Filipensenan 3

BSNP Edit

Filipensenan 3

3:1 Finalmente, mi rumannan, regosihá den Señor. Pa bolbe skirbi e mesun kosnan no ta molèster pa mi, i ta un siguridat pa boso.

3:2 Warda boso di e kachónan, warda boso di e mal trahadónan, warda boso di e sirkumsishon falsu;

3:3 pasobra nos ta e sirkumsishon bèrdadero, ku ta adorá den e Spiritu di Dios i ta gloria den Cristo Jesus, i ku no ta pone konfiansa den e karni,

3:4 ounke ku ami mes por tin motibu di tin konfiansa den e karni. Si algun otro hende ta kere di por pone konfiansa den e karni, ami muchu mas:

3:5 sirkumsidá riba e di ocho dia, di e nashon di Israel, di e tribu di Benjamin, un hebreo di hebreonan; enkuanto Lei, un fariseo;

3:6 enkuanto zelo, un pèrsiguidó di iglesia; enkuanto e hustisia ku tin den Lei, sin kulpa.

3:7 Ma tur kos ku tabata ganashi pa mi, e kosnan ei mi a konsiderá komo pièrdè pa kousa di Cristo.

3:8 Mas ku esei, mi ta konsiderá tur kos komo pièrdè kompará ku e balor superior di konosé Cristo Jesus mi Señor, pa Kende mi a sufri pièrdè di tur kos, i ta konsiderá nan komo basura, pa mi por gana Cristo,

G3304 -- Mas -> More
G3304 -- ku -> than
G2233 -- esei, mi ta konsiderá -> that, I count
G3956 -- tur -> all
G3956 -- kos -> things
G2209 -- komo pièrdè -> to be loss
G1223 -- kompará -> in view
G5242 -- ku e balor superior -> of the surpassing
G5242 -- balor -> value
G1108 -- di konosé -> of knowing
G5547 -- Cristo -> Christ
G2424 -- Jesus -> Jesus
G2962 -- mi Señor -> my Lord
G3739 -- , pa Kende -> for whom
G2210 -- mi a sufri -> I have suffered
G2210 -- pièrdè -> the loss
G3956 -- di tur -> of all
G3956 -- kos -> things
G2233 -- , i ta konsiderá -> and count
G4657 -- nan komo basura -> them but rubbish
G2443 -- , pa -> so
G2770 -- mi por gana -> that I may gain
G5547 -- Cristo -> Christ

3:9 i por wòrdu hañá den djE, no teniendo un hustisia di mi mes ku ta bin for di Lei, ma esun ku ta dor di fe den Cristo, e hustisia ku ta bin di Dios pa medio di fe,

3:10 pa mi por konos'E, i e poder di Su resurekshon i e komunion di Su sufrimentunan, birando semehante na djE den Su morto,

3:11 pa mi por alkansá e resurekshon for di e mortonan.

3:12 No ku mi a alkansá esaki kaba, òf ku mi a bira perfekto kaba, ma mi ta hasi tur esfuerso pa mi por gara e loke pa kual ami tambe a wòrdu gará dor di Cristo Jesus.

3:13 Rumannan, mi no ta pretendé ku mi mes a gar'é kaba; ma ún kos mi ta hasi: lubidando loke ta keda atras i aspirando na loke ta dilanti,

3:14 mi ta hasi tur esfuerso pa alkansá e meta, pa haña e premio di e yamada selestial di Dios den Cristo Jesus.

3:15 Pesei, laga nos tur ku ta perfekto tin e aktitut aki; i si den kualkier kos boso tin un aktitut diferente, Dios lo revelá esei tambe na boso;

3:16 sinembargo, laga nos sigui biba na e mesun nivel ku nos a alkansá kaba.

3:17 Rumannan, uni boso pa sigui mi ehèmpel, i opservá esnan ku ta kana segun e patronchi ku boso a mira den nos.

3:18 Pasobra hopi ta kana, di kendenan mi a bisa boso hopi biaha, i ta bolbe bisa boso na yoramentu, ku nan ta enemigu di e krus di Cristo,

3:19 kende nan fin ta destrukshon, kende nan dios ta nan barika, i kende nan gloria ta den nan bèrguensa, kendenan ta pone nan mente riba kosnan terenal.

3:20 Ma nos siudadania ta den shelu, for di unda nos ta spera ansiosamente pa un Salbador, e Señor Jesu-Cristo,

3:21 Kende lo transformá nos kurpa despresiabel pa e bira meskos ku Su kurpa glorioso, pa medio di e poder ku E tin pa tambe hasi tur kos someté nan mes na djE.

Filipensenan 2 Filipensenan 4