Search the Bible

1 Pedro 1; 1 Pedro 2; 1 Pedro 3; 1 Pedro 4; 1 Pedro 5 BSNP Edit

1 Pedro 1

1:1 Pedro, un apòstel di Jesu-Cristo, Na esnan ku ta biba komo stranhero, plamá tur rònt den Ponto, Galasia, Kapadosia, Asia i Bitinia, kendenan ta skohí

1:2 segun e konosementu previo di Dios Tata, pa medio di e obra di santifikashon dor di e Spiritu, pa boso por obedesé Jesu-Cristo i wòrdu gesprèngu ku Su sanger: Grasia i pas sea ku boso den abundansia.

1:3 Bendishoná sea e Dios i Tata di nos Señor Jesu-Cristo, Kende, segun Su gran miserikòrdia, a hasi nos nase di nobo den un speransa bibu pa medio di e resurekshon di Jesu-Cristo for di e mortonan,

G2128 -- Bendishoná -> Blessed
G2316 -- sea e Dios -> be the God
G3962 -- i Tata -> and Father
G2962 -- di nos Señor -> of our Lord
G2424 -- Jesu- -> Jesus
G5547 -- Cristo -> Christ
G2596 -- , Kende, segun -> who according
G4183 -- Su gran -> to His great
G1656 -- miserikòrdia -> mercy
G313 -- a hasi nos nase -> has caused us to be born
G313 -- di nobo -> again
G2198 -- den un speransa bibu -> to a living
G1680 -- den un speransa bibu -> hope
G1223 -- pa medio di -> through
G386 -- e resurekshon -> the resurrection
G2424 -- di Jesu- -> of Jesus
G5547 -- Cristo -> Christ
G3498 -- for di e mortonan -> from the dead

1:4 pa optené un erensia ku ta inkoruptibel i sin mancha i ku lo no marchitá, ku ta reservá den shelu pa boso,

1:5 kendenan ta protehá dor di e poder di Dios pa medio di fe, pa un salbashon ku ta kla pa wòrdu revelá den e último tempu.

1:6 Den esaki boso ta regosihá grandemente, ounke ku awor pa un tempu kòrtiku, si ta nesesario, boso a wòrdu afligí pa medio di varios prueba,

1:7 pa e prueba di boso fe, ku ta mas presioso ku oro ku ta peresé, ounke ku e ta wòrdu probá dor di kandela, lo por resultá den alabansa i gloria i onor ora Jesu-Cristo wòrdu revelá;

G2443 -- pa -> so
G1383 -- e prueba -> that the proof
G4102 -- di boso fe -> of your faith
G4186 -- , ku ta mas -> ] more
G4186 -- presioso -> precious
G5553 -- ku oro -> than gold
G622 -- ku ta peresé -> which is perishable
G1161 -- , ounke -> even
G1161 -- , ounke -> though
G1381a -- ku e ta wòrdu probá -> tested
G4442 -- dor di kandela -> by fire
G2147 -- , lo por resultá -> may be found
G1519 -- , lo por resultá -> to result
G1868 -- den alabansa -> in praise
G1391 -- i gloria -> and glory
G5092 -- i onor -> and honor
G602 -- ora Jesu-Cristo wòrdu revelá -> at the revelation
G2424 -- ora Jesu-Cristo wòrdu revelá -> of Jesus
G5547 -- ora Jesu-Cristo wòrdu revelá -> Christ

1:8 i maske boso no a mir'E, boso ta stim'E, i maske boso no ta mir'E awor, ma ta kere den djE, boso ta regosihá grandemente ku goso inekspresabel i yen di gloria,

1:9 hañando komo resultado di boso fe e salbashon di boso alma.

1:10 I di e salbashon aki e profetanan, kendenan a profetisá di e grasia ku lo a bin pa boso, a hasi búskeda i investigashon ku tur diligensia,

1:11 buskando pa sa ki persona òf ki tempu e Spiritu di Cristo den nan tabata indiká ora ku El a pronostiká e sufrimentunan di Cristo i e glorianan ku lo a sigui.

