Salmonan 52

BSNP Edit

52:1 Pakiko bo ta gaba tokante di bo maldat, O hòmber poderoso? E miserikòrdia di Dios ta dura henter dia.

52:2 Bo lenga ta inventá destrukshon manera un nabaha skèrpi, abo ku ta praktiká engaño.

52:3 Bo ta stima maldat mas ku loke ta bon, mentira mas ku papia loke ta korekto.

52:4 Bo ta stima tur palabra ku ta devorá, O lenga engañoso.

52:5 Ma Dios lo destruíbo pa semper; E lo kohebo sakabo for di bo tènt, i rankabo ku rais ku tur kitabo for di e tera di e bibunan.

52:6 E hustunan lo mira i teme, i lo harié, bisando:

52:7 "Ata, e hòmber ku no kier a hasi Dios su refugio, ma a konfia den e abundansia di su rikesa, i a fortalesé su mes den su mal deseo."

52:8 Ma pa loke t'ami, mi ta meskos ku un palu bèrdè di oleifi den e kas di Dios; mi ta konfia den e miserikòrdia di Dios pa semper i semper.

52:9 Lo mi alabáBo pa semper, pasobra Abo a hasi esaki, i lo mi spera den Bo nòmber--pasobra esaki ta bon-- den e presensia di Bo santunan.