Search the Bible

Deuteronomio 28; Deuteronomio 29 BSNP Edit

Deuteronomio 28

28:1 "Awor lo sosodé ku si bo obedesé ku tur diligensia SEÑOR bo Dios, i pèrkurá di kumpli ku tur Su mandamentunan ku mi ta ordenábo awe, SEÑOR bo Dios lo halsabo riba tur e nashonnan di mundu.

28:2 I tur e bendishonnan aki lo bin riba bo i lo alkansábo, si bo obedesé SEÑOR bo Dios.

28:3 "Bendishoná lo bo ta den stat, i bendishoná lo bo ta den kunuku.

28:4 "Bendishoná lo ta e fruta di bo barika, e kosecha di bo tera, i e yunan di bo bestianan, e oumento di bo kria di baka i e lamchinan di bo tou di karné.

28:5 "Bendishoná lo ta bo makutu i bo kòmchi-pa-traha-mansa.

28:6 "Bendishoná lo bo ta ora bo drenta, i bendishoná lo bo ta ora bo sali.

28:7 "SEÑOR lo hasi ku bo enemigunan ku lanta kontra bo ta keda derotá bo dilanti; nan lo sali bin kontra bo for di ún direkshon i lo hui pa bo den shete direkshon.

28:8 "SEÑOR lo ordená e bendishon riba bo den bo mangasinanan i riba tur loke bo pone bo man riba djé, i E lo bendishonábo na e tera ku SEÑOR bo Dios ta dunabo.

28:9 "SEÑOR lo stablesébo komo un pueblo santu pa Su mes, manera El a hura na bo, si bo warda e mandamentunan di SEÑOR bo Dios, i kana den Su kamindanan.

28:10 Asina tur e pueblonan di mundu lo mira ku bo ta wòrdu yamá na e nòmber di SEÑOR, i nan lo tin temor pa bo.

28:11 I SEÑOR lo hasibo abundá den prosperidat, den e fruta di bo barika, den e yunan di bo bestianan i den e kosecha di bo tera, na e tera ku SEÑOR a hura na bo tatanan pa dunabo.

28:12 "SEÑOR lo habri Su bon depósito, e shelunan, pa bo, pa duna awaseru na bo tera na su tempu i pa bendishoná henter e trabou di bo mannan; i abo lo fia na hopi nashon, ma abo sí lo no pidi fiansa.

28:13 I SEÑOR lo hasibo e kabes i no e rabu, i lo bo ta solamente ariba i lo bo no ta abou, si bo skucha e mandamentunan di SEÑOR bo Dios, ku mi ta ordenábo awe, pa pèrkurá di kumpli ku nan,

28:14 i no bira bai for di ningun di e palabranan ku mi ta ordenábo awe, ni na man drechi ni na man robes, pa bai tras di otro diosnan pa sirbi nan.

28:15 "Ma lo sosodé ku si bo no obedesé SEÑOR bo Dios pa pèrkurá di kumpli ku tur Su mandamentunan i Su statutonan ku mi ta ordenábo awe, e ora ei tur e maldishonnan aki lo bin riba bo i alkansábo.

28:16 "Maldishoná lo bo ta den stat i maldishoná lo bo ta den kunuku.

28:17 "Maldishoná lo ta bo makutu i bo kòmchi-pa-traha-mansa.

28:18 "Maldishoná lo ta e fruta di bo barika i e kosecha di bo tera, e oumento di bo kria di baka i e lamchinan di bo tou di karné.

28:19 "Maldishoná lo bo ta ora bo ta drenta, i maldishoná lo bo ta ora bo ta sali.

28:20 "SEÑOR lo manda maldishonnan, konfushon i reprenshon riba bo den tur loke bo pone bo man pa hasi, te ora bo keda destruí i te ora bo peresé rápidamente, pa motibu di e maldat di bo obranan, pasobra bo a bandonáMi.

28:21 SEÑOR lo hasi pèst pega na bo te ora ku El a kaba ku bo for di riba e tera ku bo ta bai drenta pa poderá di djé.

28:22 SEÑOR lo afligíbo ku tuberkulosis, keintura, inflamashon, kimamentu, spada, pispis i beskem, i nan lo pèrsiguíbo te ora bo peresé.

28:23 I e shelu ku ta riba bo kabes lo ta di bròns, i e tera ku ta bou di bo, di heru.

28:24 SEÑOR lo hasi e awaseru di bo tera bira puiru i stòf; for di shelu esaki lo baha riba bo te ora bo keda destruí.