1:12 A wòrdu revelá na nan ku no tabata nan mes, sino boso, nan tabata sirbi den e kosnan aki, ku awor a wòrdu anunsiá na boso dor di esnan ku a prediká e evangelio na boso pa medio di Spiritu Santu, mandá for di shelu--kosnan ku e angelnan ta anhelá di mira.

G601 -- A wòrdu revelá -> It was revealed
G1247 -- na nan ku no tabata nan mes, sino boso, nan tabata sirbi -> to them that they were not serving
G1438 -- nan mes -> themselves
G846 -- sino boso, nan tabata sirbi den e kosnan aki -> but you, in these
G846 -- e kosnan aki -> things
G3739 -- ku -> which
G3568 -- awor -> now
G312 -- a wòrdu anunsiá -> have been announced
G1223 -- na boso dor di -> to you through
G3588 -- esnan -> those
G2097 -- ku a prediká -> who preached
G2097 -- e evangelio -> the gospel
G40 -- na boso pa medio di Spiritu Santu -> to you by the Holy
G4151 -- Spiritu -> Spirit
G649 -- mandá -> sent
G3772 -- for di shelu -> from heaven
G3739 -- --kosnan ku -> things into which
G32a -- e angelnan -> angels
G1937 -- ta anhelá -> long
G3879 -- di mira -> to look

1:13 Pesei, faha e hepnan di boso mente, sea sobrio, fiha boso speransa kompletamente riba e grasia ku lo wòrdu tresí na boso na e revelashon di Jesu-Cristo.

1:14 Komo yunan obedesido, no konformá boso ku e pashonnan ku boso tabatin antes den boso ignoransia,

1:15 ma meskos ku Esun Santu ku a yama boso, boso mes tambe sea santu den tur boso kondukta;

1:16 pasobra ta pará skirbí: "Boso lo ta santu, pasobra Ami ta santu."

1:17 I si boso ta invoká komo Tata Esun ku imparsialmente ta huzga di akuèrdo ku kada hende su obra, komportá boso mes ku temor durante di e tempu ku boso ta pasa riba mundu,

1:18 sabiendo ku boso no a wòrdu redimí ku kosnan ku ta peresé, manera plata òf oro, for di boso manera bano di biba ku boso a eredá di boso antepasadonan,

1:19 ma ku sanger presioso, komo di un Lamchi sin defekto i sin mancha, e sanger di Cristo.

1:20 Pasobra E tabata konosí kaba promé ku e fundashon di mundu, ma a paresé den e último tempunan aki pa boso motibu,

1:21 kendenan pa medio di djE ta keredónan den Dios, Kende a lant'E for di e mortonan i a dun'E gloria, asina ku boso fe i speransa ta den Dios.

1:22 Komo ku den obedensia na e bèrdat boso a purifiká boso alma pa un amor sinsero pa ku e rumannan, stima otro fervientemente di kurason,

1:23 pasobra boso a nase di nobo, no di simia ku ta koruptibel sino inkoruptibel, esta, pa medio di e palabra di Dios ku ta biba i ta permanesé pa semper.

1:24 Pasobra: "Tur karni ta meskos ku yerba, i tur su gloria manera flor di yerba. Yerba ta seka i flor ta kai,

1:25 ma e palabra di SEÑOR ta permanesé pa semper." I esaki ta e palabra ku a wòrdu prediká na boso.

1 Pedro 2

2:1 Pesei, poniendo un banda tur malisia i tur engaño i hipokresia i envidia i tur kalumnia,

2:2 meskos ku yunan resien nasí, anhelá na e lechi puru di e palabra, asina ku pa medio di djé boso por krese den salbashon,

2:3 si boso a purba e kariño di Señor.

