Salmonan 132

BSNP Edit

132:1 O SEÑOR, kòrda riba David, i riba tur su aflikshonnan;

132:2 kon el a hura na SEÑOR, i a hasi promesa na Esun Poderoso di Jakòb:

132:3 "Siguramente lo mi no drenta mi kas, ni subi mi kama;

132:4 lo mi no pèrmití soño na mi wowo, ni madoho na mi klèp di wowo,

132:5 te ora mi haña un lugá pa SEÑOR, un lugá di biba pa Esun Poderoso di Jakòb."

132:6 Ata, nos a tende di esaki na Efrata; nos a hañ'é den e kunuku di Jar.

132:7 Laga nos drenta den Su lugá di biba; laga nos adorá na e banki pa Su pianan.

132:8 Lanta, O SEÑOR, drenta e lugá di Bo sosiegu, Abo ku e arka di Bo fortalesa.

132:9 Laga Bo saserdotenan ta bistí ku hustisia, i laga Bo santunan kanta di alegria.

132:10 Pa motibu di David, Bo sirbidó, no rechasá Bo ungí.

132:11 SEÑOR a hura un bèrdat na David, for di kual E lo no hal'atras: "Un di bo desendientenan lo Mi pone riba bo trono.

132:12 Si bo yu hòmbernan warda Mi aliansa, i Mi testimonio ku lo Mi siña nan, nan yu hòmbernan tambe lo sinta riba bo trono pa semper."

132:13 Pasobra SEÑOR a skohe Sion; El a deseá esaki komo Su habitashon.

132:14 "Esaki ta Mi lugá di sosegá pa semper; aki lo Mi biba, pasobra esaki Mi a deseá.

132:15 Lo Mi bendishoná e provishon di Sion abundantemente; lo Mi satisfasé su pobernan ku pan.

132:16 I tambe lo Mi bisti su saserdotenan ku salbashon, i ku alegria su santunan lo kanta na bos haltu.

132:17 "Ayanan lo Mi hasi e kachu di David spreit; Mi a prepará un lampi pa Mi ungí.

132:18 Su enemigunan lo Mi bisti ku bèrguensa, ma riba su kabes su korona lo resplandesé."