstand

25:34 i na e kandelá kuater kèlki, trahá den forma di flor di amandel ku su kònòpinan di flor i su flornan.

25:35 I mester tin un kònòpi di flor bou di e promé par di brasa ku ta sali for di djé, i un kònòpi di flor bou di e di dos par di brasa ku ta sali for di djé; i un kònòpi di flor bou di e di tres par di brasa ku ta sali for di djé, pa e seis brasanan ku ta sali for di e kandelá.

25:36 Nan kònòpinan di flor i nan brasanan mester ta di un solo pida ku e kandelá; e kos kompleto mester ta un solo pida, batí-ku-martiu for di oro puru.

25:37 "E ora ei bo mester traha su shete lampinan; i nan mester pone su lampinan di tal manera ku nan ta lusa e espasio dilanti di djé.

25:38 I su kosnan-pa-paga-lampi i nan skalchinan mester ta di oro puru.

25:39 E mester wòrdu trahá di un talento di oro puru, huntu ku tur e artíkulonan-di-uzo aki.

25:40 I mira pa bo traha nan konforme e diseño ku a wòrdu mustrá na bo riba e seru.

Eksodo 26

26:1 "Ademas, bo mester traha e tabernakel di dies kortina di lino fini trosí, i hilu blou, púrpura i skarlata; bo mester traha nan ku kerubin, e obra di un trahadó eksperto.

26:2 E largura di kada kortina mester ta bint'i ocho kodo, i e hanchura di kada kortina, kuater kodo; tur e kortinanan mester tin e mesun midí.

26:3 Sinku kortina mester wòrdu pegá na otro; i e otro sinku kortinanan mester wòrdu pegá na otro.

26:4 I bo mester traha lùs blou na rant di e kortina di mas pafó den e promé sèt, i traha nan meskos na rant di e último kortina den e di dos sèt.

26:5 Traha sinkuenta lùs den esun kortina, i traha sinkuenta lùs na rant di e kortina ku ta den e di dos sèt; e lùsnan mester ta un enfrente di otro.

26:6 Anto traha sinkuenta klèm di oro, i pega e kortinanan na otro ku e klèmnan, pa e tabernakel keda tur na ún.

26:7 "E ora ei bo mester traha kortina di lana di kabritu komo un tènt ofer di e tabernakel; traha diesun kortina na tur.

26:8 E largura di kada kortina mester ta trinta kodo i e hanchura di kada kortina, kuater kodo; e diesun kortinanan mester tin e mesun midí.

26:9 I bo mester pega sinku kortina na otro, hasi nan ún sèt, i pega e otro seis kortinanan na otro, hasi nan ún sèt, i dobla e di seis kortina na dos na e parti dilanti di e tènt.

26:10 I traha sinkuenta lùs na rant di e kortina ku ta esun último na e promé sèt, i sinkuenta lùs na rant di e kortina ku ta esun último na e di dos sèt.

26:11 E ora ei bo mester traha sinkuenta hak di bròns, i pasa e haknan den e lùsnan i pega e tènt na otro, pa e keda tur na ún.

26:12 Anto e parti ku ta kologá, ku a resta di e kortinanan di e tènt, e mitar kortina ku a resta, mester keda kologá na parti patras di e tabernakel.

26:13 I e kodo na esun banda i e kodo na e otro banda, di loke a resta den e largura di e kortinanan di e tènt, mester keda kologá na e bandanan di e tabernakel, na esun banda i na e otro banda, pa tap'é.

H520 -- I e kodo -> The cubit
H2088 -- na esun banda -> on one
H2088 -- i e kodo -> side
H520 -- na e otro banda, -> and the cubit
H2088 -- di loke a resta -> on the other
H5736 -- den e largura -> of what is left
H5736 -- di e kortinanan -> over
H753 -- di e tènt, -> in the length
H3407 -- mester keda kologá -> of the curtains
H168 -- na e bandanan -> of the tent
H5628 -- di e tabernakel, -> shall lap
H5921 -- na esun banda -> over
H6654 -- i na e otro banda, -> the sides
H4908 -- pa tap'é. -> of the tabernacle
H2088 -- . -> on one
H2088 -- . -> side
H2088 -- . -> and on the other
H3680 -- . -> to cover

26:14 I bo mester traha pa e tènt un kapa di kueru di karné chubatu tiñá kòrá, i un kapa di kueru di dòlfein riba esaki.