2:4 I biniendo serka djE manera serka un piedra bibu, rechasá pa hende, ma skohí i presioso den bista di Dios,

2:5 boso tambe, manera piedranan bibu, ta wòrdu edifiká komo un kas spiritual pa un saserdosio santu, pa ofresé sakrifisionan spiritual ku ta aseptabel pa Dios pa medio di Jesu-Cristo.

2:6 Pasobra esaki Skritura ta kontené: "Mira, Mi ta pone un piedra skohí na Sion, un piedra-di-skina presioso, i esun ku kere den djE lo no keda desapuntá."

2:7 Pa boso anto ku ta kere, e ta presioso; ma pa esnan ku no ta kere: "E piedra ku e trahadónan a rechasá, esaki a bira e piedra-di-skina prinsipal,"

2:8 i, "Un piedra di trompeká i un baranka di ofensa"; pasobra nan ta trompeká pa motibu ku nan ta desobedesido na e palabra; i ta pa esaki nan a wòrdu destiná tambe.

2:9 Ma boso ta un rasa skohí, un saserdosio real, un nashon santu, un pueblo pekuliar, pa boso por proklamá e alabansanan di Esun ku a yama boso for di skuridat na Su lus maraviyoso;

2:10 pasobra un tempu boso no tabata un pueblo, ma awor boso ta e pueblo di Dios; boso no a risibí miserikòrdia, ma awor boso a risibí miserikòrdia.

2:11 Stimánan, mi ta roga boso komo peregrinonan i stranheronan pa apstené boso di pashonnan karnal, kualnan ta bringa kontra e alma.

2:12 Laga boso kondukta ta ekselente meimei di e paganonan, asina ku ora nan kalumniá boso komo malechor, nan por, pa medio di boso bon obranan ku nan ta opservá, glorifiká Dios den e dia di bishitashon.

2:13 Someté boso mes pa kousa di Señor na tur institushon humano, sea na un rei komo esun den outoridat,

2:14 òf na gobernadónan komo esnan ku rei ta manda pa kastigá malechornan i pa elogiá esnan ku ta hasi bon.

2:15 Pasobra asina ta e boluntat di Dios, ku dor di hasi bon boso por silensiá e ignoransia di hende bobo.

2:16 Aktua komo hende liber, i no uza boso libertat komo un kapa pa maldat, ma uz'é komo esklabunan di Dios.

2:17 Onra tur hende; stima e rumannan, teme Dios, onra rei.

2:18 Sirbidónan, sea sumiso na boso shonnan ku tur rèspèt, no solamente na esnan ku ta bon i suave, ma tambe na esnan ku ta trabahoso.

2:19 Pasobra esaki lo haña aprobashon, si pa motibu di konsenshi pa ku Dios un hende wanta pena ora ku e ta sufri inhustamente.

2:20 Pasobra ki mérito boso ta haña si, ora boso peka i wòrdu tratá severamente, boso soportá esaki ku pasenshi? Ma si ora boso hasi loke ta korekto i ku pasenshi boso sufri pa e motibu ei, esaki ta haña aprobashon serka Dios.

2:21 Pasobra boso a wòrdu yamá pa e propósito aki, komo ku Cristo tambe a sufri pa boso, lagando un ehèmpel pa boso, pa boso sigui den Su pasonan,

2:22 "Kende no a kometé piká, ni mentira no a wòrdu hañá den Su boka";

2:23 i ora ku El a wòrdu zundrá, E no a zundra bèk; ora ku El a sufri, E no a menasá, ma a konfia Su mes na Esun ku ta huzga ku hustisia;

2:24 i E mes a karga nos pikánan den Su kurpa na e krus, pa nos, siendo morto pa piká, por a biba pa hustisia; pasobra pa medio di Su heridanan boso a wòrdu kurá.

2:25 Pasobra boso tabata dwal manera karné, ma awor boso a bolbe serka e Wardadó i Kuidadó di boso alma.

