Salmonan 53

BSNP Edit

Salmonan 53

53:1 E bobo a bisa den su kurason: "No tin Dios." Nan ta korumpí i a kometé inhustisia abominabel; no tin ni un hende ku ta hasi bon.

53:2 For di shelu Dios a wak abou riba e yunan di hende, pa mira si tin ún ku ta komprendé, ún ku ta buska Dios.

53:3 Kada un di nan a desviá; huntu nan a bira korumpí; no tin ni un hende ku ta hasi bon, ni sikiera ún.

53:4 E hasidónan di maldat no tin komprendementu anto, esnan ku ta kome Mi pueblo, komo si fuera ta pan nan ta kome, nan no ta sklama na Dios?

53:5 Aya nan tabata tembla di spantu, mientras ku no tabatin spantu; pasobra Dios a plama wesu di esun ku tabata kampa kontra bo; bo a brongosá nan, pasobra Dios a rechasá nan.

53:6 O ku e salbashon di Israel lo a bin for di Sion! Dia Dios trese Su pueblo, ku ta den koutiverio, bèk, laga Jakòb regosihá, laga Israel ta kontentu.David, tempu ku e zifeonan a bin bisa Saul: "No ta meimei di nos David ta skondí?"

Salmonan 52 Salmonan 54