28:25 "SEÑOR lo hasibo keda derotá dilanti di bo enemigunan; lo bo sali bai kontra nan for di ún direkshon, ma lo bo hui pa nan den shete direkshon, i lo bo ta un ehèmpel di teror pa tur e reinonan di tera.

28:26 I boso kadavernan lo ta kuminda pa tur parha di shelu i pa e bestianan di tera, sin ku tin un hende pa spanta nan.

28:27 SEÑOR lo afligíbo ku e blufeinnan di Egipto i ku tumor, ku sarna i ku grawatashi, di kualnan bo no por wòrdu kurá.

28:28 SEÑOR lo afligíbo ku lokura, ku sieguedat i ku pániko den bo kurason;

28:29 i mèrdia lo bo kana fula manera un hende siegu ta kana fula den skuridat, i lo bo no prosperá den bo kamindanan; ma lo bo wòrdu oprimí i robá kontinuamente, sin ku tin un hende pa salbabo.

28:30 "Lo bo ta komprometí ku un muhé, ma un otro hòmber lo viol'é; lo bo traha un kas, ma lo bo no biba aden; lo bo planta un kunuku di wendrùif, ma lo bo no disfrutá di djé.

28:31 Bo buey lo wòrdu matá dilanti di bo bista, ma lo bo no kome di djé; bo buriku lo wòrdu ranká for di bo i lo no wòrdu debolbí na bo; bo karnénan lo wòrdu duná na bo enemigunan, i lo bo no tin ningun hende pa reskatá nan.

28:32 Bo yu hòmbernan i bo yu muhénan lo wòrdu duná na otro pueblo, mientras ku bo ta mira esaki ku bo mes wowo i ta anhelá na nan kontinuamente, sin ku bo por hasi nada.

28:33 Un pueblo ku bo no konosé lo kome e kosecha di bo tera i tur loke bo a traha duru p'é, i lo bo wòrdu solamente oprimí i trapá kontinuamente.

28:34 I loke bo wowo ta mira lo hasibo bira loko.

28:35 SEÑOR lo sutabo na bo rudia i na bo pia ku yaga maligno, di kual bo no por wòrdu kurá, for di bo plant'i pia te na bo korona di kabes.

28:36 "SEÑOR lo hiba abo i bo rei, ku lo bo pone riba bo, na un nashon ku ni abo ni bo tatanan no a konosé, i ayanan lo bo sirbi otro diosnan, palu i piedra.

28:37 I lo bo bira un horor, un proverbio i un refrán di bofon meimei di henter e pueblo na unda SEÑOR lo mandabo bai.

28:38 "Lo bo hiba hopi simia na kunuku, ma lo bo rekohé masha poko, pasobra tirakochi lo kaba kuné.

28:39 Lo bo planta i kultivá kunukunan di wendrùif, ma lo bo no bebe di e biña ni piki e wendrùifnan, pasobra bichi lo kome nan.

28:40 Lo bo tin palu di oleifi den henter bo teritorio, ma lo bo no hunta bo mes ku e zeta, pasobra bo oleifinan lo kai abou.

28:41 Lo bo haña yu hòmber i yu muhé, ma nan lo no ta di bo, pasobra nan lo bai den koutiverio.

28:42 Tirakochi lo poderá di tur bo palunan i di e kosecha di bo tera.

28:43 "E stranhero ku ta meimei di bo lo lanta mas i mas haltu riba bo, ma abo lo baha mas i mas abou.

28:44 E lo fiabo, ma abo lo no fi'é; e lo ta e kabes i abo lo ta e rabu.

28:45 "Asina tur e maldishonnan aki lo bin riba bo i pèrsiguíbo i alkansábo te ora bo keda destruí, pasobra bo no kier a obedesé SEÑOR bo Dios dor di warda Su mandamentunan i Su statutonan ku El a ordenábo.

28:46 I nan lo bira un señal i un maraviya riba abo i bo desendientenan pa semper.

28:47 Pasobra bo no a sirbi SEÑOR bo Dios ku goso i ku un kurason kontentu, pa e abundansia di tur kos,

28:48 pesei lo bo sirbi bo enemigunan ku SEÑOR lo manda kontra bo, ku hamber, ku set, den desnudes, i ku falta di tur kos; i E lo pone un yugo di heru riba bo nèk te ora ku El a destruíbo.

28:49 "SEÑOR lo trese kontra bo un nashon for di leu, for di e fin di tera, ku ta baha lihé manera águila, un nashon ku bo no ta komprendé su lenga,

28:50 un nashon di aparensia kruel ku lo no tin rèspèt pa e ansiano, ni ta mustra grasia na e hoben.