1 Pedro 3

3:1 Na mes manera, boso, esposanan, sea sumiso na boso mes esposonan, pa si algun di nan ta desobedesido na e palabra, nan por wòrdu ganá sin palabra pa medio di e kondukta di nan esposanan,

3:2 ora nan opservá boso kondukta puru i respetuoso.

3:3 I no laga boso dòrnamentu ta di pafó so--flègtmentu di kabei, bistimentu di hoya di oro, òf bistimentu di paña luhoso;

3:4 ma lagu'é ta e persona skondí di e kurason, ku e kalidat inkoruptibel di un spiritu suave i ketu, lokual ta presioso den bista di Dios.

3:5 Pasobra na e manera aki promé aya e muhénan santu tambe, kendenan tabata spera den Dios, tabata dòrna nan mes, siendo sumiso na nan mes esposo.

3:6 Asina Sara a obedesé Abraham i a yam'é señor, i boso a bira su yunan, si boso hasi loke ta korekto sin tene miedu di nada.

3:7 Meskos boso, esposonan, biba ku boso esposanan ku komprenshon, manera ku un vaso mas delikado, komo ku e ta hende muhé; i dun'é onor komo ko-eredero di e grasia di bida, pa boso orashonnan no wòrdu strobá.

3:8 Finalmente, boso tur sea di akuèrdo ku otro, teniendo kompashon ku otro, stimando manera ruman, i sea miserikòrdioso i umilde den spiritu,

3:9 no pagando malu ku malu òf insulto ku insulto, ma mas bien dunando un bendishon; pasobra boso a wòrdu yamá pa e propósito aki pa boso por a eredá un bendishon.

3:10 Pasobra: "Laga esun ku kier stima bida i mira dianan bon frena su lenga di loke ta maldat i su lepnan di papia engaño.

3:11 I lagu'é apartá su mes di maldat i hasi bon; lagu'é buska pas i siguié.

3:12 Pasobra e wowonan di SEÑOR ta riba e hustunan, i Su oreanan ta atento pa skucha nan orashon, ma e kara di SEÑOR ta kontra esnan ku ta hasi malu."

3:13 I ken lo por hasi boso daño, si ku tur zelo boso ta sigui loke ta bon?

3:14 Ma maske boso mester sufri pa motibu di hustisia, boso ta bendishoná. I no tene miedu di nan intimidashon, i no sea preokupá,

3:15 ma santifiká Cristo komo Señor den boso kurason, i sea semper dispuesto pa duna kontesta na kada un ku pidi boso pa duna kuenta di e speransa ku tin den boso, sinembargo ku suavidat i reverensia;

3:16 i mantené un bon konsenshi asina ku, si akaso boso wòrdu kalumniá, esnan ku falsamente ta akusá boso bon kondukta den Cristo por keda na bèrguensa.

3:17 Pasobra ta mihó sufri, hasiendo loke ta bon, si esei ta Dios Su boluntat, ku sufri, hasiendo loke ta malu.

3:18 Pasobra Cristo tambe a muri pa piká un biaha i pa semper, e hustu pa e inhustu, pa E por a trese nos serka Dios, siendo matá den e karni, ma hasí bibu den e Spiritu;

3:19 pa medio di Kende tambe El a bai i a prediká na e spiritunan den prizon,

3:20 kendenan un tempu tabata desobedesido, tempu ku e pasenshi di Dios a keda spera den e dianan di Noe, durante di konstrukshon di e arka, den kual algun, esta, ocho persona, a wòrdu hibá sano i salvo dor di e awa.

