Salmonan 29

BSNP Edit

29:1 Atribuí na SEÑOR, O yunan di e poderoso, atribuí na SEÑOR gloria i poder.

29:2 Atribuí na SEÑOR e gloria ku Su nòmber ta meresé; adorá SEÑOR den e splendor di santidat.

29:3 E bos di SEÑOR ta riba e awanan; e Dios di gloria ta strena, SEÑOR ta riba hopi awanan.

29:4 E bos di SEÑOR ta poderoso, e bos di SEÑOR ta mahestuoso.

29:5 E bos di SEÑOR ta kibra e palunan di seda; sí, SEÑOR ta kibra e palunan di seda di Líbano na pida-pida.

29:6 I E ta hasi Líbano bula manera bishé, i Sirion manera buey yòn i brabu.

29:7 E bos di SEÑOR ta spleit e flamnan di kandela.

29:8 E bos di SEÑOR ta hasi desierto tembla; SEÑOR ta hasi e desierto di Kades tembla.

29:9 E bos di SEÑOR ta hasi biná pari, i ta pela mondinan será laga nan sunú; i den Su tèmpel tur kos ta bisa: "Gloria!"

29:10 SEÑOR a sinta komo Rei riba e diluvio; sí, SEÑOR ta sinta komo Rei pa semper.

29:11 SEÑOR lo duna Su pueblo forsa; SEÑOR lo bendishoná Su pueblo ku pas.David.