Search the Bible

Eksodo 22; Eksodo 23; Eksodo 24 BSNP Edit

Eksodo 22

22:1 "Si un hòmber hòrta un buey òf un karné i mat'é òf bend'é, e mester paga sinku buey pa esun buey, i kuater karné pa esun karné.

22:2 "Si nan kohe un ladron ora ku e ta kibra drenta, i nan dal é, i é muri, lo no tin kulpa di sanger pa su motibu.

22:3 Ma si esaki sosodé despues ku solo a sali, lo tin kulpa di sanger pa su motibu. "E ladron siguramente mester hasi restitushon; si e no tin nada, e ora ei e mester wòrdu bendí pa su ladronisia.

22:4 "Si loke el a hòrta wòrdu hañá bibu den su poder, sea buey, buriku òf karné, e mester paga dòbel.

22:5 "Si un hende laga su bestianan kome yerba den un kunuku òf den un plantashon di wendrùif, i laga nan lòs, asina ku nan ta kome yerba den kunuku di otro hende, e mester hasi restitushon di e mihó di su mes kunuku i di e mihó di su mes plantashon di wendrùif.

22:6 "Si un kandela sende i plama bai den mata di sumpiña, asina ku mainshi mará, mainshi pará den kunuku òf e kunuku mes kima kaba na nada, esun ku a sende e kandela mester hasi restitushon sigur.

22:7 "Si un hende duna su próhimo plaka òf biennan warda p'é i nan hòrta esaki for di e hòmber su kas, si nan kohe e ladron, e mester paga dòbel.

22:8 Si nan no kohe e ladron, e ora ei doño di e kas mester presentá dilanti di e huesnan, pa determiná si t'é a kohe propiedat di su bisiña.

22:9 Pasobra den tur klase di froude, sea pa buey, pa buriku, pa karné, pa paña òf pa kualke kos ku a pèrdè, di kual un hende ta bisa: 'Esaki ta di mi,' mester hiba kaso di tur dos partida dilanti di e huesnan; esun ku e huesnan kondená mester paga su próhimo dòbel.

22:10 "Si un hende duna su próhimo un buriku, un buey, un karné òf kualke bestia tene p'é, i esaki muri òf wòrdu heridá òf hòrtá, sin ku ningun hende mira,

22:11 e ora ei un huramentu mester wòrdu hasí dilanti di SEÑOR, ku e próhimo no a pone man riba propiedat di e otro persona; i su doño mester aseptá esaki, i e no tin mester di hasi restitushon.

22:12 Ma si ta hòrta nan a hòrt'é for di djé, e mester hasi restitushon na e doño.

22:13 Si e bestia a wòrdu habraká, lagu'é tres'é komo prueba; e no mester hasi restitushon pa loke a wòrdu habraká.

22:14 "I si un hende fia un bestia serka su próhimo, i esaki keda heridá òf muri ora su doño no ta presente, e mester hasi restitushon kompleto.

22:15 Si su doño ta presente, e no mester hasi restitushon; si e bestia ta gehür, e doño ta risibí e plaka di hür.

22:16 "I si un hòmber sedusí un birgen ku no ta komprometí, i e drumi kuné, e mester paga plaka-di-brùit pa e bira su esposa.

22:17 Si su tata nenga apsolutamente di dun'é na e hòmber, e hòmber mester paga plaka konforme e plaka-di-brùit pa birgen.

22:18 "No pèrmití pa un hasidó di bruha keda na bida.

22:19 "Ken ku tene relashon seksual ku un bestia mester wòrdu matá sigur.

22:20 "Esun ku ofresé sakrifisio na kualke dios, si no ta solamente na SEÑOR, mester wòrdu destruí kompletamente.

22:21 "I no hasi malu na un stranhero, ni oprimié, pasobra boso tabata stranhero na tera di Egipto.

22:22 "No afligí ningun biuda ni wérfano.

22:23 Si di un òf otro manera bo afligié, i e sklama na Mi, lo Mi tende su sklamashon sigur;

22:24 i Mi rabia lo sende, i lo Mi mata boso ku spada; i boso esposanan lo bira biuda i boso yunan lo keda sin tata.

22:25 "Si bo fia plaka na Mi pueblo, na e pober ku ta serka bo, no hasi kuné komo si fuera ta fiadó di plaka bo ta; no kobr'é interes.

