Salmonan 57

BSNP Edit

Salmonan 57

57:1 Tene miserikòrdia di mi, O Dios, tene miserikòrdia di mi, pasobra den Bo mi alma ta tuma refugio; den e sombra di Bo halanan lo mi tuma refugio, te ora ku destrukshon pasa bai.

57:2 Lo mi sklama na Dios Haltísimo, na Dios, Kende ta kumpli ku tur kos pa mi.

57:3 E lo manda for di shelu i salbami; E ta reprochá esun ku trapa riba mi. Dios lo manda Su miserikòrdia i Su bèrdat.

57:4 Mi alma ta meimei di leonnan; mi mester drumi meimei di esnan ku nan rosea ta kandela, yunan di hende, kende nan djente ta lansa i flecha, i nan lenga un spada skèrpi.

57:5 Sea halsá ariba di e shelunan, O Dios, i Bo gloria ariba henter mundu.

57:6 Nan a prepará un reda pa mi pasonan; mi alma ta abatí; nan a koba un buraku mi dilanti; nan mes a kai aden.

57:7 Mi kurason ta para firme, O Dios, mi kurason ta para firme; lo mi kanta, sí, lo mi kanta alabansa!

57:8 Spièrta, O mi gloria; spièrta, arpa i lirio; lo mi spièrta e ourora!

57:9 Lo mi alabáBo, O Señor, meimei di e pueblonan; lo mi kanta alabansa na Bo meimei di e nashonnan.

57:10 Pasobra Bo miserikòrdia ta grandi te na e shelunan, i Bo bèrdat te na e nubianan.

57:11 Sea halsá ariba di e shelunan, O Dios, i Bo gloria ariba henter tera.di David.

Salmonan 56 Salmonan 58