Search the Bible

Echonan 24; Echonan 25; Echonan 26 BSNP Edit

Echonan 24

24:1 I sinku dia despues e sumosaserdote Ananias a bin ku algun ansiano, huntu ku un abogado ku yama Tértulo; i nan a trese akusashonnan kontra Pablo serka gobernadó.

24:2 I despues ku nan a manda yama Pablo, Tértulo a kuminsá akus'é, bisando e gobernadó: "Komo ku pa medio di bo nos ta gosa di gran pas, i dor di bo providensia hopi kos ta wòrdu hasí na bienestar di e pueblo aki,

24:3 nos ta rekonosé esaki semper i na tur parti, ekselentísimo Felix, ku tur gradisimentu.

24:4 Ma pa mi no tin mester di molestiábo mas, mi ta rogabo, konforme bo bondat, pa skucha nos un ratu.

24:5 "Pasobra nos a haña ku e hòmber aki ta un bèrdadero pèst i un tèrsio ku ta kousa lantamentu den tur e hudiunan den henter mundu, i un kabesante di e sekta di e nazarenonan.

24:6 I asta el a purba di profaná tèmpel; asina nos a arest'é. [I nos kier a huzgu'é segun nos mes Lei.

24:7 Ma Lisias, e komandante, a bin i ku hopi violensia a sak'é for di nos man,

24:8 i a duna òrdu pa su akusadónan bin bo dilanti.] I dor di interogu'é bo mes tokante di tur e asuntonan aki, lo bo por komprobá tur e kosnan di kualnan nos ta akus'é."

24:9 I e hudiunan tambe a bai di akuèrdo, sigurando ku e kosnan aki tabata bèrdat.

24:10 I ora ku e gobernadó a duna seña pa e papia, Pablo a kontestá: "Sabiendo ku pa hopi aña kaba bo ta hues di e nashon aki, mi ta defendé mi kousa ku bon ánimo,

24:11 komo ku bo por ta sigur ku no ta mas ku diesdos dia pasá ku mi a bai Jerusalèm pa adorá Dios.

24:12 I ni den tèmpel, ni den snoa, ni den stat nan no a hañami ta diskutí ku ningun hende, ni kousa un lantamentu.

24:13 Ni nan no por dunabo ningun prueba di e kosnan ku nan ta akusámi di djé awor.

24:14 Ma esaki mi ta rekonosé bo dilanti, ku segun e Kaminda ku nan ta yama un sekta mi ta sirbi e Dios di nos tatanan, i ta kere tur kos ku ta di akuèrdo ku Lei i ku ta pará skirbí den e Profetanan,

24:15 teniendo speransa den Dios, meskos ku e hòmbernan aki tambe ta spera, ku siguramente lo tin un resurekshon di tantu e hustunan komo e malbadonan.

24:16 I pesei mi ta pèrkurá di mantené semper un konsenshi limpi dilanti di Dios i dilanti di hende.

24:17 "Awor despues di hopi aña mi a bin pa trese limosna pa mi pueblo i pa presentá algun ofrenda,

24:18 ku kual, despues ku mi a wòrdu purifiká, nan a hañami ta okupá mi mes den tèmpel, sin multitut di hende ni boroto. Ma tabatin algun hudiu for di Asia,

24:19 kendenan mester a bin aki bo dilanti i akusámi, si nan tabatin algu kontra mi.

24:20 Of laga e hòmbernan aki mes bisa ki mal echo nan a haña den mi ora mi tabata pará dilanti di Konsilio,

24:21 òf si ta pa motibu di esun palabra aki ku mi a papia na bos haltu ora mi tabata pará meimei di nan: 'Tokante di resurekshon di e mortonan mi ta wòrdu huzgá dilanti di boso awe.'"

24:22 Ma Felix, kende tabatin un mihó konosementu di e Kaminda, a manda nan bolbe un otro dia, bisando: "Dia komandante Lisias bin, lo mi tuma un desishon den boso kaso."