G4218 -- kendenan un tempu -> who once
G544 -- tabata desobedesido -> were disobedient
G3753 -- , tempu ku -> when
G3115 -- e pasenshi -> the patience
G2316 -- di Dios -> of God
G553 -- a keda spera -> kept waiting
G2250 -- den e dianan -> in the days
G3575 -- di Noe -> of Noah
G2680 -- , durante di konstrukshon -> during the construction
G2787 -- di e arka -> of the ark
G3739 -- , den kual -> in which
G3641 -- algun -> a few
G3638 -- , esta, ocho -> that is, eight
G5590 -- persona -> persons
G1295 -- , a wòrdu hibá -> were brought
G1295 -- sano i salvo -> safely
G1223 -- dor di -> through
G5204 -- e awa -> ] water

3:21 I korespondiendo na esei, boutismo awor ta salba boso--no e kitamentu di sushi for di e karni, ma un apelashon na Dios pa un bon konsenshi--pa medio di e resurekshon di Jesu-Cristo,

3:22 Kende ta na man drechi di Dios, despues di a subi na shelu, despues ku angelnan i outoridatnan i podernan a wòrdu sometí na djE.

1 Pedro 4

4:1 Pesei, komo ku Cristo a sufri den karni, boso arma boso mes tambe ku e mesun propósito, pasobra esun ku a sufri den karni a kibra ku piká,

4:2 pa e no biba mas e tempu ku ta rest'é ainda den karni, konforme e pashonnan di hende, sino konforme e boluntat di Dios.

4:3 Pasobra den pasado boso a pasa basta tempu kaba kumpliendo ku e deseo di e paganonan, hibando un bida di sensualidat, pashon, buracheria, paranda, fiesta di bebementu i idolatria abominabel.

4:4 I den tur esaki nan ta keda sorprendí ku boso no ta kore huntu ku nan den e mesun diluvio di libertinahe, i nan ta kalumniá boso;

4:5 ma nan lo duna kuenta na Esun ku ta kla pa huzga e bibunan i e mortonan.

4:6 Pasobra pa e motibu aki e evangelio a wòrdu prediká tambe na esnan ku ta morto, pa ounke nan ta wòrdu huzgá den karni komo hende, nan por biba den spiritu segun e boluntat di Dios.

4:7 Fin di tur kos ta serka; pesei, sea ku sano huisio i sobrio ku e propósito di por hasi orashon.

4:8 Riba tur kos, keda ferviente den boso amor pa otro, pasobra amor ta kubri un multitut di piká.

4:9 Duna posada na otro sin murmurá.

4:10 Komo ku kada un a risibí un don spesial, uz'é pa sirbi otro komo bon mayordomonan di e grasia multiforme di Dios.

4:11 Esun ku ta papia, lagu'é papia konforme e palabra di Dios; esun ku ta sirbi, lagu'é hasi esaki pa medio di e forsa ku Dios ta duna; asina ku den tur kos Dios por wòrdu glorifiká pa medio di Jesu-Cristo, na Kende ta pertenesé e gloria i dominio pa semper i semper. Amèn.

G1487 -- Esun -> Whoever
G2980 -- ku ta papia -> speaks
G5613 -- lagu'é -> ] as one
G2980 -- papia -> who is speaking
G3051 -- e palabra -> the utterances
G2316 -- di Dios -> of God
G1487 -- ; esun -> whoever
G1247 -- ku ta sirbi -> serves
G5613 -- lagu'é -> ] as one
G1247 -- hasi esaki -> who is serving
G2479 -- pa medio di e forsa -> by the strength
G3739 -- ku -> which
G2316 -- Dios -> God
G5524 -- ta duna -> supplies
G2443 -- ; asina -> so
G3956 -- ku den tur -> that in all
G3956 -- kos -> things
G2316 -- Dios -> God
G1392 -- por wòrdu glorifiká -> may be glorified
G1223 -- pa medio -> through
G2424 -- di Jesu -> Jesus
G5547 -- -Cristo -> Christ
G3739 -- , na Kende -> to whom
G1510 -- ta pertenesé -> belongs
G1391 -- e gloria -> the glory
G2904 -- i dominio -> and dominion
G165 -- pa semper -> forever
G165 -- i semper -> and ever
G281 -- . Amèn -> . Amen

4:12 Stimánan, no sea sorprendí pa motibu di e kandela di prueba ku tin meimei di boso, ku ta bin riba boso pa boso wòrdu probá, komo si fuera ta algu straño ta pasa ku boso;

4:13 ma segun e midí ku boso ta kompartí e sufrimentunan di Cristo, sigui regosihá; pa tambe na e revelashon di Su gloria, boso por regosihá ku gran alegria.

