Mateo 8

BSNP Edit

Mateo 8

8:1 I ora Jesus a baha for di e seru, multitutnan grandi tabata siguiE.

8:2 I mira, un leproso a bin serka djE, i a bùig te na suela Su dilanti, bisando: "Señor, si Bo kier, Bo por hasimi bira limpi."

8:3 I Jesus a saka Su man i a mishi kuné, bisando: "Mi kier! Sea limpi!" I mesora el a keda limpi di su lepra.

8:4 I Jesus a bis'é: "Mira pa bo no konta ningun hende; ma bai, mustra bo mes na e saserdote, i presentá e ofrenda ku Moisés a ordená, komo un testimonio pa nan."

8:5 I ora ku El a drenta Kapernaum, un senturión a bin serka djE i tabata rogu'E,

8:6 bisando: "Señor, mi sirbidó ta drumí paralisá na kas, i e tin hopi doló."

8:7 I El a bis'é: "Lo Mi bin kur'é."

8:8 Ma e senturión a kontestá i a bisa: "Señor, mi no ta digno pa Bo bin bou di mi dak, ma djis papia un palabra, i mi sirbidó lo ta kurá.

8:9 Pasobra ami tambe ta un hòmber bou di outoridat, ku sòldá bou di mi mando; i mi ta bisa esun aki: 'Bai!' i e ta bai, i esun aya: 'Bin!' i e ta bin; i mi esklabu: 'Hasi esaki!' i e ta hasié."

G2532 -- Pasobra ami tambe -> For I also
G1510 -- ta -> am
G444 -- un hòmber -> a man
G5259 -- bou -> under
G1849 -- di outoridat -> authority
G4757 -- ku sòldá -> with soldiers
G5259 -- bou -> under
G3004 -- di mi mando; i mi ta bisa -> me; and I say
G3778 -- esun aki -> to this
G3778 -- esun aki -> one
G4198 -- Bai -> ‘Go
G4198 -- i e ta bai -> !’ and he goes
G243 -- i esun aya -> and to another
G2064 -- Bin -> ‘Come
G2064 -- i e ta bin -> !’ and he comes
G1401 -- i mi esklabu -> and to my slave
G4160 -- Hasi esaki -> ‘Do
G3778 -- Hasi esaki -> this
G4160 -- i e ta hasié -> !’ and he does

8:10 Awor ora Jesus a tende esaki, El a keda atmirá i a bisa esnan ku tabata siguiE: "Di bèrdat Mi ta bisa boso, Mi no a haña ningun hende na Israel ku un fe asina grandi.

8:11 I Mi ta bisa boso ku hopi lo bin for di oriente i for di oksidente, i nan lo sinta na mesa huntu ku Abraham, Isaak i Jakòb den e reino di shelu;

8:12 ma e yunan di e reino lo wòrdu tirá den e skuridat di pafó; den e lugá ei lo tin yoramentu i mordementu riba djente."

8:13 I Jesus a bisa e senturión: "Bai, i ku sosodé ku bo manera bo a kere." I e sirbidó a wòrdu kurá na e mesun ora ei.

8:14 I ora Jesus a yega na kas di Pedro, El a mira Pedro su suegra drumí malu na kama ku keintura.

8:15 I El a mishi ku su man i e keintura a lagu'é; i el a lanta i a kuminsá sirbiE.

8:16 I ora nochi a sera nan a trese serka djE hopi hende ku tabata poseí pa demoño; i ku un palabra El a saka e spiritunan afó i a kura tur ku tabata malu,

8:17 pa por a keda kumplí loke a wòrdu papiá dor di profeta Isaias, kende a bisa: "E mes a tuma nos enfermedatnan riba djE i a karga nos malesanan".

8:18 Awor ora Jesus a mira un multitut di hende rònt di djE, El a duna òrdu pa pasa pa e otro banda.

8:19 I un eskriba a bin i a bis'E: "Maestro, lo mi siguiBo unda ku Bo bai."

8:20 I Jesus a bis'é: "Zoro tin kueba i parha di shelu tin neishi, ma e Yu di Hende no tin ningun lugá pa pone Su kabes."

8:21 I un otro di e disipelnan a bis'E: "Señor, pèrmitími promé pa bai i dera mi tata."

8:22 Ma Jesus a bis'é: "SiguiMi; i laga e mortonan dera nan mes mortonan."

8:23 I ora ku El a bai den e boto, Su disipelnan a siguiE.

8:24 I mira, a lanta un tempestat pisá riba laman, asina ku e olanan tabata tapa e boto; ma E mes tabata na soño.

8:25 I Su disipelnan a bin serka djE i a lant'E for di soño, bisando: "Señor, salba nos, nos ta peresé!"

8:26 I El a bisa nan: "Pakiko boso tin miedu, boso, hendenan di poko fe?" E ora ei El a lanta i a reprendé e bientunan i e laman; i a bira kompletamente kalmo.

8:27 I e hendenan a keda atmirá, bisando: "Ki sorto di hende esaki ta, ku asta bientunan i laman ta obedes'E?"

8:28 I ora ku El a yega na e otro banda na tera di e gadarenonan, dos hòmber poseí pa demoño, kendenan tabata sali for di e tumbanan, a bin kontr'E. Nan tabata asina violento ku ningun hende no por a pasa pa e kaminda ei.

8:29 I mira, nan a grita, bisando: "Kiko nos tin di hasi ku Bo, Yu di Dios? Bo a bin aki pa tormentá nos promé ku tempu?"

8:30 Awor na un distansia for di nan tabatin un trupa grandi di porko ta kome.

8:31 I e demoñonan a kuminsá rogu'E, bisando: "Si Bo ta bai saka nos afó, manda nos bai den e trupa di porko."

8:32 I El a bisa nan: "Bai!" I nan a sali i a bai den e porkonan. I mira, henter e trupa a basha na kareda for di e bahada steil bai den laman, i a peresé den e awanan.

8:33 I e kuidadónan di porko a hui bai den stat i a konta tur kos, tambe loke a pasa ku e hendenan poseí pa demoño.

8:34 I mira, henter e stat a sali pa kontra Jesus; i ora nan a mir'E, nan a rogu'E pa sali for di nan region.

Mateo 7 Mateo 9