24:23 I el a duna e senturión òrdu pa tene Pablo prezo i pa tòg e tin poko libertat, i pa no stroba ningun di su amigunan di bin atend'é.

24:24 Ma algun dia despues Felix a yega huntu ku su esposa Drusila, kende tabata hudiu, i el a manda yama Pablo i a skuch'é ora ku e tabata papia di fe den Cristo Jesus.

24:25 I ora ku e tabata papia tokante di hustisia, dominio propio i e huisio ku ta bin, Felix a spanta i a bisa: "Bai pa awor aki, i ora mi tin tempu lo mi manda yamabo."

24:26 Mientras tantu e tabata spera tambe ku Pablo lo a dun'é plaka pa e pon'é den libertat; pesei tambe e tabata manda yam'é hopi biaha i tabata kombersá kuné.

24:27 Ma despues di dos aña Porsio Festo a bira susesor di Felix; i komo ku Felix kier a hasi e hudiunan un fabor, el a laga Pablo keda den prizon.

Echonan 25

25:1 Awor tres dia despues ku Festo a yega na e provinsia, el a biaha di Cesarea pa Jerusalèm.

25:2 I e saserdotenan prinsipal i e hòmbernan lider di e hudiunan a trese akusashonnan kontra Pablo; i nan tabata roga Festo,

25:3 pidiendo un fabor kontra Pablo, pa laga tres'é Jerusalèm--mientras ku nan ta skonde warda pa nan mat'é na kaminda.

25:4 Ma Festo a kontestá ku Pablo tabata wòrdu tení prezo na Cesarea i ku e mes tabata di bai ayanan pronto.

25:5 "Pesei," el a bisa, "laga e hòmbernan di influensia entre boso bai ayanan ku mi i, si tin algu malu den e hòmber aki, laga nan akus'é."

25:6 I despues ku el a pasa no mas ku ocho òf dies dia serka nan, el a bai Cesarea; i su manisé el a tuma su asiento den tribunal i a duna òrdu pa laga trese Pablo.

25:7 I despues ku el a yega, e hudiunan ku a bin for di Jerusalèm a bai para rònt di djé i tabata trese hopi akusashon serio kontra djé, ku nan no tabatin prueba p'é.

25:8 E ora ei Pablo a defendé su mes, bisando: "Mi no a hasi nada malu kontra e Lei di e hudiunan, ni kontra e tèmpel, ni kontra Cesar."

25:9 Ma Festo, kende kier a hasi e hudiunan un fabor, a kontestá Pablo i a bisa: "Bo ta dispuesto pa bai Jerusalèm i wòrdu huzgá mi dilanti enkuanto e akusashonnan aki?"

25:10 Ma Pablo a bisa: "Mi ta pará dilanti di tribunal di Cesar, kaminda mi mester wòrdu huzgá. Mi no a hasi e hudiunan nada malu, manera bo mes sa masha bon.

25:11 Si mi ta un hasidó di maldat anto i a kometé algu ku meresé morto, mi no ta nenga di muri; ma si ningun di e kosnan ei, di kualnan e hòmbernan aki ta akusámi, no ta bèrdat, ningun hende no por entregámi na nan. Mi ta apelá na Cesar."

25:12 Anto despues ku Festo a konsultá ku su konseheronan, el a kontestá: "Na Cesar bo a apelá, serka Cesar lo bo bai."

25:13 Awor despues ku algun dia a pasa, rei Agripa i Berenise a yega Cesarea, i a bai pa kumindá Festo.

25:14 I durante di nan estadia di basta tempu einan, Festo a trese e kaso di Pablo dilanti di rei, bisando: "Tin un hòmber aki ku Felix a laga komo prezo;

25:15 i tempu ku mi tabata na Jerusalèm e saserdotenan prinsipal i e ansianonan di e hudiunan a trese akusashonnan kontra djé i a pidi sentensia di kondenashon p'é.