26:15 "Anto e tablanan pa e tabernakel bo mester traha di palu di akasia, pará règt.

26:16 E largura di kada tabla mester ta dies kodo, i e hanchura di kada tabla mester ta un kodo i mei.

26:17 Mester tin dos pènchi pa kada tabla, pa pega nan na otro; asina bo mester hasi pa tur e tablanan di e tabernakel.

26:18 I bo mester traha e tablanan pa e tabernakel, binti tabla pa e parti sùit.

26:19 I traha kuarenta pia di plata bou di e binti tablanan, dos pia bou di un tabla pa su dos pènchinan i dos pia bou di un otro tabla pa su dos pènchinan;

H6213a -- I traha -> You shall make
H705 -- kuarenta -> forty
H134 -- pia -> sockets
H3701 -- di plata -> of silver
H8478 -- bou di -> under
H6242 -- e binti tablanan, -> the twenty
H7175b -- dos pia -> boards
H8147 -- bou di -> two
H134 -- un tabla -> sockets
H8478 -- pa su dos pènchinan -> under
H259 -- i dos pia -> one
H7175b -- bou di -> board
H8147 -- un otro tabla -> for its two
H3027 -- pa su dos pènchinan; -> tenons
H8147 -- . -> and two
H134 -- . -> sockets
H8478 -- . -> under
H259 -- . -> another
H7175b -- . -> board
H8147 -- . -> for its two
H3027 -- . -> tenons

26:20 i pa e otro banda di e tabernakel, e banda nòrt, binti tabla;

26:21 i nan kuarenta pianan di plata: dos pia bou di un tabla i dos pia bou di un otro tabla.

26:22 I pa e parti patras di e tabernakel, parti pabou, bo mester traha seis tabla.

26:23 I bo mester traha dos tabla pa e skinanan di e tabernakel, parti patras.

26:24 Nan mester ta pegá na otro na e parti abou i pegá na otro na e parti ariba, ku ún renchi. Asina mester ta pa nan tur dos. Nan mester forma e dos skinanan.

26:25 I mester tin ocho tabla ku nan pianan di plata, dieseis pia: dos pia bou di esun tabla i dos pia bou di e otro tabla.

26:26 "E ora ei bo mester traha baranan di palu di akasia, sinku pa e tablanan di esun banda di e tabernakel,

26:27 sinku bara pa e tablanan di e otro banda di e tabernakel, i sinku bara pa e tablanan di e banda patras di e tabernakel, parti pabou.

26:28 Anto e bara di meimei mester pasa dor di e tablanan, nèt meimei, di punta pa punta.

26:29 Bo mester fura e tablanan ku oro i traha nan renchinan di oro pa tene e baranan kuné; i fura e baranan ku oro.

26:30 "E ora ei bo mester lanta e tabernakel konforme su plan ku a wòrdu mustrá na bo riba e seru.

26:31 "I bo mester traha un velo di hilu blou, púrpura i skarlata, i lino fini trosí. E mester wòrdu trahá ku kerubin, e obra di un trahadó eksperto.

26:32 I bo mester kologu'é na kuater pilar di palu di akasia, furá ku oro. Nan haknan tambe mester ta di oro, riba kuater pia di plata.

26:33 I bo mester kologá e velo bou di e haknan i hiba e arka di testimonio eiden, tras di e velo; i e velo mester sirbi pa bo komo un separashon entre e lugá santu i e lugá santísimo.

26:34 I bo mester pone e propisiatorio riba e arka di testimonio den e lugá santísimo.

26:35 I bo mester pone e mesa pafó di e velo i e kandelá enfrente di e mesa parti sùit di e tabernakel, i pone e mesa na e banda nòrt.

26:36 "I bo mester traha un skèrm pa e entrada di tènt, di hilu blou, púrpura i skarlata, i lino fini trosí, e obra di un wefdó-di-tela.

26:37 I bo mester traha sinku pilar di palu di akasia pa e skèrm i fura nan ku oro; nan haknan tambe mester ta di oro; i bo mester basha sinku pia di bròns pa nan.

Eksodo 27

27:1 "I bo mester traha e altar di palu di akasia, sinku kodo largu i sinku kodo hanchu; e altar mester ta firkant, i su haltura mester ta tres kodo.

