Tito 2

BSNP Edit

2:1 Ma pa loke ta boso, papia e kosnan ku ta pas pa doktrina sano.

2:2 Hòmbernan di edat mester ta moderá, digno, huisioso, sano den fe, den amor, den pèrseveransia.

2:3 Di e mesun manera, muhénan di edat mester ta reverente den nan komportashon, no kalumniadó, ni sklabisá na biña, siñando loke ta bon,

2:4 pa nan enkurashá e muhénan hoben pa stima nan esposo, pa stima nan yunan,

2:5 pa ta huisioso, puru, bon ama di kas, kariñoso, siendo sumiso na nan mes esposo, pa e palabra di Dios no wòrdu desonrá.

2:6 Di e mesun manera eksortá e hòmbernan hoben pa ta huisioso;

2:7 den tur kos presentá bo mes komo un ehèmpel den bon obra, ku puresa den doktrina, ku dignidat,

2:8 ku palabra sano ku no por wòrdu kondená, pa e oponente wòrdu brongosá sin ku e tin nada malu di bisa di nos.

2:9 Eksortá esklabunan pa ta sumiso na nan mes shon den tur kos, pa ta komplasiente, pa no pusta boka,

2:10 pa no hòrta nan shon den nada, ma pa mustra tur buena fe, pa nan por dòrna e doktrina di Dios nos Salbador den tur kos.

2:11 Pasobra e grasia di Dios a paresé, tresiendo salbashon na tur hende,

2:12 siñando nos pa renunsiá impiedat i deseonan mundano i pa biba huisioso, hustu i santu den e siglo presente,

2:13 wardando riba e speransa bendishoná i e aparishon di e gloria di nos gran Dios i Salbador, Cristo Jesus,

2:14 Kende a duna Su mes pa nos, pa E por redimí nos di tur inikidat i purifiká pa Su mes un pueblo pekuliar, ku zelo den hasimentu di bon obra.

2:15 Papia e kosnan aki, i eksortá i reprendé ku tur outoridat. No laga ningun hende despresiábo.

Tito 1 Tito 3