25:16 "I mi a kontestá nan ku no ta kustumber di e romanonan di entregá ningun hende promé ku esun ku wòrdu akusá topa kara-kara ku su akusadónan i haña oportunidat pa defendé su mes kontra e akusashonnan.

25:17 I asina, despues ku nan a reuní aki, mi no a pèrdè tempu, ma su manisé mi a tuma mi asiento den tribunal i a duna òrdu pa laga trese e hòmber.

25:18 I ora ku e akusadónan a lanta para, nan a kuminsá trese akusashon kontra djé, ma no di e sorto di krimennan ku mi tabata spera,

25:19 sino ku nan tabatin algun punto di desakuèrdo kuné tokante di nan mes religion i tokante di un tal hòmber ku a muri, Jesus, di Kende Pablo a insistí ku E ta bibu.

25:20 I komo ku mi no tabata sa kon pa investigá e asuntonan aki, mi a puntr'é si e tabata dispuesto pa bai Jerusalèm i wòrdu huzgá ayanan enkuanto e asuntonan aki.

25:21 Ma ora Pablo a apelá pa wòrdu tení prezo pa e desishon di Emperador, mi a duna òrdu pa ten'é prezo te ora mi mand'é pa Cesar."

25:22 I Agripa a bisa Festo: "Ami mes tambe lo kier a tende e hòmber ei." El a bisa: "Mañan lo bo tend'é."

25:23 I asina, su manisé, ora ku Agripa i Berenise a bin, tur rondoná di luho i grandesa, i a drenta e sala di oudiensia, akompañá pa e komandantenan i e hòmbernan prominente di stat, Pablo a wòrdu tresí riba òrdu di Festo.

25:24 I Festo a bisa: "Rei Agripa i boso tur, kabayeronan aki presente ku nos, boso ta mira e hòmber aki tokante di kende henter e pueblo hudiu a apelá na mi, tantu na Jerusalèm komo aki, deklarando na bos haltu ku e no mester keda biba mas.

25:25 Ma ami a haña ku e no a hasi nada ku meresé morto; i komo ku e mes a apelá na Emperador, mi a disidí di mand'é.

25:26 Sinembargo, mi no tin nada definitivo tokante di djé pa skirbi mi señor. Pesei mi a tres'é boso dilanti, i spesialmente dilanti di abo, rei Agripa, pa despues ku e investigashon a tuma lugá, mi por tin algu di skirbi.

25:27 Pasobra ta parsemi apsurdo pa manda un prezo sin skirbi tambe e akusashonnan ku tin kontra djé."

Echonan 26

26:1 I Agripa a bisa Pablo: "Bo tin mag di papia pa bo mes." E ora ei Pablo a ekstendé su man i a kuminsá ku su defensa:

26:2 "Mi ta konsiderá mi mes dichoso, O rei Agripa, ku mi por defendé mi mes bo dilanti awe kontra tur loke e hudiunan ta akusámi di djé;

26:3 spesialmente pasobra bo ta un eksperto den tur kustumber i kuestion ku tin den e hudiunan; pesei mi ta rogabo pa skuchami ku pasenshi.

26:4 "Asina anto, tur hudiu sa di mi manera di biba desde mi hubentut, for di prinsipio di mi bida na mi mes pais, i tambe na Jerusalèm.

26:5 Nan a konosémi pa hopi tempu kaba i por duna testimonio, si nan ta dispuesto pa hasi esaki, ku mi a biba manera un fariseo, di akuèrdo ku e sekta di mas strikto di nos religion.

26:6 I awor mi ta wòrdu huzgá pa e speransa di e promesa ku Dios a hasi na nos tatanan,

26:7 e promesa ku nos diesdos tribunan ta spera di haña, sirbiendo Dios di dia i anochi ku onestidat. I ta pa e speransa aki, O Rei, e hudiunan ta akusámi.