27:2 I bo mester traha su kachunan na su kuater skinanan; su kachunan mester forma un solo pida kuné. I bo mester fur'é ku bròns.

27:3 I bo mester traha su hèmchinan pa saka su shinishi, i su skòpnan, su puncheronan, su fòrkinan i su weanan-pa-kandela; i bo mester traha tur su artíkulonan-di-uzo di bròns.

27:4 I bo mester traha p'é un roster di bròns, i na e nèt bo mester traha kuater renchi di bròns na su kuater skinanan.

27:5 I bo mester pone esaki bou di rant di e altar, parti abou, pa e nèt yega na mitar di e haltura di e altar.

27:6 I bo mester traha baranan pa e altar, baranan di palu di akasia, i fura nan ku bròns.

27:7 I su baranan mester wòrdu pasá den e renchinan, asina ku e baranan lo keda na kada banda di e altar ora ta kargu'é.

27:8 Bo mester traha e altar hòl, di tabla; manera a wòrdu mustrá na bo riba e seru, asina nan mester trah'é.

27:9 "I bo mester traha e plenchi di e tabernakel. Na e parti sùit mester tin pa e plenchi kortina di lino fini trosí, shen kodo largu na esun banda;

27:10 i su binti pilarnan ku nan binti pianan mester ta di bròns; e haknan di e pilarnan ku nan banchinan mester ta di plata.

27:11 I meskos, pa e largura di e parti nòrt mester tin kortina shen kodo largu, ku su binti pilarnan ku nan binti pianan di bròns; e haknan di e pilarnan i nan banchinan mester ta di plata.

27:12 "I pa e hanchura di e plenchi parti pabou mester tin kortina di sinkuenta kodo ku nan dies pilarnan i nan dies pianan.

27:13 I e hanchura di e plenchi parti pariba mester ta sinkuenta kodo.

27:14 E kortinanan pa esun banda di e entrada mester ta diesinku kodo, ku nan tres pilarnan i nan tres pianan.

27:15 I pa e otro banda mester tin kortina di diesinku kodo, ku nan tres pilarnan i nan tres pianan.

27:16 "I pa entrada di e plenchi mester tin un skèrm di binti kodo largu di hilu blou, púrpura i skarlata, i lino fini trosí, e obra di un wefdó-di-tela, ku nan kuater pilarnan i nan kuater pianan.

27:17 Tur e pilarnan tur rònt di e plenchi mester tin banchi di plata ku nan haknan di plata i nan pianan di bròns.

27:18 E largura di e plenchi mester ta shen kodo i su hanchura sinkuenta kodo tur kaminda, i su haltura sinku kodo di lino fini trosí, ku nan pianan di bròns.

27:19 Tur e artíkulonan-di-uzo di e tabernakel ku ta wòrdu uzá den tur su sirbishi, ku tur su stakanan, ku tur e stakanan pa e plenchi, mester ta di bròns.

27:20 "I bo mester duna òrdu na e yunan di Israel pa nan trese pa bo zeta puru di oleifi batí pa e lus, pa por laga un lampi sende kontinuamente.

27:21 Den e tènt di reunion, pafó di e velo ku tin dilanti di e testimonio, Aaron ku su yu hòmbernan mester pèrkurá pa e lampi for di atardi te mainta dilanti di SEÑOR; esaki mester ta un statuto perpetuo pa e yunan di Israel durante di tur nan generashonnan.

H168 -- Den e tènt -> In the tent
H4150 -- di reunion -> of meeting
H4480 -- , pafó -> outside
H6532 -- di e velo -> the veil
H5921 -- ku tin dilanti -> is before
H834 -- ku -> which
H5715 -- di e testimonio -> the testimony
H175 -- , Aaron -> Aaron
H6186a -- mester pèrkurá -> shall keep
H1121 -- ku su yu hòmbernan -> and his sons
H6186a -- pa e lampi -> it in order
H6153 -- for di atardi -> from evening
H1242 -- te mainta -> to morning
H6440 -- dilanti -> before
H5769 -- un statuto perpetuo -> ] a perpetual
H2708 -- statuto -> statute
H1121 -- pa e yunan -> for the sons
H1755 -- durante di tur nan generashonnan -> throughout their generations
H3478 -- di Israel -> of Israel