28:51 Ademas, e lo kome e yunan di bo bestianan i e kosecha di bo tera te ora bo keda destruí; tampoko e no ta laga mainshi pa bo, ni biña nobo, ni zeta, ni e oumento di bo kria di baka, ni e lamchinan di bo tou di karné, te ora ku el a hasibo peresé.

28:52 I e lo rondonábo den tur bo statnan te ora bo murayanan haltu i fortifiká, den kualnan bo tabata konfia, bash'abou den henter bo tera, i e lo rondonábo den tur bo statnan den henter e tera ku SEÑOR bo Dios a dunabo.

28:53 "E ora ei lo bo kome e fruta di bo mes barika, e karni di bo yu hòmbernan i di bo yu muhénan ku SEÑOR bo Dios a dunabo, durante di e tempu ku bo ta wòrdu rondoná i den e ansha ku bo enemigu lo oprimíbo kuné.

28:54 E hòmber meimei di boso ku ta masha fini i delikado lo mira su ruman hòmber i e esposa ku e ta stima i e restu di su yunan ku ta keda, ku mal wowo,

28:55 asina ku e lo no duna ni un di nan nada di e karni di su yunan ku e ta kome. Esaki lo ta tur ku a ked'é pa motibu di e sufrimentu ku bo enemigu lo afligíbo kuné durante di e tempu ku boso statnan ta keda rondoná.

28:56 E muhé asina fini i delikado meimei di boso, ku di puru delikadesa i finura lo no a tribi pone su plant'i pia na suela, lo wak e esposo ku e ta stima i su yu hòmber i yu muhé, ku mal wowo,

28:57 pa no kompartí ku nan su plasenta ku ta sali for di meimei di su pianan, i su yunan ku e ta haña, pasobra e lo kome nan na sekreto pa falta di algu otro, durante di e tempu ku e statnan ta keda rondoná i durante di e angustia ku bo enemigu lo tormentábo kuné den bo statnan.

28:58 "Si bo no pèrkurá di kumpli ku tur e palabranan di e lei aki, kualnan ta pará skirbí den e buki aki, pa teme e nòmber onrá i temibel aki, SEÑOR bo Dios,

28:59 e ora ei SEÑOR lo trese plaganan teribel riba bo i riba bo desendientenan, plaganan severo i permanente, i malesanan maligno i duradero.

28:60 I E lo bolbe trese riba bo tur e malesanan di Egipto ku bo tabatin miedu di djé, i nan lo pega na bo.

28:61 Tambe tur malesa i tur plaga ku no ta pará skirbí den e buki di e lei aki, SEÑOR lo trese riba bo te ora bo keda destruí.

28:62 E ora ei boso lo keda ku poko hende, siendo ku boso tabata un multitut, manera e streanan di shelu, pasobra boso no a obedesé SEÑOR boso Dios.

28:63 I lo sosodé ku meskos ku a agradá SEÑOR pa prosperá boso i multipliká boso, asina lo agradá SEÑOR pa hasi boso peresé i pa destruí boso; i boso lo wòrdu ranká for di e tera ku boso ta bai drenta pa poderá di djé.

28:64 "Ademas, SEÑOR lo plamabo meimei di tur pueblo, for di esun fin di tera te na e otro fin di tera; i ayanan lo bo sirbi otro diosnan, palu i piedra, kualnan ni abo ni bo tatanan no a konosé.

28:65 I meimei di e nashonnan ei lo bo no haña sosiegu, i lo no tin lugá di sosiegu pa bo plant'i pia; ma ayanan SEÑOR lo dunabo un kurason ku ta tembla, wowo yen di heimwe i tristesa di alma.

28:66 Asina lo bo biba den insiguridat konstantemente; i lo bo ta den teror di dia i anochi, i lo bo no ta sigur di bo bida.

28:67 Mainta lo bo bisa: 'Mara tabata nochi!' I anochi lo bo bisa: 'Mara tabata mainta!' pa motibu di e teror ku ta terorisá bo kurason i pa e bista ku bo wowo lo mira.

28:68 I SEÑOR lo hibabo bèk na Egipto den barku, pa e kaminda di kual mi a bisabo: 'Nunka mas lo bo mir'é!' I ayanan boso lo ofresé pa bende boso mes ku boso enemigunan komo esklabu hòmber i esklabu muhé, ma lo no tin kumpradó."