26:8 Pakiko boso ta konsiderá esaki inkreibel, ku Dios ta lanta e mortonan?

26:9 "Ami sigur-sigur tabata pensa ku mi mester a hasi tur mi posibel pa oponé e nòmber di Jesus di Nazarèt.

26:10 I esaki ta loke mi a hasi tambe na Jerusalèm; no solamente mi a sera hopi di e santunan den prizon, ku outoridat risibí for di e saserdotenan prinsipal, ma tambe ora nan tabata wòrdu matá, mi a duna mi voto kontra nan.

G3739 -- I esaki -> And this
G2532 -- ta loke -> is just
G3739 -- mi a hasi -> what
G4160 -- tambe -> I did
G2414 -- na Jerusalèm -> in Jerusalem
G2532 -- ; no solamente -> not only
G2623 -- mi a sera -> did I lock
G4183 -- hopi -> up many
G40 -- di e santunan -> of the saints
G5438 -- den prizon -> in prisons
G2983 -- , ku outoridat risibí -> having received
G1849 -- for di -> authority
G749 -- e saserdotenan -> from the chief
G749 -- prinsipal -> priests
G5037 -- , ma tambe -> but also
G337 -- ora nan tabata wòrdu -> when they were being put
G337 -- matá -> to death
G2702 -- , mi a duna -> I cast
G5586 -- mi voto -> my vote
G2702 -- kontra nan -> against

26:11 I hopi biaha mi tabata bai di snoa pa snoa pa kastigá nan, i mi a purba di obligá nan pa blasfemá; i siendo masha furioso mes riba nan, mi a bai te na statnan stranhero pa pèrsiguí nan.

26:12 "Mientras ku mi tabata okupá mi mes ku esaki, biahando pa Damasko ku outoridat i konsentimentu di e saserdotenan prinsipal,

26:13 mi a mira, O Rei, na ora di mèrdia na kaminda, un lus for di shelu, mas kla ku solo, ku tabata lusa tur rònt di mi i di esnan ku tabata biaha huntu ku mi.

26:14 I ora nos tur a kai abou na suela, mi a tende un bos ta bisami den lenga hebreo: 'Saulo, Saulo, pakiko bo ta pèrsiguíMi? Ta duru pa bo skòp kontra e puntanan di heru.'

26:15 "I mi a kontestá: 'Ta ken bo ta, Señor?' "I Señor a bisa: 'Ami ta Jesus, Kende bo ta pèrsiguí.

26:16 Ma lanta para riba bo pia; pa e motibu aki Mi a paresé na bo, pa nombrabo komo sirbidó i testigu no solamente di e kosnan ku bo a mira, ma tambe di e kosnan den kualnan lo Mi paresé na bo,

26:17 librando bo for di e pueblo hudiu i for di e paganonan, serka kendenan mi ta mandabo,

26:18 pa habri nan wowo pa nan bira for di skuridat na lus i for di e dominio di Satanás na Dios, pa nan risibí pordon di piká i un erensia entre esnan ku a wòrdu santifiká pa medio di fe den Mi.'

26:19 "Pesei, rei Agripa, mi no tabata desobedesido na e vishon selestial,

26:20 ma a deklará promé na esnan na Damasko, despues na Jerusalèm i den henter e region di Judea i na e paganonan, ku nan mester repentí i kombèrtí na Dios, i hasi obranan ku ta kuadra ku repentimentu.

26:21 Pa e motibu aki e hudiunan a garami den tèmpel i a buskami pa mata.

