Salmonan 83

BSNP Edit

83:1 No warda silensio, O DIOS; no keda ketu, O Dios, no keda sin aktua.

83:2 Pasobra mira, Bo enemigunan ta borotá; i esnan ku ta odiaBo a halsa nan mes.

83:3 Nan ta traha plannan astuto kontra Bo pueblo, i ta konspirá huntu kontra esnan ku Bo ta protehá.

83:4 Nan a bisa: "Laga nos ban kaba ku nan komo nashon, pa e nòmber di Israel no wòrdu rekòrdá mas."

83:5 Pasobra nan a konspirá huntu den ún akuèrdo, kontra Bo nan a sera un aliansa:

83:6 e tèntnan di Edòm i e ismaelitanan, Moab i e hagarenonan,

83:7 Gebal, Amon i Amalek, Filistea ku e habitantenan di Tiro;

83:8 Asiria tambe a uni ku nan; nan a bira un yudansa pa e yunan di Lòt.

83:9 Trata ku nan manera Bo a trata ku Madian, manera Bo a trata ku Sísara i Jabin, na e roi di Kison,

83:10 kendenan a peresé na Endor, kendenan a bira manera mèst pa tera.

83:11 Hasi nan nobelnan bira manera Oreb i Zeb, i tur nan prensnan manera Zeba i Zalmuna,

83:12 kendenan a bisa: "Laga nos tuma pa nos mes e lugánan di yerba bèrdè di Dios."

83:13 O mi Dios, hasi nan manera stòf ku warwarú ta lanta, manera bagas dilanti di bientu.

83:14 Manera kandela ta kima mondi-será, i manera un flam ta pega serunan na kandela,

83:15 asina pèrsiguí nan ku Bo tempestat, i terorisá nan ku Bo bientu fuerte.

83:16 Yena nan kara ku desonor, asina ku nan lo buska Bo nòmber, O SEÑOR.

83:17 Laga nan wòrdu brongosá i konfundí pa semper; sí, laga nan wòrdu umiyá i laga nan peresé,

83:18 pa nan por sa ku Abo so, Kende Su nòmber ta SEÑOR, ta e Haltísimo riba henter tera.Koré.