Salmonan 63

BSNP Edit

Salmonan 63

63:1 O Dios, Bo ta mi Dios; ku tur seriedat lo mi buskaBo; mi alma tin set di Bo, mi karni ta anhelá na Bo, den un tera seku i yen di set, kaminda no tin awa.

63:2 Pesei mi a kontempláBo den e santuario, pa mira Bo poder i Bo gloria.

63:3 Pasobra Bo miserikòrdia ta mihó ku bida, mi lepnan lo alabáBo.

63:4 Asina lo mi bendishonáBo tanten ku mi tin bida; den Bo nòmber lo mi halsa mi mannan.

63:5 Mi alma ta keda sasiá, komo si fuera ta ku tuti i vèt el a wòrdu sasiá, i mi boka ta alabáBo ku lepnan di alegria.

63:6 Ora mi kòrda riba Bo riba mi kama, mi ta meditá riba Bo den e vigilianan di anochi.

63:7 Pasobra Bo tabata mi yudansa, i den e sombra di Bo halanan mi ta kanta ku goso.

63:8 Mi alma ta tene duru na Bo; Bo man drechi ta sostenémi.

63:9 Ma esnan ku ta buska mi alma pa destruí lo baha den e profundidatnan di tera.

63:10 Nan lo wòrdu entregá na e poder di spada; nan lo ta proi pa lobo.

63:11 Ma e rei lo regosihá den Dios; tur esnan ku ta hura na djE lo gloria, ma boka di esnan ku ta papia mentira lo keda tapá.

Salmonan 62 Salmonan 64