E Kanto di tur Kanto 3

BSNP Edit

E Kanto di tur Kanto 3

3:1 "Riba mi kama, nochi tras nochi, mi a buska esun ku mi alma ta stima; mi a busk'é, ma mi no a hañ'é.

3:2 'Mi mester lanta awor i bai rònt den stat; den e kayanan i riba e plenchinan mi mester buska esun ku mi alma ta stima.' Mi a busk'é, mi no a hañ'é.

3:3 E guardianan ku ta hasi ròndu den stat a hañami, i mi a bisa: 'Boso a mira esun ku mi alma ta stima?'

3:4 Apenas mi a pasa nan bai ku mi a haña esun ku mi alma ta stima; mi a ten'é i no kier a lagu'é bai, te ora mi a tres'é na kas di mi mama, i den kamber di esun ku a konsebími."

3:5 "Mi ta hura boso, O yu muhénan di Jerusalèm, pa e gasèlnan òf pa e binánan di sabana, pa boso no lanta ni spièrta mi amor, te ora ku e deseá esaki."

3:6 "Ta kiko esaki ta ku ta subi bin for di desierto manera kolumnanan di huma, perfumá ku mirra i sensia, ku tur sorto di polvo aromátiko di komersiante?

3:7 Mira, ta e stul ku nan ta karga Salomon riba djé; tin sesenta hòmber poderoso rònt di djé, di e hòmbernan poderoso di Israel.

3:8 Nan tur ta karga spada, i ta eksperto den guera; kada hòmber tin su spada na su hep, pa motibu di terornan di anochi.

3:9 Rei Salomon a traha pa su mes un karosa di palu di Líbano.

3:10 El a traha su speilunan di plata, su lomba di oro i su asiento di tela púrpura, su parti paden furá ku amor dor di e yu muhénan di Jerusalèm.

3:11 Sali, O yu muhénan di Sion, i keda wak rei Salomon ku e korona ku su mama a koron'é kuné riba e dia di su kasamentu, i riba e dia di alegria di su kurason."

E Kanto di tur Kanto 2 E Kanto di tur Kanto 4