4:14 Si boso wòrdu reprochá pa e nòmber di Cristo, boso ta bendishoná, pasobra e Spiritu di gloria i di Dios ta riba boso.

4:15 Di ningun manera no laga ningun di boso sufri komo matadó, òf ladron òf malechor, òf un ku ta mete den asunto di otro;

4:16 ma si un hende ta sufri komo Cristian, no lagu'é sinti bèrguensa, ma den e nòmber ei lagu'é glorifiká Dios.

4:17 Pasobra ta tempu pa huisio kuminsá ku e hendenan di e kas di Dios; i si e kuminsá ku nos promé, kiko lo ta e resultado pa esnan ku no ta obedesé e evangelio di Dios?

4:18 I, "Si ta ku difikultat e hustu ta wòrdu salbá, kiko lo para di e impio i e pekadó?"

4:19 Pesei, laga esnan tambe ku ta sufri segun e boluntat di Dios enkomendá nan almanan na e fiel Kreador den e hasimentu di loke ta korekto.

1 Pedro 5

5:1 Pesei, mi ta eksortá e ansianonan meimei di boso, siendo mi mes tambe un ansiano i testigu di e sufrimentunan di Cristo, i un partisipante tambe di e gloria ku lo wòrdu revelá,

5:2 pastoriá e tou di Dios meimei di boso, hasiendo e trabou di kuidadó, no fòrsá, ma boluntariamente, segun e boluntat di Dios; i no pa ganashi desonesto, sino ku hopi afan;

5:3 no manera hende ku tin dominio riba esnan ku a wòrdu konfiá na boso, ma siendo ehèmpel pa e tou.

5:4 I ora ku e Wardadó Prinsipal paresé, boso lo risibí e korona di gloria ku no ta marchitá.

5:5 Boso, hobennan, meskos, sea sumiso na boso ansianonan; i boso tur, bisti boso mes ku umildat pa ku otro, pasobra "Dios ta resistí e orguyosonan, ma ta duna grasia na e umildenan."

5:6 Umiyá boso mes anto bou di e man poderoso di Dios, pa E por halsa boso na e tempu apropiá,

5:7 tirando tur boso preokupashon riba djE, pasobra E ta pèrkurá pa boso.

5:8 Sea sobrio, sea alerta. Boso atversario, e diabel, ta kana rònt manera un leon ku ta gruña, buskando ken e por devorá.

5:9 Ma resistié, firme den boso fe, sabiendo ku boso rumannan den henter mundu ta pasando dor di e mesun eksperensianan di sufrimentu.

5:10 I despues ku boso a sufri pa un poko tempu, e Dios di tur grasia, Kende a yama boso pa Su gloria etèrno den Cristo, E mes lo perfekshoná, konfirmá, fortalesé i stablesé boso.

5:11 Na djE sea e gloria i e dominio pa semper i semper. Amèn.

5:12 Pa medio di Silvano, nos ruman fiel, pasobra asina mi ta konsider'é, mi a skirbi boso en breve, eksortando i dunando testimonio ku esaki ta e grasia bèrdadero di Dios. Para firme den djé!

5:13 E iglesia ku ta na Babilonia, skohí huntu ku boso, ta manda saludo pa boso, i mi yu Marko tambe.

5:14 Saludá otro ku un sunchi di amor. Pas sea ku boso tur ku ta den Cristo. Amèn.