22:26 Si un dia bo tuma mantel di bo próhimo komo un promesa, bo tin di dun'é esaki bèk promé ku solo baha,

22:27 pasobra esei ta su úniko kos pa tapa; ta su mantel pa tapa su kurpa. Den kiko otro e lo drumi? I lo sosodé ku ora e sklama na Mi, Ami lo tend'é, pasobra Mi ta yen di kompashon.

22:28 "No maldishoná Dios, ni maldishoná un gobernante di bo pueblo.

22:29 "No tarda ku e ofrenda di bo kosecha i di bo tinashinan di biña. "E primogénito di bo yu hòmbernan bo mester dunaMi.

22:30 Hasi meskos ku bo buey i ku bo karné. Esaki mester keda shete dia serka su mama; riba e di ocho dia bo mester dunaMi esaki.

22:31 "I boso mester ta hendenan santu pa Mi. Pesei, no kome karni habraká den kunuku; bo mester tir'é pa kachó.

Eksodo 23

23:1 "No plama rumor falsu; no tene man ku hende malbado komo un testigu malisioso.

23:2 "No sigui e mayoria den hasimentu di maldat, ni testifiká den un pleitu, asina ku bo ta bira bai tras di e mayoria, pa pèrvèrtí hustisia;

23:3 i no faboresé un hende pober den su pleitu.

23:4 "Si bo topa bo enemigu su buey òf su buriku ku a pèrdè kaminda, bo mester hib'é bèk p'é sigur.

23:5 Si bo mira e buriku di un hende ku ta odiabo drumí bou di su karga sin por lanta bèk, no laga un hende asina sin yudansa; bo mester yud'é deskargu'é sigur.

23:6 "No pèrvèrtí e hustisia ku bo ruman den nesesidat tin derecho di haña den su pleitu.

23:7 Keda leu for di un akusashon falsu, i no mata e hende inosente ni esun hustu, pasobra lo Mi no hustifiká e kulpabel.

23:8 "I no tuma plaka pasá bou di mesa, pasobra plaka pasá bou di mesa ta siega esnan ku ta mira i ta pèrvèrtí kaso di e hustu.

23:9 "I no oprimí hende stranhero, komo ku boso mes sa kon un stranhero ta sinti, pasobra boso tambe tabata stranhero na tera di Egipto.

23:10 "I pa seis aña bo mester sembra bo kunuku i rekohé su kosecha,

23:11 ma e di shete aña bo mester lagu'é sosegá i lagu'é keda para, asina ku esnan di bo pueblo ku ta den nesesidat por kome; i tur loke nan laga e bestianan di kunuku por kome. Hasi meskos ku bo kunuku di wendrùif i ku bo hòfi di oleifi.

H7637 -- e di shete -> ] the seventh
H7637 -- aña -> year
H8058 -- bo mester lagu'é -> you shall let
H8058 -- sosegá -> it rest
H5203 -- i lagu'é -> and lie
H5203 -- keda para -> fallow
H34 -- , asina ku esnan di bo pueblo ku ta den nesesidat -> so that the needy
H5971a -- di bo pueblo -> of your people
H398 -- por kome -> may eat
H3499a -- ; i tur loke nan laga -> and whatever they leave
H2421b -- e bestianan -> the beast
H7704 -- di kunuku -> of the field
H398 -- por kome -> may eat
H6213a -- . Hasi -> . You are to do
H3651 -- meskos -> the same
H3754 -- ku bo kunuku di wendrùif -> with your vineyard
H2132 -- i ku bo hòfi di oleifi -> ] your olive
H2132 -- di oleifi -> grove

23:12 "Seis dia bo mester hasi bo trabou, ma e di shete dia bo mester stòp di traha, pa asina bo buey i bo buriku por sosegá, i e yu hòmber di bo esklabu muhé i e stranhero por hala rosea.

23:13 "Awor enkuanto tur loke Mi a bisa boso, boso sea alerta; i no menta nòmber di otro diosnan, ni no laga nan wòrdu tendí for di boso boka.

23:14 "Tres biaha pa aña boso mester selebrá un fiesta pa Mi.

