Salmonan 64

BSNP Edit

64:1 Tende mi bos, O Dios, den mi kehamentu; warda mi bida for di temor pa e enemigu.

64:2 Skondemi pa e konseho sekreto di e hasidónan di maldat, pa e tumulto di esnan ku ta kometé inikidat,

64:3 kendenan a mula nan lenga hasié mes skèrpi ku spada. Nan a mek palabra amargo komo flecha,

64:4 pa tira den skondí riba hende inosente; direpiente nan ta tira riba djé, i nan no tin miedu.

64:5 Un ta kurashá otro den planiamentu di maldat; nan ta papia tokante di ponementu di trampa den skondí; nan ta bisa: "Ta ken lo mira nan?"

64:6 Nan ta plania inhustisia, bisando: "Nos ta kla ku un kòmplòt bon planiá"; pasobra e pensamentu íntimo i e kurason di un hende ta profundo.

64:7 Ma Dios lo tira riba nan ku flecha; direpiente nan lo wòrdu heridá.

64:8 Asina E lo hasi nan trompeká riba nan mes lenga; tur ku mira nan lo sakudí kabes.

64:9 E ora ei tur hende lo haña miedu, i lo proklamá e obra di Dios, i lo konsiderá loke El a hasi.

64:10 E hende hustu lo ta kontentu den SEÑOR i lo tuma refugio den djE; i tur e rektonan di kurason lo gloria.