Deuteronomio 29

29:1 Esakinan ta e palabranan di e aliansa ku SEÑOR a ordená Moisés pa sera ku e yunan di Israel na tera di Moab, fuera di e aliansa ku El a sera ku nan na Horèb.

29:2 I Moisés a manda yama henter Israel i a bisa nan: "Boso a mira tur loke SEÑOR a hasi dilanti di boso bista na tera di Egipto, ku Farao i ku tur su sirbidónan i ku henter su tera:

29:3 e pruebanan grandi ku boso wowo a mira, e señalnan i maraviyanan grandi ei.

29:4 Sinembargo, te dia djawe SEÑOR no a duna boso un kurason pa komprendé, ni wowo pa mira, ni orea pa tende.

29:5 I Mi a guia boso kuarenta aña largu dor di desierto; boso pañanan no a gasta na boso kurpa, ni boso sandalia no a gasta na boso pia.

29:6 Boso no a kome pan, ni boso no a bebe biña ni bibida stèrki, pa boso por sa ku ta Ami ta SEÑOR boso Dios.

29:7 "Ora boso a yega na e lugá aki, Sehon, rei di Hesbon, i Og, rei di Basan, a sali pa kontra nos pa bataya, ma nos a derotá nan;

29:8 i nos a tuma nan tera i a duna esaki komo erensia na e rubenitanan, e gaditanan i e mitar tribu di Manasés.

29:9 "Pesei, warda e palabranan di e aliansa aki pa kumpli ku nan, pa boso por prosperá den tur loke boso ta hasi.

29:10 Awe boso tur ta pará dilanti di SEÑOR boso Dios: boso hefenan, boso tribunan, boso ansianonan i boso ofisialnan, tur hòmber di Israel,

29:11 boso yu chikitunan, boso esposanan i e stranhero ku ta biba den bo kampamentunan, for di esun ku ta kap palu pa bo te na esun ku ta saka awa pa bo,

29:12 pa bo drenta e aliansa ku SEÑOR bo Dios, i den Su huramentu ku SEÑOR bo Dios ta hasi ku bo awe,

29:13 pa E stablesébo awe komo Su pueblo i pa E por ta bo Dios, meskos ku El a papia ku bo i manera El a hura na bo tatanan, na Abraham, Isaak i Jakòb.

29:14 "Awor no ta ku boso so Mi ta sera e aliansa aki i e huramentu aki,

29:15 sino tantu ku esnan ku awe ta pará aki ku nos den e presensia di SEÑOR nos Dios, komo ku esnan ku no ta ku nos aki awe

29:16 (pasobra boso sa kon nos tabata biba na tera di Egipto, i kon nos a pasa meimei di e nashonnan ku boso a pasa dor di djé.

29:17 Ademas, boso a mira nan abominashonnan i nan ídolonan di palu, piedra, plata i oro, ku nan tabatin huntu ku nan);

29:18 pa no tin meimei di boso ningun hòmber òf muhé, òf famia òf tribu, kende su kurason ta bandoná SEÑOR nos Dios awe, pa bai sirbi e diosnan di e nashonnan ei; pa no tin un rais meimei di boso ku ta karga fruta venenoso i apsintus.

H6435 -- pa -> so
H3426 -- no -> that there
H376 -- tin meimei di boso ningun hòmber -> will not be among you a man
H176 -- òf -> or
H802 -- Muhé -> woman
H176 -- òf -> or
H4940 -- famia -> family
H176 -- òf -> or
H7626 -- tribu -> tribe
H834 -- , kende -> whose
H3824 -- su kurason -> heart
H6437 -- ta bandoná -> turns
H6437 -- bandoná -> away
H3117 -- awe -> today
H430 -- nos Dios -> our God
H1980 -- , pa bai -> to go
H5647 -- sirbi -> and serve
H430 -- e diosnan -> the gods
H1992a -- di e -> of those
H1471 -- nashonnan -> nations
H3426 -- ei; pa -> that there
H8328 -- no tin un rais meimei di boso -> will not be among you a root
H6509 -- ku ta karga -> bearing
H7219 -- fruta venenoso -> poisonous
H6509 -- fruta venenoso -> fruit
H3939 -- i apsintus -> and wormwood

29:19 "I lo t'asina ku ora e tende e palabranan di e maldishon aki, e lo bendishoná su mes den su kurason, bisando: 'Mi tin pas maske mi ta kana den duresa di mi kurason, pa destruí tantu e tera muhá komo esun seku.'

29:20 SEÑOR nunka lo ta dispuesto pa pordon'é, ma mas bien e rabia di SEÑOR i Su yalursheit lo kima kontra e hòmber ei, i tur maldishon ku ta pará skirbí den e buki aki lo sosegá riba djé, i SEÑOR lo kita su nòmber for di bou di shelu.