23:15 "Warda e Fiesta di Pan Sin Zürdeg; shete dia largu bo mester kome pan sin zürdeg, manera Mi a ordenábo, na e tempu stipulá den luna di Abib, pasobra ta den e luna ei bo a sali for di Egipto. "I ningun hende no mag presentá Mi dilanti man bashí.

H8104 -- "Warda -> You shall observe
H2282 -- e Fiesta -> the Feast
H4682 -- di Pan Sin Zürdeg -> of Unleavened
H4682 -- Zürdeg -> Bread
H7651 -- ; shete -> for seven
H3117 -- dia -> days
H398 -- bo mester kome -> you are to eat
H4682 -- pan sin zürdeg -> unleavened
H4682 -- zürdeg -> bread
H6680 -- , manera Mi a ordenábo -> as I commanded
H4150 -- , na e tempu stipulá -> you, at the appointed
H4150 -- stipulá -> time
H2320 -- den luna -> in the month
H24 -- di Abib -> Abib
H3318 -- , pasobra ta den e luna ei bo a sali -> for in it you came
H4714 -- for di Egipto -> out of Egypt
H3808 -- . "I ningun hende -> . And none
H7200 -- no mag presentá -> shall appear
H6440 -- Mi dilanti -> before
H7387 -- man bashí -> Me empty-handed

23:16 "I warda e Fiesta di Kosecha, e promé frutanan di bo trabounan di loke bo sembra den kunuku. "Tambe e Fiesta di Rekohementu na fin di aña, ora bo ta rekohé e fruta di bo trabounan for di kunuku.

23:17 "Tres biaha pa aña tur bo hende hòmbernan mester presentá dilanti di Señor DIOS.

23:18 "No ofresé e sanger di Mi sakrifisio huntu ku pan ku zürdeg. "Ni e vèt di Mi fiesta no mester keda para henter anochi te mainta.

23:19 "Hiba e mihó di e promé frutanan di bo tera den e kas di SEÑOR bo Dios. "No herebé un yu di kabritu den lechi di su mama.

23:20 "Mira, Mi ta bai manda un Angel bo dilanti pa wardabo na kaminda, i pa hibabo na e lugá ku Mi a prepará.

23:21 Paga bon tino na djE i obedesé Su bos; no sea rebelde kontra djE, pasobra E lo no pordoná boso transgreshon, komo ku Mi nòmber ta den djE.

23:22 Ma si di bèrdat bo kier obedesé Su bos i hasi tur loke Mi bisa, e ora ei Ami lo ta un enemigu pa bo enemigunan i un atversario pa bo atversarionan.

23:23 Pasobra Mi Angel lo bai bo dilanti i hibabo na e tera di e amoreonan, e heteonan, e ferezeonan, e kananeonan, e heveonan i e jebuseonan; i lo Mi destruí nan kompletamente.

23:24 No adorá nan diosnan, ni sirbi nan, ni hasi konforme nan echonan. Bo mester derotá nan kompletamente i kibra nan pilarnan sagrado na pida-pida.

23:25 Ma sirbi SEÑOR boso Dios, i E lo bendishoná boso pan i boso awa; i lo Mi kita enfermedat for di meimei di boso.

23:26 Ningun muhé lo no pèrdè barika ni lo no ta steril na bo tera; lo Mi kompletá e kantidat di bo dianan.

23:27 "Lo Mi manda Mi teror bo dilanti i konfundí tur pueblo kaminda bo yega, i lo Mi hasi tur bo enemigunan hui pa bo.

23:28 I lo Mi manda maribomba bo dilanti, pa nan kore ku e heveonan, e kananeonan i e heteonan for di bo dilanti.

23:29 Lo Mi no kore ku nan for di bo dilanti den un solo aña, pa e tera no bira desolá i e bestianan di mondi no bira muchu hopi pa bo.

23:30 Ma poko-poko lo Mi kore ku nan for di bo dilanti, te ora bo oumentá sufisientemente pa poderá di e tera.

23:31 "I lo Mi stablesé bo frontera for di Laman Kòrá te na e laman di e filisteonan, i for di e desierto te na Riu Eufrates; pasobra lo Mi entregá e habitantenan di e tera den bo man, i lo bo kore ku nan for di bo dilanti.

23:32 No sera ningun aliansa ku nan ni ku nan diosnan.

