Salmonan 58

BSNP Edit

Salmonan 58

58:1 Di bèrdat boso ta papia hustisia, O diosnan? Boso ta huzga ku rektitut, O yunan di hende?

58:2 Nò, den boso kurason boso ta obra inhustisia; riba tera boso ta midi e violensia di boso man.

58:3 For di den barika di nan mama kaba e malbadonan ta infiel; for di nasementu e gañadónan aki ta dwal.

58:4 Nan veneno ta manera veneno di kolebra; manera víbora sordo ku ta tapa su orea,

58:5 asina ku e no ta tende e bos di e enkantadónan, pa eksperto ku e enkantadó por ta.

58:6 O Dios, kibra nan djente den nan boka; ranka djent'i wowo di e leonnan chikitu, O SEÑOR.

58:7 Laga nan dirti, laga nan disparsé manera awa; ora ku e mek ku su flechanan, laga nan ta manera puntanan ku a bira stòmpi.

58:8 Laga nan ta manera sòldachi ku ta bira lebelebe segun ku e ta kana bai, manera e meskramnan di un muhé, kualnan nunka ta mira solo.

58:9 Promé ku boso weanan por sinti kandela di sumpiña, E lo bari nan bai kuné den un warwarú, tantu esnan bèrdè komo esnan seku.

58:10 E hustu lo regosihá ora ku e mira vengansa; e lo laba su pianan den e sanger di e malbado.

58:11 I hende lo bisa: "Siguramente tin rekompensa pa e hustu; siguramente tin un Dios ku ta huzga riba tera!"di David, tempu ku Saul a manda hòmbernan vigilá e kas pa nan mat'é.

Salmonan 57 Salmonan 59