26:22 I asina, ku yudansa di Dios, mi ta para te dia djawe dunando testimonio tantu na chikitu komo na grandi, sin bisa nada mas sino loke e Profetanan i Moisés a bisa ku lo a bai sosodé:

G3767 -- I asina -> So
G5177 -- , ku yudansa -> having obtained
G1947 -- di -> help
G2316 -- Dios -> from God
G2476 -- , mi ta para -> I stand
G3778 -- te dia -> to this
G2250 -- djawe -> day
G3143 -- dunando testimonio -> testifying
G5037 -- tantu -> both
G3398 -- na chikitu -> to small
G3173 -- komo na grandi -> and great
G3004 -- , sin bisa -> stating
G3762 -- nada -> nothing
G3739 -- mas sino loke -> but what
G4396 -- e Profetanan -> the Prophets
G3475 -- i Moisés -> and Moses
G2980 -- a bisa -> said
G3195 -- ku lo a bai -> was going
G1096 -- sosodé -> to take
G1096 -- : -> place

26:23 ku e Cristo mester a sufri, i ku pa motibu di Su resurekshon for di e mortonan E lo mester tabata e promé pa proklamá lus tantu na e pueblo hudiu komo na e paganonan."

26:24 I mientras ku Pablo tabata bisa esaki na su defensa, Festo a bisa na bos haltu: "Bo ta loko, Pablo! E tantu studia di bo ei ta hasibo bira loko."

26:25 Ma Pablo a bisa: "Mi no ta loko, ekselentísimo Festo, ma mi ta papia palabranan di bèrdat i di sano huisio.

26:26 Pasobra rei ta na haltura di e asuntonan aki i kuné mi ta papia ku konfiansa tambe, komo ku mi ta sigur ku ningun di e kosnan aki no ta skapa su atenshon; pasobra e kos aki no a sosodé den un huki skondí.

G935 -- Pasobra rei -> For the king
G1987 -- ta na haltura -> knows
G4012 -- di -> about
G3778 -- e -> these
G2980 -- asuntonan aki i kuné mi ta papia -> matters, and I speak
G2532 -- kuné mi ta papia -> to him also
G3955 -- ku konfiansa -> with confidence
G1063 -- komo ku -> since
G3982 -- mi ta sigur -> I am persuaded
G3756 -- ku ningun -> that none
G3778 -- di e -> of these
G3778 -- kosnan -> things
G2990 -- no ta skapa -> escape
G2990 -- su atenshon -> his notice
G3778 -- pasobra e kos aki -> for this
G1510 -- no a sosodé -> has not been
G4238 -- no a sosodé -> done
G1137 -- den un huki skondí -> in a corner

26:27 Rei Agripa, bo ta kere e Profetanan? Mi sa ku bo ta kere."

26:28 I Agripa a kontestá Pablo: "Kasi bo ta konvensémi pa bira Cristian."

26:29 I Pablo a bisa: "Mi ta pidi Dios ku, tardi òf tempran, no solamente abo, ma tambe tur esnan ku ta tendemi awe, por bira meskos ku ami ta, ku eksepshon di e kadenanan aki."

G3972 -- I Pablo -> And Paul
G2172 -- a bisa -> ]I would
G2172 -- Mi ta pidi -> wish
G2316 -- Dios -> to God
G2532 -- ku, tardi òf tempran -> that whether
G3641 -- tardi òf tempran -> in a short
G2532 -- tardi òf tempran -> or
G3173 -- tardi òf tempran -> long
G3173 -- tardi òf tempran -> time
G3440 -- no solamente -> not only
G2532 -- abo, ma tambe -> you, but also
G3956 -- tur -> all
G191 -- esnan ku ta tendemi -> who hear
G4594 -- awe -> me this
G4594 -- awe -> day
G1096 -- por bira -> might become
G5108 -- meskos -> such
G1510 -- ku ami ta -> as I am
G3924 -- ku eksepshon -> except
G3778 -- di e -> for these
G1199 -- kadenanan -> chains

26:30 I rei a lanta i gobernadó i Berenise i esnan ku tabata sintá huntu ku nan,

26:31 i nan a hala un banda i a kuminsá papia ku otro, bisando: "E hòmber aki no ta hasiendo nada ku meresé morto ni prizon."

26:32 I Agripa a bisa Festo: "E hòmber aki por a wòrdu poní den libertat, si e no a apelá na Cesar."