23:33 No pèrmití nan biba na bo tera, pa nan no hasibo peka kontra Mi; pasobra si bo sirbi nan diosnan, esaki lo ta un trampa pa bo sigur."

Eksodo 24

24:1 E ora ei El a bisa Moisés: "Subi bin serka SEÑOR, abo i Aaron, Nadab i Abiú i setenta di e ansianonan di Israel, i boso mester adorá na un distansia.

24:2 Ma ta Moisés so mag di yega serka SEÑOR; nan no mag di yega serka, ni e pueblo no mag subi bin huntu kuné."

24:3 E ora ei Moisés a bin i a konta e pueblo tur e palabranan di SEÑOR i tur e ordenansanan; i henter e pueblo a kontestá unánimamente i a bisa: "Tur e palabranan ku SEÑOR a papia nos lo hasi!"

H4872 -- E ora ei Moisés -> Then Moses
H935 -- a bin -> came
H5608 -- i a konta -> and recounted
H5971a -- e pueblo -> to the people
H1697 -- e palabranan -> the words
H3605 -- tur -> all
H4941 -- e ordenansanan -> the ordinances
H3605 -- ; i henter -> and all
H5971a -- e pueblo -> the people
H3605 -- i tur -> and all
H6030a -- a kontestá -> answered
H259 -- unánimamente -> with one
H6963 -- i a bisa -> voice
H559 -- : "Tur -> and said
H3605 -- Tur -> All
H1697 -- e palabranan -> the words
H1696 -- ku SEÑOR a papia -> has spoken
H6213a -- nos lo hasi -> we will do
H834 -- ku -> which

24:4 Anto Moisés a skirbi tur e palabranan di SEÑOR. E ora ei el a lanta mainta tempran i a traha un altar na pia di e seru, ku diesdos pilar pa e diesdos tribunan di Israel.

24:5 I el a manda hòmbernan hoben di e yunan di Israel, i nan a ofresé ofrendanan kimá i a sakrifiká bishénan machu komo ofrendanan di pas na SEÑOR.

24:6 I Moisés a kohe mitar di e sanger i a basha esaki den puncheronan, i e otro mitar di e sanger el a sprèngu riba e altar.

24:7 Anto el a kohe e buki di aliansa i a les'é pa e pueblo tende, i nan a bisa: "Tur loke SEÑOR a bisa, nos lo hasi, i nos lo ta obedesido!"

24:8 Asina Moisés a kohe e sanger i a sprèngu esaki riba e pueblo, i a bisa: "Mira e sanger di e aliansa ku SEÑOR a sera ku boso konforme tur e palabranan aki."

24:9 E ora ei Moisés a subi e seru huntu ku Aaron, Nadab i Abiú i setenta di e ansianonan di Israel,

24:10 i nan a mira e Dios di Israel; i bou di Su pianan tabatin manera un flur di safiro, kla-kla manera shelu mes.

24:11 Sinembargo, E no a saka Su man kontra e nobelnan di e yunan di Israel; i nan a mira Dios, i nan a kome i bebe.

24:12 Awor SEÑOR a bisa Moisés: "Subi bin serka Mi riba e seru i keda einan, i lo Mi dunabo e tablanan di piedra huntu ku e lei i e mandamentu ku Mi a skirbi pa instruí nan."

24:13 Pesei Moisés a lanta huntu ku su sirbidó Josué, i Moisés a subi e seru di Dios.

24:14 Ma na e ansianonan el a bisa: "Warda nos akinan te ora nos bin bèk serka boso. I mira, Aaron ku Hur ta serka boso; ken ku tin un difikultat, lagu'é bai serka nan."

24:15 E ora ei Moisés a subi e seru, i e nubia a tapa e seru.

24:16 I e gloria di SEÑOR a keda riba Seru Sinaí, i e nubia a tapa e seru seis dia largu; i riba e di shete dia Dios a yama Moisés for di meimei di e nubia.

24:17 I den bista di e yunan di Israel e aparensia di e gloria di SEÑOR tabata manera un kandela konsumidor riba kabes di e seru.

24:18 I Moisés a drenta den e nubia ora ku e tabata subi e seru; i Moisés a keda riba e seru kuarenta dia i kuarenta nochi.