H3808 -- SEÑOR nunka -> shall never
H14 -- lo ta dispuesto -> be willing
H5545 -- pa pordon'é -> to forgive
H3588 -- , ma mas bien -> him, but rather
H639 -- e rabia -> the anger
H7068 -- i Su yalursheit -> and His jealousy
H6225 -- lo kima -> will burn
H376 -- kontra e hòmber ei -> against that man
H423 -- maldishon -> curse
H3789 -- ku ta pará skirbí -> which is written
H2088 -- den e -> in this
H5612 -- buki -> book
H3605 -- i tur -> and every
H7257 -- lo sosegá -> will rest
H4229a -- lo kita -> will blot
H8034 -- su nòmber -> out his name
H8478 -- for di bou di -> from under
H8064 -- Shelu -> heaven

29:21 E ora ei SEÑOR lo apart'é for di tur e tribunan di Israel pa atversidat, konforme tur e maldishonnan di e aliansa ku ta pará skirbí den e buki di lei aki.

29:22 "Awor e generashon ku ta bin, boso yu hòmbernan ku ta lanta despues di boso i e stranhero ku ta bin for di tera leu, ora nan mira e plaganan di e tera i e malesanan ku SEÑOR a afligié kuné, lo bisa:

H1755 -- "Awor e generashon -> Now the generation
H314 -- ku ta bin -> to come
H1121 -- , boso yu hòmbernan -> your sons
H834 -- ku -> who
H6965 -- ta lanta -> rise
H4480 -- despues di -> up after
H5237 -- boso i e stranhero -> you and the foreigner
H834 -- ku -> who
H935 -- ta bin -> comes
H7350 -- for di tera leu -> from a distant
H776 -- , -> land
H7200 -- ora nan mira -> when they see
H4347 -- e plaganan -> the plagues
H776 -- di e tera -> of the land
H8463 -- i e malesanan -> and the diseases
H834 -- ku -> with which
H2470a -- SEÑOR a afligié -> has afflicted
H559 -- kuné, lo bisa: -> it, will say

29:23 'Henter su tera ta swafel i salu, kimá pa kandela; e no ta wòrdu sembrá i e no ta produktivo, i yerba no ta krese riba djé, manera tempu di e destrukshon di Sodoma i Gomora, Adma i Zeboim, kualnan SEÑOR a destruí den Su rabia i den Su furia.'

H3605 -- 'Henter -> ‘All
H776 -- su tera -> its land
H1614 -- ta swafel -> is brimstone
H4417 -- i salu -> and salt
H8316 -- , kimá pa kandela -> a burning
H3808 -- ; e no ta wòrdu sembrá -> waste, unsown
H6779 -- i e no ta produktivo -> and unproductive
H3808 -- , i yerba no ta krese -> and no
H6212a -- yerba -> grass
H5927 -- ta krese -> grows
H4114 -- riba djé, manera tempu di e destrukshon -> in it, like the overthrow
H5467 -- di Sodoma -> of Sodom
H6017 -- i Gomora -> and Gomorrah
H126 -- , Adma -> Admah
H6636 -- i Zeboim -> and Zeboiim
H834 -- , kualnan -> which
H2015 -- SEÑOR a destruí -> overthrew
H639 -- den Su rabia -> in His anger
H2534 -- i den Su furia -> and in His wrath

29:24 I tur e nashonnan lo bisa: 'Pakiko SEÑOR a hasi asin'aki ku e tera aki? Pakiko e rabia furioso aki?'

29:25 "E ora ei e hendenan lo bisa: 'Pasobra nan a bandoná e aliansa di SEÑOR, e Dios di nan tatanan, ku El a sera ku nan dia ku El a saka nan for di tera di Egipto.

29:26 I nan a bai sirbi otro diosnan i a adorá nan, diosnan ku nan no a konosé i ku E no a duna nan.

29:27 Pesei e rabia di SEÑOR a kima kontra e tera ei, pa trese riba djé tur maldishon ku ta pará skirbí den e buki aki;

29:28 i SEÑOR a ranka nan ku rais ku tur for di nan tera ku rabia, ku furia i ku gran indignashon i a tira nan den un otro tera, manera ta awe.'

29:29 "E kosnan sekreto ta pertenesé na SEÑOR nos Dios, ma e kosnan revelá ta pertenesé na nos i na nos yunan pa semper, pa nos kumpli ku tur e palabranan di e lei aki.